泰中意

营业中

休息中

今天我們來到大圍的「泰鍾意」享用美味的泰國菜，其實我已經多次光顧這家餐廳，但每次都是因為太好吃掛念著品嚐而忘了拍照。這次難得有十幾個朋友一起聚餐，所以我決定好好記錄這次的美食體驗。⭐️飲品推薦：- 泰式檸蜜梳打：這杯飲品真的百喝不厭，每次去到我都必點，還一定會 refill。所有朋友都讚不絕口，這是我最愛的飲品之一。菜品推薦：⭐️泰式炸蝦餅：蝦餅外脆內軟，非常彈牙，熱辣辣的口感和新鮮感讓人欲罷不能，配上他們的秘製醬汁更是絕配。⭐️炭燒豬頸肉：這道菜是我的最愛，炭烤外層香脆，內部充滿肉汁，味道剛剛好，我可以輕鬆吃掉一整盤。⭐️炭燒魷魚：每次點燒魷魚我都擔心會太老，但這家餐廳的炭燒魷魚完全不會，每一塊都入口鬆軟彈牙，口感完美。⭐️泰式生蝦刺身：必點菜品之一，新鮮的生蝦刺身配上美味的醬汁，還有香脆的炸蝦頭，絕對是味蕾的享受。⭐️泰式燒牛肉：愛吃牛肉的朋友千萬不要錯過這道泰式燒牛肉，濃郁的牛肉味道和剛好足夠的份量，滿足味蕾。⭐️馬拉盞炒椰菜苗：惹味的馬拉盞炒椰菜苗，味道非常好，讓人食指大動。⭐️菠蘿海鮮炒飯：超足料的菠蘿海鮮炒飯，原隻菠蘿滿溢的飯裡有青口和蝦，讓人滿足。⭐️雞肉青咖喱配薄餅：這道菜是我的最愛之一

大圍隱世泰國菜，唔係搵朋友都唔會去依頭估唔到平日晚都幾多人🐷碳燒豬頸肉$78 （必點）外層微焦脆，有碳香味，肉質彈牙，熱辣辣好Juicy，配埋個酸辣汁好正旁邊仲有好甜既菠蘿🍍🐟鹽燒烏頭（$178）制作需時，預大概半個鐘左右，條魚燒得好香，魚皮燒到脆卜卜，魚肉鮮嫩，有另外附上酸酸辣辣既泰式汁，好開胃條魚好大條，3-4個人食都無問題泰式炒金邊粉金邊粉有好多芽菜同花生碎，令口感更加豐富，裡面蝦肉彈牙

泰中意餐廳位於新界沙田大圍田心村254號地下,餐廳裝修簡約以木系為主調,牆上掛有泰式圖案和大象圖案,外邊綠色裝修份外搶眼,餐廳主打泰國菜,還有其他中式和意大利食物供客人選擇,服務員招呼親善有禮。煙三文魚牛油果雜菜沙律沙律除咗三文魚和牛油果還有車厘茄,芝士和醋汁,雜菜新鮮爽口酸酸甜甜,飲品有熱檸水。蔥油炭燒豬扒飯豬扒飯上桌好搶眼,超級大大塊炭燒豬扒有2件,配有蔥油和車厘茄,豬扒經廚師炭燒後,表面微微碳香味,入口鬆軟香口多汁,點埋個蔥油更惹味、飲品有凍檸水。泰式拼盤泰式拼盤有香葉包雞,蝦餅,素菜春卷,單骨雞翼和魚餅,香葉包雞食落香口嫩滑,蝦餅炸到金黃色,食落彈牙爽口,素菜春卷入口鬆化,單骨雞翼外脆內嫩,魚餅香脆美味可口。芒果紫米露甜品芒果紫米露.紫米露表面被白色椰醬完全覆蓋,入口軟糯微甜,芒果新鮮香甜。

