泰嘟嘟

营业中

休息中

大角嘴都係比較少去既地區 個日咁岩去開奧海城 做完野 就同埋同事過去搵食醫肚 行左附近幾條街 （其實都幾靜）見到呢間泰嘟嘟坐滿人 而且望入去裝修比較特別 就決定食佢！我地就無叫套餐 （佢有2人4人6人俾你揀）首先去親泰式餐廳 menu唔睇都一要叫既就係生蝦 有6隻同12隻 上菜先知 佢地既sauce有2款 橙色傳統酸辣汁 綠色就薄荷加香草 薄荷既醬建議唔好點太多 會無左個生蝦既味炭燒豬頸肉 出面d鋪頭通常都係一碟 鋪塊生菜係底就上 呢個真係有surprise😯 用個mini size既爐上 會keep住熱 另外d豬頸肉厚度均一 廚師燒得非常靚 點埋類似甜酸汁既sauce 一d油膩感都無 燒菠蘿都有5，6舊 甜又多汁冬陰功海鮮金邊粉 材料豐富 蝦 青口 魷魚 蟹柳 秀珍菇 我淨係見到餸 見唔到麵 就知幾足料👍 湯底偏酸 小小辣 唔食得辣既人絕對可試👍 飲兩啖湯仲開胃😀蝦醬炒椰菜苗 呢碟反而辣 d辣椒有料到 唔係得個樣 我覺得係辣過冬陰功個湯🤣 如果有白飯 淨係碟菜都食幾碗野飲叫左2杯芝士奶蓋沙冰 菠蘿味 and 火龍果味好飲過出面好多既飲品店 我直情覺得似係食左幾個火龍果落肚🤣食到咁上下

今日同朋友去左大角咀既泰嘟嘟。咁岩我地做完運動好肚餓，所以好任性嗌左四樣野🤣大蝦粉絲煲：個煲都幾惹味下。最重要既主角-大蝦就夠哂大條。粉絲炆得幾入味下，加埋d蔥炸蒜一齊食都好正。飛天醬炒芥蘭：每次去泰國菜館都一定嗌碟炒菜。芥蘭唔會好油，亦鮮甜，配埋辣辣地又香既醬，非常夾！成餐飯最推介嘅係泰式辣椒膏炒花甲，啲花甲全部都勁大粒啖啖肉，而且個汁好惹味，配埋花甲食真係好夾，覺得呢味餸超啱用嚟送飯🤣最後嗌咗個馬拉盞豬頸肉炒河，呢個炒河除咗豬頸肉之外，其實仲有好多其他配菜。啲河粉同豬頸肉都好入味，豬頸肉外皮都煎得幾脆，舊肉就本身好juicy，同埋個炒河上面加咗啲炸蒜，撈埋落啲河粉食成件事好夾，而且惹味咗好多！餐廳環境方面，覺得間餐廳都幾舒服，座位好闊落，抵讚！雖然繁忙時間餐廳都坐滿晒人，但坐喺入面都唔會覺得好侷促👍

大排長龍既泰國菜，1830到咗，好在早d到，因為7點既時候已經full 晒 ， 建議book 枱。叫套戲最經濟實惠， 因為跟餐叫飲品有半價但要留意番叫啤油同椰青就要正價。我地一行4個人但因為比較大食 ，所以叫咗個6人餐$628可以選8個餸，另外加多個冬蔭海鮮湯$78，即係4個人食咗9樣野 。當中招牌焗黃咖喱麵包軟殼蟹好出色， 軟殼蟹同麵包好脆，咖喱汁好掛身而且味道有少少偏甜，好啱我口味。冬蔭海鮮湯78蚊好大兜，份量可以分到4大碗，而且入面好足料有青口，大頭蝦同魷魚！最後賣單每人都200蚊左右但食到9樣野 ，好滿足

