河內越式料理

营业中

休息中

今日嚟尖沙咀shopping，諗全食埋晚飯先走，見到呢間越式料理，都幾多人幫襯，價錢又夠晒親民，所以決定食呢間✌🏻越式香茅雞翼撈檬 - 香茅雞翼炸得金黃酥脆，表皮脆，肉又嫩，熱辣辣咬落夠晒juicy；檬粉勁大份，撈埋啲甜甜辣辣嘅醬汁，勁醒胃🤤雞絲湯河粉- 呢碗湯河粉好足料，湯頭香濃，河粉又夠嫩滑，又掛到汁，食得好滿足；雞絲都份量十足，啖啖都係肉，正啊😋燒豬頸肉- 豬頸肉切片好平均，唔會太厚，外皮燒得香焦微脆，又夠鹹香，口感勁正😋越式炸蝦餅- 蝦餅炸得好香脆，炸粉唔厚；蝦肉嫩身，彈牙爽口，沾埋啲酸辣醬，風味即時提升，好好食😆椰汁紅豆冰- 椰汁紅豆冰冰涼香甜，椰汁味好突出，紅豆綿密，又唔會太甜😚龍眼冰- 龍眼冰入口清甜，大粒粒嘅龍眼肉爽口，甜度適中，好解熱👍🏻

天氣熱好想飲翻杯越南飲品珍多冰今日經過河內越式料理見到入邊都多人 諗起今日又想食下啲粉面同飲珍多冰所以就入咗去啦餐牌入邊都有好多選擇 舒適就主要分左三個部份分別係湯粉、撈檬同飯類我今日就叫咗順化蕃茄蟹肉扎肉湯檬 而我友人就叫咗極品牛三寶河粉 另外叫左兩個小食 豬頸肉(+$29)同蝦餅(+$29)天氣咁熱緊係叫杯珍多冰($12)同青檸冰($12)下下火⭐️順化蕃茄蟹肉扎肉粉 ($67)湯底濃郁亦都好多蟹肉 味道亦唔會過濃 湯汁掛落個檬粉到非常之夾⭐️極品牛三寶河粉 ($70)牛丸爽彈 牛肉新鮮而 牛展都炆得入味同夠晒淋另外小食部分煮得啱啱好 上枱嘅時候熱辣辣好惹味再配埋杯充滿越南嘅嘢飲，個感覺有少少似去咗旅行咁🤣

最近好掛住東南亞美食，咁啱喺尖沙咀揀左間河內人主理嘅越南餐廳😆😆呢度主打係咪喺越南河，咁我都係揀咗pho 嚟食.😋😋呢度嘅pho 湯頭清甜，份量好多，生牛肉啱啱好唔會過熟，河粉好滑，鍾意佢加咗好足量嘅香料，食落好香。😆另外，我仲加咗個小食燒豬頸肉，小食來講佢份量都好夠，而且燒得啱啱好，好Juicy。👍👍嘢飲叫咗個凍柑桔蜜，天氣咁熱飲杯凍飲真係好正，而且佢啲柑桔落得好足，甜甜酸酸咁飲落好爽！😙

與同事係尖沙咀開完會，行去地鐵站途中見到呢間越南餐廳，好多人，幾吸引，同事提議不如食埋晚飯，大家返屋企唔使煮🤭。同事點：🐮河內牛腩片湯河粉$66都幾大碗，湯底係牛骨湯，牛腩片炆得都幾焾，面頭鋪上九層塔香葉、洋蔥絲、蔥絲，唔錯😋。🥭飲鮮芒果西米露+$12以新鮮芒果肉，加埋香滑嘅椰汁，仲有Q彈西米，加起嚟就係一杯消暑又好飲嘅夏日飲品。🌿越式炸蝦餅+$29🦐即叫即整，熱辣辣，彈牙香口。我就選咗：🦀順化蕃茄蟹肉扎肉湯檬$67🍋飲熱檸水+$5🥬上湯灼生菜+$18豬骨湯底加入新鮮蕃茄熬成，加上鮮拆蟹肉、蟹膏、扎肉、豆腐卜做配料，鮮甜開胃，豐富又暖肚。碟生菜🥬，都幾大碟，每人唔使$100 ，飽足而回。

附近返工既我 同事都會一齊食依間越南野而最令我地encore既食物 一定係豬扒 豬扒肉質鬆軟 半肥瘦 油香令到非常開胃 而且炸得剛剛好份量又足夠 仲附上半熟太陽蛋每次有朋友黎尖咀 我都會推介

