泗益 (裝修中)

星期6下晝去到要等位, 叫左沙嗲牛面同西多士, d牛肉唔知點解好深色, 黑黑咁>_<", 同埋d面未熟透, 仲有d硬, 西多士愈來愈差, 偷工減料, 冇以前咁好食, 希望佢真係可以keep返以前個水準, 同埋應該改善下d服務態度, 因為佢地真係態度惡劣~! 我問佢拎隻"匙更", 佢就話"你要就比你lor", 我叫左西多士+練奶, 黎到冇奶叫佢+返, 佢就話"夠甜ga喇, 你食左先講啦"~!

當初安排赤柱之旅就鎖定泗益了，因為非假日，人潮一般，到了"店面"也是要稍等。西多士果然名不虛傳，外皮香酥還添脆，內層軟燙甜膩，這樣的作品在我這有下廚習慣的人一看，就知道是標準討好的料理方式：厚油大火、蛋汁豐、糖漿濃，一旁的男友吃的不亦樂乎，我則是淺嚐即止，兩口可也，三口嫌多...個人口味囉，畢竟不是好油貪香之人，如此傑作，嫌膩啦~~不過平心而論，以店面規模和經營方式，能做出如此水準的招牌料理，甚而成為赤柱一景，仍屬難得，都唔錯喎。

上次飲完佢個正奶茶, 念念不忘…而且上次食唔到佢個西多, 心有不憤. 今次下午兩點幾去, 而且先打電話去問係咪有西多食.兩人叫了一杯熱奶茶、一杯凍奶茶及一件西多.熱及凍都好好飲…到西多啦! …真實都幾油膩, 味道是ok的, 但太多油了, 不是想像中的o禁正!下次還是repeat奶茶好了.

上星期六6點鐘入由銅鑼灣坐小巴入赤柱. 之前已經打電話問定佢地開左鋪未, 有個哥哥仔話6點鐘開始有o野食, 正! 唔記得帶地圖, 找到隻狗o禁, 問賣報紙姐姐先知...原來在公共圖書館對面的橫行, 好難察覺到. 不過去到附近都聞到茶香味. 其實看不到小卷, 但鐵皮屋頂有泗溢的大字.入到去已經有六七個人食緊o野, 婆婆叫我地坐, 見我地周圍望, 於是比左個menu我地. 見到有個哥哥pack緊外買, 都唔知佢係唔係店員, 於是同佢講"唔該一個腸蛋面, 一件蛋牛治, 一件西多, 一杯熱奶茶" (二人份) 佢只係黑口黑面禁話"西多等好耐喎!" 我地在開飯啦網頁上面知道這間o野有兩大特式1) 有個哥哥面無表情2) 西多等好耐. 於是我地話"好啊!"2分鐘奶茶到! 正正正正正! 好好味! 茶味勁濃, 有兒時大排檔的味道! 大家一定要試! 熱的比凍的好得多5分鐘腸蛋面及蛋牛治到! 普通到咩噤! 外面的茶餐廳一樣, 各位都可以節省金錢, 不用叫!知道西多要等, 於是拖慢呢食... 半小時過去.... 四十分鐘過去.... 要食的東西已經食完, 於是叫多個凍奶茶.... 五十

睇到D食友話這兒的西多士同奶茶好正,梗係要帶埋蝦子餅試試...星期六的中午,沒太多人,等5分鐘有位.我叫0左...西多士- 果真好好味,蝦子餅話從無食過這麼好味的!西多士香滑鬆軟連蜜糖都已經釀裡面(晒我呢D懶人),正!奶茶- 香滑,飲完唔"鞋"口!油央多- 一樣噤好味(如果再多D咖仲正).我仲有D肚餓,咪叫0左碗沙嗲牛肉面,點知出事...牛肉好韌好韌,仲"鞋鞋"0添!跟住見隔離亞姐叫的豬扒幾靚,下次我會叫豬扒面.這兒衛生情況一般...係一般大排檔FEEL,我仲聞到有D老鼠屎味0添,大家要有定心理同生理準備!

早上﹐下雨﹐有點懶﹐於是到了家樓下的泗益﹐也吃了很多次了...這個下雨的早上﹐人不多....與男友點了﹐一碗紅腸蛋通粉﹐紅腸蛋麵﹐西多士(必吃的)...一杯熱咖啡及華田。西多士﹐沒有糖漿﹐仍是甜的﹐因為"架央"在麵包內﹐已經甜甜的﹐外脆脆內裡軟軟的﹐重要是不太油。很好。2 碗麵也ok 啦....還是麵的味道。是的。

上星期專登黎呢度搵嫂嫂.....好記得呢度....會令我驚嚇又會令我興奮的地方。"赤柱".....考導遊牌既時候...我就係考美利樓家喇....仲記得亞SIR帶我地成班同學黎呢度...."Hair"下....今次再返黎呢度....就捉左嫂嫂陪我食呢度好出名既西多士。真係好好味....熱辣辣的.....好味....還有舊式古老奶茶/ 拍得住德發......十個掂.....(唔記得影相)....望下身邊既其他客人....有可能大部份都是導遊/ 領隊呀.....因為呢度係導遊/ 領隊休息站之一。

