泉章居 (已結業)

泉章居下午茶又有新野了 , 他定期都會轉下唔同新款 , 價錢又平, 真係一個下午茶好選擇! 香煎腸粉 $ 12 : 用黃芽白一齊煎 , 好清 , 一點味都沒有 !! 脆口雞翼 $12 : 一碟有4隻 ,不過好炸呀.. 味道加上酸辣汁好似麥記的雞翼 ! 炸雞軟骨 : 是我的至愛 , 睇落好似好大舊咁,但其實外身不過是粉多 !叫左一碟炒野 , 一個粥 , 幾個小食 , 食到飽飽結賬都是$80 多元..真抵!

午餐和媽都不知食乜好, 突想食鹽焗雞, 上了來泉章居.12點來了7樓, 未太多人.午餐menu都係碟頭飯多.唔洗諗啦, 當然係叫鹽焗雞飯, 另叫多了一個八珍瓜粒湯飯, 及一碟灼菜心.因想媽食清d... (雖已叫了不太清的鹽焗雞...)雞好快上, 水準一流, 本港食鹽焗雞, 此店係不二之選.菜心都幾大碟, 8蚊都算抵食.菜都靚架.湯飯則略遜色;湯好清, 但食完個鹽焗雞之後再食個湯飯, 好似冇味咁!!!看到的有雞粒, 鴨肉, 冬菇粒, 紅蘿蔔等.肉太少, 可再多d便更好. 其實係ok 的, 但只係食完了個雞後, 再食這個變成冇味咁!相反, 隔離檯的梅菜扣肉飯勁香... 早知食呢味飯啦....

飯店安排左我地去8樓食, 好坐及靜d(1) 鹽焗雞 - 幾好(2) 菜心炒牛丸 - 菜心太少, 一般(3) 清蒸石斑 - 最好味果碟(4) 梅菜扣肉 - ok(5) 炸豬大腸 - 好鬼硬, 不好食(6) 例湯之老火湯 - 佛手瓜煲豬肉湯 - ok(7) 魚湯米線1碗 - 幾好

再來這裏午膳，也是叫了二人餐加四人餐。鹽焗雞：都保持到水準。梅菜扣肉：可說是為這道菜而來，仍然又香又美味。不過這次熱度不夠。咕嚕蝦球：不好吃，汁不夠熱，味道非常一般。雜菜火腩煲(正確名字不太記得) ：也是非常一般，汁醬太濃。香酥鴨：賣相還可以，食落就非常難食，只得剩了半碟。今餐很失望，除了招牌菜鹽焗雞和梅菜扣肉好一些外，其餘可說是劣質出品。整體而言，勉強給一個ok面，因為當日接近過年，仍然供應經濟的套餐，客人眾多，就當是偶爾失手吧。

三人又來吃晚飯，叫了四人餐，點了瑤柱海鮮豆腐羹，花膠北菰海參煲，霸王雞，西檸班腩。瑤柱海鮮豆腐羹是一大盆的，很多瑤柱，味道清清的很易入口，但吃不完！花膠煲有好多海參，花膠亦有幾件，汁濃濃的。霸王雞沒有鹽焗雞般嫩滑。西檸班腩好香，炸得好脆.

