沙嗲王 (黃金廣場)

营业中

休息中

伴隨港人長大既『沙嗲王』今日行完街唔知食乜好之際，想食平平地，好耐無食沙嗲王，就同老公、同女女去咗『沙嗲王』，我諗『沙嗲王』真係陪隨住港人長大，至少我後生做女食到依家做埋人阿媽，我地叫咗︰蝦粉豆腐鍋配白飯 $72蒜香牛油薄餅 $28越南脆皮春卷 $41煙肉上湯娃娃菜 $42蝦粉豆腐鍋同之前一樣咁好食，蒜香牛油薄餅非常脆口，越南脆皮春卷有少少辣，煙肉上湯娃娃菜就正常發揮，不過隨住時代變遷，而且除咗一些牌菜外，食物款式同味道方面，都好似無以前咁好食同咁多款揀，不過勝在唔限時食同座得舒服。

嚟到銅鑼灣行到攰一攰唔知食乜好雖然呢個地區好多食肆，花多眼亂不過見到沙嗲王嘅招牌，好想尋回返佢以前嘅味道以前食沙嗲王既時間仲係海盜風設計而家餐廳嘅設計非常之平實親民餐牌上面嘅款式亦都多咗好多新嘅唔同菜式但我依然鍾情於沙嗲肥牛粉絲同白咖喱豬扒飯我哋點咗炸蝦餅多士，特濃朱古力，避風塘軟殼蟹，沙嗲肥牛粉絲各樣野整體都非常之好，並冇失水準（極力推介炸蝦餅多士呢度嘅食物價錢亦都非常之親民，好適合月光族或者上班族返工放工嚟食

🍲蟹粉豆腐鍋飯豆腐用石鍋上，食到最後都仲係keep住熱辣辣🤤豆腐嫩滑，配埋鹹蛋黃既醬汁，送飯一流😋蟹肉既份量都唔少👍🏻食呢個飯千期唔好心急，好容易辣親個嘴😂🐷白咖喱香茅豬扒飯經典之選❗️豬扒有三大塊，上面有好多香茅碎，肉質軟腍☺️白咖喱十分惹味，完全唔會辣，小朋友都食到🫶🏻有陣時係銅鑼灣諗唔到食咩，又想平平地，就會黎沙嗲王😗沙嗲王完全係童年回憶，記得以前佢個裝修係好有特色架，有無人知道可以下面comment✏️呢到除左有大碟飯，仲有多款小食可以揀，價錢都好親民架🥰非常推薦大家去試下～

沙嗲王, 係一間價錢大眾化食店, 主打小食及日常午晚餐.   很久沒來此餐廳了,  個人感覺食物比較多煎炸類.  今次同四個少年朋友食晚餐, AA制, 他們喜歡沙嗲王.  先點了小食拚盤, 包括一口蝦多士, 炸薯條, 魷魚鬚, 雞軟骨, 這拚盤最合意, 因為有四款小食,  好好味.飲品,   食炸物,  我喜歡配冰涼啤酒. 少年朋友飲 芒果梳打, 比較適合. 脆蝦棒,  皮薄香脆, 餡料多.越南薄皮春卷, 配生菜. 口感非常好泰式香茅蝦棒, 賣相及調味都 OK.避風塘軟殼蟹:   有4 件左右, 比較油膩.  煙肉菠蘿鮮茄醬 Pizza,  足料抵食,  蒜蓉牛油雞翼, 勁脆又帶香蒜味. 泰式酸辣鱸魚, 用錫紙封焗愛魚朋友必食.  中規中舉,  價錢超值.燒豬頸肉配泰式汁.  燒烤, 味道, 肥瘦也討好.沙嗲牛肉炒菜, 有點出奇,  店名 , 但這是唯一 用沙嗲烹調心的菜,  期望日後有沙嗲串燒.白咖喱香茅豬扒飯,  少年朋友都喜歡.   香茅豬扒肉質鬆軟，肥瘦比例適中.   白咖喱汁有椰汁味香, 送飯最愛.連鎖店效益, 食物 ok,  價錢經濟,  服務好一般.

