泰國市場餐廳

营业中

休息中

呢間舖直頭禾桿冚珍珠呀！老闆娘超好人，泰國人但一口流利廣東話。首先冬陰公超得，得在佢有蕃茄味，係泰國食過之後，香港一直搵唔到，一碗經已4，5隻蝦。第二，椰青，無一次係唔好飲，仲好有肉！好多地方唔係生，就無肉，呢度係次次都咁好！第三，老實第一次食呢間海南雞飯，雞不過不失啦～仲有個推介，炒金邊粉，今次無點，平日食係好特別架～夠甜，夠酸，正宗。 平日食既，一係偏甜，一係好酸，呢度係啱啱好！若果海南雞 同 金邊粉，都係金邊粉啦！

果日晚上落大雨好想快d食飯，路過門口見到全日免加一，而d菜都好平，4x-7x就有一碟，就入左。入到去見到d裝修好似港式茶餐廳，而且又得一台客食緊飯，咁平都冇咩人，果下覺得可能會中伏點知d菜竟然好好食又好地道最後食唔夠侯仲加多左碟添泰式雞肉炒金邊粉$46呢個金邊粉味道好好，無論質感定係調味都好好食，如果上面有花生碎就更正啦紅咖喱海鮮炒飯set $60呢個晚餐set包沙律，主菜同埋甜品，都係60蚊咋。沙律我地揀左青木瓜沙律，估唔到跟餐既前菜都有咁大碟，而且味道又係好好食個紅咖喱炒飯好惹味，但係入面有d好似香葉咁既嘢我唔係好鍾意，食唔慣個味道。唔知係呢度d嘢份量普通定係我地覺得好好食唔夠侯，所以又叫多左碟生菜肉碎包$55呢個有d可惜既係d肉碎炒得唔夠乾，下面竟然有汁，而且同平時食既比起身味道有d唔同，唔知差左d咩味。個生菜都係唔夠新鮮，下次唔會叫跟餐送既甜品，椰汁西米露膏，好食我地仲加左杯椰奶$15，入面竟然飲到d椰子肉碎，唔通係佢地自己打既？不過對於好鍾意食甜嘢既人黎講可能唔夠甜。估唔到求其入左間小店都咁有驚喜，重點係好平，兩個人食到勁飽都係食左$175咋！

剛剛搬黎依頭工作，唔知食乜。即管試試依間泰國野。外表睇落就好似麻麻地。裝修欠缺。但食評都唔錯。即管試試。午餐都唔係妳岩我啲胃口，散叫個泰式金邊粉試試先。我好鍾意食泰式金邊粉。係泰國都食過。香港其實啲泰國餐廳都係泰國人煮既。都肯定正宗。但唔同廚師處理手法都唔同。依間都應該係泰國人煮都ok唔錯。偏濕。味道都幾傳統既。料幾足。內面有啲切左細細粒既齋。口感豐富好多。芽菜同九菜都放哂落去炒。平時有啲餐廳，扮哂靚咁放哂係旁邊，我覺得唔係咁好，啲芽菜同九菜生勾勾，都唔知放黎做乜，食又唔好食。得個睇字。依到放哂落去炒好好夕。泰式奶茶又幾正。茶味幾特別，夠濃茶味。

泰式食店的外賣，黃咖喱軟殼蟹飯，黃咖哩完全沒有辣味，比較香甜，其實如果說是普通葡汁，也可令人相信，甜味咖哩，伴飯滋味。軟殼蟹輕輕炸過，不算太多炸粉，也不錯。濕炒河，比我想像中更加多汁，看賣相，其實看不到下面的河粉。河粉上邊有不少菜、肉片，還有大量汁醬。肉片夠林，但沒太肉味。河粉極粗，像陳村粉，吸汁但有些黏著一起。冬蔭功湯我一向麻麻，水稀稀又酸又辣，味道不覺討好。芒果糯米飯，份量不少，飯上多椰汁；芒果可能稍焗，色相欠佳，但仍算清甜，味道不錯。

今年做冬。特意選擇了吃泰國菜。有朋友介紹我來此店試試。兩夫婦小店營運。開業半年。之前都是做開酒店泰廚的。所以推介家人前來吃吃。仲有係全日不收加一今次因為我地想食咖哩炒蟹。生蝦刺身。所以預先打電話來訂枱及要求要吃海鮮。店主都非常有誠意介紹我地點樣分配食量。十四人份量驚人我地分兩枱坐。因為地方少少迫。所以都block了半個店給我地。可以坐得舒服啲。食物我地點了: 咖哩炒蟹。生蝦刺身。蝦餅。雞串。燒豬頸肉。冬蔭功。無骨鳳爪。木瓜沙律。清蒸盲曹魚。馬拉盞炒通菜。肉碎生菜包。海南雞飯。豬頸肉炒飯。芒果糯米飯。椰汁西米糕。因為南瓜布甸賣曬。今次無得試還可以自擄啤酒。十四人埋單都係每人百零蚊。今年做節食得非常開心滿意。此店推介可以小型聚會三五知己聚腳好地方店內仲有椰汁冰。龍眼冰及青檸梳打。依家還有泰式冷熱檸茶及奶菜

