河內越式料理 (西洋菜南街)

营业中

休息中

經過西洋菜街， 見到河內越式料理， 就入去一試。 店內環境光猛， 點一份🥢二人套餐$185 ～ 生牛肉湯河、扎肉撈檬、安南鮮蝦紙米卷、田園灼時蔬、椰果椰汁西米露和鮮芒果西米露。 🔸生牛肉湯河🍜 ～ 湯底夠熱， 味道有少少似牛腩湯， 牛肉份量多。 🔸扎肉撈檬🍜 ～ 扎肉口感有點硬， 味道普通， 撈檬的靈魂當然是魚露酸甜汁， 酸酸甜甜挺開胃的。 🔸安南鮮蝦紙米卷🌯 ～ 味道清清地， 健康小食。 🔸田園灼時蔬🥗 ～ 生菜味道正常。 🔸鮮芒果西米露🥤 ～ 芒果甜美， 不過西米都是黐埋一舊一舊的。 🔸椰果椰汁西米露🥤 ～ 西米露在杯底黐住一嚿一嚿， 很難飲用。 整體味道普通， 價錢親民。😊

今日連續上了兩堂瑜珈課上完餓到不得了所以飛快地在附近找晚餐經過西洋菜南街見到有間越南餐廳見到還有一個位立馬衝入去點餐見到每款食物都好吸引但八點有點晚所以點了撈檬清新一點🔴順化香茅豬扒撈檬$60豬扒真大塊！我的臉已經好大豬扒居然比我的臉還大而且骨沒有很多所以差不多整塊都是肉香茅豬扒雖然只夾雜少許香茅味香茅味不太突出但是炸豬扒做得很酥脆豬扒亦算厚身加上撈檬不是用超幼的麵所以會特別飽肚加上本身麵的份量不少所以兩個女仔都夠吃加上撈檬汁不算咸所以還算清爽美中不足的是撈檬汁如果稍為再酸一點會更開胃好吃但加了葱油組合較特別但味道十分夾沒有排斥🟠追加小食越式炸蝦餅$29沒想到追加的小食份量也很大蝦餅跟外面的不同這個是扎實的蝦肉所以口感較有咬口和能增加滿足感外面炸得亁身一點都不油膩👍🏻👍🏻👍🏻🟡蜂蜜柚子梳打+$10顏色好美而且柚子蜂蜜的份量好多所以整杯飲品甜度味度都夠味實在是解渴之選📍 河內越式料理 (旺角)旺角西洋菜南街204號地舖

今日去咗旺角及太子行街，醒起有一段時間冇食越南粉，突然好掛住，就去咗河內越式料理食晚飯。今次order咗生熟牛肉湯河粉、魚露雞扒煎蛋飯，小食揀咗越式炸春捲同埋越式炸蝦餅，飲品就揀咗凍越南滴漏咖啡及東咸檸七喜。生熟牛肉湯河粉真係好正宗，上面有傳統越式料理配菜例如蔥芽菜及洋蔥等等，生熟牛肉都係傳統越式做法，成個河粉都好好味。魚露雞扒煎得甘脆可口，點埋醬汁及配埋隻煎蛋食，感覺一流。炸越式春捲入面餡料十足，而且全部都係越式傳統做法，再加埋炸蝦餅點埋甜酸醬食，都十分開胃。 值得一提係越式滴漏咖啡，真係只有越南餐廳先飲到嘅咖啡，仿似置身越南一樣。凍鹹檸七喜甜中帶甘亦好好飲。