自從屋企樓下間越南舖頭執咗之後就好耐冇食越南嘢啦🥲咁啱收工路過見到原來就喺地鐵站附近已經有間食越南嘢嘅河內，即試！唔做下晝五點左右時間已經好爆場下，證明呢度係有實力嘅，即刻嗱嗱聲坐低叫碗越南河粉先😚尖沙咀區離港呢度價錢真係好抵，超級勁大碗嘢生熟牛肉湯河粉都只係66蚊，仲跟兩粒青檸同埋辣椒可以自己調校辣度和酸度👍最鍾意加特色醬汁，河粉吸咗汁，酸味醒胃，夏天食真係啱晒零舍開胃唧😍河內招牌豬扒飯老公食完大讚豬扒好味😋除咗夠大塊夠份量之外，醃過嘅豬扒夠晒入味，而且都keep到肉質夠嫩，仲有別緻太陽蛋仔添😍小食叫咗越式炸蝦餅同越式炸春捲，兩點都係即刻炸熱辣辣，蝦餅夠晒彈牙，春卷夠晒香脆，兩款都好味👍天時暑熱，最啱整返杯椰汁紅豆冰同椰汁冰嘆下，即刻滿氣全消啊！

同朋友想食個下午茶，一想食d濕濕的食物，所以最好就是選湯朦，加上生牛肉湯 一直是越南料理中我的首選，看起來濃郁的肉湯加上越式辣椒檸檬醋，微酸又甘甜的滋味，不禁讓人一直回味。這裡的#啲牛肉都已經夠嫩有牛肉味，朦粉好滑肉同粉分量都夠！❤️❤️豬頸肉愛好者唔好錯過🧡🌟鮮嫩多汁🌟外脆內軟🌟微微焦香估唔到今次依間越南餐廳幾好食，下次可以再黎試下其他既下午茶餐，見到都好抵食，而且好大碗，份量十足，一定夠哂飽😎

💖經過尖沙咀，今晚做外賣仔🥡。呢間越南菜$58起，仲有各種特色飲品同小食，好似唔錯咁，今晚就試下！1️⃣極品牛三寶湯河粉🐂 $70💖好足料！有好多塊牛肉、牛展同牛丸🍡，湯同麵🍜會分開放。其實本來係生牛肉，不過拎到翻去變左熟嘅🤣，但肉質都夠嫩，而且肥瘦相間，脂肪位唔會多！牛丸彈牙，我就最鐘意牛展，大大塊又煙靭鮮香🤤。軟淋嘅河粉吸收🧽左湯底就更香，但食落唔會鹹🧂。2️⃣越式豬頸肉撈檬🐷 $64💖推薦！大大塊嘅豬頸肉咬落肉質爽口，邊皮微脆，脂肪位唔會油膩。軟嫩嘅撈檬配上胡蘿蔔絲🥕、青瓜絲🥒、芽菜、炸蒜粒🧄同炸花生🥜，口感豐富又清新，最啱夏天食！炸蒜粒同炸花生令撈檬好香口，最後淋上酸甜嘅醬汁就更開胃。3️⃣越式炸蝦餅(細)🍤 +$29💖買主食可以追加小食，我要左炸蝦餅。爽口嘅蝦肉🦐出面係微脆嘅外皮，配上酸甜醬更開胃～4️⃣越式香茅豬扒(細)🥩 +$23💖呢款外皮好香，肉質有嚼勁，油脂位香軟，仲有香脆嘅炸蒜片🧄！5️⃣椰汁珍多冰🥥 +$12💖主食可以加錢配各種飲品，特飲就$12。我要左一杯珍多冰，綠色💚嘅珍多粉條Q彈爽滑，清香嘅味道中和左椰汁嘅甜膩，係我每次去越南餐廳都要飲嘅經典飲品！6⃣️鮮芒果西米露🥭 +$12💖呢

🇻🇳🇻🇳性價比高越南餐廳🇻🇳🇻🇳打電話📲📱📱外賣自取 其實之前堂食過🤤🤤🤤所有嘢都好大份 適合兩個人食👩‍❤️‍👨👩‍❤️‍💋‍👩上次食牛肉撈蒙 加越式鳳爪個鳳爪好難忘 暗暗哋嘅辣🌶🌶🌶我唔係好食得辣但係都接受到 😉😉覺得好食所以今次encore😋😋😋叫左一份魚露雞扒飯🐣🐣🍚🍚 份量依然係超多 根本食唔晒 佢個豉油汁好好味😋追加蝦餅🦐🦐🦐🍤🍤再追加生菜🥬🌱外賣有85折💵💵

成日諗唔到食就會去呢間叫外賣越式野食極都唔會厭再加上呢間水準都算穩定個人必點係越式河內三寶飯有炸雞翼、香茅豬扒同扎肉，三款美食都好惹味，特別係香茅豬扒，一啲都唔鞋，但出面仲炸得脆卜卜，飯底仲有少少椰菜，索晒啲香味好好食🤤炸蝦餅加$29配搭既小食，炸得好香口，入面好彈牙，食落有一陣淡淡嘅蝦香朋友就叫左蝦餅撈檬，讚撈檬個汁幾調味適中，惹味得黎但又refreshing青檸冰、龍眼冰唔會好甜，清新涼快！

