沛公甜品 (已結業)

我係一個甜品怪，超鍾意吃甜品，特別係新出品，幾年前沛公新開業時，我當然不錯過試新嘢的機會，它成名之作 - 芒果千層蛋糕，當時吃過後真不覺得出色，忌廉不滑，沒有香味，千層塊很硬，芒果肉不多，所以吃過一次後，就沒有再回購了！事隔多年後，由於朋友說它的D24榴槤千層好出色，想買來做餐後甜品，但因為我唔食榴槤，所以便叫朋友買多一個芒果千層，可惜，再一次失望，整個蛋糕只有小許甜味，芒果肉雖然亦算足夠，但完全沒有芒果味，連我兒子都問"呢個係芒果蛋糕，無芒果味嘅！?"，如果蒙著眼睛吃，可能都不知吃緊芒果，忌廉不滑流，沒有忌廉香，應該打的時間過久了而令忌廉變老，整個蛋糕沒有人問津！由於價錢並不便宜，亦不想浪費，我唯有勉強吃了一小舊！

係團購買左2盒貓山王糯米糍。奶奶食完勁讚﹐成間屋都瀰漫著榴槤。咬落個皮好煙韌﹐但略嫌有點厚﹐內面的貓山王沒有可挑剔之處。但看完上一篇食篇, 我懷疑店員拎俾我既係D24。

因為是榴槤愛好者，見到團購有榴槤糯米糍就買來試試！有兩款，深色d 係貓山王，淺色d 係d24!榴槤肉都幾多幾足料，皮的厚度岩岩多，貓山王貴d, 一分錢一分貨，係濃味好多，不過d24 清清地都不錯！

早已聽過'沛公甜品'的大名這天剛好路過荃灣便買了兩個千層班戟回家嘗嘗芒果千層班戟$30打開包裝就傳出陣陣的芒果香,义子插入班戟之際 ,忌廉多得從旁跑出來芒果味不明顯;而班戟皮十分薄,但忌廉又很多,感覺在食一口口的忌廉,沒千層的感覺曲奇千層班戟$24打開包裝同樣傳出陣陣的朱古力味朱古力忌廉不會太甜, 而且入口香濃千層的感覺及味道都比芒果的好總括而言,個人比較喜歡曲奇千層班戟

今天在Subway用餐時，無意中看到沛公五周年紀念，榴槤牛奶布丁只賣$5(原價$22)。作為一個榴槤痴，看來這個價錢當然心動都試一下，況且我也很想試這一家的甜品很久。於是便買了2個榴槤布丁，及1個榴槤千層班CAKE與友人分享。一打開牛奶榴槤布丁，嗅到淡淡的榴槤味，令我們滿心期待。誰不知一放口，才發覺布丁的味道和香氣一樣，都是非常淡。榴槤味欠奉不在話下，就連最基本的牛奶味都欠缺，甜度更是十分低，明顯是加了很多水。雖然它是特價貨品，但也不應將貨就價得這麼離譜，須知道連特價品都做得差是做壞自己招牌。失望過後，還希望榴槤千層班CAKE可收復失地，卻是令人再次失望。榴槤千層班CAKE不如尖沙咀分店的網友所講，啖啖榴槤肉。這個千層班CAKE只吃到蛋及CREAM的味道，它的榴槤味和榴槤布丁的一樣，都是極淡，榴槤肉更是少之有少。這個原價$32的榴槤千層班CAKE就算是賣特價$15都很難再吸引我去試。原本想有一個滿足的榴槤體驗，換來的卻是失望。如果這食店還是這樣偷工減料，恐怕很難吸引人再光顧。

之前食過佢嘅榴槤千層班戟蛋糕好幾次, 每次食完, 隔一段時間就會想再食, 香甜嘅CREAM, 配上啖啖榴槤肉, 真的太令人回味..........早排見到團購以$128 購買8 吋榴槤千層班戟蛋糕, 當然要買返個同屋企人一齊分享下啦!尋晚去攞蛋糕, 因為雪得夠凍先會更加美味, 所以留待今晚先品嚐, 滿心期待去食, 點知令人徹底失望, 打開盒子, 冇左之前個種濃烈嘅香味, 當時冇察覺到有異樣, 仍然好期待, 到我食左一啖, 發覺只有淡淡嘅榴槤味, 再試多啖, 都係得好淡嘅榴槤味, 所以我決定仔細咁"撩"開D CREAM睇下, 發覺裡面有超過9成以上都係CREAM, 只有少到差D要出動法醫先搵得到嘅榴槤肉, 我只食左8"蛋糕裡面的 1/16, 我已經滯到有少少想嘔, 用$128買一個蛋皮+CREAM, 我覺得有種被騙嘅感覺, 但我要慶幸唔係用正價$208去買囉...........食完忍唔住同個朋友講呢件事, 話團購冇好野, 叫佢唔好貪平, 點知佢話上個月佢以正價$208買左個8"榴槤千層班戟蛋糕, 同我情況一樣, 所以佢見到團購$128, 好似好平咁, 但佢都唔敢買啦!結論係, 不論係團

24-5-2013(五）我真的很愛吃甜品！是日早餐，是昨晩在 沛公甜品 買回來的甜品。買了石板街千層酥及芒果布甸各一客。前者的味道，感覺像美心西餅$4一件的西餅般，外層的千層酥很腍、很濕，朱古力味尚算香濃，但蛋糕質地鞋身，欠滑溜。蛋糕與腍身的千層酥一起吃，味道完全不夾，更與普通朱古力西餅沒分別，但竟要賣$24一件。後者完全沒有芒果味，像吃著糕狀沒味的甜物體般。試過一次便算！

