河內越式料理

营业中

休息中

位於尖沙咀堪富利士道的河內越式料理餐廳，以柔和燈光搭配木質家具，營造出舒適的用餐氛圍，使人在繁忙的都市中得以稍作喘息。這裡的菜式以地道越南風味為主：香茅豬扒撈檬是一道不容錯過的選擇，檬粉爽滑，伴隨酸甜開胃的魚露醬汁，而豬扒香嫩入味，烤至微焦的表面更添口感。越式炸蝦餅則外脆內嫩，鮮蝦餡料紮實，每一口都充滿海鮮的鮮甜。順化牛肉蛋飯帶有濃厚的南越風情，牛肉軟嫩，蛋香十足，配搭餐廳秘製醬汁，融合米飯，令人一試難忘。上湯灼生菜清新爽口，簡單的調味讓蔬菜的自然甜味得以凸顯。椰漿芒果紫糯米飯則是必食甜品，紫糯米煙韌，椰漿香濃，與芒果的酸甜形成和諧的層次。冰鎮凍奶茶甘醇順滑，冰涼口感尤為解暑，而蜂蜜柚子梳打則帶來清新的果香與氣泡感，讓味蕾感受一抹清爽。總結，這家越式料理餐廳的食物味道正宗，適合喜愛東南亞風味的朋友前來品嚐。

今晚同朋友去左尖沙咀食越南菜 河肉越式料理，之前有同朋友食過第二間分店，覺得都幾抵幾好食。我地今日就試下d唔同野，叫左一個河內生牛肉湯河，份量都大份，兩個人配d小食share啱啱好。生牛肉湯河，生牛肉都幾嫰，食落唔會有羶味。湯底味道都幾香濃，配埋青檸，芽菜等配料，飲落都舒服多一層鮮香味。河粉好滑，掛到湯，越式湯河整得幾好食~小食叫左個 越式香茅雞翼新鮮煎起，外邊好夠脆，雞肉嫰滑多汁，帶清香香茅味。另外仲叫左個 香茅牛肉三文治三文治包烘到外脆，包住青瓜絲，蘿蔔絲，加少少沙律醬，食落爽口清新。面頭鋪滿燒好嘅香茅牛肉，啖啖肉香配上新鮮蔬菜，食落唔會覺得油膩，預先切開左兩份，兩個人share食落啱啱好！飲品叫左一個 椰青，冰凍清甜又解膩，濕熱嘅天氣一飲真係解哂暑。

今次我去咗一間超正嘅越南餐廳，食咗幾樣嘢，真係好好味！蕃茄蟹肉扎肉湯檬粉呢碗湯粉真係好香！湯底用咗新鮮嘅蕃茄同蟹肉，味道酸酸甜甜，真係一流🫶🏻❤️牛腩腩片湯河粉牛腩煮得恰到好處，唔油膩，肉質嫩滑，湯底濃郁又入味，配上河粉，簡直係絕配！😍🤟🏻越式炸春卷外脆內軟，餡料新鮮多汁，沾上特製醬汁，食落去真係有驚喜😆🤰🏻越式香茅豬扒香氣四溢，豬肉醃得好入味，烤得啱啱好😋雞肉串燒亦都唔錯，香嫩多汁，搭配少少酸辣醬，真係唔想停口😊👍🏻總括來講，呢間餐廳嘅食物真係好有水準，無論係味道定係質素都係一流，絕對值得再嚟！

好好食！好多越南野！鮮蝦米紙卷」
晶瑩剔透的米紙包裹著整隻飽滿鮮蝦，搭配清爽蔬菜，蘸上魚露簡直絕配！🔥 招牌推薦
越式法包三文治外脆內軟的法包抹上特製豬肝醬，夾著脆嫩生菜、蘿蔔絲和扎肉，每一口都充滿越式風情！🍲 河粉之王
河內特選綜合河粉
超豪華配置！生牛肉+牛腩片+扎肉+雞絲+香葉卷，湯頭清澈卻意外濃郁，生牛肉現燙鮮嫩，肉食愛好者大滿足～💫 超值加購
「香茅豬扒」
跟餐加購超划算！本以為是小份量，結果給了一整塊，香茅香氣十足，肉質juicy不柴～🥬 清爽配菜
「上湯灼生菜」
翠綠生菜淋上清甜上湯，解膩又健康！

