泰嘟嘟

营业中

休息中

聽朋友介紹呢間大角咀泰嘟嘟好似幾抵食，二話不說跟佢過嚟試下， 地方雖然唔係好大，但係勝在有特色，店員服務都好好 ，我哋食咗408四人餐，可以揀五樣餸， 真係超抵食呀！食咗個明爐烏頭， 黃咖哩牛筋腩煲 ，鐵板蠔仔炒蛋 ，海南雞等等。明爐烏頭先上碟，滾住熱辣辣好正，岩晒今日涼左食，烏頭都幾大條，同埋好多其他料，想講魚旁邊嘅菇都好好食，吸晒d鮮味，當然魚都好食好正！之後黃咖哩牛筋腩煲都幾好食，因為比較少食到，牛筋都幾大舊，好滑，配黃咖哩食原來都幾好食幾夾，仲有牛腩， 另外仲加咗啲薯仔，就咁食咖哩薯仔都好好食啦，送飯一流！美味！鐵板蠔仔煎蛋份量都好多，而且個煎蛋都煎得好香滑，一啲都唔老，而且下面仲有芽菜，啲芽菜先好食！吸曬啲蛋同蠔嘅精華，點埋辣醬一流呀！好惹味！海南雞都好食，好嫩滑，另外喜歡在下面有啲菜心，D菜心都好好食喎竟然！全部食曬！今晚食得好抵食，平均每人200都吾洗食到勁飽！！一定再嚟！

好耐之前去過呢間大角咀嘅泰嘟嘟食飯，過嚟呢頭做嘢就同朋友再食。二人餐 $248二人餐用可以任揀三樣嘢，我哋嗌咗一個飯一個面同一個小食拼盤。原來份量好多㗎，多到食唔晒！泰式小食拼盤(小)細嘅小食拼盤都好豐富，有四個蝦餅、四條春卷、兩條串燒、仲有兩隻雞翼添！真係差啲食唔曬呀！鮮蝦炒金邊粉金邊粉同炒飯都好大份，其實呢個餐嘅份量都夠三個人食，抵！金邊份好有咬勁，酸酸甜甜，加上青檸更加清新。海鮮份量都唔少，除咗蝦仲有啲魷魚。泰式菠羅海鮮炒飯雖然唔係原隻菠蘿上，但係一樣好香菠蘿味。仲有兩大粒青口添！啲飯識落都好鮮甜，好香口。菠蘿芝士沙冰 (+$16)跟餐飲嘢可以用半價價錢買，抵呀。頂部係芝士奶蓋，好有芝味，炎炎夏日飲菠蘿汁好清爽。泰式馬拉盞炒通菜 $58最後梗係唔少得叫碟菜食，我同朋友都好鍾意食通菜。馬拉盞好惹味，少少辣。通菜炒得啱啱好，冇出水冇變黑。

朋友仔介紹黎依間泰國餐試下🙋🏻‍♀️ 睇吓餐牌發現都幾抵食🙃 好多人都會選擇套餐😎💓去骨海南雞飯朋友仔唔食得辣，去骨海南雞就啱晒佢啦👍🏻 雞肉好滑，仲有大量雞胸肉，好健康呢😝💓檸檬蒸烏頭呢個係泰式招牌菜，基本上枱枱都會叫👻 青檸汁非常開胃，配上滑滑嘅烏頭魚肉，好正。仲有好多粉絲，吸晒啲湯汁😋😋💓泰式金柚子蝦沙律估唔到有咁多柚子😍 酸酸甜甜得來又好惹味😬 作為開胃前菜就最好不過😎💓菠蘿海鮮炒飯呢碟都非常抵食，有好多種類嘅海鮮粒，炒飯炒得好乾身，菠蘿粒簡直係畫龍點睛😜由於我哋叫咗套餐，可以優惠加配飲品🙋🏻‍♀️ 我哋當然一人一杯😙芒果椰汁沙冰：唔算好甜，芒果味啱啱好，有水準☺️鹹檸七：食咁多野當然要飲返啲有汽飲品～ cool～