放工約左男友係度食飯, 想食雞, 就諗起呢度!黎之前無訂位, 全靠男友醒目未夠7點就黎左拎位先有位咋!order左二人餐, 有湯 + 兩個小菜 + 糖水 ($180) 個餐有好多小菜可以揀, 好似好多都好味! 揀左好耐先決定到嗌乜! 最後湯我地揀左是日例湯粉葛蓮藕豬骨湯(另有帶子羹/牛肉羹/豆腐羹可選擇).個湯好好味 ~ 好清甜, 又唔油, 好有屋企feel! 連d湯渣都想清埋!小菜我地要左鹽焗雞同埋勝瓜蒸帶子.鹽焗雞果然係招牌菜, 雞肉好嫩滑呀! 本身都好夠味, 唔駛點檯面d沙薑醬都好味喇, 但個雞皮就偏咸左少少, 同埋都幾肥! 雞胸都比出面食既滑, 我本身唔太鍾意食雞胸既, 都好想食多幾舊!兩人餐有一碟, 四人餐有半隻, 八人餐有一隻 ~ 其實兩人既份量已經幾多下! 相比起之前個湯同鹽焗雞, 勝瓜蒸帶子就有少少遜色! 因為碟野係靠豉油同帶子上的蒜蓉調味, 但係d西蘭花吸左d豉油, 搞到都幾咸... 帶子都有唔少, 當然又唔係好靚好大粒果種, 但係肉質都算甜, 收貨喇 ~要了碗白飯, 沒什麼好寫 ~ 普普通通一碗飯!糖水係木瓜雪耳, 甜度適中, 感覺很滋潤 ~ 以距既味道, 份量及

親戚逆市發了小財, 來了銅鑼灣找我家兩老吃飯, 我也有幸叼光, 來泉章居吃它一吃。這裡是我媽的飯堂之一, 而且我遲到, 到達的時候他們已點好菜兼積極開動中。我們吃的是四人午市套餐 ($168):湯 - 其時我還未來到, 相信已給喝掉, 沒得寫喇霸王雞半隻 (原價 $104) - 套餐上還有另一種雞可選的, 但來泉章居又豈有不吃霸王雞的道理呢? 這天的雞油水比較好, 鹹香肉嫩, 老饕親戚說是用了雲英雞的緣故; 其實我自己就很愛吃雞上面吸盡鮮雞精華的蔥絲了呀! 看在這雞份上, 今餐味道可以給 4 分清蒸石蚌 (原價 $98) - 肉質偏實, 該是大批一起放大蒸爐出品之過香芋葡汁南瓜蝦煲 (原價 $98) - 這味是套餐以外另加錢叫的特價品, 很多葡汁, 很膩, 加上澱粉質超多的芋頭 (不夠綿) 和南瓜 (這個好一點), 是滯上加滯; 蝦也是淡茂茂的雪藏貨, 是唯一吃不完的一味蟹肉扒鮮菇 - 嗯, 認真麻麻, 蟹肉汁像膠水, 菇也是沒什麼味道, 不推介。它是之前大家點了一味翠玉瓜, 出來竟有苦味之後就換成這個的, 看來還是不要對它家的蔬菜類食品抱太大期望。隨餐還附白飯, 每位也有甜品 (木瓜

晚上九時多，一家五口在崇光附近要找個地方”醫肚”，家姐話近近地去泉章居。”成交！”反正媽話佢好多年冇去過。等電梯的時候，姐姐已經話”都不一定有位坐．．．”　的而且確，上到樓，見有人在等大枱，座無虛席，幸好剛有客人離開，我們能順利入座，否則要爸媽兩人等，佢地寧願回家！〔這種經濟環境下還如此旺場，真係好好！〕點了套餐，包一個湯羮，三款餸，縱使人客多，上菜速度極快，抵讚：　海皇帶子羮，ok la 　西蘭花斑塊　半隻鹽焗雞，好滑，但大家都覺得有ｄ太咸　白灼基圍蝦不包括在套餐內有：　金銀蛋豆苗　海蜇頭 ($18), ２個飯後送好味雪耳木瓜湯水九時半後入座八折：埋單合共（5人）398, ok la, right?! 〔我地坐下的時候其實差數分鐘才到九時半，但阿姐好好，自動話俾八折我地！多謝，怪不得咁客人捧場！〕服務：也算不錯，他們會起來很忙，還能保持良好態度；最少侍應有理會我們舉手；會否再來：如果和大班朋友想嘆吓客家菜，鬧大聲講嘢，泉章居都是不錯選擇；但，環境實在太吵耳；裹腹還可以，但作輕鬆享受家庭樂，不一定好好，我地吃飽亦快快離開！

