河夢

营业中

休息中

朋友成日帶我去沙田河畔附近搵野食，今日佢又帶我嚟食好野，係麗豪酒店到食泰菜🇹🇭🍽️泰式明爐烏頭$248🔥🐟大大條烏頭魚原條上，本身已經煮熟左，不過食之前要先將湯底煲熱，魚肉吸收完熱湯味道微酸，配埋泰式辣汁更加好味😋越式串燒（雞/牛/豬）（6串）$168🍢🍢有齊雞、牛、豬三種肉類🍖，各有不同嘅調味相當入味，而且仲有生菜可以拎嚟包肉食多一種食法泰式菠蘿炒飯$158🍍🍚份量非常有睇頭，掘出果肉嘅菠蘿裝住滿滿嘅炒飯，味道微甜，用料足，飯粒粒粒分明芭堤雅九層塔肉碎生菜包$138🥬🌮食落初初唔覺辣，之後啲辣味先慢慢滲出嚟，但係又好惹味🤤肉汁都幾多下次有機會，好想試埋蛋白蒸蟹🦀見到隔離枱係到食好吸引呀

在麗豪酒店的下方，我約了個老朋友在這家越泰菜聚一聚座位寬敞，而且10分多家庭客， 感覺坐得很舒適服務有酒店水準，非常細心也友善推介菜式火山排骨 微辣$228跟外面的火山排骨不同， 這裏的排骨用上一字排，口感細膩味道香濃，比外間用的豬尾骨多了一陣嫩滑感，肉也比較多，口味更鮮濃微辣果然不算太辣，湯底充滿了蒽 檸檬🍋 芫荽等配料的味道，口味相當開胃海南雞飯$148雞件10分嫩滑，別以為大大件就會鞋！入口滑溜不肥，口味特別。配上濃郁的黑醬油跟泰式酸醋，也是開胃得很油飯的份量頗多，淡淡的雞油香跟薑絲香，配大雞件口味不俗芒果糯米飯$98把芒果跟白糯米飯切砌成一件件，椰汁入口甜中有鹹，層次感分明白糯米入口即溶，加上椰汁跟芒果🥭別有一番泰式風味

到沙田探望朋友寒暄一會兒便到住宅旁的麗豪酒店聚餐朋友推介當中一間名為河夢的越泰式餐廳點了越式燒魚越式串燒式黃咖哩軟殼蟹越式燒魚以炭火烤至外皮金黃酥脆用蜜糖香茅等調味料腌制過這些調味不僅能讓魚肉更加入味同時還可以辟去腥味讓肉質鮮美多汁越式串燒拼盤有雞肉牛肉豬肉每種肉類各有兩串份量剛好外層燒得香脆微微散發炭香味同時又能保留到內層肉汁油脂夠多夠香做到皮脆肉結實配上泰式酸辣醬醒胃可口最後加上一味泰式黃咖哩軟殼蟹精粹在於咖喱醬的調校香料的微調得出的風味可以是大相逕庭這道咖哩醬味道略甜椰香的濃郁與脆皮的軟殼蟹相得益彰再配搭越式法包享用畫龍點睛恬適的南洋風味幽靜的河畔風景配上酒店式的優質服務不愧為沙田區高檔次的街坊食堂之一

今日放假，老公話不如去酒店食個lunch，去leisure一下。餐廳在酒店地下，河畔附近，感覺舒服。加上餐廳大，有室外同室外。室內係越式裝修，地方寬敞，天然光都夠晒光。帶寵物就可以坐室外，有狗狗陪住食飯都開心D啦。呢度好多嘢食揀，老公揀左泰式海南雞飯、越式燒魚、芒果糯米飯同兩杯泰式奶茶。泰式海南雞飯：海南雞每部分都有，有雞肶又有雞胸，口感都算滑。黃油飯份量都幾多，入口唔覺得太多油，乾身，老公滿意。越式燒魚：都算大條，裡面放左薑、蔥同香茅一齊燒。食落唔覺得魚肉太乾，皮燒得香脆，佢仲搽左薄薄一層蜜糖去燒，甜甜地，點埋旁邊個汁仲好食。芒果糯米飯：已切開一件件方便食，芒果甜甜地，糯米飯熱熱地，口感軟熟煙韌，好香椰汁味。泰式奶茶：賣相OK喎，個樽仔裝住雪凍左嘅奶茶，用黎打卡都唔錯。另外杯裡面嘅冰係用泰式茶製，就算冰溶晒，都唔會越飲越淡。奶味同樣重，甜度剛好。

