沙嗲王 (MPM文華商場) (已搬遷) 新店位置

話說好耐以前佐敦都有間沙嗲王，嗰陣時曾經係我嘅飯堂嚟嘅💕眾多美食之中，我最愛嘅就係白咖喱豬扒飯😍充滿椰香味又帶少少辛辣既白咖哩汁好惹味，再配上炸到鬆脆多汁嘅香茅豬扒，真係一個絕配！超級好餸飯呀😍幾年冇食，前兩日突然抽起條筋又想食，所以近近地就到旺角呢一間去再回味一下當年嘅情懷😂，不過超級多人，等咗大約半個鐘，終於到我啦😋白咖喱豬扒飯賣相：同以前差唔多，但係價錢就貴咗好多🤡味道：白咖喱汁已經冇以前咁惹味，感覺淡咗少少🙁不過香茅豬扒依然係咁鬆脆多汁又入味，算係不過不失吧！🤷🏻‍♀️呢間分店同動漫Evangelion crossovers 嘅餐飲都幾特別！ 喜歡呢個漫畫嘅朋友值得一試😜

已經好耐無去過沙嗲王，今日行過就上去食返我最愛既白咖哩。白咖哩豬扒味道好好，白咖哩味道好特別，呢個源自北海道既咖哩唔似東南亞既咖哩般辛辣，帶有甜甜的奶油味。豬扒炸得好脆，但肉質仲鮮嫩，唔會好乾。所有咖哩汁一滴不漏，肥死。

最近，突然想起沙嗲王的白咖喱飯，所以就跟女友去旺角的分店吃。白咖哩肥牛飯 ($57)肥牛煮得有點太熟了，所以食落去有點「鞋」，但白咖哩依然好像以前般好味，建議大家不要試新配搭，還是搭豬扒或雞扒好點。鐵板嬌嫩巨批飯 ($75)這個本人十分推薦，因為這隻雞批真的是太出色了，名副其實是既嫩滑又大份，姐口感一流，絕對值得一試！(太好吃忘了影相)避風塘鮮魷皇子 ($59)相對上這個較為遜色，很dry 口感亦不太好，所謂鮮魷也好像不太新鮮似的，不會再叫。其實偶爾去沙嗲王回味下也不錯，哈

每次食沙嗲王都一定要食白咖哩豬扒飯！白咖哩實在太出色！真係好鐘意食🤤今次仲食咗沙嗲肥牛拉麵又幾好食喎 湯底夠味 拉麵都好食仲點咗煙肉菠蘿pizza pizza底係薄餅 同一般pizza唔同 不錯！👍🏻

很久沒有吃沙嗲王了, 今天碰巧經過, 見到排隊的人唔算太多便入去吃晚飯。這次的體驗有喜有悲，讓我先君子後小人。沙嗲王必點的當然是白咖喱香茅豬扒飯，果然經得起時間考驗。豬扒鬆軟同時又帶點香脆，令人食指大動。白咖哩當然也不用置疑，無論何時何地也是同樣的味道。另外，朋友叫鐵板巨髀飯，配上沙嗲汁，我們一起分享食用。巨髀大大件，確實名乎其實的。肉質竟然一點也不粗，口感不錯。我們也點了一份一口雞球，少少辣，很脆很香口。可惜的是，食不出肉感，好像大部分都是麵粉炸成的。最令我感到失望的是，我點了惜日最愛的「青檸柑梅蜜配蘭香子」，竟然用膠杯上，而且份量大大減少。半價後仍需＄25, 用料有必要如此慳儉嗎？整體而言，沙嗲王性價比還是高的，人均消費大概$100。但希望經營者控制成本的同時，要考慮舊客戶的心情。今天我失去了蘭香子，下一次又會是什麼呢？

