波仔 (已結業)

因疫情關係冇得在外面食晚餐，唯有買外賣返屋企慢慢食，系屋企附近買波仔有好多種類選擇，我地買了麻辣雞煲，清湯牛腩，紅米飯和咋喳。清湯牛腩湯底好清甜又唔會咸，牛腩又夠淋牛味又香濃又唔肥膩好入味，湯又好好飲。麻辣雞煲是雞中翼和雞腿🍗，雞翼又大大隻又好入味又香濃少少辣又有一點麻幾正，雞翼和雞腿又啖啖肉👍白飯食得多見有紅米飯就買一碗來配餸一起食。食完飯當然要食埋糖水，呢碗咋喳好足料又夠大碗又有芋頭粒，又夠淋又唔會太甜超低買。

唔知大家讀書時期有冇賣襯波仔？我有時都會買，貪佢快靚正，快啲食完快啲繼續溫書。最近行過，見到價錢依然親民，又有款揀，就買左墨西哥長通粉 同冬菇馬蹄肉餅。今晚有啲隔夜飯餸，我就先食肉餅，味道正常，唔會太咸，肉質幾實，唔會鬆散。冬菇馬蹄可以再多dd 份量，感覺肉比例多啲。墨西哥長通粉味道正常，幾juicy，少少辣，仲有腸仔同火腿作配菜。份量岩岩好，幾開胃。我仲見到有甜水揀，下次試下芝麻糊同紅豆沙先🥰 好似份量都幾多

最近疫情嚴重，費事出街食飯，所以買咗好多即食嘅嘢微波爐食品返嚟，不過食咗咁多種，始終都係波仔最方便👍🏻最近有啲掛住譚仔嘅米線，所以就叮一盒麻辣牛腩米粉嚟食，咁佢嘅煮法非常簡單，首先除去外殼叮5分鐘，再拎出嚟撈勻叮多2分鐘，就可以食啦。個湯底都算幾香濃，辣味都好夠，大約係譚仔五少辣咁嘅水平，入邊啲肉都唔算少，大約有三四塊，以微波爐食物來講都算唔錯，另外仲有幾粒花生做配料，感覺上都比得上出面某啲茶餐廳嘅水準👍🏻另外仲食左啲咖喱飯咁，咖喱幾香濃，一如以前咁水準ok，20幾30蚊盒，算幾抵食，work from home 岩晒🤣🤣

呢排肺炎流行，所以我都減少咗外出用餐，晚晚留喺屋企自己煮飯食，🤭 但放工返到屋企有時真係都攰到唔想郁😂😂😂，波仔就幫到我😍😍 返到去洗埋手，將盒飯放入微波爐，簡單叮一叮， 成個過程10分鐘都唔使就食得，超方便，簡直係懶人恩物🤣🤣我呢餐就食咗和風牛肉飯，入面有好多牛肉，配料係洋蔥🧅😋😋😋超腍！仲入曬味配埋肥牛真係夾，配埋個甜品，綠豆沙，綠豆份量好多，又大碗，食完滿足曬🤰🏼😋😋

屋企人又去旅行，自己一個又唔想煮飯，點先可以維持三餐穩定呢？好耐冇食過波仔叮飯，靈機一觸，三餐有着落！好，入去睇吓有咩好食先。再懶一D，有預熱左嘅飯，即買即食。星洲炒米粉，都好多舊叉燒，炒米粉裏面仲有炒蛋、洋蔥，味道微辣，唔會太咸我見過百佳有得買添架！麻辣牛腩湯米粉，係今年新產品，好夠香好麻辣，仲有一粒粒嘅牛腩，米粉好爽，好食！燒雞脾原汁煲飯，隻雞髀同個圖一樣大大隻，唔覺有雪藏味，飯粒好煙韌，粉量足夠，比起新鮮煮嘅飯一啲都唔輸蝕，唔錯！

係寶田同朋友綵排完話劇，家人來接我，買咗糖水做驚喜。平時食波仔叮叮飯就食得多，糖水真係第一次。嗌咗紅豆沙，綠豆沙，同咋喳。天氣熱嘅關係，我地無加熱，直接凍食。紅綠豆沙，好多豆，竟然煲到起沙。有驚喜！甜度比較低，望一望營養標籤糖係4.x%。健康之選。平時唔會食咋喳嘅我，竟然會鍾意食波仔嘅咋喳。質地好杰，超級足料。好香紫米味，加埋粒粒芋頭好有口感。呢碗嘅甜味多返少少，放返營養標籤糖有9.x。性價比高，十幾蚊有大大碗(700ml)，質素都唔錯，平價之選。

以前讀書，經濟能力遜色，要慳錢買學費上既野，無得開源就只有節流，多數兩星期總有一日食波仔當慳飯錢。波仔飯重新定義加熱食物，至少我覺得擺得入口之餘，甚至比起某些連鎖快餐店好味。（聽聞波仔老闆都不斷試食，以了解顧客是否接受）我不時光顧瑤柱雞粒荷葉飯，我覺得只有呢個飯係維持原味不變，算是懷念過去吧？個飯底有時太過乾，有幾粒飯會特別硬，應該係急凍食物都會遇到既問題，加上荷葉香味（好似茶樓既珍珠雞咁）。雞粒名副其實係雞粒，比較細粒，有時會以為係蝦米，有咬口，但唔太覺有味。考慮到有姐姐代勞幫手叮飯，又考慮埋價錢，我覺得廿零蚊黎講可以接受。