泰嘟嘟

营业中

休息中

到門口已經滿滿泰國風情入面卡位用左Tuktuk造型 即刻衝過去 我要坐🥰 牆身走泰國街頭風，氣氛一流 Menu選擇都幾多，同Frd子兩個人 決定要個2人餐 咩都有D✌🏻2人套餐 $298✌🏻🦀焗黃咖喱麵包軟殼蟹咖哩偏甜口味 唔食得辣既我岩晒，軟殼蟹炸得透徹香脆，重點❗️個麵包好好食❗️多士盒烤得外圍微微脆 內裡軟熟 沾咖喱一齊食 正! 🔥泰式串燒半打 (雞豬各半)燒得火侯幾好，個沙嗲醬好有花生香 成碟醬比我地舔晒🦐招牌月亮蝦餅估唔到咁大份量 8大件厚厚的，炸得脆口的，有兩款醬汁提供 同醬一齊食 惹味🧀火龍果芝士沙冰 (跟餐飲品半價) $18沙冰打得細緻無碎冰，表面芝士層好絲滑 甜中帶咸 芝士香味滲出 夾到火龍果味 唔會突兀* 套餐好抵食，多D人去就可以食多幾款招牌菜* 呢度既汁同醬全部都好好食 好惹味* 食物份量大 是夜食唔落甜品了

今日係Blue Monday梗係食返啲好嘢開心返啦嚟到奧運見到呢間五光十色嘅泰國嘢一於去試吓佢一入門口既牆掛門泰拳嘅服裝好特別，忍唔住望多幾眼坐低侍應就俾咗餐牌我哋見到佢有二人套餐，只係$298 就有三樣嘢食，超級抵泰國野好少做到咁平我哋叫咗咖喱麵包軟殼蟹咖喱椰香味好重 而麵包烘到好香脆用嚟點咖喱食一流軟殼蟹都炸到好酥 全部嘢加埋好夾因為有咖喱忍唔住點咗碗白飯呢個咖喱真係食幾碗白飯都冇問題另外叫咗明火大蜆煲佢嘅煲係有火喺下面熱住，無論幾時飲個湯都係熱辣辣個湯入邊有唔同嘅香料有少少似冬陰功嘅感覺超級好飲，忍唔住咩都未食就飲晒成煲湯入邊嘅蜆都超級多，起碼有二十幾至30粒粒粒嘅肉質都好飽滿個湯辣辣地，超級惹味之後仲叫咗豬手煲豬手超級腍 充滿骨膠原用嚟送飯都係一流另外估唔到下面仲有啲菜平衡返生食肉獸平時冇菜食🤣仲有兩隻蛋飲品方便我哋試咗芝士芒果沙冰芒果沙冰好細膩 甜度啱啱好而上面嘅芝士奶蓋超級鹹香 好味好味叫咗套餐飲品，仲有半價添叫咗咁多嘢食 最後埋單都係$360 真係好抵，下次嚟呢邊一定會再嚟食

琴晚心思思想食下泰國野，於是就嚟左呢間泰嘟嘟試一試去～好彩我6點幾就嚟到，去到7點已經要攞飛等位啦！有單點同套餐menu可以選擇～🍲豬手煲 - $108呢個豬手煲非常推薦‼️豬手炆得好稔，個豬皮好滑又充滿膠質，但仲有保留到肉質嘅口感，又炆得好入味👍🏻🍲椰青蜆湯 - $88個湯好清甜😋落左啲香茅令到個湯更加清爽。啲蜆都非常大隻！好新鮮都好鮮甜，一咬落去啲肉汁會爆出嚟😆🍗炭燒豬頸肉 - $78好爽口彈牙嘅豬頸肉👍🏻下面個有爐仔會座熱住個豬頸肉，唔洗擔心佢會凍左，可以慢慢享受☺️🥗蒜蓉炒椰菜苗 - $78好香口惹味😋椰菜苗炒得好爽口。食左咁多肉，食返啲菜去中和下油膩感都唔錯架👍🏻🥥椰青 - $38食泰國野我一定會嗌椰青，呢到個椰青都大大個又好甜😋識食一定會食埋入面啲椰子肉當飯後甜品！-總結：最後連加一，兩個人食左$430！以晚市同埋呢個水準嚟講，我覺得非常滿意😎建議大家都可以嚟試試～