點了一碗河內生牛肉河粉、一碗越式豬頸肉撈檬，另追加了一客小食，那就是越式春卷2件。生牛肉河粉，不論是牛肉和河粉份量也多，牛肉嫩，河粉滑，湯頭味道濃郁，好吃，會再光顧。豬頸肉撈檬同樣豬頸肉和米粉的份量也多，豬頸肉味道不錯，而米粉的靈魂就在於那瓶酸汁，可惜的是，酸汁味道略嫌平淡，酸一點會更好。追加的春卷皮脆內餡豐富，味道也佳。整體來說，食物不錯，性價比算是不俗。

尖沙咀堪富利士道，除左係著名酒吧街，今日朋友帶我去食河內越式料理，餐廳佈置充滿越南特色。河內豬頸肉沙律：豬頸肉爽彈，加上紅蘿蔔絲、椰菜絲、青瓜絲、花生碎，撈埋個酸酸甜甜既汁嚟食，開胃又好味。越式炸春卷：用米紙包住嚟炸，所以特別香脆，配上越南沾醬，倍添滋味。越式炸蝦餅：蝦餅炸到外層金黃色，內裡既蝦肉扎實爽口，咬下去好滿足。生熟牛肉湯河粉：湯底充滿好濃郁既牛骨香氣，河粉索湯力强，而且好滑溜，生牛肉粉紅色，肉質嫩滑，熟牛肉都煮得恰到好處，食越南野必點。河內招牌豬扒飯：餐廳控製火喉好準確，豬扒煎得香口，肉汁juicy，撈埋個秘製醬汁，輕易掃晒成碟飯。椰汁三色冰：整杯用左椰汁調製，味道香濃，加左紅豆、綠豆和珍多條，份量十足。蜂蜜柚子梳打：有好多柚子，配埋梳打一齊飲，清甜解渴。總結，餐廳位置方便，食物味道出色，真材實料，越南菜推介。

雞扒撈檬🥢雞扒撈檬份量好夠，雞皮好脆，雞扒嘅醃料味道適中～熟牛肉湯河🍜朋友叫生牛肉湯河揀全熟，湯底幾清甜，見佢飲咗唔少湯，青檸同埋辣椒分開上，可以自己加落去增添風味🌶蝦餅🦐跟餐加購嘅香茅豬扒雖然話係細份，我地原本以為得半塊，但係原來有一整塊，好抵！香茅雞翼🍗上湯灼生菜色澤光亮🥬以尖沙咀嚟講依餐廳幾抵食，晚餐單點一碗粉麵都只係六十幾蚊，份量十足，唔需要加一，加幾蚊有熱飲，加多廿幾蚊就有小食，而啲小食全部都熱辣辣，份量同樣十足，叫到成枱滿都唔會好貴，抵食！

同屋企人飯聚。店裝修簡約舒適。點了：湯檬生牛肉河，湯好濃，過鹹，唔係預喝湯，是用來掛湯伴河粉吃，河粉很嫩滑。蝦餅濱海： 米粉網加上香油配蝦餅，好吃。春卷： 又脆又香。

東南亞餐廳食物選擇永遠都唔會令人失望，而且價錢一般都唔會太高，呢間連鎖餐廳就係最近食得比較多嘅一間👀😋✨軟殼蟹撈檬 $77大大隻軟殼蟹👀炸得好香脆，另外有少少膏好香口🤏🏻加埋大量撈檬，絕對係飽肚之選👀🙂‍↕️✨芒果牛油果鮮蝦米紙卷 $70米紙卷嘅配料好豐富，性價比好高！✨小食加配 ✨越式豬頸肉 $33👀👍🏻豬頸肉真心係MVP，烤得外脆內juicy，份量都比想像中多✨越式手打炸蝦餅 $33估唔到小食加配都有咁大份！蝦餅炸得好香脆✨鮮芒果西米露 $12味道冇想像中咁甜，椰奶味唔會太重，飲完成杯都唔會滯✨青檸梳打 $32✨紫糯米芒果乳酪 $38紫糯米味好香，乳酪酸酸甜甜加埋芒果好解膩😋絕對係飯後甜品之選