11-2-2007 1617呢排平日及週末週日都要入赤柱有私人事務，有時做做下野要醫肚，這區食店多的是，但要平平地、物有所值及夠地道既，我諗只有這裡。上兩個禮拜叫左豬扒包，今次叫番西多士加茶走。人多自然要等，佢\地西多士係即整，最形爆係佢\師傅上漿時，還有負責打點樓面的哥哥仔，他記客人所點的食物能力真係勁，有咁既功\力真係賣少見少。茶走都要等5分鐘，西多也等了20分鐘先黎，西多剛剛煎/炸起，又不見得熱氣，外脆內鬆軟，唔會覺得係隔幾夜既麵包，內裡的醬份量也剛剛好，如在這裡幫襯，一定要叫黎試，茶走有少少鞋，尚可接受。埋單廿幾蚊，在這區來說是合理，一個好少少環境食個茶餐\都要三字頭。題外話：有位小朋友係咁叫食物，哥哥仔緊係知佢\玩野，但佢\又冇生氣，打成一片；上兩個星期有位小姐帶同佢\老外男友及佢\爸爸黎呢度試，佢\地傾傾下有的地方唔明，我都搭下訕幫下口，老外都話呢度好食過頭先所謂大集團既中菜。

1. 叫野比一個貌似許冠英的阿叔聽, 佢永遠都無反應架, 有時都五知佢聽五聽到, 第一次入黎真係以為佢啞架! 點知原來佢識講野, 不過五蘇你, 試過叫左一件西多起碼過左半個鐘, 問左呢個阿叔有無落單佢都無反應, 諗住埋單, 佢又追出黎用手指住件西多,超搞笑! 甘呼又坐低食埋佢.2. d 沙爹牛面好難食, 又咸又鞋.3. 其實個西多不外如是, 我見到佢係用嘉頓面包咋!4. 不過d紅腸又幾好食.5. 奶茶都幾好飲6. 其他d野食都不外如是

我今天午餐\叫了豬扒丁，朋友叫沙嗲牛丁（因早餐\在屋企樓下的茶餐\廳食左，所以下晝唔再叫），我就試一試朋友的牛係咪真係咁好味？點知，比普通茶餐\廳都不及。豬扒丁就味道一般。至於奶茶，就不夠滑了。咖央西多士，就唔知點解唔好食，係咪我今日黑仔呢？外面的蛋炸得唔夠脆；件麵包係‘林’o既(好似濕過水)--即白色染唔到雞蛋部分；咖央又沒有咖央味，只得個甜。

帶回港度假的朋友過來赤柱逛街，也慕名到這間排檔試試。爭取時間，與朋友各叫了外賣一份西多士和熱奶茶，心想落單後先在附近逛一逛，回來取便即有得吃。那知一逛就是半個鐘，西多士當然已經變涼，難得朋友還讚個不停，我則覺得它不是特別出色，不過不太甜亦不油，而且蛋香十足，算是OK的。可惜分量比較小，不知會否引得客人叫多一份。

1月28日, 係我地先明的大日子, 所以黎左赤柱.之前已經黎openrice做過research, 見呢間泗益d西多同奶茶好似好出名, 所以我地慕名而去啦.我地係赤柱大街行左一兩次都唔見間野... 之前終於搵到, 原來係咁入架!店內冇位, 而且有人排緊隊... 如果唔係見d評語咁好都唔會係度排隊呀! 排左兩三個字就到我地啦.男友要左沙嗲牛肉蛋麵同埋一杯熱奶茶. 另外要個西多同埋咖央多. 男友d沙嗲牛肉都幾好食, 但我諗隻蛋同d麵都好一般. (個麵等左好耐先到, 期間催左佢兩三次)杯奶茶略甜, 早知走糖啦! 重頭戲黎啦... 登登登登... 西多!!!!!個樣同普通西多唔同, 一啖食落去... 真係好好味... 從未食過d咁好味既西多... 係第二度一定食唔到... 男友都激讚!!! 真係超正架!!! highly recommended!!!!!!!!! 回味無窮...由於西多太好味, 我地已經飽飽地既時候, 又叫多個咖央多. 呢個都好味, 同維記果d有d唔同, 但兩者都好好味!西多同咖央多, 我同男友都覺得西多好好好多!!!!! 下次淨係去食西多得架喇, 其他野可以唔洗試.PS. 味

泗益既西多同奶茶．真係無得頂呀．西多：外脆內軟．好香牛油味．第一次食西多唔使落糖醬．入面既架映己經甜甜地．真係好味到無得頂．咁大個人未食過咁好味既西多．可惜實在太肥美．滿口油淋淋既感覺．不過真係好味到唔記得要減肥．．奶茶：茶味好香又唔苦．超正又一古式大排擋．．好味道！

been to Stanley market last sunday with hubby. tried on the pork steak mee and also the ham egg mee. taste like normal maggi mee, so so, i also can cook this dish out.out of my expectations. ingredients not that much, quite small bowl, not enough for guys definitely. the hot milk tea cost $10. i think they should package it together with the mee or bread, make it a set for lunch or breakfast. it's easy for ppl to order.the environment is normal and less sitting place.

叫左餐蛋面, 檸樂, 豬排包, 西多餐蛋面, 檸樂: 非常普通豬排包: d豬排有d硬, 不及勝香園, 但個包就非常脆, 燶燶地好食西多: 等左好耐先有, 不過真係好正, 有少少甜味但又有牛油的鹹香, d甜味唔係糖漿而係界映的味道, 好fresh的感覺, 不過好好好勁肥