沙沙茶座 (已結業)

間唔中都幫襯，但無論食物或員工態度都大不如前…食物叫左一個常餐公仔麵無得評，個炒蛋只係一塊蛋皮!？菜遠肉片河茨汁好多好~杰，又無味！有啲河粉更炒燶了…飲品都係膚衍之作，淡而無味（最近加價了，加左價但水準下降，一點也不值）員工態度參差，有個嬸嬸每次見到佢都例牌面黑黑，錯單情況多到黎親我都會check單！老實講如果以為做獨市就可無服務、食物水準低就錯了！我寧願用幾蚊撘車落黃大仙，有更多選擇！呢度留番懶人去吧~

幫襯過無數次~ 冇次係食物失準O既!!個人極力推介 魚香茄子炆米 ($29) / 常餐 ($26) O既沙爹牛肉 同埋所有炒粉麵~而第一次試O既咖哩吉列豬排意粉 ($35) 亦非常好味~ 雖然等得耐, 但係值得O既!!熱奶茶好飲~ 下午茶多選擇而且薯條係粗款好好味!! 三文治/ 飽類都好GOOD~如果天氣唔熬又冇乜人坐門口HEA仲好似HIGH TEA咁添! ~^^~翠竹花園有呢間茶餐廳係居民O既福份~ 如果冇O左真係O下O下都要搭車出去食O野喇!!!

打去叫外賣~聽電話職員態度惡劣~~去拎外賣職員又慢~~已經見到我叫o既野~但係一路都唔包起~~~周圍行都唔知做咩~~平時已經見佢地無咩人幫親~~原來係有原因家~~~唔會再有下次~~~而食物方面都ok~~今次我叫焗飯~係有炒飯底~~

下午荼時段，叫了黑椒牛柳絲炒意粉及星洲炒貴勻，由落單直上菜，足足等候了四十五分鐘，其間追單兩次，第一次追單，等了三十五分鐘，職員只膚衍地表示廚房要等候，並沒有真正追單!再過十分鐘，食物仍未到，於是第二次追單，表達強烈不滿，職員才急急向廚房跟進，並繼而辯稱沒有遺單!上述情況已不是第一次發生!

本來一家人開開心心諗住唔洗煮飯，唔洗洗碗，去樓下食餐飯，叫左枝竹火腩豆腐煲，點知豆腐係酸o架 然後有腰果西芹雞柳，呢個味道都唔差，份量都唔少，仲有個芝士石斑焗意粉，點知黎左個飯，要再等過先有，個味道OK，不過o的蘑菇又係酸酸地 初初諗住街坊生意唔緊要，點知我爸爸去俾錢個陣，明明拎左一百蚊出黎，然後再拎散銀，點知個收銀話o個張一百蚊唔係我爸爸o架喎!!! 我爸爸大男人又唔想同人嘈，竟然算數，仲要返到屋企先話我知，真係無奈!!!

來沙沙之前先打電話問佢地有咩野食, 小姐說好細心說有咩野食(XX小菜,XX 炒粉麵飯及茶餐等等). 來到後才知原來店子細細,不過都有成5-6個員工. 原來頭先聽電話既小姐係一個靚女wor.見佢好好笑容唔知係米老闆娘呢.我地叫了1. 常餐($25)- 沙爹牛通大大碗, 沙爹香濃, 通粉好有咬感, 如果湯再熱d會好d. 厚多士夠熱及牛油係好均衡地塗在多士上好正, 腿旦奄列小油唔錯.2. 咸魚雞粒炒飯 ($28) - 一來wow好大碟. 叫了小油又真係無咩油wor及好夠wok氣, 炒飯係粒粒分明, 炒得夠乾幾香口 (只係偏淡左小小). 我見隣台叫了炒河粉, wow佢d炒野都真係好大碟. 估唔到黎間細細食店越夜越多人. 最睇唔過眼既係, 對面台有個惡食客, 1個人來罷4人位, 人地好多客在等, 個staff好有禮貌問佢, 可唔可以轉去2人座坐, 佢大聲說"唔得呀". wow 真係睇唔出d人為左甘小野可以甘惡對人, 大家禮禮養養米好lor.