泗益 (裝修中)

一個遊閒的下午，遊下…遊下…遊到赤柱泗益。先上熱奶茶和熱華田…遊閒的兩人也不用趕時間，真的可以慢慢歎！「呀～」先歎了一啖茶。「唔～」再歎了一口西多士。遊閒的下午，終於知道甚麼是「舐舐脷」。

今天在此食早餐. 叫左個沙爹牛面($16)+熱檸茶($10).老實食物真係一般出面$16已經係一個早餐set啦. 佢地只不過用出前一丁, 牛肉又"un". 可以讚係佢地杯茶啦. 真係無咩特別啦.p.s....佢地出食物好慢...(只係我)有個人慢我10分鐘來, 佢個面係同我同一時間出架.

行開赤柱, 一定要食泗益。不過坐位就差少少,要有心理準備。奶茶又香又滑,值得推介。飲咁耐除左灣仔金鳳,都算佢最好飲。問過事頭婆,奶茶個茶沖壼沖咗幾十年奶茶,茶味香濃,勁過用紫砂茶壼沖。因為師傳會沖茶時加埋糖落去,少甜要早揚聲。野食唔係貴,好多南區有錢佬、老外遊客都專誠去飲奶茶,食西多。你落到去事頭婆隨時叫D咩富豪讓開俾你搭抬,大家都係一樣美食一樣坐位,都幾公平！

o岩o岩星期日去開赤柱...更係要o黎試一試奶茶...點知去到已經閂緊鋪...唔通要白行一趟!?問佢仲做唔做生意...佢問外賣得唔得..更係得啦...即o黎咖央多, 凍奶茶...等緊試見到熱狗/魚柳包/豬柳包都係8 蚊..再要多個魚柳包...由於係等外賣o既關係..可以企o係檔前面睇住老闆整...見佢拿住塊厚少少o既方包去烘...烘完就即刻開邊再塗上牛油+ 咖央...魚柳包先叮軟個包..再開邊放入頭先烘多士個爐度烘熱...魚柳即炸...再加上沙律醬...老闆仲好好人咁將魚柳包一開二...果然細心..我一向都麻麻咖央..囡囡話算係幾好味...唔太甜...魚柳包新鮮...熱辣辣都唔錯...個奶茶就真係好香好滑...真係好少飲到...下次凍d 真係要再o黎試o下熱奶茶加多件奶醬多先得..

尋日同男朋友去赤柱。。。佢話呢度既多士好好味~但係由於當時我同佢都太肚餓喇! 所以就我地去隔離既舖頭食魚蛋粉, 之後再行一陣, 咁先再黎呢度食野~我地叫左:油占多($6)- 麵包好薄, 好脆~豬扒飽($8)- 男朋友話好好味, 我都覺得呢個唔錯~凍檸啡($11)- 男朋友話一定要叫既! 我咁大個女都未飲過凍檸啡, 所以我就試飲左一啖. 我覺得好苦, 但男朋友就話好好飲! 佢仲話呢杯野賣$11 蚊係好抵, 因為出面既茶餐廳好少有得飲, 就算有既, 都一定唔會係呢個價錢喎~Total : $25~

數下數下都有幾十年..... 日日早上四正點都已經有人飲奶茶coffee... 佢西多士真係好好食架... 仲有餐旦冶.... 旦裡包餐肉.. 熱就係熱d.. 但係整體上ok ....自己赤柱人... 梗係要支持下.........

有朋友響赤柱番學，佢極力推介呢間泗益，話好多學生哥放學都會去。西多士都幾香口鬆軟，不過油份過多，奶茶就一般啦，冇乜特別。由於個西多士太油膩，我都食唔到其他野啦！

嚟呢度點可以唔食西多士, 我由細食到大, 都仍然保持到咁好食, 第二度都好難食到呢!

一上枱, 就聞到好香既蛋香味.兩塊麵包炸完仲係厚厚咬落去仲有麵包肉食到唔係變哂乾爭爭.中間夾住咖吔 唔係花生醬更加好食.

大好星期天，陽光普照得來又不太熱，最適合戶外活動，就同太座去了赤柱游水，下晝吃過薄餅午餐，走的時候就想吃大排檔，呢度雖然沒有冷氣，但已收太陽，沒有那麼熱，才幫襯。泗益同民益，跟玉葉同民園一般，是孖住的兩間舖，在一間舖吃可叫隔離舖的食物，不過就要自己去叫，又要埋單先。我倆坐在兩間舖中間的那張檯，不用走來走去，兩間舖的食物都可以叫。這裡是港式茶記，咖啡奶茶多士三文治公仔麵，差不多已經數晒。在隔離民益叫了兩碗麵，在這裡叫了凍奶茶及熱咖啡，同埋豬扒包。熱咖啡幾唔掂，似乎是即沖咖啡，就算不是味道都有八成相似，即係麻麻。奶茶亦是一般淡口，沒有港式茶記的香濃，亦係一般；豬扒包反而不錯，包烘得熱辣辣，微脆，內裡的豬扒雖然實實的，但只賣八蚊，幾平，都算食得過。埋單29 蚊，唔算貴，但作為茶記，奶茶咖啡都唔係太掂，好似有點兒那個。

本來係諗住入去南灣「聚下舊」去小食亭食炆米，基於種種因素及飽餐「蓮香」就鼠左入去赤柱行下街、踱踱步．．．踱得黎望望錶都差不多六點，king ludwingｏ既「高茶點」無望喇，唯有食番個「大排檔式」攝下牙縫先。西多、咖啡奶茶聽聞係哩豎嚮噹噹之寶物，坐得有點焗又有乜所謂丫（適逢天公造美，無雨陰天，有點涼風）！除左叫了咖啡、西多，仲叫了杯熱咸檸（凍ｏ既飲得多哩？！），咸咸地，少少酸，同屋企阿媽ｏ的寶物「咸柑桔」有得揮！邊飲邊等西多之時，已聞到陣陣「蛋」香，友人「食指大動」隨即想叫番碟蛋治，但遭拒絕，因晚餐時間都差不多喇．．．西多形狀非一般方型，雖然都係油滴滴，大大舊切開六件，四條友分都唔係好油膩ｏ者，再者入邊ｏ既餡唔係食開ｏ既花生醬，而好似係「咖ｏ也」呀，總體唔係甜唔係漏喎，真係幾好味ｏ架～老闆娘係一個健談ｏ既人，見佢飲緊罐啤酒「消暑」，講笑吹水叫佢請我地飲埋一份，老闆娘落落大方，但僅只一罐，唯有下次啦～

雖然天氣熱辣辣, 入去泗益可能會幾焗, 但當你吃著沙爹牛肉三文治,或者炒蛋多士配枝裝可樂, 簡直係人心一大樂事,咩悶氣,熱氣都無晒. 反而奶茶偏甜左少許..