成日去九龍城食泰國野，今次朋友帶左我去大角咀食，雖然係小巷到，但都唔難搵，太多野想食，兩個人都叫左好多焗黃咖哩麵包軟殼蟹厚厚嘅麵包，配上咖哩，送包一流，食落又唔會好dry好硬，不過略覺咖哩唔夠多，麵包食到最尾得番少少咖哩軟殼蟹比咖哩浸到好軟身，襯番麵包嘅口感，唔會一硬一軟印度薄餅除左麵包，食咖哩一定要食薄餅，就咁食個味已經好香，可以略點少少咖哩就ok份量都多嫁，有8小塊小食拼盤(大)拼盤有蝦餅，春卷，串燒，雞翼，香葉包雞，魚餅好鍾意蝦餅同串燒蝦餅炸皮唔會好厚，入面嘅餡都好有份量串燒亦唔會好韌泰式經典明爐烏頭第一次食泰式嘅魚，雖然叫左少辣，但我同朋友都一路食一路飲水有時都會怕d魚腥，但佢落左好多+香料，所以就算驚魚腥唔鍾意食魚嘅朋友都可以試下，魚下仲會有d菜，粉絲咁樣，都幾入味嫁

上網睇呢間餐廳好多好評咁, 於是入黎試下。餐廳既裝修真係好有泰國風, 而本人亦都係泰國既忠粉黎, 所以真係好有feel!叫左二人餐 $248 + 椰青 $30 + 泰式奶茶 $13, 揀幾個菜式想特別點評~泰式生菜肉碎包: 生菜份量大概有10片左右, 然後肉碎有微微既辣感, 上面落左少少青檸味黎提鮮, 用生菜包住豬肉碎黎食, 口感非常豐富, 而且唔係想像中咁辣, 所以食得辣既朋友, 不妨選擇呢碟菜式~炭燒豬頸肉: 師傅首先係廚房燒熟塊豬頸肉, 然後再切薄片, 令食害食得肚唔會覺得好漏好飽。而且上菜時, 會用個爐微微咁烘住, 保持返個溫度, 每片豬頸肉再配個醬汁一齊食, 豬頸肉既鮮味更為提升!泰式奶茶: 少冰, 但唔可以少甜, 飲落去茶膽味非常香濃, 好幼滑, 亦唔會覺得好甜, 不過冰粒稍為多左少少~但so far係幾好飲既, 所以唔覺意仲額外叫左杯添呀! 總括黎講, 性價比黎講, 的確好高! 因為份量多之餘, 質素亦好高, 而且價錢都相對便, 可能個地段係大角咀, 所以收費唔會太高, 其他餐廳既椰青起碼$50左右一個, 但呢間餐廳只係需要$30渣~~有興趣想食泰國菜既朋友, 不妨選擇呢

今日同同事放工一齊去食飯，大家都不約而同話想食泰國菜，喺OpenRice搵咗一輪，見到呢間餐廳個名好得意，就決定去試一試，嚟到餐廳，由於唔係繁忙食飯時間，餐廳未滿座，但見到每張枱既食物都好好味，我哋都迫不急待立即點餐，泰國菜必點的炭燒豬頸肉、冬陰公、芒果糯米飯，樣樣都好好味😋特別冬陰公湯，可媲美泰國當地美食，最後當然少不免的芒果沙冰，好好味，餐廳價錢唔算好貴，性價比高👍🏻👍🏻👍🏻👍🏻👍🏻👍🏻

唔知點解最近好鍾意食泰國料理，所以不停上網搵一啲比較多人推介嘅泰國餐廳，有一日咁岩喺IG見到有啲人推介呢一間泰嘟嘟，啲人話呢一間都算係隱世小店，因為佢位於街市附近，位置唔算好熱鬧同易搵，但係去到夜晚門口就會大排長龍，全因為佢CP值好高。星期一嘅晚上，我同朋友大概6:30到，餐廳已經坐滿左一半人，我哋走嘅時候大約7:45 ，門口已經由七八個人排緊隊，極度建議大家可以早啲去或者book定枱！入到餐廳，職員安排咗一個好有泰國feel嘅座位俾我哋坐，就係圖片所顯示嘅tuk tuk！呢度嘅食物價錢唔算好貴，而且份量好多，我哋叫咗一個二人套餐，再加3樣食物，埋單都係$578，如果係出邊嘅泰國餐廳，一定要$700~$800，終於明白點解啲人話呢一間CP值高！

