泰亞萊第2店 (已結業)

最鍾意食佢個海南雞飯同咖喱豬頸肉米線。d海南雞去晒骨，夠晒滑。d油飯好香，加埋d泰式辣醬甜甜辣辣好惹味。炭燒豬頸肉燒到啱啱好，又夠入味，好爽好香。加埋d咖哩汁d米線唔會咁寡。不過食過佢個炒金邊粉就麻麻地，濕得濟。佢地夜晚仲有串燒食，個雞全翼好入味，仲燒到好香添！價錢又平，午餐$30有埋嘢飲，可以揀涼粉冰或珍多冰嗰d都唔洗加錢。夜晚價錢一樣不過唔包嘢飲。好抵食！

間中都會賣串燒翻屋企食, 今次直情入去食, 叫了雞翼, 牛丸, 豬肉串燒各一, 其實, 串燒食過好多次, 應該是預先煮好再翻燒, 不過, 都算可以, 起碼雞翼皮脆肉熱, 醬汁些少甜, 如果加多些了辣就最好, 另外, 一個燒爐烏頭魚, 加一大碗湯汁, 味道略較淡, 沒有旺角食開的那麼酸和辣, 無論如何, 味道可以, 因為用化學火種(紫色品種), 食到七八成左右便息了火, 因為接近食完, 所不好意思叫伙計換, 加一碟炒飯和大啤, 炒飯味道不錯, 但飯身太濕, 不夠乾身, 沒甚鑊氣感, 大啤屬泰國品種, SINGHA, 味道不濃, 易入口, 服務水準也好, 通常泰國菜館的侍應都是泰國人, 泰國人多數都很有禮貌!

呢間是我中午常去食的其中一間食店, 最好食的一定係海南雞飯及豬頸肉味飯, 最唔好食的, 記憶中是有次晚飯時試的雞全翼串燒, 沒什麼味及點的醬汁好甜...個汁累事, 串燒唔點汁已經唔好食!海南雞飯 ~ 啖啖肉, 油飯亦好乾身, 加埋點雞的醬汁, 少少辣好惹味, 令我不嗜辣的都好喜歡, 亦因為這個汁令這碟飯加分! 曾試其他出名食海南雞飯的店, 雖然各有不同, 但講點用的汁, 這間是最惹味最好食的! 豬頸肉味飯 ~ 豬頸肉燒到又香表面又有少少脆, 舖滿成碟飯, 好吸引人! 其他的食物亦有一定的質素, 絕對可以去一試!! 而服務方面, 老闆好好人, 不過伙計都是泰國人或大陸人, 反應慢d...., 而且伙計計d價錢多人時會有點亂, 試過有收少或收多錢的情況...所以最好自己計定價錢!!

果日同老公兩個人中午去到紅磡, 眼見有好多食肆, 唯獨呢間鋪係兩點幾都仲要等位, 我地就決定要試試............我地叫左3樣野:1) 海南雞飯 (包drink) : $28 --> d 油飯very ok, 但d 雞一般!2) 泰式菠蘿炒飯 : $28 --> 好有鑊氣,d 飯有d 油, 但好大碟!3) 冬陰功金邊粉 (包drink) : $28 --> 我覺得冬陰功湯好味!!! 超平, 我未食過咁平既泰國菜, 以咁既價錢, 有咁既水準, 直得一試!