泗興食堂

营业中

休息中

呢間泗興飯堂，夜晚有晚市，可以食小炒，都有碟頭飯等等，份量算是大，店內無裝修可言，直白說其實係工業大廈地下個層做食肆有次去食晚飯，以為工業大廈會平平地，睇門口既餐牌都唔係貴，入去食，點知埋單一個飯成百幾蚊.....唔係唔好食，仲好大煲，但無預咁貴，餐版又無寫😞最後都當然係比錢，只係心裡不爽，怪自己無落單前問清楚，下次一定要睇清楚，唔好以為工業大廈地下飯堂一定平，原來都唔係架平日早餐價錢同快餐店都差唔多，不過再去既機會都唔高......

每年既七八月都係令人頭痕既日子，適逢依兩個月就要諗去邊度幫同事搞farewell party！早一兩年都係度搞過farewell party,依度關門關得夜，可以就到夜放工既同事，一齊黎食到飯，又可以自備酒，所以今年就揀返依度搞歡送飯局。今晚一共叫左十碟餸，三十四人份量，分兩圍上，分量岩岩好，同事又覺得岩食燒乳豬，一開始諗住叫燒味拼盤，不過都係乳豬得體d。乳豬外皮夠脆，又唔會太咸。海蜇手撕雞，我個人最喜歡既菜，雞好香麻油味，而海蜇就好爽口，會令人食唔停口。蜜椒薯仔牛仔骨，牛仔骨帶有蜜糖味，幾好食，牛仔骨熟既程度岩岩好，唔難咬開酥炸大腸，男同事們一早就我講一定要order，送酒一流。豉油蝦，隻蝦好入味，烤到脆卜卜，連蝦頭都好多肉椒鹽鮮魷，鮮魷炸完之後都唔會硬梆梆，肉質仲好鮮嫩，連平時唔鐘意食魷魚既同事都話OK豉椒炒蜆，食飯必叫既小菜，味道唔錯，不過有d蜆有沙。蒜蓉蒸元貝，每一隻元貝都好大隻，一上枱同事們都哇一聲，食落啖啖肉，粉絲索晒d汁😋菠蘿生炒骨，菠蘿好甜，生炒骨好脆，必食之選椒絲腐乳炒通菜，食左咁多碟肉，食左d菜平衡下。D餸全部都夠大碟，味道又OK，最緊要全部都好岩送酒，各位同事都好

今日到柴灣幫朋友手搬野。搬完之後，就一齊去食晚飯。 朋友想食大排檔，但而家嘅天氣咁熱，唯有搵間有冷氣嘅大排檔，咁就可以食得舒服啲。所以朋友帶我地去左位於工廠區嘅「泗興食堂」食飯。豉椒炒鵝腸 $78鵝腸算係鵝內臟最好食嘅部分，但處理前期比較繁複，自己係唔會整，所以見到有都會點。炒得唔錯，夠鑊氣，鵝腸彈牙， 青椒、洋蔥有晒豉椒汁，食落好惹味。脆炸墨魚餅 $98一碟有9件， 墨魚餅好厚但炸粉好薄，而且夠脆口，但墨魚味就唔係咁出。豉椒薯仔牛仔骨 $98薯仔好入味，牛仔骨好腍易咬開，仲有肉汁。

間唔中都會喺午市幫襯下呢間工廠食堂，基本上次次都係叫常餐，非常豐富，包一碗番茄薯仔豬軟骨麵，香腸，炒蛋，奶油豬，再嚟杯熱奶茶都係$38，我覺得值得支持過附近連鎖餐廳吖！

二月上旬‧晴下午到來總有人在吸煙，已經司空見慣。想喝一杯熱奶茶，記得這裡的不錯，就來了。熱奶茶厚身又夠滑，如果茶味濃一點就更佳。不過以這個水準，都已經收貨。也要了件油占多，多士脆口而牛油及果占都薄薄的，勝在不膩。