今日放工同朋友去咗有美食集中地之稱嘅大角咀，試吓佢推介嘅一間泰國菜餐廳-泰嘟嘟😝餐廳嘅佈置好有品味，而且播放一啲流行音樂 ，更有氣氛～我地今次叫一個$248 二人餐，可以揀三款主食，性價比極高！另外都叫多左份酸辣鳳爪～泰式酸辣鳳爪 $68份量整體都算幾多，賣相吸引❤️味道酸酸甜甜之餘，撈埋啲木瓜絲口感好爽口！作為小菜真係幾開胃泰式小食拼盤 （小）小食拼盤分別有蝦餅、雞肉串燒、春卷、雞翼。串燒味道相當唔錯！咬落去好有炭燒香味之餘又嫩口😍春卷炸得好酥脆，餡料相當豐富👍🏻蝦餅熱辣辣真係好好食！配搭埋甜酸醬味道一流🤤炸雞翼新鮮炸起，咬落有肉汁，整體來講小食拼盤水準好高！好好食🤤🤤招牌焗黃咖喱麵包軟殼蟹上菜嗰刻真係嘩咗一聲🤣麵包真係十分之大，上面澆滿晒軟殼蟹同黃咖喱，一上枱就已經聞到陣陣嘅咖喱香味🤤🤤香濃既咖喱，配搭麵包來食十分正❤️軟殼蟹沾滿咖喱都仲可以好脆口，果然喺招牌菜啊😘泰式菠蘿海鮮炒飯份量又係勁多🤣炒飯粒粒分明，會每一啖都食到菠蘿粒，好足料🥳而加左腰果令到食起上嚟口感更加豐富，同添加左一份香味✨最後叫左一杯青檸梳打消除油膩感，正！當我哋食緊嘅時候，出邊已經排晒隊！就知呢間餐廳性價錢真係好高

呢間嘢朋友之前極力推介！話平兼好食，但係Walk in至少等半個鐘，對於我哋咁討厭排隊嘅人來講，梗係預先喺OpenRice度訂座🤣一去到覺得個環境幾得意好colorful，啲員工都好有禮貌👍我地一睇到個餐牌好愕然！！二人餐$2xx有成三個餸，仲要係大大碟嘅泰菜😱😱😱真係好誇張！！！！呢個純粹諗住試下啲雞滑唔滑，有啲後悔叫左呢個海南雞，唔係唔好食但係冇乜特別，早知就嗌佢最出名嘅炭燒豬頸肉啦🫣🫣冇諗過會喎，成隻軟殼蟹上😍黃咖喱啱啱好唔會太辣吾會太杰，汁又香又多，點佢個麵包=一絕👍👍花甲鍋d花甲大大隻啖啖肉，佢個湯酸酸甜甜咁好醒胃，呢個係必嗌之一❤️諗住收隊之際，聽到枱枱都叫芒果糯米飯，一心林住試下啦，點之。。。。。喜出望外既超級好食雖然芒果唔算好甜，個佢個白糯米飯真係贏成條街拍得住泰國食果d!結論：未食過既值得一試，一定唔會係唯一一次

其實一個人食一份海南雞飯都已經好夠飽, 不過而家好少食菜, 而且我超級鍾意食泰國O既椰菜苗, 所以叫左個例牌海南雞飯之餘, 重叫左個椰菜苗.本身鍾意食脆肉炒, 不過呢度冇, 而個馬拉盞炒椰菜苗又有個O向隔離, 咁應該正啦, 所以叫左呢個.平時食雞我必會要求只要雞胸, 不過今次唔記得左, 佢俾個個雞翼我, 而且有骨.冇乜PRESENTATION, 不過都算OK大份量.個椰菜苗我就覺得麻麻, O的汁好咸而且太多, 蓋過晒O的菜味.  面頭O的菜可以, 食到下面O的菜又黃又爛.  Overall 對碟菜係失望, 反而個海南雞飯就OK!