第二次光顧這店，喜歡店員的服務態度和抵食指數😁，今次沒有點二人套餐，主食叫了一碗順化蕃茄蟹肉扎肉湯檬，蕃茄味香並不太濃，啱啱好，但蟹肉太少和太碎，鮮昧亦不足，一搞開，即與湯溶為一體，完全食唔到有蟹肉的感覺😅…. ，整碗湯檬，最美味的竟然係豆卜，蕃茄湯完全滲晒入去，非常入味😂😂😂另外再點了香茅牛肉三文治，牛肉太少，配料醬汁普通，只簡單用上沙律醬作調味，不太像越式風味，麪包尚算鬆脆👍🏻。除主食外，再叫了二款小食，越式炸蝦餅和春卷，水準保持，好昧👍🏻👍🏻😋😋😋雖然如此，但始終性價比高，下次仍會繼續幫襯😁😁

📍 河內越式料理 (尖沙咀)尖沙咀堪富利士道10號地舖👉 極品牛三寶湯河粉+ 上湯灼田園蔬（碟）+ 椰果椰汁西米露💰73+21+12😋😋😋😋.9/5🔵極品牛三寶湯河粉（生牛肉，牛展，牛丸）這碗牛三寶湯河粉真係令人驚艷！牛肉鮮嫩，特別係生牛肉，煮到剛剛好，好有肉味。牛展軟滑，牛丸彈牙，湯底濃郁，配合河粉，真係一口接一口，完全停不落口。🔵上湯灼田園蔬（碟）這碟田園蔬新鮮爽口，保持了蔬菜本身的鮮味。灼的火候掌握得好，保持了脆甜的口感，係清淡健康的選擇🔵椰果椰汁西米露椰果椰汁西米露是一道甜品中的亮點。椰汁香滑，西米粒粒分明，椰果的加入更增加了口感的層次，讓人感受到椰子的清香，十分清爽。👉 越式豬頸肉撈檬 + 越式香茅豬扒（細） + 越南滴漏咖啡💰67+25+18😋😋😋😋.9/5🟣越式豬頸肉撈檬呢碗豬頸肉撈檬色香味俱全！豬頸肉烤得恰到好處，外脆內嫩，帶有香料的香氣。撈檬的口感滑順，加上特製的醬汁，簡直係完美搭配，令人食得過癮。🟣越式香茅豬扒（細）香茅豬扒香氣四溢，肉質嫩滑，味道非常獨特。香茅的味道令人神清氣爽，真係一流🟣熱越南滴漏咖啡熱越南滴漏咖啡帶來了完美的結尾！咖啡香濃，味道醇厚，滴漏的過程

天氣凍最鍾意食湯麵，今次黎到尖沙咀呢間越南餐廳，夜晚去好多人幫襯，但又唔使等好耐😬河內小食拼盤 $1352個人嗌呢個就最方便，有齊餐廳多款小食👍🏻炸蝦餅外表金黃酥脆，內裡口感結實、彈牙。而炸春卷好出色😻同樣炸得好酥脆，餡好足料，粉絲軟糯嘅口感夾埋酥脆嘅外皮令到成嘅口感好豐富😋另外雞翼同埋扎肉都唔錯，而米紙卷同樣好足料，皮薄餡靚😋極品牛三寶湯河粉 $73河粉好大碗，份量超級多，湯底味道充斥牛骨香味，河粉超滑溜😍而牛三寶分別係生牛肉、牛展同牛丸，一次過滿足三個願望，大滿足😋豬頸肉撈檬 $67撈檬份量同樣好多，搭配酸酸甜甜嘅醬汁同埋青瓜絲、蘿蔔絲、生菜絲，味道清爽，好開胃。豬頸肉亦大大片，燒得恰到好處👍🏻芒果西米露 +$12估唔到呢度嘅飲品都好唔錯，而且+$12就有特飲，芒果西米露充斥住濃郁嘅椰汁味，芒果粒好甜，加埋西米彈牙嘅口感簡直冇得彈熱情果梳打 +$12熱情果味道特出，酸味同甜味搭配得啱啱好，唔會太酸或者太甜👍🏻

