泰基隆

营业中

休息中

今日行街原本主要係旺角，但因為查到深水埗玩具街有我要嘅玩具數量凈好少，咁同女朋友立即落去，行完買到心頭好當然就肚餓，就搜尋下附近有咩好食，之後搵到好近有E間泰菜就試下，去到門口串燒已經好吸引，但今次冇試到，綜合食物價錢又唔係貴，同其他泰菜價錢差唔多，上食物速度都快，可能少人，食物質素好好，首先講泰式鳳爪，酸辣配合適中，唔會偏向一面，柚子大蝦沙律，唔會好似有D舖頭多菜放底，然後幾粒柚子就算，佢個柚子大蝦沙律必食，蝦起碼4至5隻，然後柚子同炸蒜撈混，只有一片生菜放底，冬蔭功海鮮湯，酸辣度一流，我女朋友唔食得大辣都飲到2碗，唔會太多椰汁味，不過肉碎生菜包就唔辣，可能前面食物影響左，佢肉碎食到有豬肉味道，最後個炒飯，乾爽味道好好，隔左好內先食都好熱，一班朋友食飯可以考慮下，不過失色少少係冇啤酒，但老闆話可以買入去飲，不過我都叫左兩個椰青，35蚊個，好大個又清甜。

去深水埗做嘢，午飯時間，番茄師兄同蘇媽蘇媽門外都企滿等位嘅人，旁邊嘅泰基隆反而唔使等位，可以直入。一入到去，仲未坐低，隔住個口罩已經聞到貓味，問店員店內是否有貓，佢話有一隻，問我係咪驚貓。其實我唔驚，不過心諗：呢朕貓除其實都幾趕客，如果想嚟幫襯嘅，就要注意呢點。講返食物，同行友人推介泰式炒金邊粉，叫咗一客，份量頗大，金邊粉炒得幾香，條條分明之餘又唔會太多油，味道鹹酸得宜，入面嘅餸以雞肉，豆干，蛋絲，魚片為主，用料簡單卻豐富，整體質素唔錯。套餐附送熱洛神花茶，剛上枱時係一杯滾水加兩三粒洛神花，浸一段時間後，洛神花逐漸溶入水中，成杯飲品變為紅色，味道酸酸甜甜，好飲👍。

呢間黃店好岀名，成日見人介紹💛個日同朋友慶祝生日，老闆都好好會配合返我地，又冇收切餅費(可能冇諗過會有人喺佢餐廳慶祝生日掛😂)同埋真係幾抵食，比一般泰國餐廳平.🥥泰式炒金邊粉味道正正常常，略嫌冇乜鑊氣🤭以價錢取勝😌.🥥泰式香葉辣肉碎炒飯老實講個炒飯就真係幾失望嘅😂首先肉碎係少得可憐同埋完全冇炒香葉肉碎個陣香味🥲成碟飯貌似淨係落咗豉油去炒幾下咁☹️.🥥泰式馬拉盞炒通菜呢碟通菜就炒得唔錯，幾夠獲氣😝上網見啲人介紹嘅野食明明好吸引，可能串燒小食個類會好食啲，但主食就比較遜色🥢🍽味道: 2.5/5🏙環境: 2.5/5‍👨🏼‍🍳服務: 4/5💧衛生: 2.7/5💰價錢: 3.7/5

今次嚟到深水埗覓食 行行下無意中俾門口嘅香味吸引左走去望一望個餐牌 午餐價錢大眾化 絕對係適合肚餓的我們😂😂經過大門進入餐廳 座位大概有三十個 枱與枱之間唔算好近 坐得算舒服👍同行與友人一人一個午餐套餐海南雞飯免費加配梳打水 泰式金邊粉加泰式茶葉沖岀嚟嘅凍檸茶 食物加飲品係落單後好快送上 美食質素與香港其他一般泰國餐廳差唔多😊 但係疫情之下冇得飛泰國而掛住泰國美食的時候 絕對係一個好嘅選擇🛫 午餐每人平均消費五十左右 而且仲要免收加一！！！

近來深水埗開了很多文青店和特色Coffee Shop。我和友人與文青有很大距離，不過都去逛逛文青店，增加下文青感，哈哈！行完了文青店，大約6點9就到了這間餐廳！因為等位人數多，加上餐廳唔大，我們7:30才入坐，大家想試泰國菜都要耐心等候！幸好附近都有好多雜貨店，等下行下都好快過。我們點了細的海鮮冬蔭功湯，相比普通冬蔭功湯貴了$10，多了兩隻大蝦！大蝦幾好食的！不過如果唔想食蝦，就叫普通冬蔭功便可！另外，點了青咖哩雞配薄餅，青咖喱好好味，我和友人都很喜歡，但薄餅似乎放耐左，油都浸到淋左！個咖喱汁好好味，唔撈野食又浪費，唔知可唔可以配白飯呢！另外，我們點了泰式炒通菜和乾炒金邊粉！泰式炒通菜冇蝦醬和馬拉盞咁濃味，但有特別調味，所以都幾好食！點了的食物中，最喜歡是泰式炒通菜！而乾炒金邊炒則略醎呢。最後，我們點了珍多冰和泰式奶茶！味道與其他泰式餐廳差不多！食左咁多辣野，都好解喝！

