波士頓餐廳

营业中

休息中

(照片最後帶餐廳特技表演☝🏻)小編飯堂2，今次介紹灣仔經典鐵板餐，重拾80後90後的童年回憶，餐廳環境設計以80-90年代餐廳感覺，窗外霓紅燈招牌充滿時代感，小編身為90後，好似母親大人係我細個帶我去既餐廳。小編因為都成日去食、以下係曾經食過但未能盡錄☝🏻精選牛柳 $179/套餐美式什扒 $169/套餐精選羊扒 $154/套餐精選肉眼扒 $166/套餐(套餐包左餐湯、麵包、餐飲、飯/意粉)照片最後特技的影片是 火焰牛柳 $185/套餐小編第一次食過後就愛上呢間鐵板餐，重拾小時候的感覺，而且餐廳肉的質素都幾高，真係食落去啖啖肉汁，非常Juicy。

一行3人1x厚切西冷，忌廉波菜湯餐包，$1791x精選西冷，羅宋湯餐包，$1791x鑊仔牛柳，羅宋湯餐包、$1758:15去到都要等位20分鐘。我食鑊仔牛柳配黑椒汁，餐包夠熱羅宋湯濃稠好味、加汁到鐵板時姐姐聲好大煙又好香，充滿童年回憶。港式鋸扒算係唔錯嘅選擇！食完飲返杯檸檬水減少罪疚感☺️P.S. 隔離枱食火焰牛柳，職員在扒上加入砵酒，起大火，影相一流，見到都開心！

自從疫症以來，好耐都無同老公出去撐下枱腳，在家自煮亦以多菜少肉為原則，以防入多出少，雙雙變幸福肥。今日難得天氣回暖，運動過後，胃口大開，好想食大大塊肉，即想到去波士頓据個扒，拍下拖。去左咁多次都未試過座窗口位，晚上就沒有所謂，因為店內燈光總是暗暗的，可能想突顯火焰牛柳的氣場。不過今次中午食，想感受下餐廳日間的光線，特意等候窗邊卡位，地面職員耐心安排，等候期間告訴我餐廳的歷史，她和餐廳一同成長的小故事。最喜歡鐵板的食物總是熱辣辣，可以慢慢食。精選牛排好淋，與黑椒汁味道夾。夏威夷豬扒果然有近期火紅既菠蘿，不過稍為細塊，豬扒就一塊硬一塊淋，硬個塊就麻麻，但個蒜蓉汁幾正。餐包暖暖地都幾好味，紅白湯稍為淡，再加熱點會更好，白飯亦同樣凍得太快。端餐的職員好有禮貌，逐個步驟告訴客人他會準備上菜，淋汁，提你打開餐巾等等，臨走時我看到門口魚缸內心型嘴的魚魚好可愛，還告訴我魚魚的名稱，有賓至如歸的感覺，服務上是難得的一次好體驗。

波士頓餐廳係我兒時回憶，今晚自己一個去食下，重拾呢段回憶樓梯上到去，就安排我坐張最近樓梯口個位圖中個黑色衫好串咁話：一個呀？呢度啦坐落去就知中伏，個位完全對正個廁所門本來諗住算啦，自己一丁友但人地出出入入一打開道門，有陣異味飄出來，我戴住口罩都聞到。然後我要求換枱，咁就同最近我果位職員（收銀）講，之後個黑色走埋來眼超超話：呀先生，你將就下啦，其實呢入面個廁所，同你眼前個廁所門距離好遠，唔會有問題 如果你換，入面執緊枱，你坐返係度等我即刻話：如果你去食飯，人地安排張枱對正個廁所門口，你都冇胃口食啦？之後條友冇聲出，但眼超超，嘴秒秒，口up up。幸好順利換返張比較好的位。至於食物方面，叫左個美極雞扒，雖然份量多，但雞扒食落好「un」，好大陣油益同雪藏味...感覺就同茶餐廳下午茶*炸雞扒配沙律/薯條*的果塊雞扒一樣今餐飯本身想自己一個享受下，重拾回憶，但諗起呢位侍應（定captain）的態度，真心非常失望。見我自己一個就恰9我，整張對正廁所門口的枱，在等佢「重新安排一張枱」之間，我發現其他2位2位上來 就全部坐正常位。