📍 河內越式料理 (尖沙咀)尖沙咀堪富利士道10號地舖👉 順化番茄蟹肉扎肉湯河粉 + 越式豬頸肉（細）💰70+33😋😋😋😋.7/5🔵順化番茄蟹肉扎肉湯河粉順化番茄蟹肉扎肉湯河粉真係好特別！湯底用番茄煮成，酸酸甜甜，帶出咗蟹肉的鮮味。蟹肉扎肉同河粉一齊，口感豐富，真係每一口都令人驚喜，特別適合喜歡海鮮嘅朋友。🔵越式豬頸肉（細）呢份越式豬頸肉肉質嫩滑，烤得外焦內嫩，肉香四溢。香料的味道恰到好處，簡單又美味，真係令人食到唔想停。👉 招牌越式三文治💰54😋😋😋😋.8/5招牌越式三文治係不得不試！麵包外脆內軟，夾住新鮮的生菜、香菜同豬肉，味道層次分明。每一口都充滿新鮮感，配上特製醬汁，口感更上一層樓👉 越式蝦醬通菜💰88😋😋😋😋.8/5越式蝦醬通菜清新可口，炒得恰到好處，保持咗通菜的脆感。搭配蒜蓉同埋蝦醬，味道更加香濃，係一道健康又美味的配菜👉 法式牛油雞翼（4件）💰54😋😋😋😋.9/5法式牛油雞翼真係一絕！雞翼外脆內嫩，牛油的香氣令人忍唔住想多食幾件。配上特製的醬汁，口味更添豐富，無論係作為小食或者主菜都非常合適回頭：yes，這餐的每一道菜都令人滿足，無論係味道、質感，還是呈現，都展現咗越南料

今日屋企冇人煮飯，唯有經過餐廳就買D野食返屋企一齊食。係河內越式料理叫左幾個菜式。豬頸肉豬頸肉煎得香脆，肉質鮮美，有豬頸肉先有嗰種油脂香氣，有種燒烤既風味。馬拉盞通菜平衡返其他餸菜嘅油膩，我哋都揀咗個炒菜。馬拉盞通菜嘅味道酸酸辣辣，通菜爽脆，火候適中。牛油雞翼牛油雞翼熟度啱啱好，外皮酥脆，內裡多汁嫩滑。每口咬落去，都有濃厚嘅牛油香，而食落又唔會成日油。咖喱牛腩配法包咖喱牛腩配法包係今日我最喜歡既菜式，牛腩肉炆得好嫩腍，香濃唔會膩口，再配埋香脆法包，係一個非常好既主食。雖然外賣路途比較遙遠，但係返到屋企翻熱都覺得好好味!下次一定會試下堂食~~

人流多 座位之間較狹窄上菜速度快 店員有效率306. 河內雞絲湯河粉 $61大部分雞絲肉嫰滑 少量有d嚡口點餐既時候 唔記得走芽菜 好彩芽菜量唔多湯河粉好大碗 河粉份量多越南河粉口感滑溜 一啖接一啖505. 上湯灼田園蔬 $21原個大生菜 健康腸必點621. 濱海伴香茅豬扒 $765件厚切香茅豬扒6件濱海少量蔥碎同炸蒜粒鋪左一餅米粉上面本身濱海冇咩味加埋餐枱上既魚露醬料 味道隨即昇華伴碟有生菜 切條蘿蔔絲824. 香茅沙嗲雞肉串燒 3串 $68燒到雞皮脆口 部分雞肉嚡口沙嗲醬加左花生碎粒 沙嗲味淡221. 牛油果沙冰 $36頂層加左切粒牛油果杰撻撻 奶比例較重122. 椰青 $45新鮮清甜 椰肉爽口食物份量多 性價比高香港少有越南餐廳提供濱海未去越南 可以黎呢到醫肚