波菲 (已結業)

放左工，行經佢o既dessert window，d cakes好靚好amazing~! 我揀左一杯Tiramisu（非常精美）同Chocolate Mousse Cake（佢o既人氣之選），兩件都好靚~ 同朋友分享，件mousse cake好濃朱古力味，軟軟地好好食；件Tiramisu有酒味，但芝士味同咖啡粉味欠奉，感覺唔係好似Tiramisu，一般啦~ 下次try others先~

今朝要去葵芳上堂當然要黎買早餐啦我既選擇仍然係鮮奶方包仍然係6 片4.5扺食亦好味皮脆脆地但可能因為早一日已經包入袋已經變得un左少少但包身仍然少少香甜係清新健康之選

我成日去波菲買野食~其實佢d cake 都好正~尤其是朱古力榛子~

今日一早入青衣做野途經葵芳轉車當然要去呢度買麵包啦八點十去到好多人排隊俾錢但可能因為o岩o岩開舖麵包既款式唔算多但係最奇怪既係全部d包都唔熱連最新鮮出爐既大芝士軟飽都係咁?(本來打算買,但見到有個女人夾完俾錢後話唔熱所以最後無買到)見d包都唔熱喇又想食得清d最後都係揀d無餡包鮮奶方包同農夫穀麥包之中二選一最後都係揀左鮮奶方包佢一包有六薄片個皮脆脆地包第一啖食落同普通方包無乜唔同比起新鮮出爐既普通方包仲要唔軟熟但食落又有少少甜味清清地得黎又幾好食喎就咁食都唔錯平時一磅普通方包都要四,五蚊啦而家係分量少少dd但都係4.5咋抵食!

今日o係呢度工作買左個香草薯茸火腿包同芝士波波做我既早餐兼午餐芝士波波仍然咁有水準凍左都仲係咁好食煙靭得黎又香芝士味香草薯茸火腿包都幾好食有好多香草但可能因為有d香草帶有苦味令到我食個飽時某d位係苦既影響左少少口感一樣都係凍食都好味但如果有個微波爐叮食去食同埋冇左呢d苦味會更perfect

原來佢朝早八點都未開門架搞到我今朝去到成八點三都只係見佢打掃緊買唔到新鮮出爐既麵包好似係八點半先開架!大家要留意喇

面頭有層透明喱哩,入面有綠茶毛士, 再入有紅豆蓉,底層係朱古力蛋糕。我覺得好好食ar,因為好夠green tea 味,成日食親green tea 味o既o野都係一d green tea都無o既,呢個就落足料喇~d紅豆蓉好正,i love it!不過就少o左d lor!下次會try瑞士栗子。

上次食綠茶,今次食栗子.頭頂有原粒栗子一顆,內裡亦有原粒栗子一粒, 實在驚喜.栗子蓉味道不俗.而且賣$7.8唔算貴.

行過見到個樣都幾ok,又得番一個,心思思試下.佢面頭有層喱狀物,入面有綠茶味唔知係cream定布甸既物體.再入面係紅豆,底層係朱古力蛋糕.我覺得佢應該屬於甜品而唔係蛋糕.味道一般啦,唔算標青.下次試下瑞士栗子先.

琴日行過A1 bakery本來想買個朱古力車輪飽但因為好多人放棄左呢個念頭諗起呢間波菲其實呢間野d出品不錯又較A1 bakery平加上同區又無乜高質素既麵包舖如果佢可以有得加熱番先食既服務相信會有更多人幫襯

今日放學覺得口痕,去左買飽食,一買就買左$28飽,hahaha...有芝士波:好香芝士味,煙煙韌韌,好味朱古力波：而朱古力味就唔係好甜,有d朱古力粒都幾好味。藍莓鬆餅:閒落唔香,食落又無咩味,食到底有d提子,麻麻地...有個唔記得咩名既飽,係用酥皮整既,面頭有一條芝士,成個飽有好多糖粉係面,食落d酥皮林o西,但都好味,條芝士好軟滑,雖然有好多糖粉,但原來唔係好甜ga jar,得好微既甜味。有個唔知咩煙鴨胸蛋飽，我無食，俾左小弟弟食，佢話好食，叫我再買過。hahahaha.....仲有個藍莓酥皮同什麼香草薯蓉飽未食，但個藍莓酥皮睇個樣都幾好。haha

今朝要去青衣做野經過葵芳轉車專登入去新都會廣場買個麵包做早餐本來想食吞拿魚飽但見有隻煙鴨胸熟蛋包未O係其他麵包舖見過於是都係試呢個好佢長方型大大個面頭有D紅紅地一點點既煙肉粒上左小巴急不及待打開黎食仲有少少熱包身好鬆軟D蛋係淺黃色唔似其他麵包舖咁深黃色食左一啖好滑好味道至於件鴨胸都幾香味道唔會太鹹都幾好食但個皮就肥左少少所以咬走左無食5蚊都係有水準之作比起美心聖安娜O個D大型連鎖店好好多又平D下次試下其他先!

咁岩想寫呢間就見有人POST, 唔通有心靈感應?剛趙左個日式番薯包(本來想食CAKE但冇心水),番薯味道甜度都唔錯.麵包OK.

今日收工之後去左新都會廣場正諗緊食d乜好既時候記得有人讚過呢度d芝士波好食就去買左一個芝士波,一個藍莓鬆餅同一個車打芝士包個芝士波真係好正呀雖然我係凍食但係個包好有口感又香芝士味比起山崎仲要實心同香唔會得個外殼個藍莓鬆餅都好食有好香藍莓味但唔知點解個底會有d提子乾怪就怪怪地不過都好好食不過至正係個車打芝士包面頭已經有好香既芝士加香草個包入面仲有一粒粒既車打芝士好香好正鍾意芝士既朋友一定會愛上雖然好似6.5好貴咁但食完發覺咁多芝士o係包入面又會覺得物有所值架

班同事同我食完spaghetti house之後, 有人靜雞雞咁走左去買個birthday cake 俾我... 個cake係strawberry mousse cake, 勁靚!http://community.webshots.com/photo/179102440/179102713vxudBg味道都好好, 好開心好正好touched!