歷史悠久扒房餐廳，好多人等位！第一次食就叫左個火焰牛柳 $185，侍應在遠處「表演」，將牛柳浸過著火砵酒就放上鐵板，最後砵酒倒在鐵板上，個火焰都幾猛烈！牛柳放鐵板加埋火焰會再熟啲，所以柯打三成已經夠，肉質夠嫩，不過酒味太重，菜同蕃茄好似用酒醃過咁，就唔太啱我口味。友人點美極雞扒 $125，睇相見到塊雞排好似塊鐵板咁大，查實雞排下面仲有一塊雞扒！美極味就食唔到，但都好食既。另一友人點帶子雞扒 $149，有四隻帶子加塊雞扒，感覺好似齋雞扒抵食啲喎。鐵板上扒，侍應淋汁咋咋聲，係堂食先聽到既聲音！另外薯角熱辣辣又夠脆，正！

今日中午，同同事諗住食好啲，所以行咗去灣仔呢間波士頓餐廳食飯。見到佢有啲lunch set,我揀咗個試餐海鮮忌廉意大利粉同埋忌廉湯。個忌廉湯中規中矩up to standard.等咗冇幾耐，個海鮮意粉就上到嚟，一望到已經覺得好滿足，因為嗌嘅時候冇估到佢真係咁足料，有青口有蝦有蟹柳咁樣，更加估唔到既係佢下低仲隱藏着一塊大大塊嘅龍利柳。佢每一樣食材都好好味，冇令到我同同事失望。唯一美中不足嘅係，佢哋啲座位真係好窄，如果可以再闊落啲就完美。

一間背負鐵板扒類老字號之名既波士頓餐廳，係灣仔屹立多年，前幾年有食過一次，發現已經大不如前，但每日都會有好多人排隊，到底係因為質素改善左定係只係食老字號名氣？所以今日就去試一試，點知失望到極點...首先得兩個lunch set可以揀，黎得當然要試出名鐵板餐，雖然寫左迷你兩字，但雜扒餐第一時間應該點都會諗到豬扒同雞扒，但黎到同想像中好大出入🤯餐包不單止唔熱，連暖都稱唔上，跟室溫而變，如果個日天氣凍，個包應該會再凍一點🥶餐湯正常，應該最簡單就煮到主角迷你鐵板出場！鐵板非常之熱，加上醬汁大量煙霧出，的確仍然做到港式扒房既效果大煙過後，發現大部分配菜都痴哂底，要好用力先可以將佢‘連根拔起’，但一睇黑色既？燶哂既，好似陳年鐵板屎🤮燶味離遠都聞到，即使我唔食燶左既部分，其他食都有燶既味道鐵板餐有豬有雞，但雞並不是雞扒，而係兩隻冇味雞翼，冇煎過冇炸過，調味只係靠鐵板上既醬汁，淡而無味，唯一合格既係雞翼係熟既，冇其他豬扒非常薄，刺身應該比它更厚🧐肉質軟腍，但口感真係欠奉，仲有腸仔、煙肉同豆，每樣都有少少燶，就不多說一間懷舊老字號扒房點解會變到茶餐廳水準都不如，箇中原因我唔去探究，只係知我唔會再去呢間餐

波士頓餐廳係長輩們兒時高級扒房，小妹今晚有幸請到二叔帶我去食懷舊。甫進餐廳上二樓燈光暗黃，長長的走廊旁邊是沙化位全境位，在這裡可以悠閑地邊据扒邊看著忙碌的下班一族。🍴餐湯配餐包餐湯我選擇了羅宋湯，正宗濃郁大蕃茄、薯仔西芹湯料十足，餐包暖暖又軟熟好味！🍴大T骨扒$159面積好大件 T骨扒久沒有食了，味道見人見智，我略嫌鬆肉粉多了，沒有牛味加上薄切欠口感。😅🍴美式雜扒$169唔好意思忘記影相😂喜見兒時据扒樂趣，雜扒有雞扒、牛扒、豬扒、白肉腸同煙肉非常豐盛，雞扒入味可口，豬扒都係入味而且軟嫩，整體來說很不錯抵食。👏👍☕️餐茶檸檬茶，茶底太濃有點澀口。😅論價錢係灣仔區算抵食👍

由細到大都會間唔中去波士頓鋸扒價錢越嚟越貴不過都好食嘅星期六6點半到, 等咗半個鐘有位鐵板西冷扒餐 $179有羅宋湯, 餐包, 意粉/飯, 餐飲鐵板一嚟到 侍應會叫你用紙巾擋住 然後林啲汁上塊扒度. 我揀咗黑椒汁西冷扒都幾好食, 又有薯菜成個餐食完好飽