泰國菜係香港人最鍾意食既菜式之一。❤️而今日我地就去左人氣泰國餐館—泰嘟嘟。🤤之前一直想試，聽講walkin去要等好耐先食到，所以我就一早book訂先😌。今日雖然係平日，但係眼見全場爆滿，睇黎都好受食客歡迎👏🏼！我地今日叫左個二人餐。價錢都係$298。相當抵食。我地揀左：🤩☺️1）泰式經典明爐烏頭🐟烏頭煮得好入味。夠曬熱辣辣。𥚃面仲有肉碎同粉絲，材料相當豐富呀🤩。2）招牌月亮蝦餅 蝦餅有8件，大大件，又煎到好香口。加埋少少辣醬，味道一流。兩個人食真係食到好飽呀🤣。3）招牌蟹肉炒飯 🦀炒飯大大兜，用大量蟹肉炒。炒飯粒粒分明，唔會太乾又唔會太濕，真係無得頂。👍🏼👍🏼食完3個餸已經覺得好夠飽，真心覺得好抵食。🤩

，生菜包好濕冇味，奶茶唔好飲好混濁，无味………………………………………………………………………………

，，生菜包好湿，无味，………奶茶唔好飲好混濁，无味奶茶唔好飲好混濁，无味………………………………………………………………………………

老細食鱔日記🪱9 食鱔老細出名係話題Terminator。只要佢參與既討論，就好似一扎烏蠅咁，大家都想捉住隻烏蠅捻爆佢嘅肚，唧佢啲腸出嚟，再將啲腸箍返佢條頸跟住用力一扯！成條脷根出咗嚟，然後再手起刀落！成個世界清淨曬！呢個境界，前無古人。主要係佢既內容都圍繞吹噓自己，冇聽人講，成個氣氛即時Elsa駕臨，冰雪奇緣。我需要同理心同温暖，於是黎到呢度。 🍖泰國野熱辣辣，椰子蜆湯，暖笠笠，最窩心，每隻蜆都漲卜卜，水汪汪，而且非常彈牙。另外不得不提嘅係個湯嘅甜味，特別之處係佢有兩種甜，一種喺椰子水嘅清甜，另一種喺蜆肉嘅鮮甜。配合埋啲菇，特別好味。我個人認為重點喺下面慶住既火，佢地知道湯一定要夠熱先好飲，所以黎嗰安排其實特別窩心，絕對係同理心嘅表現。 🍖我食泰國野一般都會叫生蝦，咖哩，冬陰功，串燒，芒果糯米飯吖咁。近期興起火山排骨，有新菜式所有特別想試。店員笑眯咪好cute咁問我：下，你一個人食吖？我就滿懷自信咁話應該ok吖。上到枱真係好巨型。其實個肉質好林，又有少少肥肉伴住，同埋面頭嘅青醬，所以我真係可以食到一件接一件。無奈佢真係太大舊，性價比奇高，一個人食真係有啲吃力，哩個時候窩心嘅說話又出現

今晚同朋友去左大角嘴好出名的泰國餐廳食飯。裝修亦好有泰國風情🤩我地坐卡位都好飲坐緊tuk tuk既凳咁😗1️⃣招牌焗黃咖喱麵包軟殼蟹黃咖喱辣得來帶點甜，所以好適合用麵包沾醬食😋而軟殼蟹都是新鮮即炸～熱辣辣好好味🤤2️⃣小食拼盤蝦餅｜春卷｜香葉雞｜魚餅我最愛係炸物🤣所以蝦餅香脆彈牙好岩我👍🏻3️⃣沙嗲串燒（雞肉及豬肉）肉質嫩滑、燒得亦香，沾沙嗲醬食好惹味🤤5️⃣飛天椰菜苗辣炒椰菜苗，好香口5️⃣椰青蜆湯湯很鮮甜，而每隻蜆都開口並沒有沙👍🏻6️⃣甜品拼盤西米糕｜千層糕｜芒果糯米飯千層糕好煙靭，而糯米飯都好軟糯配上椰汁好好味😋但美中不足是芒果不甜🥭7️⃣椰青好鮮甜解渴，椰肉都好嫩🧉