哇！我試過嘅最棒嘅泰菜餐廳之一菜單之一！首先，服務員細心安排位置，我們有孩子，揀一張比較小人的位置。用餐期間，服務員不時過來傾偈。另外見到小朋友，主動提供兒童餐具，我不是觀察小朋友嘅需要，例如見他瞓覺，拎多幾張凳來做張床，亦會提供披肩做枕頭。真係好細心❤️飛天通菜夠鑊氣，通菜炒得清嫩翠綠，辣椒和蒜蓉調味開胃嘢味，食完一口接一口。火山排骨送上枱時，會另外林些酒精，再點火，所以係一個活生生的火山。湯汁非常濃郁，類似冬陰功湯底走辣的滋味，酸酸小甜，每一口都好滋味！排骨肉質嫩滑，配上湯汁更加美味，真係會讓你嘴巴一直流口水！海南雞飯雞肉嫩滑多汁，飯粒香氣四溢，每一口都係一種享受！啊，我啱啱諗起嚟就口水直流！呢個芒果糯米飯糯米飯軟綿綿嘅口感同芒果嘅甜味完美結合，糯米飯暖笠笠，加上芒果，每一口都好像係一個甜蜜嘅吻！

朋友話帶我去酒店食飯 性價比又幾高喎感覺係高級乾淨嘅泰國餐廳入面嘅員工係着晒西裝去Serve服務10分🌸🐷火山排骨 $228必叫！睇人哋泰國vlog成日都見到🤭但係自己真係第一次食！如果你當佢係主食你就錯啦🤫其實佢係個湯然後入面有超多腩骨全部都係啖啖肉✨唔係呃你剩係得啲骨個湯底一下好熟口面 似冬陰功湯亦都好重豬骨味🤪有啲微酸同埋泰式香料嘅味道😍咁我哋揀咗小辣 係出面嘅BB辣 建議可以揀正常辣度☺️☺️🐷泰式炒金邊粉 $128幾貼心辣椒粉放喺入邊比你自己溝同我喺泰國食嘅味好似 😝酸酸甜甜 超級開胃飽都可以食晒仲有五隻大蝦🦐相比起火山排骨呢個唔係必叫但係都唔會令你失望😚🐷越式串燒拼盤 $168六串串燒 雞牛豬各二每串串燒個份量算大🤓牛肉大嚿但係夠淋無筋豬肉有少少焦邊有焦香雞肉有炭燒味如果有配埋沙嗲汁就正了😍🐷泰式奶茶 $48出面飲嗰啲出名超級甜 螞蟻人先至飲到比出面少甜好多😚一來減低罪惡感 二來都可以飲清楚個茶味又有個貼心位🌸佢係用泰式奶茶冰粒 唔怕越飲越稀✨🐷越南西貢啤酒 $45越南風味啤酒 朋友叫嘅~食串燒點可以冇啤酒！✨人均消費 ~ $300🏠河夢📍沙田大涌橋路34-36號麗豪酒店地下#

今日復活節假日去咗沙田麗豪酒店嘅河夢食如越南美食！ 餐廳好大好舒適，好適合聚會！ ☺️越式串燒拼盤(雞肉/牛肉/豬肉)(6串Skewers) 🍢牛肉賣相吸引用咗彩椒夾住，，好嫩滑唔柴！豬腩肉肥瘦均勻，有點蜂蜜味！雞肉厚身啖啖肉！ 泰式鮮蝦金邊粉😍金邊粉好惹味酸酸甜甜,有幾隻大蝦好爽脆, 有芽菜香茅配料，  非常美味可口！越式豬頸肉法包🌯法包非常鬆脆，炭燒豬頸肉好淋又夠入味， 配蘿蔔酸菜及生菜！ 越式燒雞法包 😋配菜同豬頸肉法包一樣嘅 ， 燒雞肉無雞皮，肉質嫩滑,加上秘製醬了酸甜甜，簡直一流！芒果糯米飯 🥭芒果好大片鮮甜又多汁，配糯米飯好夾！ 呢個甜品啱晒同其他朋友一齊分享！