大家如果是因為黃店而去，千萬不要去，這是一間偽黃店。我叫了炒河，等了10分鐘見未上飲品就覺得漏了單，問是否漏了單，說不是，很快就上飲品，然後等了15分鐘，隔離左右的食品都上了，惟獨我的食品未上，問侍應，他說因為全場得我一個叫炒河所以咁耐，那我以為多等一陣就到，始終我催了幾次，但我等多10分鐘仍未到，我問仍然用同樣理由敷衍我，最後我等足成個鐘才有炒河到。我付款時指出其不合理之處，完全無正面回應，只是不斷叫我收聲。作為一間餐廳，就算食物有多好吃也不應因為少人叫就將你叫的食品不斷拖後，那完全無態度可言，這樣只是為名為利，更枉論自稱自己是有良知的黃店，完全係偽黃店，希望大家不要撐這用政見作宣傳的店鋪，裏面根本沒有良知！

出開深水埗，又有機會搵食💛😋去咗泰 基隆 Thai Ki Lung叫咗海南雞飯、泰式乾炒牛河、冬陰公湯河3樣都好好味冬陰公唔太辣，因為我叫咗少辣，所以都好啱我口味🤣海南雞飯都唔錯，雞好滑。至於個乾炒牛河都ok。整體個食物水準係唔錯既。另外仲有杯洛神花茶對我嚟講係有驚喜嘅，因為之前試過係其他地方飲，超酸，好難飲，但呢度嘅洛神花茶唔會好酸，味道啱啱好，我都好鐘意飲😋🤤地址係基隆街241號就係北河街體育館果頭

週末又來到深水埗食午餐，揀左泰基隆。兩點幾嚟到好彩唔使等位😎夠鐘可以食下午茶，揀咗個泰式鳳爪配沙律。下午茶價錢好抵食！估唔到比坊間嘅都要辣！好辣🙈🙈呢個價錢份量算多👍🏻另外一個要泰式炒金邊粉味道好足夠，炒得幾乾身，而且好大碟！仲叫咗一個馬拉盞炒雜菜配飯呢個菜嘅份量就少咗啲，啲馬拉盞味都偏辣，配超多飯😂 午市套餐就包嘢飲，要咗青檸水，比較酸，如果甜返少少會好啲。同埋串燒6串，豬牛雞各兩串呢個好食！鍾意佢個沙嗲醬有一粒粒花生🥜啲肉都幾夠多😋

我地6點幾就去到，可能仲係早嘅關係所以唔駛等位，而且我都預左會坐得迫。因為放寬返4人限聚令嘅關係，而我地係2人食，所以俾2人位我地都好岩嘅，之不過張檯真係好細，放唔到幾多野。而且收銀附近貼左張紙，寫住因為得一個爐頭，所以野食會黎得好慢，要客人耐心等待。好啦，我地落左單，老闆都出黎交代聲話會耐少少，明嘅，咁我地等下啦。首先，最快黎嘅就係生蝦刺身$88有7隻（好單丁），肉質都唔差嘅，但係性價比底。之後等左15分鐘嘅泰式濕炒河(雞) $68因為即炒嘅關係所以熱辣辣，份量都夠2人食，都算幾好食。又等左10分鐘先黎到嘅泰式炒芥蘭（牛）$68，略縑唔多泰式，似中式多Ｄ，鑊氣差左Ｄ，不過牛肉都幾滑。再等多10分鐘黎嘅泰式蝦膠炸皮蛋($88)皮蛋正常但蝦膠有陣酸味又唔彈牙，大概係蝦膠已經唔新鮮，所以食左2舊我地放棄了，打包算（打包要收一蚊）。連埋2杯野飲就$360左右。質素我覺得一般，價錢又唔係特別抵食，都係返九龍城好似正宗D，而且出貨真係慢左些少（張張檯都催單），同埋出餐次序好似有Ｄ怪，我見隔離檯黎晒粉麵同炒菜，最後先黎沙律，攪到要打包。

午餐兩個人$96，有lunch set 大概都係45左右既價錢，包飲品一杯，凍飲加$3🥂🧃叫左泰式肉碎炒飯，我平時食得辣都食到佢d辣味，不過係好食既😋🌶飯底會有塊生菜墊底，食完個飯仲可以清一清個口🥬之後叫咗個滷水無骨鴨肉飯🦆🦆，啲鴨肉要連埋陳皮食會覺得好滑，有層次d。另外佢仲配備左啲泰式辣醬，好食😋🦆啲鴨肉冇牙都食到，好淋🗣低糖洛神花茶，因為要凍 所以加左$3泰式奶茶🥤不過不失有低消，不過都正常既。法例下而家每枱只可以有2個人。係店內有貼🍎日報，💛💛💛每一枱仲準備左酒精搓手液超級貼心👍🏻👍🏻🥰💕老闆同員工都好有禮貌👨🏻好nice