銅鑼灣既沙嗲王開業多年，是無數香港人既集體回憶，一直陪伴我們成長，係打工仔既飯堂，聽同事講佢個下午茶好抵食，於是今次特登來試試佢銅鑼灣哩間分店好光猛好大間，唔想排隊可以揀銅鑼灣分店食白咖哩吉列魚柳飯 $43 白咖哩可以話係沙嗲王名物！！！佢個白咖哩可以講話無敵好食，白汁再mix辣咖哩，CREAMY得來帶點香辣味，刺激你既味蕾，再加埋佢個炸蒜片，超級香口！個炸魚柳都好好食，我覺得好食過同最受歡迎既白咖哩豬扒飯，個炸魚外層炸得好酥脆好香，色澤金黃，完全不油，魚肉爽滑彈牙，配埋個最出名既白咖哩汁，真係好好食，好難得咁多年來佢都keep到個水準，真心驚喜，好過成日食白咖哩豬扒飯咁悶啦$43蚊仲要包埋野飲，銅鑼灣區邊度搵到呀？閒晞地都要$50以上啦仲要未必咁好食！

曾經都開過好多間，曾經都幫襯過唔少當飯堂，最近突然想食番，可能閒日關係，晚上唔會好多人食，份量雖然比以前相對少左，但味道上仍然保持以前的好味。今次點選左二人套餐，性價比方面相對抵食，兩個前菜、兩個主菜、一個小食、兩份甜品、兩杯飲品。冬陰功海鮮湯：美味唔錯，最驚喜既佢海鮮配料都好充足，有蝦、青口、魷魚、蜆。辣度算輕微。白咖喱豬扒飯：最經典最令人懷念的味道，好彩美味仍然保持水準。雖然份量少左少少，但仍然充滿驚喜，配合印度薄餅絕對一流。牛油雞翼：絕對唔差得過譚仔，雞翼仍然大隻，味道香口。

多年無食呢間，同事話去睇吓咩水平，就跟左佢去啦。 用app拎左飛，行到黎唔使排，入得。Lunch menu, 比起以前又貴左幾蚊，野飲都貴左。 而家scan code用電話落單，野食好快送到。黎到只係想食白咖喱朱扒飯。 份量比以前好似少咗，2塊細一塊大既扒，有少少乾身，不過味道都還可以。個白咖喱汁就一如既往，都好味既，甜甜地咁。飯係珍珠米。野飲+3叫左荔枝茶，無影到，無得少甜，成杯都好甜，佢仲有寒天可以免費加，一般。

無可取替白咖喱豬扒飯☺️沙嗲王白咖喱豬扒飯真係非常出名，食咁多次水準都冇太大改變！依然都係咁好食🥰🙏🏻🙏🏻首先豬扒係好大件，而且肉質厚實，但唔會好鞋囉😋唔會太多脂肪，好多筋嗰種！食到啖啖肉❤️😋😋另外，都煎炸得好香脆好好食！白咖喱好惹味配飯食真係食幾碗都得😆飯覺得女仔食嘅話一定好滿足，男仔嘅話可能只係啱啱好晏晝食有成個餐有嘢飲好抵食，唔錯唔錯！不過，晏晝食就坐得唔係太耐，要好快食完就走，因為都好多人🥰

係銅鑼灣行完街，上黃金廣場沙嗲王食，地點好方便！我地三個人點左個二人餐，超抵食！先來前菜/餐湯，任選2款，我地鍾情於冬蔭功海鮮湯，超級足料，有青口，大蝦，魷魚，秀珍菇，個湯非常惹味！怕辣嘅朋友都唔怕！主食2客，我地叫左芝士焗牛柳粒飯同白咖哩豬扒飯前者唔單止賣相得，材料味道都好得！後者係招牌菜，無得輸！小食一客，點左石鍋清酒煮蜆，好大鍋，又多蜆，友人飲哂成個湯！飲品兩客，點左奇異果白桃沙冰同香印提子梳打！前者好啱夏天飲，好冰爽，後者就唔推介，因為只有梳打水味，一d香印提子味都無最後甜品2客，點左Hagen-daze雪糕，非常美味！整體黎講，二人餐真係好抵食！