這家店門面普通，但因味道不錯，價錢實惠，每天套餐也有不同，故此，每星期也會來吃上一趟。店里坐位不多，四人卡位寬敞，建議早點到店內。以上都是定期每天必有餐牌。時日精選午餐必有泰式海南雞飯，平日必食之選。今天有軟殻蟹蛋黃咖啡配白飯，嘗試一下新款式。軟殻蟹整隻砍半上碟，口感香脆鬆軟，炸皮薄卻不油膩。蛋黃咖哩是我最喜歡的咖哩類型，軟滑蛋香的咖哩配上白飯或薄餅最合適48元午餐真的好吃又划算點了一杯熱檸茶。每次必送糖水，味道雖然香濃，但比上次甜了許多。看到旁邊桌妹子對糖水讚不絕口，應該是為了適合大眾口味。。。而變甜了

Love all of the food and the two owners, genuine lovely people are always willing to go the extra mile to please a customer. Fantastic taste and at an affordable price too! Will go back weekly for sure.

適逢朋友生日，就陪佢嚟大角咀搵食懷念一下佢嘅中學生涯食飯嘅地方見到呢道開咗間新泰國菜，老闆娘好熱情咁招呼我地入去試吓味道正宗價錢平過九龍城而因為當時我地有朋友生日，每樣甜品都叫，老闆特意將d甜品整成併盤話比我去影相😂😂有留意到當時舖頭應該啱啱開業佢每枱都送一兩件甜品比客人試味泰老闆同老闆娘都有同我哋傾吓計得知原來以前係酒店泰廚兩公婆開間小店想煮好食物比人客見到小店未有大裝修可能食物價錢平就係平在呢一點結果臨走買多個芒果糯米飯外賣友人都買南瓜布甸外賣走！芒果成個大大粒！

香茅豬扒河粉。$38可以揀冬蔭公湯或清湯 我揀左冬蔭公湯，個湯底唔差河粉都幾滑配料仲有白蘿蔔不過豬扒就麻麻了欠缺香茅味一大塊，剪2刀，但未斷，所以食時有點不便。泰式豬手飯。$45豬手幾淋肉嫩芥蘭新鮮整體味道如果可再濃味少少就好了

難得收早，仲要撞正中秋節正日，要早去拎位怕無位坐，鋪仔細細，我諗坐到十幾位度啦！一入到去，有靜女姐姐用泰文講.，「歡迎光臨」，氣氛非常好首先叫左生菜包食下先，原來有大，中，小，辣叫，小妹叫左小辣炸！我好怕辣得滯，但味道岩岩好，又多香草，好惹味必叫！泰式肉碎生菜包🌶一入門口，已經俾張盧魚相吸引到仲即刻問老闆仲有魚先！吾知係咪限量供應架好彩仲有，可以選擇焗或蒸，同友人決定試下蒸魚，焗，好似無咩驚喜湯底好正，如果再多啲湯，有粉絲落埋，我諗仲好正架😍😍係如果姐最後都飲唒湯青檸汁蒸盲曹魚🐟呢個海南雞飯，無骨架，淡淡肉，正！特別海南雞的辣汁，食得出吾係叫番來，係真係新鮮整架！要encore 撈飯！好正，油飯也一樣！好香，好正，落足料整！good good海南雞飯🏝🐓🍚泰式蝦醬吾同香港蝦醬咁咸！一啲都吾咸，仲好正！好有獲氣蝦醬炒通菜😋老闆見到我地食左咁多野，特登送多兩件西米糕！糯米飯超香，我諗有落班蘭葉度，一齊煮掛，好香仲有係泰國芒好正芒果糯米飯拼椰汁西米糕🙈🙈下次要再食！仲有龍眼冰同椰汁冰，無影到要繼續支持小店啊

我們選了泰式鮮蝦炒金邊粉，泰式海南雞飯及泰式豬頸肉炒飯。炒飯份量不大，飯質偏軟，味道適中，感覺不油膩，適合口味不重人士。這個海南雞得到一致好評，油飯雞味很重，香味濃郁，雞嫩滑雞味足，唯一不足就是份量不大，只適合辦公室人士吃，如果是做體力勞動的，應該填不飽肚子。這個炒金邊粉偏濕，不過味道不錯，蝦晶瑩剔透，鮮香，不過如果喜歡重口味，就會嫌味道淡。這家店位置原是一間拉麵館，現在新改友泰式餐廳，店家都是泰國人，餐廳不是那種環境很舒服的，不過吃的不錯。附近的不妨嘗試。