今日朋友帶我去佢屋企附近食嘢，知道附近有一間平價嘅泰國餐廳，兩個人食二百幾蚊就有三個餸！仲要係大大碟，聽到都覺得好吸引，二話不說就去排隊，當時星期一平日8:00左右都有三個人等緊位。店舖細細間但係裝飾好有風格😍首先，我哋叫咗個二人餐$248揀三個餸1.豬頸肉通菜煲😋通菜味道濃郁，加埋炭燒豬頸肉，好似一個餸菜就食到兩樣嘢。（所以我哋冇再額外要炭燒豬頸肉）2.鮮蝦炒金邊粉真係估唔到個份量大到，兩個人都可以食到個肚頂住都未食得晒🤣 睇嚟一個二人餐其實都幾適合三個人食（但味道來講係唔錯嘅，食落仲有少少香草味道）3.招牌黃咖喱軟殼蟹👍推介！呢一款咖喱味道唔辣反而好香奶味，配飯一流！再加上軟殼蟹炸到酥脆酥脆，真係好正！仲有個大大方包磚！真係好豐富如果叫套餐加$78有一個大嘅冬陰功湯冬陰功湯都好濃郁，酸酸甜甜好開胃！大蝦都有兩隻仲有其他海鮮喺入面，湯料十足！

咩天氣都好 都好適合食泰國菜朋友介紹嘅呢間餐廳一入去就已經覺得好似去咗泰國咁再望一望Menu都有唔少地道嘅選擇天氣咁熱一嚟梗係要叫返個椰青先啦招牌黃咖喱軟殼蟹包炸得香脆嘅軟殼蟹 配埋濃郁嘅咖喱汁放喺覺得好香脆嘅包入面每食一啖包都吸收晒濃濃嘅咖喱汁呢個炭燒豬頸肉 真係好有誠意用一個小炭爐 咁我哋一路食嘅時候仲係熱嘅食下一舊食下又一舊 最後直頭想encore添主食方面就叫咗泰式金邊粉係偏酸嘅口味 啱晒我啦喺度食嘢真係好似去咗泰國咁希望快啲可以真係去泰國食啦

因為大角咀冇地鐵站嘅關係，自己一般都比較少過去。今日難得經過，哈，又俾我搵到一間隱世嘅好餐廳。👍🏼餐廳裝修都幾新潮，有霓虹燈配上改裝掛飾，俾人一種好有活力嘅感覺。首先黎到嘅野食，冬陰功湯！🙏🏼Sawatdee Ka 真係忍唔住講返句泰文，因為好飲到好似返咗泰國一樣，材料豐富就唔再講，值得一讚嘅喺去睇吓仲有個小火爐熱住啲湯，保證口感由頭到尾都係咁好。😎😎另外仲叫咗個燒大蝦，入邊啲膏多到爆咗出嚟，射到我成口都係，喜愛海鮮嘅人一定唔可以錯過。🤩🤩豬頸肉都幾特別，用和式嘅器皿裝住，感覺別有一番風味，有少少似食fusion菜嘅感覺。😌總括嚟講，大角咀嘅呢間餐廳俾咗我一個好好嘅用餐體驗，一定會再嚟。

傣傣椒麻雞 泰式煎蛋蓋飯泰國椰子水椒麻雞是單點沒有附飯炸的皮薄酥脆挺厲害，不敢吃辣可以接受的辣度，但少了點泰式酸辣的感覺٩(¨ )ว=͟͟͞͞空間不大，但看得出店家用心裝潢，整體乾淨舒適！

呢日午飯打算同飯腳門試d未去過既餐廳。見呢間餐廳咁hit，而且大角咀港鐵站行去都不遠，所以就決定黎試下。我地偷偷早左5分鐘出黎 ，黎到12點3左右，所以吾洗排隊直入，但去到1點左右就要等位。一睇就覺得正，食完都無失望 ，軟殼蟹炸到脆而不油膩，黃咖喱濃厚有層次，口感同味道都有驚喜。咋咋聲，香噴噴，份量又多。望落有少少油，但食落調味適中，有肉有菜，吾錯。起左骨望落都大大份，雞皮好骨，肉吾算鞋，仲送左兩條菜，值得一試。以為舊芒果會偏酸，點知又幾清甜喎。糯米飯分左兩大舊，方便share，椰汁味幾濃，甜度適中，飯後再食呢個甜品都吾會話食吾落。好少見泰國餐廳有芝士沙冰，呢度有芒果、菠蘿、西瓜、火龍果配芝士沙冰，幾有新意。

