沛公甜品 (已結業)

上網睇到做梗九周年優惠千層班戟$9一件！ 媽咪係千層班戟fans，咁岩路德圍係放工必經之路，就排下隊買比媽咪食！ 離遠見到個牌寫住6：30開始賣，我到達時6：21分，前面有十人左右排梗，咁就等下啦！ 6：47分終於排到我了，被告知榴蓮味已經沒有，好的！沒關係買其他，再被告知''小姐一人只可以買一件！！'' 咩話！ 我冇聽錯嘛！ 我排左30分鐘就係為左慳你個十令廿蚊！ 如果有限購買應該在排隊處做一個比較大嘅牌告知客人！ 榴蓮味又唔捨得做9蚊優惠！ 其實做得咁小氣又小家可以索性唔好做優惠！ 反正沛公甜品生意咁好！

荃灣區一向小食店鋪林立，沛公店面多種班戟味道令人眼花遼亂，買左一盒芒果千層班戟，雖然果肉唔多，但班戟皮薄同忌廉多而不腻，算是恰到好處！如果多些果肉就更完美喇！有機會經過再幫襯啦！

難得回屯門老家做冬，到附近改頭換面的商場走走逛逛，買點什麼加餸。經過沛公甜品的臨時攤位，想起一家四口都喜歡吃榴槤，隨即買了一個D24榴槤千層班戟 $268@(大)，另有小的$198，及散裝切餅$35@，整個的購買便宜一點點吧。及兩個榴槤布甸 $10@，原價$25@。先說布甸，包裝是普通透明的布甸/Jelly 膠盒，約掌心大。一打開即傳來淡淡的榴槤香，吃一啖，可以吃得出用了新鮮的果肉，但份量當然不多，兩三啖才會吃到一小口果肉吧，但以這樣的價錢，算是很不錯了。D24 榴槤千層班戟 $268 (大)這個榴槤香味比布甸更香濃，隔著紙盒都能聞到陣陣榴槤味。一打開看見實物，唔，果然很大，但略嫌有點簡陋，外觀不怎討好。切開，可以看到層與層之間的忌廉偏厚，吃下去，有點像果肉蓉，帶有點點榴槤絲，但忌廉比重多了點，比起以往吃過其他品牌的榴槤雪米糍/ 榴槤蓉比則有點遜色。這個比較適合喜歡吃蛋糕、甜點，而不是榴槤愛好者吧。總括來說沛公甜品的榴連都不錯，屬入門級別的榴連甜品（撇除那些沒有用新鮮果肉，真榴連的甜品），但對說榴連迷來說還不夠，得不到好像在吃榴連的感覺。

是日下午茶，曲奇千層班戟。行街路過荃興徑，天口熱，買個沛公先，雖然成日會經開，但都係幫襯貢茶多，今次終於決定試下。25蚊件價錢可接受，食落口感都不錯，可以考再試下特濃朱古力先下次

成日都經過呢間沛公今次終於幫襯下,因為見到佢減價叫左呢個榴槤千層蛋糕,班戟皮薄薄有很多層,每塊班戟皮都好薄!食落仲有好多榴槤肉,好好食啊非常吸引好多榴槤忌廉亦好滑, 亦非常之香甜,今次真係無買錯!成口都係榴槤飄香仲有買左一個芒果試試D芒果肉非常多!但係我就覺得呢個個cream太多了,但佢又唔太甜,下次等再減價再去買過!

呢間沛公無得堂食, 只可以拎走既, 其實一行近d就聞到濃濃榴槤味.呢日就買左2款甜品返屋企食, 買左3件芒果糯米糍同1件芒果千層蛋糕, 芒果糯米糍入面有大大舊香甜芒果, 但我覺得外皮太淋有改進空間. 另外芒果千層蛋糕都幾足料, 一層皮一層cream都有1x層, 層皮仲好薄, cream入面有芒果粒, 但我覺得食一件已經好夠好飽.

$20 三盒布丁，味道自由選擇，忍不住買了三盒試試，因為平時一盒原價都要二十元以上。 味道很淡，芒果味很淡，有一點芒果肉，可能要加上一點花奶，味道會甜一點。

行過見到佢的D24榴槤班戟做特價，印象中，沛公又好似好出名，所以買咗個D24試一試! 買完已經急不及待，即刻食。打開個盒已經聞到好香嘅榴槤味，食落仲有好多榴槤肉添 食完再想encore，但係quota 有限！原來仲有好多不同款式嘅蛋糕同甜品㗎，一定要試晒佢至得！