這天晚上約了朋友到旺角吃晚餐，我們決定吃越南菜。這陣子很迷越南菜，試過一天有兩餐都是吃越南菜。聽說旺角有一間新開的越南菜餐廳，我們特地出旺角再試。這間店在很多區都有分店。裡面很有氣氛：餐單印刷精美，上面有各種食物的圖片：花多眼亂，最後在想了很久後選了2個主菜、2杯飲品和1個小食。順化蕃茄蟹肉扎肉湯檬 $64看上去紅紅的，貌似很辣，但其實並不辣。這就是越南菜的好處，不會太辣，口感清新。蝦餅撈檬 $62蝦餅炸得很脆，外脆內軟，口感很彈牙。撈檬份量很大，足夠我們兩個人分著吃。越式豬頸肉 （細）$29總共有7-8片，每人試到幾片已經很足夠。燒得很香口，肉質鮮嫩，吃後齒頰留香。飲品只須$加10，實在是太抵了！我在其他地方見過最抵都是加$12一杯。椰果椰汁西米露 $10鮮芒果西米露 $10兩杯都很止渴，而且甜度適中。埋單$175，平均每人$88，沒有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

當日同男朋友經過旺角都一齊想食越南菜，經過這間餐廳是全新裝修， a stylish one...首先我哋都叫左一個魚露雞扒煎蛋飯。雞扒絕對夠份量一個男生絕對飽,加埋一隻雞蛋簡直就係perfect match..上邊有少許蔥花零舍開胃。我哋當然最鍾意食係佢哋嘅上湯灼田園菜。菜又新鮮一啲都唔油膩。當然一定要飲經典嘅椰汁珍多冰。椰汁分量絕對夠多唔太甜而且珍多冰真係令人開懷,好似返到小時候。餐廳無論地理位置招呼都係唔錯。😊

愛食湯粉麵既我, PHO都係我最愛之一, 見到河內越式料理開左分店係旺角, 食過佢其他分店, 小店黎講算中上, 價錢又唔貴, 係CP值高既一個選擇。順化牛肉煎蛋飯 $59朋友叫既牛肉飯, 加上洋蔥寧舍香。順化蕃茄蟹肉扎肉湯檬 $64推介! 唔只係因為本身中意食湯粉, 而係佢既湯底真係做得好食, 蕃茄味道濃郁., 細味下仲有蟹既鮮味, 面頭仲有一絲絲蟹肉, 配料有豆卜同埋札肉, 加上檬粉全部食材都吸收哂湯底味道, 啖啖蕃茄鮮味!越式炸蝦餅 $29即炸新鮮熱辣, 外層香脆可口, 內裡彈牙有蝦味, 點少少泰式辣醬仲正!飲品叫左椰汁冰同埋檸檬薑蜜, 好足料, 特別係杯檸檬薑蜜, 好夠薑! 女仔好岩飲!

星期五放工梗係出街食啦，突然好想食越南河粉，睇OpenRice搵間越南河粉食,嚟到呢一間餐廳，見到入面好多人，應該冇揀錯餐廳係差唔多八點嘅時間，都坐滿左人， 仲有就係佢嘅外賣call接唔停，食物應該有一定水準先咁多人食物有粉面類同埋飯類仲有小食，飲品都有成廿幾30款我同朋友一人叫咗個PHO加咗個小食同兩杯嘢飲極品牛三寶湯河粉：牛三寶分別係牛丸生牛肉同埋牛展，牛丸好爽彈，生牛肉仲係紅卜卜靠湯嘅熱力浸熟佢啱啱好，仲有佢個湯味好濃郁牛腩片湯檬粉：牛腩片有好多塊，啖啖肉肉，上面仲連住少少脂肪口感豐富越式炸春卷：外皮好薄，包住好多餡料，點少少魚露，味道相當好食完就知呢間餐廳咁多人幫襯係有原因嘅