河夢越南餐廳週未想找個少人點的地方放鬆一下，於是找了這餐廳。座位寬闊酒店舒服，景觀開揚，外還有河景，服務週到。火山排骨，上菜時再加火，幾有特色！排骨軟稔入味、仲有好多豬軟骨，個湯汁好多香料，忍唔住飲吓個湯，之後淋上拌飯食也很好。泰式明爐烤魚，個湯酸酸甜甜辣辣，幾開胃。條魚都幾大條，味道正常。越南滴漏咖啡不錯，夠香濃，另普通咖啡一般。飛天炒通菜，ok。整體感覺不錯，週未想去郊外少人點的地方放鬆的選擇。

位於麗豪酒店地下這間河夢Vi，Vi 的越南語，即「味道」之意，意指店主為食客帶來無窮味道。餐廳供應越南及泰國菜，將傳統東南亞菜式混入西式概念。場內室外及室內都有雅座，室內環境舒適，空間感十分足夠，樓底高配合葵扇、越式燈籠🏮等裝飾，令人在酒店內有種越南渡假的放鬆感覺。推介比附近沙田區的街坊又或者住麗豪酒店可以夜晚來進餐的朋友仔。🥗越式燒安格斯西冷伴越式沙律 $188推介:⭐️⭐️⭐️來一個指定越式開胃頭盤，全熟西冷增加飽肚感，面頭放有酥脆香茅及蔥頭與清新越式沙律拌勻，爽脆有咬口又醒胃。🥘泰式海鮮冬陰功湯 $168 (2位用)推介:⭐️⭐️⭐️⭐️⭐️必點🦐開邊大蝦、🦑魷魚片、青口及秀珍菇等配料齊全，酸甜帶點辣勁，表現的茄油吸引眼球，兩個人SHARE飲到5-6碗都幾滿足。🐓泰式海南雞飯配秘製醬汁 $148推介:⭐️⭐️⭐️⭐️泰式海南雞飯配雞湯，雖然價錢唔平但勝在油飯可口，海南雞份量唔少亦嫩滑，伴碟有炸蒜片、兩款醬汁及蔥油，兩個人分享整體表現中上可以一試。🍢越式串燒 雞肉/牛肉/豬肉 $168推介:⭐️⭐️⭐️⭐️⭐️值得一試雞牛豬各一款，共6串，兩個人食岩岩好!擺盤賣相份量同味道都令人滿意，牛肉串燒仲搭配埋青椒洋蔥一齊燒

還記得七八年前，同班friend喺度食過生日飯，嗰時食晚餐，食物都幾好食。今次朋友約食lunch ，重遊舊地，我覺得食物一般，應該要努力改善，否則難於生存。😅😅

沙田麗豪酒店地下呢間泰國野，我成日都踩單車經過，門口有架泰國tuk tuk車好鬼過癮。今日有朋友黎沙田探我，就帶佢一齊黎食。。呢度泰菜都好滿座，可能係價錢都好抵食，食物又幾大碟。。🥢$168 越式串燒拼盤拼盤有豬牛雞各兩串，大大串份量唔惹少，好香香茅味幾重口味👍🏼。🥢$148 泰式海南雞飯配秘製醬汁雞肉真係好嫩好滑，有髀有翼有胸，都算幾多雞，再配埋泰式醬汁，蒜香味濃，少少辣。。🥢$98 越式豬頸肉法包十級推介呢個法包🥖煎香既豬頸肉配上蘿蔔絲、辣椒、特色配料，加埋脆卜卜既法包，食到索索聲🤭好滋味。。🥢$98 泰式飛天通菜有鑊氣夠晒辣，通菜好嫩滑爽脆。。無論環境同質素都好滿意既一餐泰菜🤭😊😊

一直以為酒店入面嘅餐廳係貴夾唔飽，但見到呢間嘅menu價錢好親民就去咗一試🥢M5和牛火車頭湯河生牛河材料好豐富，除咗生牛肉之外仲有牛展、牛丸、牛柏葉同牛筋。牛肉果然係和牛，入口非常軟滑，牛筋入味+炆到好淋、牛柏葉非常有驚喜，見到佢白雪雪但原來好有牛湯味，牛丸爽彈，湯底濃牛骨味但飲完唔口渴，份量仲十分大，非常推薦👍🏻牛油雞翼雞翼勁大隻，面頭乾身，碟底唔冧油，真係做到外脆內嫩，擺咗一陣最後食返都仲脆身👍🏻豬頸肉撈檬份量都係好多，如果一個女仔應該食唔哂，豬頸肉爽口，香口有炭燒味，撈檬個汁偏甜，個人希望佢可以酸少少😛芒果糯米飯糯火飯分成5份好方便，椰汁嘅份量啱啱好，而且甜度適中，朋友麻麻地甜品，我一個人食咗4舊都唔會漏😋overall性價比好高，一開始冇預到份量咁多所以嗌多咗，兩個人食到勁飽都係$600埋單，正常嚟講兩個人應該$500樓下就ok。呢個價錢食酒店質素嘅食物真係非常抵，推薦大家嚟試吓👍🏻ps 餐廳員工好nice，服務非常殷勤，好想喺度表揚一下佢哋🙏🏻