餐廳名字嘟嘟，係泰國其中一種交通工具，店內設有三腳車既特色卡位，下次一定要在openrice預早訂座，先有機會感受下坐喺車上開餐既樂趣。餐牌有二人套餐，可選三款不同既泰國美食，我哋另外再加個甜品，已經好飽好滿足：小食拼盤 (蝦餅、春卷、串燒、雞翼)：拼盤份量都幾多，蝦餅肉厚而且彈牙，春卷炸得香脆，串燒雞肉嫩滑無比、雞翼炸得好香口。炭燒豬頸肉: 豬頸肉用火爐暖住，裡面仲保留到肉汁，配埋個微辣醬汁，調味好出色，必點菜式。鮮蝦炒金邊粉：除左蝦，仲有魷魚、蟹柳、蜆肉、豆腐乾、蛋絲、醬汁味道酸酸甜甜，仲加左大量花生碎同埋青檸，呢個配搭簡直係炒金邊粉既精髓。芒果椰汁糯米飯：芒果好香甜、糯米飯熱辣辣，淋左好多椰漿喺面，煙煙韌韌好好食、超級邪惡。整體來說：餐廳食物水準高、出餐快、員工服務態度好、好多打卡位，一定會再嚟食。

朋友住大角咀，知道附近有間泰國菜，雖然地方細細，價錢經濟實惠👍🏿。❣️泰嘟嘟二人餐❣️十六款美食入面選三款👅泰式小食拼盤（小）蝦餅、春卷、串燒、雞翼一次過試勻四款小食，食泰菜必點❤️。蝦餅彈牙我最鍾意。👅泰式經典明爐烏頭烏頭size正常，魚肉嫩滑，食嗰陣時小心細骨。有粉絲和菇菇做配菜，大滿足👍🏿。👅泰式菠蘿海鮮炒飯有靑口、蝦肉、腰果、菠蘿🍍、靑豆、提子干，最驚喜有蜆肉😮‍💨，飯炒得夠乾爽👏。👅半價選特飲珍多冰🧊

今日約左舊朋友聚會，去大角咀食泰國菜。餐廳掛左好多泰拳波衫、拳套，加上好多泰國特式噴畫，泰國風味濃厚。我哋一行3人叫左6樣野食：香蔥蒜蓉包: 法包塗滿蒜蓉，烘得鬆軟，香氣撲鼻。小食拼盤 ：有4款包括蝦餅、春卷、串燒、雞翼，蝦餅夠彈牙酥脆、春卷炸得乾身、串燒雞肉火喉剛好、炸雞翼香噴噴。炭燒豬頸肉: 成個火爐上枱，賣相吸引，豬頸肉燒得恰到好處，肉質細嫩，美味可口。泰式鹹魚炒芥蘭: 芥蘭新鮮翠綠、泰式用鹹魚炒，咸香惹味。泰式乾炒牛河：牛肉份量多，加埋粟米芯、紅蘿蔔、炸蒜粒一齊炒，很正宗既泰式炒法。蝦醬肉碎炒飯：配料有蠟腸、鮮蝦、蛋絲、切粒青豆角、櫻花蝦，用蝦醬炒，令成個飯既味道更上一層樓。總結：食物好味，份量足，出餐快，值得推薦。

經常聽說這家便宜又好吃，終於有機會一嘗。但假日無法訂座加上情人節效應，最後等了一個多小時才能入座。店員都非常有耐性招呼客人，食物比想像中好食和飽足，加上這個價錢，沒有不再來的理由呀。▫️焗黃咖喱麵包軟殼蟹 $168一入去看到每一枱都有這一道，果然沒有令我失望。咖喱汁非常厚身，濃厚風味配上烤過的麵包十分好吃。炸過的軟殼蟹真的一口接一接在吃，也沒有出現剩下包沒醬配的尷尬情況。▫️鐵板蠔仔炒蛋 $88全晚最有驚喜的一道，蠔仔非常多配上蛋真的一口接一口，底下還有爽口的芽菜讓你轉換口味。▫️明爐花甲鍋 $108上枱時還才冒煙十分誇張，花甲非常鮮甜湯也非常好跟喝，要小心吃太快被湯燙死。▫️火龍果芝士沙冰 $32 芒果芝士沙冰 $32沒想到泰國餐廳的奶蓋這麼好喝，一下子以為是茶飲店的。但芒果汁感覺太甜，要配上奶蓋一起喝來中和味道。