呢間年資夠長，鐵板出名到一個點....去到唔食鐵板餐，好似對唔住自己咁。so....決定叫一個鐵板試下朘下又幾咁出名，可長存咁耐。個餐包都ok嫁。而家羅宋湯真係好味，夠鮮嘅蔬菜味，同蕃茄味配合得好適中，不過可以加少少咁多辣味，可能更“正”。叫左個雜扒，蒜汁。個扒，有腸仔，豬扒，煙肉同一堆薯條，想問，點解唔比個大D鐵版或分上呢，薯條被蒜汁同其他嘢壓住，已經“林”晒，加左最愛薯條救返少少。個豬扒同煙肉都ok，個煙肉又夠脆口，不錯...但條腸，太咸，真係受不了。個意粉都係林左少少，但都嘅，始終有蒜汁加埋，都可接受。整體味道中規中矩啦，就係食佢嘅出名的名版味道。當然仲叫左個飛碟食，係吞拿魚，好平凡，但都尚算夠脆口嘅。無乜特別，可不提。＄83呢個價扒餐，食佢嘅懷舊味，加名聲，都可以一試。個飛碟忘了幾錢，陪襯黎。

呢個朋友A好耐無見啦！足足10年。慶幸大家都冇咩變😆朋友K 知道佢轉左工，喺附近返，所以一行3人約食lunch先。12點15分上到去唔算多人。1點走時都排左10幾個。朋友A點左咖喱牛腩飯。話一般般，仲有啲un。朋友K點左煙三文魚沙律。擺盆都令既。三文魚🌸都係普通，呢個價錢有更好選擇。我點左雜綿海鮮併盆。係跟餐嘅，有餐湯，包同飲品。但就上得好慢。朋友食曬，我都未上。餐包ok， Q軟熱。湯我覺得麻麻。我飲左2啖。到個鐵板到。塊板勁熱。下面配菜燶曬。即問店員拎隻碟搬屋先。炸魚2塊，但唔脆。好有咬感，人地食開啲魚柳應該係滑，而架好似食緊雞肉甘，有啲鞋。味道唔難食。其他，2隻蝦，4粒帶子，薯菜一般。呢個價錢可以食得好啲。

以前曾經去過一次都覺得似普通嘅餐廳，但今次與同事食午飯，發現餐牌有德國鹹豬手，才知道他的午市餐牌是每天不同的，喜歡吃豬手嘅我一定不會錯過！主食可以選擇飯、意粉或薯菜。最後仲有餐飲茶啡。德國鹹豬手配意粉 就算係準備好嘅午餐餐牌，都等了一陣子才上菜，因為係新鮮煮完即刻拎出嚟，豬手還很熱，表面的豬皮十分脆，炸的時間掌握得挺好，裏面的肉不會乾身，而豬皮與肉中間的脂肪比例剛剛好。我和同事食飯期間發現附近的食客全部都點了豬手，可想言之幾受歡迎，推薦大家一試。

已十年八載沒有去過，前幾天和朋友去懷舊一番， 卻發現一個非常優秀的員工 。去到接近 1 時午飯。地下已經企咗好多等候入座的人客， 心中有打退堂鼓的意思， 但當時的接待員禮貌地說……好快就到，請企入嚟等， 好快會叫到你嘅號碼。 等候期間，我發覺這是一個非常優秀的員工基於:1) 她有禮貌，心平氣和對每個人客2) 久不久又會重覆叫等候的號碼去覆查有多少人已經離開3) 他還記得那一個客人冇量體溫，入座前幫他量返4) 當時她相當忙，還兼顧對每位離開的人客說 多謝。我欣賞他的優秀工作表現食物方面，保持水準，特別是鴨胸沙律，鴨胸非常好食， 我鍾意。

提及到老字號鐵板，依間實至名歸小店味道一直保持水準，開業至今鐵板扒餐質素沒下降服務員態度有禮貌主動幫襯必食火焰牛柳、鐵板鑊仔牛柳🍴兩款落單同板5成熟食物上枱比較各有特色，火焰牛柳較熱辣辣帶汁鐵板鑊仔牛柳食鐵板風味兩者味道各有各好食，如果想食塊扒帶汁，推薦叫火焰牛柳🤤扒餐餐包配羅宋湯連飲品平民價錢，吾算太貴餐廳除扒餐外，另推薦餐牌焗飯、鐵板西冷牛扒或T骨扒，賣相好睇好食堂食用餐環境舒適，吾會坐得太迫

Sizzling sirloin steak with chips and cauliflower. Nice steak taste, decent amount of sauce and chips were crispy and good quality. Presentation was literally lit up with fire. Service was ok but to present as a nicer steak restaurant compared to a chain, would say it is the restaurant's weaker point.