沛公甜品在荃灣分店.是一間外賣店.完全無座位的,店員服務不算熱情.但仍會簡略地介紹食物.芒果千層班戟:真係層次分明.是一層一層食,每一口也很cream.但芒果肉分明.但芒果肉末算鮮甜.什至令人感覺似芒果香精,有點失色.桂花榚:是加一元換的.一打開就聞到桂花香味.質感也林身,吃時感覺,有很淡桂花香.味道較清淡.這是健康甜品埋單27元也合理.但下次買也要講緣份

今晚食完飯行過呢到，見到佢地宜家做緊＂10蚊＂優惠，每日都有唔同既優惠，咁今次見到個朱古力芒果千層同埋雲中落霞都係10蚊一盒，咁緊係即刻買來試下啦，先講個朱古力芒果千層個面係好似好好食，再望個底層，好似溶哂咁，我都有問過個店員，佢話係咁wor，因為芒果會出水....，so就變成咁但個千層買左呢一次都唔會想再買第二次，芒果溶到有d唔想食，仲有太甜，以前好食d lo之後雲中落霞其實係芒果腸粉，不過不失，但粉皮太厚，甜度都剛剛好，唔錯的~

真係忍唔住要特登開個A/C黎留呢篇食評, 一直以黎都有食開沛公啲嘢, 但係多數食千層蛋糕, 比較少食布甸, 今次團購開左幾張COUPON, 今日攞左3個黎食下, 分別係榴槤, 咖啡同蜂蜜唔知咩味. 唉...........未食過咁難食既布甸! 先講榴槤, 冇味既, 得個甜字, 蜂蜜果個, 仲甜, 完全食唔出係咩味, 咖啡呢, 又甜又苦唔知想點...........唔知係咪粗製濫造, 唉, 全部食唔夠一半就掉左了, 而家仲有3張未換, 完全唔想食...............如果啲質素唔改善既話真係幾平都冇用吧, 我一定唔會再買......

是家慈娟姐的生日工作繁忙,家慈又為星期天的觀摩會準備,下班後到這個店買下芒果千層蛋糕就回家,是次沒有訂只買現成,買得成還真是可喜可賀呢!這個小的應該有6吋,售188,上面有一朵大大的芒果花,賣相是不錯的!每一層都做得好平均,cream打得滑,當中也有芒果碎,是好吃的,不過cream有點點的過甜吧!從這個切面看得出,這個蛋糕一點都不難切,是個優點吧!吃下去也很飽肚,一家三口,要吃半個也不容易!過了一天再吃(仍是好吃),下次多人吃再吃其他口味吧!

因為想食甜品所以走去沛公看看有什麼優惠，見到做緊20元可以購買任何三個布甸或果凍，另一優惠是買滿20元可加15元換芒果千層班戟。我絕不會錯過如此機會，只可息布甸只剩下幾款口味，我選擇了士多啤梨鮮奶布甸、香芋椰果鮮奶布甸及籃莓鮮奶布甸。另外購了榴槤千層班戟並換購了芒果千層班戟。開開心心回家品嚐。我和另一半均每款布甸各分享了半份。布甸很幼滑，士多啤梨布甸有少量肉，但略嫌士多啤梨鮮奶布甸及籃莓鮮奶布甸太甜。之後我打開榴槤千層班戟及芒果千層班戟的蓋，巳有著香濃的榴槤味及芒果味散發出來。我試了一口芒果千層班戟，便給回另一半，我則細味我至愛的榴槤千層班戟啦!但食落感覺每層cream 的比例厚咗啲! 可能相比2年前有點走樣，莫非太高期望，希望有待從新改善。

很少地方能夠吃到好味的榴槤甜品,TBB電視節目之前曾介紹過沛公,我怎能錯過呢?!榴槤千層蛋糕 $28-皮有11層,忌簾有9層,榴槤肉都幾多,加上現在是當造時刻,所以十分香濃可口^,^對於榴槤迷的我,一件真的不足夠~芒果千層蛋糕 (加$15-換購)皮同樣是11層,忌簾有9層,芒果清甜,份量亦不少整體來說,食品質素是不錯的,忌簾滑溜,pancake皮不會過厚過簿,環境乾淨整齊,但員工服務一般。

今晚上的宵夜是沛公的榴槤千層班戟再加榴在心中.太飽了.原本只要食件榴槤千層.但當買了件榴槤千層邊行邊食的時侯發覺件榴槤千層有少少問題-----------好食左,係好好味.比上個月吃那件好味左好多.返回沛公問店員.才知新的一造榴槤開始左.而剛剛開始的正是最香榴槤味-----大釘.因為沛公在不同時節會用不同的新鮮榴槤來做甜品.味道會有少少出入.現時用的正是56月當造的大釘.唔怪得咁好味啦.其他甜品店做榴槤甜品好少會用大釘.因為成本貴(大釘少肉).要多份榴在心中.太飽了.

沛公榴槤千層蛋糕！ 上次很香濃，一直想再食，今日有幸出城，諗住肥就肥，買個嘆，點​知今次超失望！只隱約有點榴槤味，那不就只剩下忌簾味？仲要好甜​！磅幾忌簾……嗚嗚，點好？ 難道掉咗佢? 榴槤你去了哪裏? 沛公超甜忌簾蛋糕至真!