波士頓快餐店

营业中

休息中

幾十年來由細到大，坐親101經過都會望多兩眼，終於早幾日幫襯咗佢一次，亦係呢半世人見過最癲嘅一碟楊州炒飯！嗰日差唔多兩點入到去，嗌咗一個楊州炒飯一個豬扒腸仔煎蛋飯，同兩杯嘢飲，其他嘢唔使講，成碟炒飯充滿鑊屎(請自行放大附圖查看)一陣𤓓味，我拎返去counter同個阿姐講嘅時候個阿姐話係咁個喎，我話燶個喎聞都聞到喎，跟住廚房入邊個師傅聽到行出嚟望一望碟飯，佢話冇嘢啊唔係燶啊，你食兩啖試吓先啦，我話我唔會食呢碟飯㗎你食啦，佢話咁你想點啊，我話我唔要喇，問佢有冇燴餸即有嗰啲，佢話冇喇，都係即整㗎，咁我話轉個叉燒煎蛋飯啦，唔該。其實自問真係真心支持啲小店老店，你碟楊州炒飯蝦都無粒真係唔係問題，明白有成本考慮，但係燶到𤓓喎！你自己炒嘅都聞到啦，仲要自己攞埋出嚟落埋枱俾個客，你真係冇資格做廚囉！希望你唔好諗住淨係做附近街坊或者返工人士就變咗焗人哋食咁啦。

我哋入去坐低食早餐 （老細係見到嘅）…跟住睇完枱面餐牌就行前去出餐位準備落單（舊式快餐店落單同出餐都係果個位），當時果個老細已經唔知去咗邊度，有位坐喺店面嘅叔叔叫我企喺度等一陣，我企左差唔多八至十分鐘就見到個老細係入面廚房切野，佢見到我企喺度都冇理我，我唯有叫入去廚房同佢講我想落單，跟住佢竟然答我話要等二十分鐘！你老闆我入門口坐低你唔講，行前去企係度等你幫我落單又唔講，要等我叫入去廚房你先講要等二十分鐘！你要趕客我咪走囉！

活左幾廿年人，從來未聽過有人推介這間位於紅磡/土瓜灣的餐廳，但是無論店面，裝修，定還是內裏的擺設，通通都非常之老舊🤔怎麼完全沒有報章或是YouTube介紹過呢？去到店內，才發現原來近期有劇集在裏面拍攝過，有陳瀅以及其他新晉藝員。看網上照片，都不覺有什麼特別吸引的菜式，不過有時間，早一點出發就可以來這邊試一試。🧐來到現場，都只見有寫着牛腩飯、豬扒飯、或是其他常餐早餐，於是我就點了一個芙蓉蛋飯，心諗一定冇死點知，實物端到來，芙蓉蛋飯亦都是底下一大碟飯，上邊有大大塊蛋包圍着，然後有些豉油，看似沒有特別。但是，切開蛋，發現有芽菜、火腿，其他竟然只找到幾粒細小的叉燒，連一粒蝦仁都沒有。那麼它的芙蓉蛋飯究竟有什麼其他餡料呢?  問得好，他竟然🤬使用雜豆😖做芙蓉蛋飯的配料，簡直是荒天下的大謬，圖片可以看到粟米粒、青豆粒、蘿蔔粒，這些雜菜，我在早餐見到都有點不開胃，竟然是芙蓉蛋飯的配料，非常之失望。除此之外，豉油汁都不算太差，帶點甜味，不會太鹹，而蛋亦都未至於太老，夠滑，還有點蛋汁，至少可以送完成碟飯嘅。不過凍檸茶同樣質素相當普通，茶味不算太香濃，還有點澀口的感覺，檸檬三四片，味道不覺鮮香，可能由於客

呢間餐室已經開咗好多年，佢裏面啲枱枱櫈櫈以至牆上嘅Menu都係已經用咗好多年。試過lunch叫過啲炒粉麵飯，質素普普通通都入得口，價錢都OK。因為佢係位於地牢嘅位置，而且嗰個地區比較少人，所以基本上都冇乜人客。咁啱見到無線葉念琛嗰套劇集「美麗戰場」，其中一幕有間餐廳叫波士頓餐廳熟口熟面，再睇真啲原來真係佢😂呢種咁歷史悠久嘅餐室已經係買少見少，大家應該多啲嚟幫襯打下卡幫吓佢宣傳😆食物：❇️❇️❇️環境：❇️❇️❇️服務：❇️❇️❇️價錢：❇️❇️❇️❇️翻兜指數：❇️❇️❇️