可以買返屋企食又唔怕溶既甜品，撞正做特價買多幾款試味，可惜咁多次宇治金時同m&m都冇試唔到，芋頭紅豆淡淡地又唔太甜紅豆又夠林，曲奇最好食主題好出好香，石板街夠特別不過果仁林左唔好食，芒果最穩陣

因為有coupon既關係，走去試左一個千層蛋糕青檸千層蛋糕係就係見到有好多層，不過中間好多cream食落有少少青檸味，感覺都清新既不過就好漏，cream既比例太多相信其他味道應該都有咁既情況

😤😤😤大家記得唔好俾任何毫子，否則一肚氣....我給了兩個5毫子，佢竟然話入唔到銀行，要收佢手續費...真係想引用法例告訴她們是如何如何無社會良心...所以唔理佢的食物如何...心情都苦了一半.😤

又到榴槤飄香季節，今日行過沛公見到D24榴槤千層班戟有特價，30蚊一件，立即買左黎試下。班戟皮薄薄，很多層，每層都塗左好多cream，同有d榴槤肉，但唔多。食落香滑甜的cream略帶榴槤味，榴槤香味有卻不夠濃，感覺有點失望，不過以呢個價黎講已是好抵食。

由於荃灣間沛公得外賣，於是買咗蜂蜜柚子檸檬果凍，特價$8。好好食！有柚子肉，但檸檬味吾算突出！蜜糖味好重。今次冇試到千層蛋糕。點解我會揀呢個呢？無特別原因，只不過吾係剩返好多味，

六年前! 刚開張我己幫襯! 由以前路德圍舊铺開始,老闆啊沛係我恩人亦都係我偶像,師父! 我想他己經忘記了! 老闆係一个好勤力,好有創意,同好有鬥志的一个人! 我係睇住他一手創立沛公的!一个好味既 榴櫣千層係雖要好多煩復步驟先可以完成的!少一点点心机或者步驟出錯,又或者啲班戟皮雪的時間唔夠,cream同榴櫣肉既比例唔啱,cream打得唔好,制作時時間過長等等亦都会好影響味道,觀感,同口感的! 大家可能会奇怪点解我会知道制作千層既步驟咁清楚?因為六年前我係第一個由老闆沛公親手教做榴櫣千層既人! 成個千層班戟最關鍵同用最多時間做出嚟就係啲班戟皮! 沛公甜品成名到而家開了咁多間分店都係全憑啲班戟皮! 沛公啲班戟皮我敢在這里説全香港除了我,同我師父沛公(老闆)識做外,別的糖水铺就算俾佢偷学到做千層但係絶对做唔到沛公千層既班戟皮!因為老闆沛公佢本身係一位做麵包既師父,呢啲獨一無二既班戟皮係佢多年來研究同改良出來的心血! 當今日上网睇到沛公開了咁多間分店,我真係好開心!老闆佢以前咁辛苦今日終於有回報了!所以我特登在這里發表一下,等大家知多啲千層班戟不為人知的秘密! 老闆:多謝您!! 雖然可能您己經忘

早於數年前由港島搬入葵涌，偶然的荃灣夜遊認識了沛公的千層班戟蛋糕，當時的店並非在現址，兼且設有街邊堂食，風味正濃！今次行經店前，見到櫃上有一個寫著《任何果凍及布甸都是統一賣$8》的牌，再走到另一個雪櫃前查看，布甸與果凍都很大杯！我決定買三果凍加一布甸，當然還有人氣的「貓山皇千層班戟蛋糕」，一件已經賣$68 了。貓山皇千層班戟蛋糕 $68 ... 班戟皮有蛋香，薄薄的每一片帶有彈性，每層夾集了柔滑的奶油及果味特香濃、甜中帶甘、粗絲萬縷的貓山皇果肉， 吃進口感覺輕盈，一點兒負擔也沒有。蜂蜜酒釀雪梨果凍 $8 ... 聞得出有蜜糖及梨的香味，腦袋會想像到應該是清甜滋潤的味道，滿心歡喜地吃一啖 --- 味道是比預期的淡(少甜)，帶少許酒釀的酸，雪梨粒較生因為嚐得出有清澀的果酸味。蜜糖綠茶蘆薈果凍 $8 ... 家人全部認同果凍是很「道地蜂蜜綠茶」，無論用鼻聞還是味蕾去嚐都贊成。 有估計過是否用這品牌茶飲來作果凍原材料，另外蘆薈切得較為細粒，咀嚼時錯認了是椰果粒粒。木瓜牛奶布甸 $8 ... 木瓜味道真實兼有果鮮，不是香精能扮出來；奶味並不是濃郁的那種，反而舌頭感覺到有微粒粒，難到是奶粉惹的禍?