大角嘴雖然地理位置上有啲隔涉，但我好鍾意喺大角嘴搵野食。因為特色小店多，好多選擇。今日12點半左右到呢頭，見到間泰國餐廳未試過就入去試下。餐廳設計幾有特色，見到啲鐵通同霓虹燈令我諗起泰國既tuk tuk，兩邊牆掛滿泰國國旗，仲有好多各式各樣既物品，例如塗鴉、結他、波衫、泰拳褲、拳套...... 唔知係咪老闆私人珍藏 XD。佢啲set lunch 唔貴，5X-6X 蚊有交易。另外有二人、四人同六人套餐同埋單點餐牌，選擇多菜式又吸引。於是散叫左幾樣食物﹕海南雞半隻 – 隻雞唔算肥，亦冇皮同肉之間既啫喱，但雞肉依然嫩滑，而且啖啖肉，點埋個泰式醬汁好啱我口味。小食拼盤 (大) – 有6款小食 ( 包括蝦餅、春卷、串燒、雞翼、香葉包雞、魚餅 )，好似我地呢啲人數唔多，但又貪心想食好多唔同野食既人必點。野食夠熱，春卷好脆，味道正常冇特別。芒果糯米飯 – 上枱時見個芒果咁淺色，對佢冇乜期望。點知食落清甜多汁，糯米飯好軟糯，椰汁甜度適中，以呢個甜品作結非常完满。火龍果芝士沙冰 – 芝士味唔濃亦唔會膩，火龍果味都唔特出，勝在夠凍可消暑解渴。值得一讚係店員服務唔錯，會主動比細碟我地share 食，見食完又

重回曼谷夜市之旅天氣熱熱地，約埋朋友一齊去食泰國菜，喺利奧坊嗰邊有間新餐廳，見到都幾多人排隊，所以我地又試埋一份，大約等左15分鐘就有位入到去氣氛一流，好似去左Bangkok night market, 有幾張卡位設計成Tuk Tuk 車，勁想坐，可惜餐廳太多人，我惟有等嗰張枱既人食飽快手影張相食物方面，揀左個四人餐$408，可以揀五款小菜，另外，叫左套餐可以半價加野飲，超值泰式鐵板蠔仔炒蛋蠔仔新鮮嫩滑，唔會煮到過熟，配合甜酸醬，非常醒胃泰式菠蘿海鮮炒飯配料和份量十足，炒飯粒粒分明，醬汁入曬味 招牌焗黄咖喱麵包軟殼蟹必食推介，麵包香脆，軟殼蟹好大份，黄咖喱味道鮮明，唔辣，適合食唔到辣既人小食拼盤(小)泰式明爐花甲鍋超超超有泰式風味，適合食得辣既朋友，佢地話夠曬正宗，上菜時個爐仲係好熱，一邊食一邊keep warm 馬拉盞炒通菜（$58)芒果芝士沙冰

身為一個鍾意食泰菜嘅大角咀街坊，一直都想試晒呢頭所有泰國餐廳，今日輪到依間泰嘟嘟~ 舖頭座位唔多，我地兩個人大約八點前到，好好彩唔洗等位坐到最後一張吉枱一見到二人餐只係$248就可以揀三道菜，當中仲有海鮮，我地都二話不説揀咗花甲鍋，小食拼盤同菠蘿海鮮炒飯~ 加埋兩杯野飲同芒果糯米飯，真係好彩我哋兩個都好肚餓先勉強食得晒餐廳嘅二人餐份量絕對夠三個人食首先花甲鍋都有十幾隻花甲，隻隻鮮甜多肉，湯底酸辣惹味，加埋少少粉絲，索味一流~ 小食拼盤啖啖肉，我同男友都食到讚不絕口菠蘿海鮮炒飯真係名副其實，落咗好多波蘿肉同海鮮，絕對足料，份量仲大到其實兩個細食嘅人share 呢碟飯都夠飽~ 芒果糯米飯都非常出色，芒果肉好甜結果我地兩個人都捧腹而回，連男友本身唔係特別鍾意食泰菜都話抵食又好食，絕對值得encore最後我地臨走都大約8:45pm, 仲見到有人等位，所以如果大家要來食嘅話，記得早少少會好啲