在尖沙咀出口一出去就見到這間越式餐廳，心血來潮正想飲熱騰騰的湯。叫了極品牛三寶湯檬粉，不得不讚湯底清清地又夠清甜，淡得來又很入味。作為牛魔王的我一次過可以吃牛丸生牛肉及牛𦟌，超豐富的材料呢！越式豬頸肉撈檬也是很經典的組合，加入酸酸甜甜汁攪拌起來，清爽又開胃。豬頸肉燒得剛剛好，口感很爽。越式炸蝦餅也是越南美食之中的代表，吃得出淡淡的蝦味，十分彈牙。最後來一杯特色飲品椰果椰汁西米露、鮮芒果西米露，馬上清除了夏天的暑熱。

朋友最近食過呢間性價比既越南餐廳話好好食，去開尖沙咀就去試下😋果然比大台宣傳易成日賣廣告果間李錦x出色💯嗌左兩個主食 兩個小食同兩杯飲品🍹豬頸肉🐷呢個燒得好出色👍🏼👍🏼👍🏼每塊豬頸肉都配埋甜酸醬，簡直係令人想食完再食💯真係值得一試！炸蝦餅🦐蝦都好彈牙，亦都係配埋甜酸醬一齊食超級夾💯但份量偏少～一碟得一塊🥲咖喱牛腩飯🍛咖喱汁唔辣，有薯仔做配菜，值得一讚係牛腩份量好多，食到最尾都食唔晒！但如果可以炆林少少會更加好食😋整體不過不失～越式豬扒湯河🍜黎越南餐廳都係要叫返d越式湯河～個湯底的確係名不虛傳！夠晒濃夠晒味🤤河粉份量都算多👍🏼主角係件豬扒🐷大塊都不在話下，重點係煎得好入味！好香口～呢個真係都要推介💯凍檸茶🍹同普通茶餐廳嘅凍檸茶差唔多～正常發揮👍🏼椰果椰汁西米露🥛呢杯反而好好飲💯解暑恩物！記得要叫佢少冰～因為少左冰都仲有好多，但都冇阻椰汁既椰香味，西米露嘅份量都適中👍🏼好有咬口～河內越式料理 (尖沙咀)尖沙咀堪富利士道10號地舖

返工時間一個人食lunch唔知食乜好 於是就行咗去食越南河粉今日我在點咗個極品牛三寶湯河 裏面有生牛肉，牛同埋牛丸睇相可能以為好細碗其實份量都幾多㗎 食越南河粉我好鍾意加魚露仲要加好多添再加埋入青檸汁同埋辣椒粒 成個湯底即刻精緻咗好多最鍾意就係將河粉同埋湯一齊放入口 真係特別好味㗎越南河粉好出名食生牛肉因為生牛肉好嫩口 比熱湯浸到少少熟入口啱啱好牛肉都好淋身 再加埋牛丸一碗湯河粉入面有三種唔同質感嘅牛肉食最後飲埋杯餐飲咁就搞掂一餐呀簡單經濟又飽肚下次你哋一個人唔知食乜好嘅時候都可以去試下 除咗牛肉湯河粉之外仲有好多唔同配料嘅湯河粉㗎實有一款啱你心水

同朋友一齊喺尖沙咀，想快快脆脆食碗麵醫肚，因為大家晚黑都要返屋企繼續工作😅，路過呢間越南🇻🇳餐廳，咁啱啦，可以快速食碗「越南河🇻🇳」就番歸，於是決定入去開餐😆我叫咗呢啲😆：- $69 嘅「極品牛三寶湯河粉」：「牛三寶」包括 牛肉、牛𦟌、牛丸，牛肉同牛𦟌 煮得幾軟熟，牛丸就有少少彈牙😋；湯底就濃郁幾惹味😋- $23 嘅「越式香茅豬扒」：豬扒厚切，好多肉😆，煎得幾香😋- $12 嘅「椰果椰汁西米露」：唔係好甜，幾好飲😋朋友就叫咗呢啲😆：- $60 嘅「越式香茅豬扒湯河粉」：同我叫嘅小食「香茅豬扒」一樣，都係厚切，肉質軟熟😋- $15 嘅「上湯灼田園菜」：簡簡單單😋- $5 嘅「熱檸水」：😋唔使半個鐘頭就食飽飽😆😋

返夜的我因為要上班前食晚餐，所以好多時都係食下午茶時段😁呢日一路唔知食乜好，經過呢間就試試。要試一間Pho好唔好食，一定要叫最傳統的生牛肉pho.第一件事當然試湯底。我覺得有少少咸，好似蓋過咗牛骨湯嘅味。換句話說唔夠濃牛味。不過我欣賞佢嚟到時，生牛肉真係生，唔會好似有啲地方，明明叫生牛肉但上枱已經熟透。可惜肉味也不濃。而且佢只有河粉同檬粉可選，沒有金邊粉。不過整體都可以嘅。 正所謂冇期望冇失望😛下午茶嘅價錢可以接受，下次會試撈檬 #多謝消費券