泉章居 (已結業)

首先﹐我要回應之前個位呀哥or呀姐的食評。一、叫臺號不漏都唔係順序架喇﹐跳number有咪咁出奇﹐個呀姐高九度回應你都唔代表冇禮貌﹐有D人個Key係高少少架嗎。二、你講個位肯定係有的﹐二樓收銀機旁邊﹐對正樓梯位。如果你真係唔中意咪同佢講囉﹐再等下囉。我成日去﹐都成日見到有人坐﹐冇人投訴窩﹗三、你叫的菜同我上星期去的一模一樣的。蟹肉扒豆苗、鹽焗雞，同例湯。蟹肉扒豆苗確實有時係蟹殼去得唔乾淨﹐但冇話食到成口血咁誇張呀嗎。鹽焗雞又真係越來越差﹐重越來越細碟﹐不過點都唔會有渣掛﹖泉章居點都保持倒水準的﹐不過事實係差左小小﹐不過你都唔好係度扮代表丫﹗

尋晚16-Dec去食，未有野食已經一肚氣。我知我係要唔食煙位，不過門口阿姐駛咪咁先。我109，我見佢嗌完108，隔幾個字嗌110。我問句:"我109未嗌播."佢高9度答:"你要唔食煙丫嘛!"真係想...... 。好喇，有位啦，不過我肯定係無呢張台既，因為個位係一上去對住樓梯，收錢隔離，晌個房divider出面，冷氣口下面，真係狗都唔訓，貓都怕凍啦。食左個蟹肉豆苗，鹽焗雞，同個例湯。個豆苗食到差d死，多殼到丫，牙都差d咬爆，血都嘔幾兩。個雞又硬又多渣，係用d勁鹹薑蓉蓋番d尾，不知所謂。係個湯好d d食得下。我早幾年去裝收無咁好，無咁多人都真係食得的，家陣裝過下修懶巴閉咁真係餓死都唔去。

呢度D午巿套餐轉左，以前套餐有湯有飯跟，而家只係4人餐俾你任揀3個"食送"，湯同飯都要另計，計落只係D"食送"價平返D，咁都叫係餐？﹗六個人，叫個所謂4人餐，再加一個小菜，鹽焗雞半隻、粟米班塊、葡汁焗四蔬同埋秘製燒骨。鹽焗雞貴為招牌菜，果然嫩滑；粟米班塊亦做得好好，班塊仍然脆口，唔會一舊粉；葡汁焗四蔬亦非常香，計落唔止只四蔬，個汁撈飯一流。唯一最差0既係個秘製燒骨，仲話係推介，佢有D似芳香排骨，但肉質已經燒到乾乾鞋鞋，麻麻地﹗服務預左麻麻地，本來講明唔跟餐0個個小菜係最計最平0個個，點知最後係計左個$70粟米班塊，明明個秘製燒骨都只係$65，激死﹗奈何已經2點，趕住返工，費事同佢拗﹗

這是香港不變的習慣

唔通香港經濟真係好左，只不過係星期三晚上，有二、三層高的酒樓，就算冇10成都有9成滿。佢d套餐真係好鬼抵，4人餐都係二百幾蚊，已有三一湯任揀，套餐個海皇豆腐羹雖話4人份量，但足夠我o地6個人食，仲有多tim。招牌鹽焗雞味道好一般，雞肉唔得幾鞋口，成隻雞都唔夠入味，已經唔可以叫做招牌菜了。甜酸生炒骨……哈哈，真係舊舊都係骨仲係好細粒，炸得過了火位幾乾身；豆豉蒸倉魚，一直覺得用豆豉蒸的魚都唔會係新鮮，食落口都唔錯喎，雖然唔太鮮味，起碼肉質唔會霉同實。得三個6個人當然唔夠食，再叫多三個。雖然可能叫兩個套餐仲平，但係d套餐碟頭細過散叫。菜遠生魚球，唔係化!將魚片切厚左少少就當做魚球喎，生魚有幾貴呀?得幾塊少少碟就收$75，d被搵苯感覺。金銀蛋菠菜過得去la!葡汁焗四蔬大家一致讚好，椰汁味唔濃，仍然keep到有香味，所以食落唔會太溜。最後送的蕃薯雪耳糖水，完全唔夠薑味外，蕃薯味亦唔多夠，幸好佢唔係用紫心蕃薯o者。