呢間係泰式+西式餐廳 真心好啱我😻雖然我唔食辣 但偏偏好鐘意食泰國/越南/韓國嘢🤧有啲餐廳大部分都係辣嘢為主 變相我就得好少選擇 呢間我嗌到放滿曬成枱😂😂🍴泰式炸蝦餅🦐🍴燒牛脷🍴碳燒豬頸肉🍴Pad Thai🍴菠蘿海鮮炒飯🍍🍴馬拉盞炒通菜🍹蜜糖青檸梳打結果係完全食唔曬😂因為每碟都好足料🙈泰式炸蝦餅淨係叫咗半份 份量已經好夠菠蘿炒飯堅多海鮮😂另外燒烤嘢極推薦😋有碳香嘅豬頸肉 上枱影完相都仲係熱辣辣🙈完全唔會好乾 燒到有少少燶邊好香 味道甜甜地 加埋個酸辣汁唔會膩✨️個牛脷都燒到好香 而且咬落去超軟青檸梳打雖然唔係啲咩特別嘢但係每次我想叫啲refreshing啲嘅嘢飲叫青檸soda都會覺得唔甜唔想飲😂(sor嗜甜如命但佢呢杯係加蜜糖嘅！！！開心到要加3個感嘆號Btw連啲伴碟嘅菠蘿都勁甜 比我食曬😂😂😂

餐廳門面綠色裝修搶眼，遠處就已經見到，同朋友經開嗰頭，就入去就試試。我哋兩個人點咗以下：🐷 碳燒豬頸肉（$78）豬頸肉🐷燒得外層微微焦香。配上特製醬汁，真心極度推介！🥬 泰式香辣肉碎生菜包（$88）辣度剛好，唔會太辣，內裡有肉碎、辣椒🌶️、洋蔥🧅、羅勒葉🌿等材料，恰到好處👍🏻🌿 香葉肉碎炒河（$88）火喉相當足，炒得好入味。🍍 菠蘿雞絲炒飯（$105）份量大，味道濃郁，唔會太油膩。🧉 椰青（$45）巧合地睇到佢試業期間餐廳仲有啤酒買二送一嘅優惠，不過我叫咗椰青，就冇叫到。整體性價比高，朋友剛從泰國返嚟都話唔錯！

🦐 生蝦刺身（$168）蝦刺身好新鮮鮮甜，配上蒜片，辣椒同酸辣汁，好味到食唔停口；蝦頭用左椒鹽炸，可以食埋佢入面嘅蝦膏，一味兩食🥬 泰式香辣肉碎生菜包（$88）入面有肉碎、蝦乾、洋蔥、羅勒葉，芫荽同辣椒，加上青檸汁，好香好惹味，用清甜爽口嘅生菜包埋一齊食，正👍🏻🐖 碳燒豬頸肉（$78）豬頸肉份量比我想像中多，好抵食；而且豬頸肉燒到有香脆燶邊之餘仲鎖住肉汁，食落去唔嚡口，配埋個蒜蓉辣椒醋就更加惹味🦐 大頭蝦冬蔭公湯（$88）好足料，湯料基本上佔左湯嘅一半；有大蝦、蝦仁、洋蔥、蘑菇同蕃茄，冬蔭公連埋蝦殼一齊煲，好鮮味，飲落口好滑，而且酸酸辣辣，好開胃💚 泰式炒通菜（$73）通菜用左豆瓣醬再加辣椒，好惹味，而且菜唔會炒到好油膩，通菜亦保持爽脆🧡泰式炒金邊粉（$95）泰式炒金邊粉入面有花生碎、蝦仁、雞絲，豆腐乾；金邊粉炒得軟滑入味，味道偏甜；大豆芽好爽脆🥥 椰汁珍多冰（$38）珍多冰用料十足，入面有成半杯紅綠色粉條（珍多）同亞答子；亞答子口感Q彈仲自帶有甜味；椰汁味濃🧉 椰青（$45）

尋日晚餐時段走左入呢間泰中意餐廳食，好多人呀差啲冇位🙈除左環境乾淨同空間大，而且啲職員態度都好nice，唔怕坐得耐會比人趕走嘅感覺。泰式海南雞半隻配香茅油飯，海南雞呢樣野真係食極都唔厭，最正就係可以點個自家製醬汁， 再加埋碗油飯~ 嘩！正到冇朋友！啲雞我比滿分，因為好嫩滑！泰式椰子雞湯，加入大量椰奶，仲有南薑、香茅、檸檬葉等等，味道好豐富好好飲。椰汁珍多冰，好大杯，紅綠色嘅jelly好多，每啖都吸到好多😚