今日lunch 第一次同同事吃反八個人叫了五個 餸 ($328)霸王雞~ 皇牌餸 8 個人就有一隻 (肉質很滑和肥美) 好好味呀~元貝水蛋~ 有肉碎及元貝 好味~ 但係點解用咗蒸魚豉油呀..... haha炒帶子~ 味道都幾好味~ 但帶子好似好少咁既~粟米班塊~ 呢個係必叫架~因為個個鍾意食丫金銀蛋豆苗~ 好好味~ 但油份多咗ddddd 如果少d更加健康及好味全部份量都好大碟, 絶不馬虎

2009-01-24兩個星期多前訂了位，佢o地算好，一般團年飯時段係要六點半或八點半，呢度有七點半提供，o岩番正常o既食飯時間上到去超多人，都要等一陣先有位個派籌小姐都應該幾"特訓"過，因為佢全晚係咁俾人"chu"一行十一人是晚竟有二人，四人，八人餐供應，而且價錢實惠，實宏宏中菜團年飯中超晒期望(湯加錢轉) 蛇羹 - 其實好耐無食過，亦不是真的能分辨真與假。吃下去沒有香草味霸王雞 - 好像是招牌菜吧，本身夠味唔駛蘸醬。唔係好肥，雞味遜了少許xx牛骨髓 - 又係好耐無食過的東西，很鮮味。但可能唔係個個人鍾意食，其實係唔錯的，口感佳，味道特別花膠海蔘煲 - 交足貨，8分啦時菜牛丸 - 普通得來無諗過成為酒樓小菜，爽爽o地但無乜味煎鱈魚 - 很明顯不是鱈魚吧，煎魚一客，平凡宴客xx 炒帶子 - 都係8分，但不可能是爽甜帶子吧(還有一樣就不記得了)要了白飯同少少啤酒汽水最後加了紅荳沙，但本人不太好呢味o野，吃了點就算。但起碼入面每人一粒芝麻湯圓，就幾軟糯吃得開心，荷包放心

大年初五，約了五個朋友去吃一個開年飯到泉章居吃中菜作開年飯真的有氣紛些！六人就要了"二人餐"加"四位餐"吧！有送有湯仲有羹！因朋友女性多怕脂肪XDD...我想試的梅菜扣肉要下次再試倒！首先叫了半隻霸王雞, 出名菜真的不同, 雞面的蔥很香很下飯, 雞真的是滑例牌的鹽焗雞, 較霸王雞咸, 惹味一點, 但問過各朋友都覺得霸王雞較正菜心炒牛肉, 菜新鮮又甜, 牛肉放面, 不是再回獲炒...但調味亦不錯清蒸桂花魚, 夠大條, 新鮮, 但有小小泥味..也倘可椒鹽鮮魷, 一般, 普通貨色例湯係發財好市湯！好味！很足料！再來一個海鮮羹, 料不太多,有小蝦粒, 小魚粒, 但水過多, 像湯多過羹白飯有點硬，魚湯米線煮耐了小小。吃到每人都停哂手, 很飽時, 待應奉上甜湯紅豆沙紅豆沙都煲得起沙, 甜度剛好...連旁邊朋友的也搶來吃最後見倒些小事..伴碟的完茜底發現菜蟲一條...好在無食用料倘算新鮮, 服務也算好, 去多次都無問題若價格再調低的話，真是唔優做。

2009年1月13日晚飯 – 泉章居(銅鑼灣)已經很久沒有幫襯泉章居了，實在太懷念它的招牌菜梅菜扣肉… 當晚與女友添置新家具後，便決定來大刷一頓。我們點了以下幾個菜：- 蛇羹 – 有點失望，用料不夠，沒有甚麼味道。- 梅菜扣肉 – 巧手招牌菜果然沒有令我們失望。熱辣辣，肥瘦均勻，吃落一點也不覺得油膩。梅菜既香且惹味，用來送飯一流，為必試之菜式。- 西檸軟鴨 – 掙扎了很久，決定放棄叫鹽焗雞，來個美味新嘗試。結果，又有另一驚喜。西檸汁做得十分好，不太酸亦不太甜，十分惹味醒胃，軟鴨真的十分香軟，必定會再試。哈哈.. 女友還幾乎單人匹馬把它清碟tim - 椒鹽中蝦 – 另一極品，惹味程度100分，連殼都要食埋，蝦亦相當新鮮大隻。客家店處理椒鹽真的有一手，不知道是否自己也是客家人，吃落份外有親切感。十分不錯的客家店，價錢亦相當抵食，一定會再去。