30 years history of satay king is always my fav. restaurant and all our 80s 90s 00s memorable resto due to its high cost quality ratio. unfortunately the mongkok 3 floors branch had been close at 2020 due to the wuhan virus outbreak and cut down all the tourist flows and resulting the collapse of this king. but it still remain a king in hk historical resto. due to their political status, some of them believe it blue store. but its high quality food is hard to be replaced easily.its a bit strange

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️成日夜晚諗唔到食咩就會叫沙嗲王，因為佢性價比高得來食物水準好穩定，咁多年來味道都係一樣，唔怕有伏😆⭕️白咖喱豬扒飯：沙嗲王嘅白咖喱汁真係冇得輸，個汁好濃好足料但又唔會糊，仲有淡淡椰子同辣香味， 撈飯一流！🤤 豬扒肉質細嫩，稍為煎過令佢好香口，而且好鬆軟好易咬開，配上白咖喱汁非常惹味，沙嗲王必食推介！⭕️奶油娃娃菜：食得肉多都要點返份啲菜😉 娃娃菜煮得啱啱好，爽口得來又唔會太硬。佢地係用奶油配上湯，所以唔會太濃同杰，可以食到淡淡奶油味，配上煙肉更正。⭕️牛油雞翼：呢個就不過不失，幾香脆但唔係好食到牛油味，同今次炸得耐咗，令到雞翼比較乾同有少少苦味。

沙嗲王真係細細個就食, 大部人都一定會食白咖喱豬扒飯, 又的確係好好食, 但我更鐘意食呢度既烏冬🤭仲有, 原來假日都有下午茶, 款式都好多, 包基本熱, 仲可以加配小食, 價錢 $4x-$5x 咁上下, 都真係好抵! 有個雙扒白咖喱烏冬 + 糖心蛋🍳 唔駛諗, 即刻叫番個食先🤭 果然無叫錯🤭 雙扒係豬扒 + 雞扒, 仲有隻糖心蛋添, 成碗份量超級多, 雙扒唔鞋口, 隻蛋都好入味😋 另外加配左兩隻牛油雞翼🍗 少少油, 但非常脆口, 牛油味都好香, 好食😋

夜晚肚餓見到沙嗲王就入去試吓，今次並冇嗌佢最出名嘅白咖喱系列而係嗌咗個日式鰻魚滑蛋飯！好正!而且上面啲木魚片因為受熱而飄下飄下🤣幾得意！味道都好吃，唔差過其他招牌菜

次次尼沙嗲王都會嗌蟹粉豆腐鍋配飯，蟹粉夠鹹味蟹肉一絲絲，都夠多，同豆腐撈勻完，之後都唔會顯得太少，而豆腐又會好巧妙咁中和番蟹粉嘅鹹味，所以一碗飯呢配都會唔足夠，所以都要嗌多個白飯或者叫加底。

由於有事做所以好晏先有得食飯，見到沙嗲王嘅牌喺黃金廣場下面擺咗喺度，本身有做沙嗲王會員所以撳入去個app見到有張20蚊現金券，所以就上咗去食。上到去仲有午餐，本身諗住食佢嘅下午茶餐，不過店員話星期六日冇，所以就唯有食佢嘅午餐呀，價錢都唔係好過份。不過我對午餐餐牌冇乜太大興趣，所以就嗌返普通單點嘢食，今次嗌咗個牛柳焗飯，一如既往都係出得好快，然之後再加咗一杯佢哋嘅特飲，同埋用優惠券換咗一個小食出嚟，見到佢哋為咗慶祝父親節所以只要影低佢哋嘅食物放上社交媒體就可以， 用5蚊雞左右有一杯雪糕，鍾意食雪糕嘅我梗係即刻叫啦，不過我嫌雪糕味道偏少，如果有多啲可以更好。牛柳焗飯仍然保持以往水準，芝士份量足夠，而且雞蛋生熟程度十分適中仍然可以有流心蛋黃撈飯。喺春卷方面我認為比較油膩，如果可以煮食方法減少油膩感覺可以更好。雖然如此由於是新鮮熱辣辣上枱，吃落口是有熱呼呼的感覺，十分良好。飲品方面每次芒果沙冰特飲都是必叫，份量仍然係十分之大杯，足夠成餐享用