好耐無見呢幾個朋友，我哋五個女仔諗食咩諗到頭都爆。我最中意平靚正，所以最後我話事，決定咗旺角嘅沙嗲王。旺角區就腳，大家返屋企又方便。不過又係等入座等好耐，最麻煩係，要過半數先可以入座，而且最唔中意係有限時，呢樣真係好扣分。同埋我覺得最大缺點係門口空間唔夠，但又好多人等位，d人企晒喺度，嚴重阻塞通道(仲要唔明點解咁多後生仔中意企正喺中間)。 叫咗蟹肉西蘭花、冬陰功米線、芝士焗年糕(朋友極度推薦話一定要食)、避風塘軟殼蟹(本人最愛，次次都必點)、雞肉菠蘿PIZZA、白咖哩豬扒飯、嬌嫩巨髀、蒜香牛油烤餅。 蟹肉西蘭花純粹係因為想有d菜食下所以先叫，但味道係ok嘅，不過一定要好熱嘅時候食先覺得好味。冬陰功米線只屬一般，不過不失。朋友最愛嘅芝士焗年糕，其實本人係唔食年糕的，但我都試咗一件，都真係覺得焗得好好味，中意食年糕嘅人真係必點。軟殼蟹係我最愛，所以點整我都會覺得係好食，避風塘嘅煮法好香口，佢有大小份量，我哋叫咗小份量，原來只係得四件(一隻蟹開四件)，我諗如果係大份量我估係兩隻蟹吧。PIZZA好細件，比預期小，有d失望。白咖哩豬扒飯其實我一般般，但在場有朋友好愛食，每次都必點，跟一個飯，我哋

已經好久沒食過沙嗲王了，因為近女人街那間永遠都很多人等位，今天剛巧經過朗豪坊，才發現對面MPM有幾間食肆，當中一間就是沙嗲王，就去看看多不多人啦～在升降機外已有沙嗲王的姐姐幫忙登記，不用等就直接上去，原來大瀛喜是同一層，但就分A和B，即是有幾級樓梯要走上去；一進門，非常光猛，與以前黑麻麻又髒的感覺完全不同，而且牆壁有簡單插畫，很不錯～位子非常多，大部分是沙發位，很闊落～食物方面多了很多選擇，也有啤酒，不過依然是點了最好味的：白咖哩豬扒飯 - 依然沒有失望，多年來還是很好味，而且豬扒份量很多，夠厚身又有三大塊，白咖哩撈飯，正白咖哩豬扒粉絲 - 豬扒和粉絲份量也是很多，只是粉絲有點過淋，其餘依舊好味～避風塘軟殼蟹 - 很香口，脆脆的～好味抹茶鮮奶加珍珠 - 抹茶味不錯，個人喜歡這飲品多過珍珠奶茶呢～整體來說會再encore，食物不錯，又不用等位，而且水準一直保持得到

因為有26元現金卷，所以和朋友決定了去食沙嗲王。由於是平日晚上8時半，所以不用等位等太耐，兩分鐘內就可以入店坐。我點了份例牌必食的白咖喱豬扒飯 (望望左右兩台，都點了這個XDDDD 可知道它是皇牌人氣食品之一吧~看看餐台上的餐牌，再點了份新作(? 蝦兵蟹將 本身不抱有太大期望，但吃下去覺得超讚~~炸軟殼蟹一如以往水準，炸得香脆鬆化，而且肉汁鮮甜好juice炸蝦球都很可口，細細粒，配合酸辣醬很開胃~~不過份量都較多，所以建議2~4人食用!

沙嗲王我由細食到大，最近一、兩年推出了很好新菜式，但我最最最鐘意嘅人係「沙嗲豬扒飯」。呢個真心好抵叫，豬扒同出面一般嘅好唔同，香茅得黎好滑身，份量又多，價錢合理，喺我同朋友嘅老飯店🤗

沙嗲王，已食過好多次㗎啦！但呢一間分店都係第一次食，入到鋪頭以為自己去錯鋪頭！同我以前食開嘅分店style完全唔同! 立即覺得好有新鮮感°而食物選擇方面 ，比以前更多樣化 ！我哋今次主要揀咗 一個主食，三款小食。主食叫咗紅酒牛柳粒焗飯， 好好味！牛柳粒分量算多， 而且好有牛味 ，煮得五會太過火， 啱啱好 而飯底係炒飯 ，加埋啲醬汁 ， 飯中間有一隻半熟蛋， 撈埋啲飯一齊食，令到d飯變得好滑 ，我覺得我自己可以食曬成個飯一口炸雞粒幾抵食， 29元， 雞粒炸粉五會太厚， 但可惜落得太重胡椒粉 ，完全蓋過 雞本身嘅味道 ，但以呢一個價嚟講，算係甘！另外仲叫咗印度薄餅同埋泡菜芝士焗年糕。 印度薄餅我覺得好普通， 完全食唔出menu上話加咗重牛油， 至於年糕，都係好一般，年糕 雖然好冧，但年糕就冇咩味。另外叫左杯朱古力沙冰， 唔錯嘅，朱古力幾濃，喺咁嘅天氣下飲，真係好爽最後想提一提嘅係，衛生方面not good ，見到啲水杯好污糟 ，呢方面真係要改善下！