昨天下午與家人及由泰國來的親戚在泉章居吃午飯，竟然沒有人排隊，當上到樓時，發現下午的價錢比晚上便宜，而且很寧靜舒服，七個人點了八人餐，埋單都是三百六十元，每人都是五十多元,好抵!如果下次去食都係選擇下午去較少人，不用等位。

星期六晚無啦啦想食中菜，女友苦口苦面都唔理，拉埋佢黎泉章居開餐。門口鬼死咁多人，但係等左兩個字就入得座，真係奇積。泉章居既小菜散叫係十分之大碟，兩條友唯有焗叫二人餐啦($148包湯同任選兩款小菜)。帶子海皇湯真係好大窩，每人可以分到四飯碗，好彩唔係早早就拎黎，唔係筷子未郁己經飲飽。海皇湯味道適中，適合喜好淡味人仕，但係食哂成窩都無人叫到有帶子既蹤影。霸王雞係呢處既招牌菜，當然要點啦。上桌既係雞胸，比著第二個可能己經鬼殺咁嘈，不過我愛雞胸，欣言接受。雞胸都做得幾滑，而且醃得好入味好夠咸，岩我！其實以前媽媽醃既隔夜咸雞係最得我歡心，但係健康熱潮入侵各人體內，連媽媽都受到影響，叫極都整唔番以前既咸味，無癮！炸大腸係女友欽點，查實本人屬意於令一絕品梅菜扣肉，不過呢味野對女仕黎講尤如洪水猛獸，就算想食亦只得一個想字。炸大腸無想像中既脆，似係炸後被焗過一焗。尤記得之前散叫過炸大腸拼春卷係令人再三回味，現在再嘗此大腸，絕對係退左步。埋單兩碗白飯連兩罐汽水合$214，服務跟味道都不差，算食得過。食完雖然飽到行唔郁，但係仍然記掛住梅菜扣肉既英姿...

梅菜扣肉都好掂喎!扣肉鬆化, 梅菜味濃, 正呀!招牌雞更加唔駛講啦.....而且仲好抵食tim!!!

剛剛兩間都在三天內幫襯過, 銅鑼灣的店是真的好過旺角店很多o 味道與份量都勝出, 招牌的霸王雞比旺角店的大, 又嫩滑, 粟米斑塊又香脆, 汁又好味, 冬瓜盅料又多又鮮味, 價錢又平, 無怪門庭若市o

一家大細去食飯,呢間係一個唔錯ge選擇~佢有d二人/四人/八人餐,幾抵~我地通常都食四人餐,有三個餸,有甜品送,份量剛剛好~但係真係好抵,就有三個餸,我地仲叫左三個飯,兩支汽水,$200都唔使~而且d野都幾好食~粟米石斑整得好好味~d石斑整到好"鬆化"~佢地出名ge鹽焗雞都好正~好夠味,又有雞味~值得試~仲有呀~地方好寬敞tim呀~

我都係泉章居fans之一, 耐唔耐都要去食吓佢的雞先安樂個隻! 上個星期同d friend例牌聚會又嚟呢到, 唔使問, 一定會叫鹽焗雞, 冬瓜宗, 梅菜扣肉, 勝瓜蒸帶子, 梅菜蒸魚, 魚湯米線.... 但個晚食物的水準又真係有小小退步喎!

平時屋企開飯, 都會去佢度買外賣. 最鍾意食佢既霸王同埋梅菜扣肉. 佢d 套餐唔平架, 3 個人連茶飯介要300 蚊左右, 都係得3 個.提議可以叫d 貴既食物, e.g. 花膠海參煲, 同埋炸蝦丸. 有個油浸筍殼魚都好食. 不過我飲過佢咁多隻湯, 都冇一隻好飲, 重好咸...

之前俾漏了個喊樣佢……

每逢週末假期，呢度門口都塞滿人，好似唔駛錢咁，講真我真係好唔明！講食物唔係話特別出色，呢個水準於好多其他地方都食到。講價錢，除開每人都要過百蚊，同樣於好多其他地方都食到。講地方，比一般酒樓差，我地十四人竟然俾張八人桌我！講招呼，班伙計十叫九唔應。咁樣的地方，下次唔駛旨意我再去，真係諗極都唔明點解仲有咁多人去排隊食。計我話：「幫襯泉章居，真係好戇居！」

始終覺得旺角店比較正宗,好味,唔知是否心理因素：p