影片
港铁土瓜湾站D1出口, 步行约6分钟
继续阅读
电话号码
23331672
营业时间
今日营业
07:00 - 15:30
星期一至六
07:00 - 15:30
星期日
全日休息
以上资料只供参考，请与餐厅确认详情
几十年来由细到大，坐亲101经过都会望多两眼，终于早几日帮衬咗佢一次，亦系呢半世人见过最癫嘅一碟杨州炒饭！𠮶日差唔多两点入到去，嗌咗一个杨州炒饭一个猪扒肠仔煎蛋饭，同两杯嘢饮，其他嘢唔使讲，成碟炒饭充满镬屎(请自行放大附图查看)一阵𤓓味，我拎返去counter同个阿姐讲嘅时候个阿姐话系咁个㖞，我话㶶个㖞闻都闻到㖞，跟住厨房入边个师傅听到行出嚟望一望碟饭，佢话冇嘢啊唔系㶶啊，你食两啖试吓先啦，我话我唔会食呢碟饭㗎你食啦，佢话咁你想点啊，我话我唔要喇，问佢有冇烩𩠌即有𠮶啲，佢话冇喇，都系即整㗎，咁我话转个叉烧煎蛋饭啦，唔该。其实自问真系真心支持啲小店老店，你碟杨州炒饭虾都无粒真系唔系问题，明白有成本考虑，但系㶶到𤓓㖞！你自己炒嘅都闻到啦，仲要自己攞埋出嚟落埋枱俾个客，你真系冇资格做厨啰！希望你唔好谂住净系做附近街坊或者返工人士就变咗焗人哋食咁啦。
继续阅读
我哋入去坐低食早餐 （老细系见到嘅）…跟住睇完枱面餐牌就行前去出餐位准备落单（旧式快餐店落单同出餐都系果个位），当时果个老细已经唔知去咗边度，有位坐喺店面嘅叔叔叫我企喺度等一阵，我企左差唔多八至十分钟就见到个老细系入面厨房切野，佢见到我企喺度都冇理我，我唯有叫入去厨房同佢讲我想落单，跟住佢竟然答我话要等二十分钟！你老板我入门口坐低你唔讲，行前去企系度等你帮我落单又唔讲，要等我叫入去厨房你先讲要等二十分钟！你要赶客我咪走啰！
继续阅读
活左几廿年人，从来未听过有人推介这间位于红磡/土瓜湾的餐厅，但是无论店面，装修，定还是内里的摆设，通通都非常之老旧🤔怎么完全没有报章或是YouTube介绍过呢？去到店内，才发现原来近期有剧集在里面拍摄过，有陈滢以及其他新晋艺员。看网上照片，都不觉有什么特别吸引的菜式，不过有时间，早一点出发就可以来这边试一试。🧐来到现场，都只见有写着牛腩饭、猪扒饭、或是其他常餐早餐，于是我就点了一个芙蓉蛋饭，心谂一定冇死点知，实物端到来，芙蓉蛋饭亦都是底下一大碟饭，上边有大大块蛋包围着，然后有些豉油，看似没有特别。但是，切开蛋，发现有芽菜、火腿，其他竟然只找到几粒细小的叉烧，连一粒虾仁都没有。那么它的芙蓉蛋饭究竟有什么其他馅料呢? 问得好，他竟然🤬使用杂豆😖做芙蓉蛋饭的配料，简直是荒天下的大谬，图片可以看到粟米粒、青豆粒、萝卜粒，这些杂菜，我在早餐见到都有点不开胃，竟然是芙蓉蛋饭的配料，非常之失望。除此之外，豉油汁都不算太差，带点甜味，不会太咸，而蛋亦都未至于太老，够滑，还有点蛋汁，至少可以送完成碟饭嘅。不过冻柠茶同样质素相当普通，茶味不算太香浓，还有点涩口的感觉，柠檬三四片，味道不觉鲜香，可能由于客人不多，正值是一时午饭的时候，亦都不见到超过三台客人。本人向来最喜爱这种餐厅，自己到水吧落单俾钱、上边有些食物相片灯箱、怀旧胶凳、以及旧式的阶砖地板，环境而言我喜欢，它保育了怀旧简约的风味，不像时下餐厅，自嘟QR CODE落单，完全甭交谈般。不过想不到这次这间波士顿，竟然无论饮品或食物质素都低于标准水平。再考虑埋佢个价钱，这样一碟低质素芙蓉蛋饭，都要$45，再加杯难饮冻柠茶，整整$47，价不廉、物不美，很难叫人再光顾。那么我就觉得它不值得保留，或是可以说，结业了也不太觉得可惜，这种质素，试一次就够，再过来这边也定必会吃其他食肆
继续阅读
呢间餐室已经开咗好多年，佢里面啲枱枱櫈櫈以至墙上嘅Menu都系已经用咗好多年。试过lunch叫过啲炒粉面饭，质素普普通通都入得口，价钱都OK。因为佢系位于地牢嘅位置，而且𠮶个地区比较少人，所以基本上都冇乜人客。咁啱见到无线叶念琛𠮶套剧集「美丽战场」，其中一幕有间餐厅叫波士顿餐厅熟口熟面，再睇真啲原来真系佢😂呢种咁历史悠久嘅餐室已经系买少见少，大家应该多啲嚟帮衬打下卡帮吓佢宣传😆食物：❇️❇️❇️环境：❇️❇️❇️服务：❇️❇️❇️价钱：❇️❇️❇️❇️翻兜指数：❇️❇️❇️
继续阅读
沙中线又一次延迟通车，让土瓜湾小店暂且继续生存，保留特色。波士顿不做晚市，只做早，午市。午市每天的set餐大同小异，但有着快餐店的灵活配合，只要你想到的，就可在餐牌中千变万化。今次在下午茶时段来，叫了油肶和西多，港式经典嘛一啖咬落油肶，肉质结实之剩仲要没有雪肉的干柴味，豉油味道适中，没有过咸，没有过渴的味道。西多士更棒，不像一般连锁的又油又啡放了很久的模样，新鲜炸起，新鲜入口。现在很多连锁餐厅，搞尽gimmick走新兴路线但同时又以怀旧符号作为消费，吸引得大众一时，但留不著大家的记忆。这里的食物味道，会令我记忆犹新，会令我回味昔日种种！
继续阅读