放工又去咗大角咀，今次同屋企人去慶祝，所以揀咗一間泰國餐廳，佢哋最鐘意食泰式菜！入到去個環境好靚，好有泰國feel，牆上嘅塗鴉同埋掛物都好靚！我哋3個人嗌咗個4人餐，仲加咗甜品，整體嚟講，每款食物嘅味道都做得好出色。火山排骨佢出住煙咁上枱，好有睇頭，比我呀媽打卡一流！個排骨煮得好淋，啲汁調得好好，煮得好入味！炭燒豬肉最特別係佢跟爐上，keep住啲豬頸肉熱，加上佢係炭燒，所以食得出佢個炭燒味好香，而且豬頸肉好爽口，一啲都唔梅！鮮蝦金邊粉除咗鮮蝦外，仲落咗好大塊魷魚，所以佢比起其他金邊粉，多咗份鮮味，金邊粉炒得啱啱好，唔會漿住，又唔會太油。肉碎生菜包洋蔥味好香，配上其他配料，調料都好出色，唔會太咸或者太辣，包淨咗嘅肉碎都可以就咁食，都唔膩，又唔油！雞豬串燒 啲肉好大舊，食得出佢用咗唔同醃料去醃，調味好出色，就算唔洗點汁都好夠味。食到呢到都飽飽地，之後就緊係嗌甜品埋尾！甜品拼盤芒果糯米飯個芒果好大舊，而且好甜，配埋椰汁，再加脆脆，好正宗嘅泰國味！糕點都好煙韌！珍多冰嘅椰汁味好濃好香！

最近吃泰菜上咗癮，同事推薦我公司附近嘅，店裡面有類似篤篤嘅設計卡位和球衣佈置，好花心思，我哋就點咗二人套餐，經濟又實惠，仲要顏值超高！！！🌋曼谷火山排骨巨好睇，上嚟果陣煙霧瀰漫，真嘅打卡要趁快🤣每塊排骨都超大！兩個人根本食唔晒🤤肉質軟糯，搭配上醬汁，風味一流😋🥓炭燒豬頸肉豬頸肉炭燒入味，厚切嘅口感超正！而且夾開上面嘅，下面都仲有超多！！！搭配醬汁真係好鬼正😋而且全程有蠟燭熱住好貼心☺️🍢泰式串燒（半打）雞肉同豬肉各半，均加入咗香茅醃制😍跟上嘅沙爹醬汁裡面有花生碎增加口感，一碟雖然好多，但系完全唔夠點🤤🦐生蝦（半打）哩度嘅擺盤真係令人眼前一亮，每個杯入面都有辣椒同生蒜，搭配泰式辣汁或者泰式青醬，任君選擇😉🍧菠蘿芝士沙冰超厚嘅芝士奶蓋擠喺沙冰上面，仲撒有菠蘿粒😍剛好聖誕節附近，仲插咗小牌牌好有心思😆小心思地方非常多，所以用餐過程都非常愉快☺️如果可以坐到卡座就更開心啦😆全程都服務貼心，唔會有唔耐煩之類嘅情況出現☺️

