沙記燒臘海鮮菜館 (已結業)

星期六諗住試吓去佐敦食飯,點知左選右選,到最後就去咗哩間沙記啦,因為我見佢門口都有好幾組人等枱,所以我以為會幾好味添,咁就衰咗啦.環境其實好dirty,張carpet一踩落去好似痴實隻鞋底咁嘅,廁所又dirty又冇得冲水. D枱密到痴住隔離果張.我地見枱枱都食佢d燒味,以為係好嘢,又叫咗燒鵝併油雞,一d都唔好味又鬼噤咸添.之後其餘d餸都陸續上枱,有薑葱炒花蟹,d薑葱一d都唔好味,我覺得爭咗少少糖吊味, 但d蟹本身都好晦好水吓, 到個砵酒焗生蠔,又油膩又咸.最後個鼓油王煎中蝦,其實d蝦好細隻吓,但味道都叫做acceptable.兩人埋單HK$600. Quite expensive and not worth. Can't understand why still lot of people waiting for the seats there?

下大雨, 叫外賣 夏門炒米 椒鹽鮮魷 生炒骨, 等左半個鐘, 終於可以回家吃! 女友說油太多, 我都agree. 不過, 味道真係好有火喉, 價錢上面都似大排擋價, 不過太熱, d盒有d問題, 為食客著想要改善一下外賣工具. 就味道來說, 我幾喜歡夏門炒米呢.由於是次外賣, 環境給5 招待給5

今日晏就諗住是但入一間食下飯啦咁見出面有車位，見呢間野都幾就腳咁入到去原本已經揀好左位啦點知佢又見我地得三個人又叫我地搬去細枱(本身張大枱都已經係搭枱)咁好啦，搬左過去佢拎左d碗同埋杯黎啦跟住個碗仲痴住d飯...勁核特呀!緊係叫佢換個個黎啦..咁就叫左一碟星洲炒米同埋一碟瑤柱蛋白炒飯啦等左勁耐等左成半粒鐘都未黎分別催左兩次兩次都叫唔同既人佢地兩個都係係咁二應酬下你咁話:「整緊架啦，我都想你地快d食完呀，快d翻枱丫嘛..」大佬呀，你要拎野食黎先得架...野食都唔拎黎你想點翻枱呀?之後唯有發惡話你再唔黎我地就走架啦...佢先入去同個廚房講...叫我地等多兩分鐘...我地見佢出野食果度不斷都係出d小菜...炒飯就堆埋一次先出...總之就係激氣啦!

平時,我要周圍送貨咁岩就係要送去佢度於是,死死地氣,捱下飯盒,食個叉飯點知,一試嘩.........難得有肉香有油香既叉燒(嫌我講到似賣廣告就關左個IE,THX)係真係好好食不過衰左平時送貨唔係日日經個頭否則一定會日日去