影片
招牌菜
泰式海南鸡饭，老实讲，我真系觉得鸡肉比以前淡口左又鞋口左啰，如果唔系有个油味饭加秘制泰式酸辣汁，斋食白切鸡的话就麻麻地喇。无骨海南鸡水准依然，皮香肉嫩，唔会肥腾腾。鸡髀肉非常滑溜弹牙实净有咬口，鸡胸肉软腍腍，满意 ﹗只鸡一定日日做运动，薄薄一层嫩滑鸡皮而且完全无肥膏㖞 ﹗自家秘制酸汁有保证，独门泰式酸汁非常醒脑开胃，饭都食多几啖。个酸汁好浓郁，非常惹味香口，不过净食个酸汁就有点偏咸呢 ﹗系要跟饭跟鸡并埋一齐食先有美味既化学反应。鸡油饭不黏不韧，只觉得系普通白饭加鸡油略炒，各自精采，味道略淡。泰国米既鸡油饭，不过不失，中规中矩，可以再干爽一点，再香浓一点 ﹗为何今日油味饭又湿又淡又一旧旧又唔够热架？因为 Happy Friday？还是师傅失恋呀？我要干爽咽韧饱满，香浓热腾腾既油味饭呀 ﹗谁知当三样食材合体加埋一齐食的话，会变得非常十分之美味非凡㖞，好神奇呢 ﹗我都系较喜欢用青瓜做伴碟，味道同香气非常清新，依家用白烚椰菜好似死气沉沉咁啰。我黎泰亚莱真系独孤一味海南鸡，我最钟意就系鸡架喇，要多几个同事一齐黎食，先有机会试多几款不同出品呢。泰式海南鸡半只，一碟海南鸡饭点够喉㖞，叫多半只叹先！冬阴功汤细，好搞笑，用炉上但无跟火呢，无紧要照饮。侍应阿姐话已经够热可以饮架喇，洗咩火㖞 ﹗好似心情劲靓㖞，笑面迎人又好口又风骚添，Good ﹗一定要趁热饮，冻左变得好咸呢。够酸带微辣有虾味有茄膏味又有椰香，见到有 1 只半虾咁多㖞，虾肉爽弹虽然无虾味。琴晚镖赛成班饮到醉醉地，险些儿即兴零晨飞埋去泰国食海南鸡呀，好采无机票乍 ﹗今日好鬼想食淀粉质，见咁耐无叫鸡，lunch 冲去整返只先。隔离个大婶迟黎先上岸抢我碟鸡饭 ﹗有无搞错呀，我落 order 先架，碟饭系我架 ﹗离晒谱啰，仲要靓过我依碟好多 ﹗
继续阅读
今日放左工，冇约到人加埋屋企又冇煮饭，于是就一个人求其揾间野食下，见到呢间餐厅都有一半位坐左人(平日呢区好多餐厅夜晚都系死寂)，咁就入去谂住黎1个quick dinner。一坐低睇餐牌，哗...几平下wo，根本系荼记价钱 ge 泰式餐厅，一个人食好难叫到小食，咁就only叫左个香叶辣椒肉碎饭试下，但等左成20分钟先黎，一放上table，已经闻到好大阵获气，所以等耐小小都ok ge，好过好多荼餐厅d 炒野食系完全冇获气，但其实我本身谂住佢系肉碎+白饭底，估唔到系炒饭。一食第一啖，哗....差d 热死，真系岩岩新鲜炒起，超级热辣辣，个饭真系唔错，d 饭炒得够干身﹑加埋d泰式调味料炒﹑令到味道好浓，但可能佢加左好多辣椒炒﹑所以我觉得太辣，而我自己本身钟意食辣野，所以都觉得好好味，但美中不足系肉碎唔够多，感觉上辣椒同露笋仲多过d肉碎;而旁边2块青瓜唔系一个装饰，其实系用黎解辣，当你太辣ge 时候食一啖，会帮你refresh 返。呢餐承惠38大元，整体黎讲，性价比好高，因为真系几平，下次我lunch 黎试下先。
继续阅读
至从在这家吃过之后～一直钟情于这里。每次跟老公去吃，都会点咖哩炒蟹和冬阴功。以前冬阴功里面的虾，好多的，这次去吃，觉得大大缩水，一共只有3个半只的虾，然后里面的蘑菇也不多。有点失望～现在点咖哩炒蟹也没有了我最爱的薄饼，话说薄饼跟炒蟹真的是绝配的。现在整个换了外观，用面包当容器，如果刚上的时候吃还不错。不过如果时间长了，面包吸收太多汤汁，在吃口感真的是和薄饼差太多了。哎～还是中意我的薄饼配炒蟹啊。这次点了干炒牛河，刚吃的时候口感会有一点点特别，但是不会是必点之物。以后还会去的，希望变回以前那样吧。
继续阅读
今日在红磡开工,呢到有间泰国餐厅，平，靓，正， ，我好多时经过都会食佢地海南鸡味饭，留意，是味饭 ，加杯龙眼冰，佢海南鸡味饭有咩特色 ，当然是鸡滑有味 ，但其实佢鸡虽然靓，但最突出是佢地d饭，是好有心机搅成，粒粒饭都有一种香味，似椰香，比鸡更出色 另外送的冬瓜汤都ok,入面有鸡 ，龙眼冰跟餐不用加钱 ，够甜，龙眼味重 无骨鸡配香饭 大大粒龙眼
继续阅读
每次经过这里都会被那香喷喷的串烧味吸引,但总是来去怱怱,没有时间去试下! 今次终于有机会同黄兔试试 店内比较细,坐得挤迫我地叫了:马拉盏炒通菜 - 份量多够镬气,味道不错,略嫌咸了少许串烧鸡翼,猪肉,鸡肉 - 串烧好香,烧得不会干身,还保留肉质软熟,再加上串烧汁更加惹味泰式海鲜湿炒河 - 湿炒茨汁太多,海鲜料份量一般,但河粉软滑,味道可以咖哩软壳蟹 - 虽然咖哩没有辣味,但咖哩汁非常惹味,捞饭食更一流,软壳蟹味道也不错,略嫌薄饼比较㶶椰汁珍珠凉粉冰 - 珍珠同凉粉令到椁汁冰好有口感,椰汁味香浓好味
继续阅读