有朋自遠方來，住係麗豪酒店，就落樓下同佢洗洗塵先🫶🏻估唔到都幾有人氣，都坐滿8成人，地方大，環境不錯。香辣大蝦金柚沙律-超多大蝦，上枱時已經心嘩一聲🤭不論蝦同柚子，紫洋蔥都好足料，大蝦爽口，柚子唔會澀，紫洋蔥好爽甜，加上醬汁，頭盤之選👍🏻越式串燒（雞/牛/豬）共6串-先講牛，唔係平時簿片，係牛柳粒同洋蔥青椒一齊燒，肉質鮮嫩，唔會燒到鞋口，雞肉都好juicy,加上有酸羅白同生菜可一齊食，加啲泰醬，完全無熱氣。越式香燒盲曹-盲曹勝在肉多骨少，魚身內加了香茅，芫荽及香料令到更加中和，食時份外香口，魚不腥，外皮堅脆，身肉滑，真心燒得非常好👍🏻泰國啤酒-夠凍，仲有冰杯🫶🏻清新解渴。朋友傾計好地方😍

小朋友測完驗，又出去Relax 下。見屋企附近河夢開番，就一於試下。這家餐廳的環境非常舒cozy。我地簡左越式串燒，牛，豬，雞各2串，牛肉最正，咁厚都好juicy,好有牛味，仲肉質嫩滑。我們點了M5和牛火車頭湯檬粉。湯頭清甜，和牛鮮嫩多汁，河粉則口感爽口。我們也點了泰式海南雞飯配秘製醬汁，這道菜的雞肉肉質柔軟多汁，香飯也很綿密，搭配上香濃的醬汁，味道非常美味。最後，我們試埋芒果糯米飯，這道甜品非常正，口感又暖又綿，芒果也非常新鮮、甜美。總體而言，河夢的食物質量及份量非常好，價格也相對合理。出面仲有d枱可以帶寵物黎，下次要帶埋我家主子先。#香港美食 #沙田美食 #RegalRiversideHotel #沙田酒店 #沙田好去處 #Shatin #ShatinHotel #香港麗豪酒店 #麗豪酒店 #Vi #河夢 #thaifood #thaïcuisine

係沙田揾到個食玩好地方，打完保齡球🎳，行去麗豪酒店🏨呢間東南亞餐廳，開陽落地玻璃。切室外及室內，室內環境舒適，樓頂以葵扇裝飾、窗外吊掛越式燈籠🏮，牆壁設計有越南🇻🇳風格感休閒寫意，室外恍如度假feel。👍🏻推介🥗越式木瓜虾沙律呢個沙律非常豐富，有紫椰菜、蘿蔔絲、木瓜絲、乾蔥等混合成，清新超爽脆相對冇泰國木瓜沙律咁重口味，同埋有成6隻剝殼去埋腸蝦好鮮味，在灑上芝麻花生巧香👍🏻推介🍛黃咖喱燴海鮮（黃/紅/青咖喱）呢間餐廳最好就係因應個人口味而選擇咖喱及材料，個人篇好黃咖喱，因為咖喱唔太辣🌶️質感夠濃再混合蛋汁，海鮮沾滿大蝦🦐、青口，魷魚🦑，👍🏻連飯食係最好嘅配搭，但白飯要另+$18，飯質鬆軟香噴噴🥘泰式海鮮冬陰功湯（2位用）$168冬陰功湯淡白色湯唔算太濃亦唔算太辣，有大蝦🦐，魷魚🦑，青口，勝在夠大碗都分到5-7碗，味道中規中矩啦🥃泰式奶茶樽子搖一搖勻後，倒進冰底茶🧊杯內，咁就能飲到一杯好濃烈嘅原味凍奶茶，精緻得來打卡一流