芭堤雅燒雞 $118同一般燒雞唔同 佢冇外皮酥脆 個質地有啲似海南雞 水份比較充足 好滑 油香四射 肉質鮮嫩多汁 使用泰式香料進行調味，如檸檬葉、大蒜、香茅和辣椒等搭配甜辣醬醬料美味冬蔭功海鮮金邊粉 $88由檸檬草、薑、辣椒等香料熬煮而成 帶來酸辣風味開胃 飲多幾啖湯 勁大隻大頭蝦 一開二邊金邊粉條細緻滑爽 吸收湯汁 豆芽 蘑菇 鳴門卷其他配料都相當豐富香蔥蒜蓉包 $48六磚金黃色蒜蓉包 散發出濃郁 蒜香綿軟麵包 如果嗌一份咖喱配算蒜蓉包咁就完美泰嘟嘟大角咀利得街14號地舖

見open rice有成500個好評咪搵日收工去左試叫左個2人餐有飯有魚有肉黎左個飯先個飯普普通通然後黎個魚個魚就唔差既之後黎個肉個肉其實係應該黎送飯因為個肉好多汁但個飯一早食曬上菜既次序有啲反智同埋個份量都唔夠2個人食都完全唔飽我一個人都食得曬.然後去到間鋪講真就唔多人既香港地依家有鬼餐廳會大排長龍咩個侍應就同我地講進食90分鐘個侍應西口西面好似唔憂做咁.Ok fine～又係香港比智商稅食飯同埋間餐廳有啲逼 望落感覺好亂

今日有活動，完咗係大角咀附近諗住搵泰國菜食同一班fd去黎到呢間，近8點都仲要等咗陣位，因為冇book到枱8個人嗌咗個6人餐同單點半打串燒，初初仲擔心唔夠食，結果食得好飽，仲要價錢親民，每個人平均$137平民價之餘菜式嘅質素都唔差！排骨好大一份，8個人都食唔晒，味道鮮甜，加上醬汁，同係泰國食嘅不分上下！炒金邊粉，炒飯，同生菜肉碎就正常發揮！份量啱啱好海南雞好滑，雞肉鮮嫩多汁，雞皮嘅口感滑嫩，肉質飽滿而不乾燥。咖哩牛腩煲，牛肉的口感醇厚，咖哩的香氣濃郁，並且口味層次豐富。咖哩嘅辛香同牛肉嘅鮮美相得益彰牛腩好和泰式奶茶口感豐富、滑爽而順滑。既有紅茶的淡雅香氣，又有牛奶的奶香豐滿Staff都好好人，雖然小店坐位有限我哋人又多，佢哋都幫助我哋可以坐埋一齊，而且唔會嫌我哋太遲黎，就算佢哋要收鋪都唔會啤住你趕你走。職員都好talkative and friendly，臨走前講咗句係朋友生日，叫停咗我哋，結果竟然送我哋雪糕食! 好難得遇到一間餐廳有好舒服嘅環境，令客人感覺開心滿足嘅職員，平價高質菜。一定會再去食！

收工同男朋友覓食☺️見到間泰國菜好多人排隊，心思思排埋一份等佐大概10分鐘左右就安排入座，餐廳好有泰國風情🇹🇭仲有嘟嘟車樣嘅4人卡位，打卡一流😍菜式款式齊全，價錢亦合理唔貴，仲有2人套餐選擇😍飲品點佐泰奶同椰青，椰青清甜新鮮，泰式奶茶亦十分地道明爐烏頭😍酸辣味啱啱好，魚好新鮮，非常惹味泰式菠蘿海鮮炒飯🇹🇭估唔到海鮮份量非常足☺️每啖都食海鮮同肉鬆，飯都炒得非常乾身串燒沙嗲☺️見係每台必點菜，肉質嫩滑唔乾，配埋惹味沙嗲汁，難怪個個都點地道又抵食泰國菜越黎越少，我同男朋友都邊食邊讚👍🏼咁近返工一定要經常黎食😍

今日去咗呢間泰國菜下午茶，呢間泰國菜位於美容坊附近係一間真係好有泰風味嘅餐廳，佢入面座位真係好似tuktuk咁，所以唔係成日覺得好有風味，另外食一個餐有嘢飲都係60幾蚊，所以都係性價比高