沙中線又一次延遲通車，讓土瓜灣小店暫且繼續生存，保留特色。波士頓不做晚市，只做早，午市。午市每天的set餐大同小異，但有着快餐店的靈活配合，只要你想到的，就可在餐牌中千變萬化。今次在下午茶時段來，叫了油肶和西多，港式經典嘛一啖咬落油肶，肉質結實之剩仲要沒有雪肉的乾柴味，豉油味道適中，沒有過咸，沒有過渴的味道。西多士更棒，不像一般連鎖的又油又啡放了很久的模樣，新鮮炸起，新鮮入口。現在很多連鎖餐廳，搞盡gimmick走新興路線但同時又以懷舊符號作為消費，吸引得大眾一時，但留不著大家的記憶。這裡的食物味道，會令我記憶猶新，會令我回味昔日種種！

良心小店推介有緣試食呢間,價錢平，味道不錯紅豆冰有蓮子，味道懷舊公司三文治: 蛋煎得好香。炸雞髀即叫即炸，唔太鹹，皮脆肉唔鞋仲有西多士，雞翼，三文治，薯條不過營業時間 星期一至六0630至1700隧道巴士站101，111 對落，港鐵何文田站Ｂ１出口

Boston was the place I had loved Kam Ying. Boston fast food The new shop for romantic breakfast was just wandering on road near KoshanA white head man friendly asked me to eat at Kam YongI felt happy The price started 22$I took a seat outside the restaurant No one smoked thenthe three =22$today was windy in the morning The wheat congee had a layer sticky Love ❤️ so sticky skinRemember the older younger days Breakfast In Hk 22$ hkMak pei Good milk tea Inexpensive have a great day Kam YingBoston

土爪灣/紅磡，這一個舊區，是不少喜歡尋求香港根源人士喜歡到訪的地方。而這一陣子，時常抄道東九龍才過海的我，一直都有留意馬頭圍道/土爪灣道兩旁的可食點。不過，你我也知道，這一帶的食肆，主要是為了平民百姓而設。每當在巴士經過北拱街的時候，在路旁有一家食肆，位於比馬路低半層的地庫內，感覺上，就是上世代快餐店的模樣，而就是這一個老感覺，吸引到我來一試、一看，這名叫《波士頓快餐店》小小的老食店，是什麼來頭。一下車，就要從一條一不小心就會仆死的樓梯往下走，走到尾，仆到尾，感覺古老兼可愛的快餐店就在眼前。這一個環境，這一個裝修，就是以前學生時代光顧的快食快飯店的樣子。一個大型水吧，模式就是先上前購票，回座位等。當水吧的人大叫的所點食品的名字時，你就要自行上前，把自己所點的美食拿回自家的桌上。而且，餐具存放在同一個角落，我們的指定動作就是，先到水吧拿餐，再到一旁拿餐具，之後回自己先前已霸定的座位，慢用。食早餐的那一天，我如常地點上了我喜愛的豬扒麵。豬扒，是正宗地以豉油糖鹽生粉開的汁醃製，味道正宗，而且肉質結實而爽口，麵的湯底，被豬扒的味道滲透了，帶點點的油膩，味道更有少許的湯粉味道，雖知是味精，但湯粉

經過此地,即管入去試試.叫左:梅菜蒸肉餅飯,茄子排骨飯梅菜蒸肉餅飯:入口完全唔知係咩,冇梅菜味不特只,肉餅完全溝粉,食到一口粉,差到冇人有.茄子排骨飯:這個好小小,茄子都淋夠味,排骨好小,個汁令人有小小驚.整體:一定唔會再去.

沒有同區時新的歷史悠久,當然沒有時新的水準.這間波士頓快餐店的漢堡包,漢堡扒用現成貨.吃落沒有肉味,肉質如橡膠,同老麥一樣地差.唯一好處,就是包身用西餅店交來的麵包.炸薯條用幼身French Fries,一樣空心,自然減分.午餐連汽水也要$28,吃過其粟米肉粒飯,又是夾硬用地捫罐頭貨,一開三溝出來,吃落沒有味道.快餐嘛,一味得個快,同男人一樣,某程度上來講,快係無用...