影片
食家推介
1561 浏览
KP老师带同学生及好友们于士美菲路市政大厦街市熟食中心聚餐，五人享用中式小炒o既同时，老师更诚意推介中心内一间名叫「泰地道」o既泰国菜。「泰地道」门面贴满食店所提供o既不同菜式，入面就系厨房，格局同其他店舖差不多，环境亦尚算简洁企理。店内有三位姐姐仔忙碌地工作，其中一位尤其好客风韵，虽然佢都识讲广东话，但其口音听起黎就似系泰国人；嘻嘻，泰国人煮泰国菜，果然够哂地道，餐厅个名「泰地道」改得真系贴切！当晚我地于「泰地道」一共点选咗三款经济菜式。泰式炒金边粉（$58）：用鐡镬上o既金边粉新鲜热辣镬气足，而且炒得好干身，配料中o既芽菜又够爽脆多汁，整体香辣惹味，老师真系冇介绍错！柚子沙律（$58）：沙律入口爽脆，柚子份量足，集酸甜香辣于一身，醒神又醒胃，清新美味！芒果黑糯米（$30）：甜品黑糯米即叫即煮，虽然要等一阵，但上枱时保证热辣辣，香甜软熟，绝对值得推介！
继续阅读
呢间泰地道开业两星期始被发现，原因就正因为士美菲路熟食市场出名平，但绝对适合无要求既人去食，所以系附近返工近两年只食过不足5次，仲要多数早上食碗粥，近日听同事讲，有好多铺已转手，谂住好奇去望望，因为坚尼地城已好难揾食😭 太多集团拥至😫 午市到来，大部分坐位都系男性劳动人居多，只有一间唔起眼既新泰菜只有一人坐，午市套餐都只系32-35蚊，仲有汽水😌绝对平民价啦😏到第二日，便相约同事去试菜，一坐低，店舖服务十分欣勤，女店主一听就知系泰国人，餐牌成十款之多，我地叫左海南鸡，炒金边粉，炒米粉，我地三人大为赞叹😆 油饭不是好出众，但黄黄的平均占在饭上，一绝！香港鸡也能煮到咁既质素，35蚊一大碟，去边度揾㖞😉 最爱两碟炒米，又唔油，干身，咸度偏中啖，最岩我呢d赖健康既人😆食完个次，已谂下次一定再帮衬，更希望呢间舖可继续系西环营业，起码大家可以多一个揾食选择😉每食一次就返去同老公介绍今日食咩，老公听到津津有味，所以今晚特意带埋阿仔黎接我放工，又试菜😜可能我地太早关系，去到全场无咩人，我地睇餐牌，价钱晚市比同区算经济，埋单结账都只系234，抵到呢😅 虽然，佢唔系所有食品都一绝，但用经济价可享不过不失既泰菜，大家都不防一试，令呢d少数既细舖可以继纪续经营，不至令佢地绝积😢留返多一个选择比大家😄
继续阅读