大圍嘅隱世泰國菜 - 泰中意📢🔥 明爐炭燒豬扒飯：呢個明爐炭燒豬扒飯真係唔得了！豬扒外層香脆，內裡嫩滑多汁，炭燒嘅味道令人食指大動，每一口都係極致享受。🍛 泰式青咖哩雞：泰式青咖哩雞嘅味道濃郁，咖哩汁香氣撲鼻，雞肉鮮嫩多汁，配合青咖哩嘅獨特香味，真係令人一試難忘。🍜 扎肉金邊粉：扎肉金邊粉口感豐富，香滑嘅金邊粉，每一口都充滿泰國風味，好正！🍢 泰式小食拼盤：呢個泰式小食拼盤真係超豐富！包括泰式葉包雞、炸蝦餅、泰式銀絲卷同埋雞翼，每一樣都係精心製作，味道正宗。✨ 泰中意呢間餐廳啱啱喺大圍田心村開業，但已經生意非常火爆，門口經常要等位，不過好快就有位坐。佢哋以前喺馬鞍山大水坑村，搬過嚟之後依然保持住高水準嘅出品，真係值得一試嘅隱世美食！📍 **店舖地址**：大圍田心村⏰ **營業時間**：星期一至日 請注意餐廳三點鐘會落場

有朋友兩年無返香港，今次佢返黎即刻搵佢再搵多個fd一齊聚下舊。專程搭車入大圍站食呢間"泰中意", 食物好正宗，感受到餐廳嘅用心炮製。野食我地share食～價錢好抵～⭐泰式拼盤（香葉包雞，蝦餅，素菜春卷，魚餅，單骨雞翼）⭐泰式青咖喱牛腩 ⭐薄餅 ⭐泰式椰子雞湯 ⭐椰汁珍多冰拼盤共5款小食，魚同蝦餅肉厚又彈牙，超香～葉包雞味道特別，啖啖雞肉好正架～紅黃青咖哩三款我次次食泰國野都係揀青咖哩，因為好中諗青咖哩嘅椰香味。牛腩炆得好腍，好掛汁😚😚😚薄餅散叫用黎點青咖哩食，好香口。椰子雞式少少辣但好好飲，都係充滿住椰香。珍多冰係我童年回憶黎，飲落低甜度👍

大圍終於都有好食嘅泰國菜喇村屋裡面隱藏咗間綠色門面嘅餐廳非常吸睛主打平民泰菜．第一次嚟幫襯味道超出預期．有驚喜Lunch Set 定期更新Menu款式多元化可以追加小食同餐飲✨碳燒豬扒飯係招牌菜式．好多人嚟都會食豬扒飯因為真係超巨大．熱辣辣好Juicy兩塊厚厚大豬扒．真係好過份呀✨泰式海南雞配香茅油飯海南雞起哂骨．啖啖肉肉質好嫩滑．同油飯係完美嘅配搭跟餐+$15 追加小食✨即焗蒜蓉包充滿蒜蓉味道．金黃香脆一定要趁熱食✨泰式炸魚餅魚餅沾上泰式醬汁更美味✨泰式炸蝦餅蝦餅炸得外層香脆裡面蝦肉夠彈牙木瓜沙律份量pp一般更有份量加上原隻鮮蝦清新健康之選我相信係大圍最好食嘅泰國菜食完就知道性價比有幾高

🇹🇭新開嘅泰國菜餐廳 啱晒附近嘅街坊呢度嘅小食都好多💜🐣香葉包雞 有五大嚿 入邊包住個炸雞💚🍀炸雞皮脆肉嫩 有汁😊用個香葉包住特別香 有味🍀🎣泰式炸魚餅好香口 ⚪️魚肉中混合著檸檬葉香氣仲有增加左口感既豆角😃食得出啖啖既魚香☺️🐷炭燒豬頸肉 燒得好靚 香口又大份配埋啲汁好味🍜泰式海鮮濕炒河 炒得夠鑊氣 面頭有唔少海鮮都幾新鮮 鮮甜爽口💚蒜蓉炒通菜夠哂健康最鍾意就係每碟菜都有自己嘅配料，仲有啲生果做裝飾

