沛公甜品 (已結業)

藍莓鮮奶布甸 $10 聞落去好甜但食落去甜度適中藍莓味都幾出，值得一試芒果鮮奶布甸 $10 最保守嘅款式就係正常嘅芒果布甸味紫薯鮮奶布甸 $10估唔到紫薯味可以咁濃郁而且味道神奇地天然，推介！

雖然沛公近年成日做特價，但件裝千層蛋糕偏少。今次雖然有特價，但不算很平，所以沒有像已住好多人排隊。今天我揀兩種口味，一種是芒果千層蛋糕 ，另一種是宇治抹茶🍵紅豆千層蛋糕，外表雖然同以前一樣，但食落去真係同以前冇得比了。蛋皮冇了已往的蛋香味，每啖都似係食緊忌廉。本身我都幾喜歡忌廉，但由於忌廉太多了，我都真的覺得有點多，有點'漏'，甚至需要把太多的cream刮去。而芒果粒又或者紅斗粒都相對比以往少，真的沒有以往那麼好吃了。

臨時臨急要買蛋糕😆 發現沛公係附近嗱嗱聲衝入去睇有咩選擇啦咁岩撞正佢返貨🤭 啲蛋糕新鮮送到我有無咁好彩呀🤩🤩🤩 時間好似係4-5點時段本身想買榴連千層又怕唔係人人接受到忍痛買左石板街千層蛋糕（相片係自己佈置中🤦🏻‍♀️）食後感：皮唔厚 cream唔甜 朱古力味又夠突出中間仲有啲果仁碎同埋棉花糖粒食完都唔會覺得佢漏！我覺得係有驚喜 甜品糖水鋪買到個咁出色既蛋糕認真 下次我一定要買個榴連千層比自己隊隊佢

🍰 抹茶紅豆千層蛋糕 $25雖然有抹茶味，但比想像中甜🥶食一半已經好滯😥😥啲紅豆雖然大大粒，但都好硬身下🤣🤣🍰 石板街千層蛋糕 $20比佢中間既棉花糖吸引😝😝😝而且有特價，所以就買來試吓～石板街係我印象係偏苦既，點解呢個可以甜到咁🤣🤣🤣似m記個朱古力奶個重甜！總結呢間千層蛋糕偏甜，雖然皮都幾薄～但同時cream都好厚，所以就搞到好多cream超滯呀！平就平既，但試一次就好啦🥲🥲🥲

屋企人生日，想特別啲買個榴槤蛋糕慶祝一下，諗起平是食開啫喱的沛公甜品。首先好好彩，打電話問仲有1個，8吋 賣298蚊。拎到個外賣盒未打開，已經有一陣榴槤的香氣，到食完飯切蛋糕，店員好細心咁跟埋生日牌仔同蠟燭。8吋原來都好大個，而千層蛋糕中間的蛋皮好香蛋味，軟身好口感唔錯。而中間的忌廉有啖啖的香甜榴槤味，唔會太甜，質地適中，唔會變哂水咁。雖然298價錢本身覺得有啲貴，但實際真係大件，而且仲食到有榴槤肉，都對得住呢個價，屋企多幾個人一齊分享好開心。

元朗又新街新開了沛公甜品，是在我常去食大大件豬扒飯的大排擋附近，是必經的，所以以後去元朗會多一個食點，上星期食飯就買了雪條，因為食完碟豬扒飯，更香濃的榴槤千層也沒有空位食了。今日食完豬扒飯再想買雪條時，就比個士多啤梨蛋糕吸引住，仲要係芝士蛋糕，唔係出名的千層班戟，因為上面的日本士多啤梨好大粒，仲要買＄198，我去買盒士多啤梨都成百蚊，這個蛋糕點止用了一盒呀？所以買。 買了回家都有點怕芝士蛋糕會中伏，點知愛人話超正，芝士香濃滑口，唔溜，仲有清香青檸味，餅底更鬆脆可口，好味！佢話沒有士多啤梨都值＄198！