昨晚跟３名好姊妹去食團年飯。１去到就跟門口那位小姐說我是訂了８時半的ｘ小姐。怎料她問了一句，還沒有聽我的回覆就轉投顧客ａ的查詢。接待完顧客ａ，回過頭來的她，竟再接受顧客ｂ的查詢，卻完全沒有跟進我的意思。結果，我要氣憤地叫她，才可換來"沒有半點歉意"的跟進結果，我是比同時訂了八時半４位的顧客ａ早到，卻比顧客ａ遲入座超過１５分鐘！似乎即使已訂座，也要積極地鬥快即場登記。食物方面，４個人點了一份４人套餐。三百多元的４人套餐可自選１例湯／羹和３款小菜。例湯／羹可選擇的款式並不多但小菜的款式則琳瑯滿目金銀蛋豆苗味道ok，跟平時吃的差不多，沒有太大的驚喜。但略嫌金銀蛋份量太少。咕嚕蝦球咕嚕味不錯，不會太酸。蝦球爽口，但蝦味不足。蝦球的數量也算合理。脆皮炸釀豆腐豆腐皮炸得夠脆，不過釀的肉極少。份量有８件，不錯！瑤柱海鮮豆腐羹味道略嫌淡了一點。瑤柱有很多，但卻沒有"海鮮"的蹤跡。一份４人套餐、３個白飯、茶芥連加一，最後四百多元埋單，尚算合理。４人套餐的份量總算ｏｋ，最後大家都可以食得飽飽地歸家。但同行若有男仕，似乎就要另加小菜才足夠。

老爸生日，家中各人都鍾意食雞，知泉章居日日滿，就早幾天訂位。是晚並非週末，座無虛席，訂了八點，來到也要等十分鐘才有檯。八個人正好點八人套餐，可選一湯五餸，湯可加錢轉川貝燉鱷魚肉湯，但要加多$120，等於兩個餸，要例湯便算，例湯是青紅蘿蔔煲豬肉，選五餸當然少不了一隻鹽焗雞，還有菠蘿咕咾蝦，蟹肉扒豆苗，蒸立魚，花膠北菰海參煲，另點了兩個小食，海蜇和五香牛蹍。例湯的味道很好，少不免落了「師傅」，鹽焗雞很滑，鹹鹹地，超正，可比美以前灣仔有肥雞之家稱號的「操記」，菠蘿咕咾蝦也算爽口，除菠蘿外還有青瓜，非常開胃，花膠北菰海參煲有小花膠三、四件，海參夠肥美，很煙韌，蒸立魚不過不失，不能強求剛離骨，蒸熟便算，而蟹肉扒豆苗份量夠，也炒得翠綠，蟹肉雖是急凍貨式，但不會霉，小食兩味是佐酒佳品。是晚贈送的甜品是木瓜煲雪耳，木瓜，又名萬壽果，正好給老爸賀壽，隨後還有自己買來的生日蛋糕，不收切餅費，加上一家人的歡笑聲，是一頓很富足的晚餐。

5條友去lunch，點咗梅菜扣肉 - 太瘦啦，無入口溶，有Ｄ硬，味又不夠濃，失望salt焗雞 - 最ok，符合預期炸大腸 - ok la ，香Ｄ更好蟹肉豆苗 - 豆苗正常，但面頭的「蟹肉」淡如水牛肉粉絲煲 - salty 到爆遙柱豆腐匙 - 跟本係水