位於工廠區內既泗興 相信住係柴灣既人 都唔係個個知有間咁既食堂做晚市今日放工 幾個約埋幾個二個舊同學黎 三人行入黎老闆娘黎寫單 問我地 怕唔怕辣 介紹左兩個有小辣既菜比我地介紹一下我地果日既晚餐荷包雞: 有花椒 香菜既味道 香而帶有小辣 食落令人想起吃重慶雞煲果重味 幾好!!黃金蝦: 蝦大大隻 咸蛋黃味濃 好香 蝦又炸得脆 唔錯!!蜜椒牛仔骨: 甜中有小辣 牛仔骨亦夠"諗" 驚喜!!金菇扖豆苗: 個汁夠濃 豆苗亦唔老 o岩食!!其實d菜都係香大於辣 所以我地幾個 唔係好食得辣都食到食完飯 我地坐收銀旁果張枱 老闆娘重送左包大陸白瓜子比我地 一齊咬 傾下計睇電視原來佢地一家係柴灣做食肆做左幾十年 所以做既大多都係街坊生意 好多熟客做左成日 咁樣食餐街坊飯 才夠意思!!!

四月上旬‧晴文稿死線前的三小時才吃的一餐飯，吃完已經要拿拿林找地方寫稿了。來了這裡就因為下午時份這裡人不多，獨自在角落霸了張小圓檯，工作兩小時也沒有理。當然不能齋坐，就要了杯熱咖啡。咖啡幾香幾濃，有一點酸味，不過下多一點糖就不覺了。還有一個少人的原因，就是這裡雖然似是室內，但八成的人客是人手一支煙，未必人人受得了。在我而言，還可接受。

原來長輩十多年前已開始幫襯，開工後例必山長水遠到此買炸豬手，真估不到！薑蔥蟹、中式牛柳、京都骨、焗蠔（大隻又入味）、紅燒豆腐、蒜蓉開邊蝦、上湯津白，全部足料、夠鑊氣、有大排檔水準，相信大部分香港人都心裏有數，不贅。長輩指豬手好像退步了，但吃起來仍是一道香口的下酒菜，沒有一般豬手般吃咬。伴着用碗盛的啤酒，別有一番風味！欣賞的是此店做街坊生意，就算早知客人消費不多，仍熱情款待，自攜紅酒不會吃白眼亦不收費，老闆娘有講有笑，服務態度比什麼大餐廳過之而無不及。一圍老小全部吃得盡興，點菜也點了三 round！提醒大家此處環境較舊式，切莫特意來到又嫌欠裝潢。

七點幾食個飯, 一入到去... 哇... 一個客都冇0架?! 星期六都攪成咁0既?! 算啦, 唔到都到0左就坐低叫野食. 蝦醬牛肉通菜: 菜都算幾大碟, 算係夠食咁啦, 呢個冇乜問題, 唔突出咁.牛仔骨茄子煲: 勁滾住上枱, 呢個幾好食, 不過食到尾發現真係用0左好多油呀! 冇計, 煲係咁0架0勒. 味道拉返分啦! 如果辣0既話仲好食呀! 黃金蝦: 個樣就幾靚, 不過咸蛋黃勁多咸0左少少. 最弊係唔夠乾身濕0左少少, 再乾身少少就好0勒.豉椒炒聖子: 個廚都幾得閒喎, 殼0係晒底, D 肉排晒上面! 佢真係幾得閒喎! 味道乜問題, 不過感覺聖子唔似係炒, D 汁留0係個殼 only!百花釀大腸: 百花即係蝦膠, 釀落攤平0既大腸大大舊, 件數唔算多. 食落幾好食0既, 不過早知揀同價0既京都骨拼大腸啦, 可能感覺抵食 D. 全場最正0既係啤酒, 一來冇變到味, 二來個碗夠晒凍, 飯落好舒服.叫蠔仔粥又冇蠔仔, 就咁叫三個飯一個粥又話冇粥, 最後跟0左四個飯! 之後仲聽到隔離枱話要河粉, 又係冇河粉! 叫乜都好似冇咁, 係咪真係生意做唔住呢? 對比起以前係好多人, 野食好 okay 0既