旺角東行落嚟極近，喺正大街大巷，好易搵～呢間餐廳夜晚都幾多人幫襯，坐爆晒，好彩都有張二人枱坐，唔洗同人搭枱。餐廳裝修簡約，以木色作主調，光線充足。兩個人嗌左一個前菜、兩個main courses、兩杯特飲。果日下晝食多左嘢，所以嗌左個雞絲湯河，諗住無咁heavy。個份量剛剛好，湯底都唔咸，算偏淡，岩晒我嘅口味，易入口～至於另一個main course就係順化蕃茄蟹肉扎肉湯檬。呢個湯底就濃郁啲，好香蕃茄味同蟹肉香味，鐘意食蟹嘅朋友仔就可以嗌嚟試下，配料豐富，食落口感唔錯～啊⋯差啲講漏左個前菜——越式炸蝦餅。炸得幾香口，唔太油，蝦味夠重，加埋啲酸尾尾汁，好match~兩杯特飲：牛油果沙冰、青檸梳打都好refreshing。食咁多嘢都$180左右落樓，nice~

我一向都有去開河內越式料理，之前係尖咀唔知食咩都會揀呢間食～因為呢間出名抵食大碗，而家開到黎太子果邊好方便！午市同晚市餐牌都一樣，大概$60幾左右一碗，但份量都真係幾大碗！叫完麵餐，追加特飲 每杯$10 青檸可樂/鮮芒果西米露 西米露好似食緊甜品好多料，芒果食得出左清香嘅水仙芒！追加小食 炸蝦餅 $29蝦餅大塊厚實，食落都幾彈牙！極品牛三寶湯河 $69湯頭清甜重牛味，飲完唔會口渴！牛𦟌筋位部都唔韌，口感幾彈！生牛肉食嘅時浸泡至全熟唔會鞋，還有牛丸會爆汁，唔錯！河粉超大碗，爽滑唔會斷爛。香茅豬扒撈檬 $60豬扒一塊切開四件，份量味道都正常！除左檬粉有大量青瓜絲、紅蘿蔔絲、菜絲增口感，酸酸微辣挺開胃

《係抵嘅》#旺角行開旺角想食越南野都係幾唔錯嘅選擇😇地方唔算大但基本上classic越南🇻🇳菜都有✅牛油果🥑沙冰夏天飲岩曬，唔算太甜同埋好大杯✅雞絲湯河分量都算大✅蝦餅食落好有蝦味，小食來講算唔錯.📌 河內越式料理 (旺角)旺角西洋菜南街204號地舖-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #越南菜

係旺角上堂後謙謙話好想食撈檬，我記起附近間河內越式料理抵食味道又唔錯即同佢來。⚛️ 越式香茅豬扒撈檬 ～ 香茅豬扒炸得夠乾身， 入口唔會太油膩， 豬扒軟諗夠惹味，謙謙加左好多魚露去撈個檬粉， 拌勻後連同什菜絲一齊食超開胃。⚛️ 極品牛三寶湯河粉 ～ 三寶分別係牛丸，牛展，生牛肉，值得一讚湯底夠清甜，河粉份量多， 生牛肉在湯內浸熟先食超美味， 牛丸夠爽彈， 牛展炆得夠腍。⚛️ 越式炸蝦餅（細）～ 驚太熱氣叫了一入細的來過口引， 蝦餅幾彈牙。🍹 鮮芒果西米露 ～ 係椰汁西米露上加左新鮮鮮甜的芒果，用飲管一吸全部材料入哂口腔，感覺甜絲絲很好，可以飲的甜品 😊🍹 龍眼冰 ～ 怕熱氣的我叫左杯龍眼冰養一養喉嚨， 呢杯超多龍眼肉和杞子，甜蜜蜜入口清潤。

喺越南旅行嘅時候，買過一包蟹膏河粉嚟試，勁香濃蟹膏味，自此之後就愛上咗😍今日旺角搵食，經過見到有間鋪頭有個蕃茄蟹肉湯檬，就吸引咗我入去，終於搵返呢個味道啦 順化蕃茄蟹肉札肉湯檬 ($64) 💕首先碗檬粉超大碗，成碗都係蕃茄嘅紅色嘅，見到蟹肉蟹膏好有誠意😍一食之下，好濃味，正👍蕃茄味加蟹肉蟹膏真係好正，如果有時口淡淡都會嚟返呢度食 好味指數 🌕🌕🌕🌕🌗抵食指數 🌕🌕🌕🌕🌑打卡指數 🌕🌕🌕🌗🌑推介指數 🌕🌕🌕🌕🌗推介菜式會以💕表示