食咁耐一直都排長龍，好高人氣😍🔥臨走職員都話平時遲啲黎都冇位食，大家最好book位呀❤️二人餐揀三樣嘢都係2百幾，好抵食呀😋不過因為我地又大食🤣所以都叫埋甜品同椰青1️⃣蟹肉炒粉絲即炒食落熱辣辣好新鮮💯炒粉絲乾身不油膩，好多蟹肉都好鮮甜🦀2️⃣馬拉盞西蘭花炒蓮藕第一次食泰國嘢炒蓮藕，爽口幾好食，馬拉盞就有啲偏鹹，但係配粉絲食就剛剛好一流😍3️⃣泰式辣椒膏炒花甲炒花甲唔會太辣非常惹味😋😋而且都幾大碟數埋有十幾二十隻，兩個人夠晒食😋4️⃣月亮蝦餅一份有八件，大件夾抵食🤣🤣差啲食唔曬🙈入面同平時食開既泰國蝦餅有啲唔同，多左啲爽口既粒粒食落無咁膩5️⃣芒果糯米飯6️⃣椰青椰青清甜冰凍，正呀爽呀🙌🏻🙌🏻最後雖然食到好飽但係都忍唔住嗌左個芒果糯米飯🍚甜甜的，畫上完美嘅句號。💯下次嚟一定要提早book定位坐tuktuk，打下卡，慢慢食，過下泰國🇹🇭癮先！餐廳個個服務態度都好友善，雖然好忙做到踢晒腳，但係佢哋都好快手，係咁幫手執走枱面上嘅嘢，埋單嘅時候仲會同我哋傾兩句問下覺得嘢食點🥰環境：🌟🌟🌟價錢：🌟🌟🌟🌟推介：🌟🌟🌟✨

大角咀好多好野食，呢間泰嘟嘟門面既燈色好似去左泰國咁呀。仲有tuktuk車做卡位，好正呀！代表泰國既物品掛哂係牆度。呢度環境好似去左泰國咁呀，令人食指大動！兩個人又忍唔住食好多野喇。飲品點左椰青同芒果芝士沙冰，芒芝冰太有驚喜，芝士同椰奶味好突出，芒果偏甜，夾埋一齊飲好濃郁豐富。椰青鮮甜，啖啖肉呀，食得出係新鮮椰青呢！泰式生海蝦（6隻）呢度擺盆好用心，每隻生蝦跟一個小杯，連埋泰式醬汁，同朋友share食既衛生又唔怕沾唔哂D汁呀。生蝦新鮮爽口，醬汁充滿泰式風情，調味十足。豬頸肉啫椰菜苗煲（馬拉盞）豬頸肉同菜既比例有1:1, 亦是十分抵，不過呢煲最出眾係椰菜苗，連同有火氣既馬拉盞口味，食過翻尋味。泰式明爐花甲鍋以前食開明爐魚，今次試明爐花甲，花甲隻隻都開口，絕無欺場，同埋好入味呀，肉質鮮嫩，配搭泰式明爐湯底好正。其實已經食到好飽，但因為杯芒果芝士沙冰實在太好飲，所以忍唔住點多杯火龍果芝士沙冰呀！火龍果味較為中性，無芒果🥭個種甜，但同芝士椰奶夾在一起又係出奇地獨特呢！