呢一晚揀左泰基隆，以前真係冇乜留意過呢間泰國野，直至出現黃色經濟圈！機會黎喇！今晚想食泰國野，一於行過去試試佢！好大盒呀！抵食！事先聲明，我係食晒架！泰式肉碎煎蛋飯$6x番茄同青瓜超新鮮，又爽又甜的！蛋煎得不錯，蛋黃入面仲有蛋黃汁！肉碎好多，辣椒都唔少，所以比較辣！但咁先夠香架嘛！呢個飯係會食到停唔到口咁，直到你飽到食唔落為止！😂本來仲想食串燒....但同款要兩串起......試問我邊度能夠再食兩串咁多呢.....等下次喇～IG : f.nbreak

疫情下減少左出街食既次數，但呢間為左食客安全寧願唔搭枱，用膠板封都只放用餐人數，仲要每張枱都有洗手液，抵讚！食物絕對唔差而且真。有泰國風味，嗌左青咖哩雞，泰式乾炒牛河同串燒，每樣食得出係即整已經好好，仲要價錢唔貴！特別係串燒！！！最推介係豬，爽又夠香！而牛河都炒得均勻，入面有芥蘭，蛋同蘿蔔，少少不足就係d河粉未有完全整開，但個味都好好！個青咖哩都香既，入面都有茄子，豆等配菜，均衡番😆埋單先18x，性價比真心高！

我走入這間位於基隆街的一間低調泰國菜黃店食午餐。點解話佢係低調？因為行多幾步就會見到高調、多人排隊的蕃茄師兄和蘇媽．蘇媽啦。雖然這間泰國餐廳比較低調，不過我覺得呢度嘅午餐好抵食，價錢由HK$42~HK$48，包一杯青檸水或洛神花茶，或加錢轉其他飲品，仲要免收加一㗎！老闆和店員好好人，廚師煮嘅嘢食又正，因為是由正宗泰國人嚟煮，唔怪之得好似係曼谷食泰國菜一樣咁好味啦，一定要多啲幫襯😋👍🏻 泰式炒金邊粉 (HK$45)大碟又靚賣相，鑊氣十足但又不太油膩，金邊粉炒得條條分明，唔會黐埋一舊舊。這個配雞肉，軟滑多汁，好味道，同我係曼谷食過嘅炒金邊粉一樣好味。泰式海南雞配油飯 (HK$48)雞肉，大大件、啖啖肉、無骨、有香濃雞味，雞皮都係滑捋捋㗎！叫咗少飯嘅油飯份量仍然好多，有雞油香但不太油膩，煮得啲飯晶瑩剔透，粒粒分明，加些酸辣汁一齊食，味道升華了。還有一碗多料嘅冬瓜湯飲，正呀～泰式凍咖啡 (跟午餐+HK$3)我喜歡少甜少冰，咖啡一大杯，咖啡味道濃郁，奶和咖啡各一半一半，正！呢度，原來外賣係有85折優惠㗎！睇吓餐牌有什麼可以點埋帶回家做晚餐先💛芒果糯米飯 (堂食HK$48，外賣HK$41)找勻全個

在禁堂食前幾日同朋友去了深水埗食泰國菜，這家都是黃店呀，聽聞很抵吃，過來試試看。點了一份青咖喱豬飯、炒金邊粉、柚子大蝦沙律和薄餅。柚子大蝦沙律好好食！醬汁好特別，是甜辣，較甜的，多蒜又好夠香同惹味～不過柚子好冰凍，似乎未解好凍呢。炒金邊粉都不錯，都是較甜的，再炒乾身一點就好。

其實佢同番茄師兄同蘇媽蘇媽同一條街，不過呢間泰國菜就可能比較少人留意到佢。🤣 見難得出深水埗就支持下。💛🙏🏻 呢啲抗疫時期，真香港人店更需要大家嘅支持。--🔥 泰式炒金邊粉 HK$45炒金邊粉份量好足，材料有雞同豆干，炒得比較濕身，少少甜，無乜辣味。.🍳 泰式燒豬頸肉煎蛋飯 HK$48呢個價錢黎講，燒豬頸肉分量都幾多，而且燒得幾香。配埋個酸酸辣辣嘅配醬同煎蛋撈飯不錯。.🌶 泰式鳳爪沙律 HK$32 (下午茶套餐)鳳爪勝在唔會為咗遷就香港人口味以整到好甜，味道少少辣辣地咁，但可惜鳳爪嘅份量真係相對比較少。.🥛 泰式奶茶 (套餐轉配+HK$3)點咗少甜少冰，雖然都仲係偏向甜，但係係接受嘅程度，而泰式茶味道都算幾重嘅。.🍋 青檸水 (套餐)--📌 以上套餐連飲品📌 免加一服務費