今日真係好熱，來點清涼的越南消暑食品就最好了，酸酸辣辣又開胃又好食，今日行過太子見到新開越南餐廳😍嗌左魚露雞扒煎蛋飯，雞扒肉質鮮嫰，香茅味重，好有越南嘅感覺，白飯淋上豉油，好好食呢，配埋隻流黃嘅煎蛋🍳正極品牛三寶湯河粉，原來有牛肉、牛展同牛丸，超豐富，一次過滿足晒三個願望，特別鍾意煎牛丸，大大粒手打的，而牛肉好嫩口，面頭撒上炸蒜，再加上惹味嘅蔥油😍湯頭都很不錯呢🥰加左兩嗰小食，越式香茅豬扒，豬扒大塊，又厚身，煎得恰到好處，煎好後切成細細塊，好脆身，口感一流，吃起來特別方便🥰配以青檸梳打簡直透心涼呢😍😍而越南滴漏咖啡絕對是越南🇻🇳餐廳的代表作。

有時都會係旺角返工既我,因為旺角太多野食,反而會諗唔到食咩好,返旺角我就習慣3點後先去食野,夏天咁熱唔想食熱辣辣既野,經過見到越南野,好耐無食,就入去食啦!食物方面:⚪️順化牛肉撈檬👍(我唔食青瓜,所以走青瓜)份量都幾多,幾大碗,牛肉係肥牛好入味,落左撈檬既酸辣汁,真好係好開胃,加埋蘿蔔同菜撈黎食,好清爽好岩夏天食!⚪️香茅雞翼 (下午茶+20 有2隻)大大隻雞翼,好香脆都唔乾🤪⚪️椰汁紅豆冰椰汁味好重.紅豆比較少同少少硬,不過不失!整體方面:餐廳座得都好舒服,好夠冷氣,食物即叫即整,好新鮮,份量都好多,枱上有哂越式既鼓油.辣醬.撈檬汁,連消毒洗手液都會有,準備充足👍夏天唔想成日食熱野食下撈檬真係唔錯!

呢間越南菜餐廳愈開愈多，今次新開係太子，門口有阿姐招來開講都有話"係小朋友先做選擇，我全部都要"，講緊嘅係呢客越式河內三寶飯 ($68)三寶即係香茅鷄翼，香茅豬扒及札肉，個人最喜歡隻鷄翼，皮脆肉嫩，調味岩岩好，兩隻真係唔係幾夠喉......哈.哈見佢有些少蔥油，當然唔好浪費，加些豉油用黎送飯，都唔錯喎!想炎夏開下胃口，黎個越式香茅豬扒撈檬  ($60)就係明智選擇成件香茅豬扒賣相吸引，切成小件容易進食，豬扒同胡蘿蔔絲已經遮晒個凍檬豬扒入口仍然熱辣，食到香茅嘅香味，醃得幾入味，肉質唔會乾爭爭將凍檬與胡蘿蔔，青瓜及生菜絲一齊撈均，淋上大量酸辣汁，偶爾又會食到花生粒，口感相當豐富!惠顧飯類可以追加小食，多款選擇中，要咗呢客越式炸春卷 ($20)將米紙炸至金黃香脆，內裏餡料有爽口木耳及蘿蔔絲，配以綿滑豬肉，口感一硬一軟，點埋個酸辣汁，趁熱食啦喂青檸梳打就成日都飲，轉下口味飲熱情果梳打 ($26)，成罐梳打水比你，相當抵飲!  熱情果嘅香甜微酸，加埋梳打水嘅有氣感，點會唔爽?!