今日約左朋友係大角咀，經過見到呢間餐廳好多人，餐牌好多選擇，價錢平又幾吸引，即刻入去試下。原隻椰青海鮮焗飯（$88）製作需要20分鐘，個飯賣相仲靚過餐牌入面張相😍，開頭以為個飯應該好細，兩個人唔夠食，點知個飯勁足料，有青口，蜆肉，魷魚，蝦，椰青仲要大大個。啲飯係每一啖都佈滿椰汁，第一次食椰汁焗飯，味道相當之夾，食到最後仲可以刮啲椰肉食！炭燒豬頸肉（$78）單睇個賣相已經好加分，比左個爐燒住。豬頸肉肥瘦啱啱好，好香油脂味。睇落好似細細份，但份量絕對比得上其他餐廳既量👍🏻泰式鐵板蠔仔炒蛋（$88）炒蛋有鑊氣，絕對比得上大排檔食嗰啲，蠔仔份量亦好多，加埋佢個醬，食落更加惹味。泰式馬拉盞炒通菜（$58）味道中上，偏辣，份量好多。芒果芝士沙冰，火龍果芝士沙冰（$32@）兩杯一樣好飲，中意飲甜啲可以揀芒果味，味道同出面手搖店一樣，絕對唔會hea，鋪滿好厚芝士，芝士唔會太甜，味道岩岩好，食完辣野飲番啖好爽😋每樣野食價錢都唔貴，份量好多，兩個人食到好飽

一行過嚟見到門面已經勁有泰國feel～ 🇹🇭入邊仲有專門模仿泰國tuk tuk車嘅梳化坐枱添！天花板掛咗好多泰國國旗，仲要有埋霓紅燈裝飾～招牌：招牌焗黃咖喱麵包軟殼蟹超好食啵！個人超鍾意有椰奶味嘅黃咖喱，呢個超滿足到我嘅要求切開四舊多士再用每舊多士每一啖都嗦晒啲黃咖喱汁再食簡直係一個享受！軟殼蟹係畫龍點睛🦀配菜：泰式馬拉盞炒椰菜苗🥬椰菜苗超新鮮！爽脆鮮甜，平時喺街市都買唔到椰菜苗，呢度一碟份量已經有好多可以慢慢食。加埋馬拉盞落去炒嚟食好有泰國風味，同埋係辣㗎，啱晒鍾意泰國菜無辣不歡既一眾食神🌶粉麵：鮮蝦炒金邊粉🦐出色嘅金邊粉，有鑊氣，配料充足！有蝦、魷魚、蟹柳、韭菜、芽菜、細粒蜆、豆腐泡，配上彈牙嘅金邊粉

一直都想試呢間餐廳好耐，今日終於嚟到大角咀呢邊朝聖，餐廳店內既牆身掛左好多波衫拳服，仲有唔少街頭風格既裝飾，環境已經好有泰國既風情，今次仲好好彩可以安排到坐卡位，卡位都佈置到好似泰國既篤篤車咁，好特別🛺餐牌上啲野食價錢都唔算貴，而且仲好多唔同既款式，我地今次叫咗五款食物同埋一款飲品。黃咖喱菠蘿炒花甲平時食開都係咖喱配豬肉、雞肉或者牛肉，見到呢度有菠蘿同埋花甲呢個配搭好特別，於是叫咗嚟試下，花甲好新鮮好好味，仲好大盤好足料印度薄餅食得黃咖喱嘅主菜，當然要叫返個印度薄餅去配埋啲咖喱食，呢個配搭絕對係冇得輸😆雖然佢寫薄餅係兩塊，但切完出黎都有成8塊，份量好足夠蟹肉炒粉絲成日食泰式金邊粉既朋友不妨試下平時都少見嘅蟹肉炒粉絲，啲蟹肉鋪左響粉絲上面，食得出蟹肉嘅鮮味🦀，粉絲都炒得好香泰式飛天炒通菜呢個通菜加咗辣椒會有少少辣🌶️，不過平時唔算食得辣嘅我都接受得到，通菜亦都炒得好惹味燒菠蘿燒菠蘿上碟嘅賣相好靚，有埋個菠蘿皮，食完泰國濃味嘅菜式之後不妨食返個燒菠蘿可以解油膩椰青食泰國嘢當然要叫返個原個椰青先有泰國風情，食完濃味同辣嘢飲埋個椰青真係好滿足😋整體黎講呢間餐廳嘅泰式菜式款式多，份量充足，而且價錢