碳燒豬頸肉$78外層微焦，有碳香嘅味道，肉質多汁細膩唔會柴，配埋個酸辣汁Yummy 食完會想再食第二塊😋泰式炸蝦餅(半份)$68即炸嘅蝦餅外脆內彈牙，係必選小食。泰式香辣肉碎生菜包$88店員一上菜就聞到陣香味，香料層次豐富，配上生菜清爽可口惹味。冬陰功鮮蝦忌廉意粉$138加咗冬陰功嘅忌廉好惹味，而且用咗好多隻鮮蝦，爽口彈牙，份量大到兩個人都食唔晒。椰汁珍多冰$38色彩鮮艷嘅粉條煙韌Q彈泰國梳打水$17清爽解渴

泰中意由以前下徑口村食到馬鞍山再返嚟大圍，簡直就係一件大好消息。。。以後都唔使特登坐車過馬鞍山食了🥳🥳🥳今次去食午餐，叫咗個冬陰功湯金邊粉 加$18將扎肉轉左炭燒豬扒，個湯底酸酸辣辣好開胃，配咗啲車厘茄，感覺有啲西式又有啲泰式，真係冇改錯名，又泰又中又意炭燒豬扒同以前一樣咁好食，啲肉好有口感，燒得好焦香，餐飲方面加咗$3要熱即磨咖啡，比以前更濃郁更可口，食完美味嘅食物再彈返杯咁優質嘅即磨咖啡簡直是一種享受😎另外，店內新裝修環境舒適，周圍都有好多樹木，好有綠田園feel，而且沒有限時交枱，坐耐啲都唔怕

今次黎到大圍，同大家介紹一間位於田心村既隱世泰國菜 一 泰中意餐廳門面以青綠搭配植物為主調，而餐廳內，則以木色搭配灰色為調🌟蔥油碳燒豬扒配白飯 $95豬扒燒得金黃，略帶香脆口感之餘，食得出碳燒獨有香氣，搭配蔥油醬更加惹味🤤👍🏻👍🏻🌟泰式魚餅 +$15泰式魚餅帶香茅香氣，搭配泰式醬汁🤤👍🏻🌟碳燒豬頸肉 $78豬頸肉肉質爽口，燒得金黃，略帶燶邊更添香脆，亦食得出碳燒獨有香氣🤤👍🏻👍🏻📍泰中意地址：大圍田心村254號地舖#大圍 #泰中意 #留港消費 #支持小店 #覓食大圍 #食在大圍 #碳燒豬扒 #泰式魚餅 #為食關注組 #大圍食乜好 #碳燒豬頸肉 #香港美食地圖 #蔥油碳燒豬扒 #九十後行到邊食到邊#HKIG #HKIGER #HONGKONGFOODIE

自從細佬搬出去之後，大家都少左見面，作為家姐嘅我今日難得老遠要入新界，順便睇下細佬賞唔賞面食個飯😂😂佢6點收工，半個鐘左右就黎到，我就早入去拎定位先。啲位都幾寬落同埋都放到好多枱。staff比住menu我睇住先。見到原來除左泰式野，仲有d西式野食。例如我見到個煙三文魚忌廉汁意粉就決定揀哩個。細佬唔食飯唔識飽，佢揀菠蘿海鮮炒飯。我碟意粉好多呀！我講緊除左意粉量，佢嘅煙三文魚同醬汁都好多，汁係偏杰身，令到意粉非常掛汁，隻味係我鍾意嘅濃郁味。意粉又唔會太淋，Yummy!!細佬個菠蘿海鮮炒飯都好大，面前嘅料疊到同另一半菠蘿同size, 都幾欣賞我細佬佢真係食得晒，證明有幾滋味。見佢不開少少個飯入面好多款海鮮，有青口，蜆之類。野飲就兩個新鮮解甜椰青🧉