2018年5月22日。晴。旺角。晚餐時間諗唔到食咩好，選擇困難症將要發作之際，男朋友醒起銀包入面仲有張沙嗲王coupon，咁就直接食沙嗲王啦，唔洗諗呢間分店設計係先要到2樓，攞飛等位，再轉𨋢上5樓佛誕假期出街食飯嘅人比平日多，上到2樓攞咗飛要搵個位企下都有難度4張枱等咗半個鐘，終於可以上去餐廳啦～點知上到去又喺入口呆企咗幾分鐘，因為無人得閒安排我哋入座終於坐低啦，周圍其實有好多位，只不過未執好，所以先要喺樓下等咁耐，人手安排有問題呢間分店啲裝修幾新，唔再係好似某啲舊分店咁，攞咗好多裝飾用海盜做主題，呢間行相對簡約嘅風格，店面乾淨，地板、枱櫈亦無黐黐納納嘅感覺食沙嗲王當然要嗌例牌白咖哩豬扒飯，男朋友就嗌咗個新野－日式蟹粉豆腐鍋配飯可能係人多嘅關係，又或者係因為肚餓，兩個飯要等咗成廿分鐘先到齊白咖哩豬扒飯一如概往，咖哩香滑濃郁，豬扒軟腍唔韌不過為咗等埋另外個飯先同男朋友一齊食，個豬扒飯已經唔係熱辣辣，都係趁熱食好味啲日式蟹粉豆腐鍋用石鍋上，賣相幾靚（太餓唔記得影相）味道聞落都好香蟹黃味，再用隻羮撈個鍋嘅時候見到都唔少蟹肉，用料ok但撈白飯食略嫌淡味，套餐可以配薄餅，可能會好味啲唔知食咩好嘅

旺角MPM依間沙嗲王一岀地鐵站E1岀口就到✌🏻✌🏻 我都有一排冇嚟，比係之前自己上落嘅模式，佢今次係搭𨋢前有侍應接待係樓下等嘅，睇落有系統啲☺️依間沙嗲王空間比另外個間鬆動啲，裝修襯起身都高檔啲沙嗲肩胛肥牛拉麵 ($55)🐷午市套餐同晚市價格差好多，仲送野飲😌 每次嚟都係抵受唔住誘惑呢，叫左招牌嘅沙嗲肥牛！皆因無論係邊到都唔搵到依個味道😌 佢啲汁比較濃郁，雖然以前更加勁😎仲有嘅係怕辣嘅人都唔驚！除左沙嗲，依到其他野食都唔會整到太辣嘅~~ 好似白咖哩咁，都係依到嘅王牌首選，列入左午市餐單😛😛不過沙嗲王就要加一嘅，如果諗唔到食咩嘅儘管過嚟試試，我之前仲試過泡菜野，同樣高汁😋

好多年無幫襯過沙嗲王，返去回味下讀書嘅日子。以前嘅避風塘炒蟹係$70 一大碟仲有茄子，而家係$70 得4件蟹無茄子⋯炸豬扒白咖哩都仲係一樣嘅味道，加咗薄餅，但個薄餅太油麻辣白咖哩烏冬，好食，但有點太辣日式炸雞味道正宗，好食炸魚薯條，全晚最失望之作，個魚勁腥，超後悔叫咗佢🤢叫咗杯青檸話梅蘭香子，不過不失另一杯芒果沙冰加啫哩，啫哩好少，一啖飲哂全晚連加一食咗$300幾唔叫嗰碟腥嘅炸魚，應該都有個好評🤢🤢🤢位黎講，勁逼，成個大堂坐滿人，啲枱貼到實，隔離傾啲咩都聽得一清二楚

星期日中午，未坐滿，少於一半客， 一般人都食緊 ，但落單50分鐘仍未上餐，追單後10分鐘都無回覆，眼見同場3-4台都係咁，追極單都無人理，即走，blacklist 沙嗲王

仲記得第一次食沙嗲王都係係旺角，後面幢大廈未裝修之前食既，果陣又抵食又好食過左N年之後，沙嗲王搬左位，裝修已經唔係以前既風格，當然價錢都貴左啦呢日行完街之後食飯，醒起好耐冇食過既沙嗲王，於是去食吓入口係朗豪坊對面間藥房後面，電梯上二樓後搭lift 去5樓果陣係6點半左右，唔使等即刻有位，員工帶左我地1行4人去左最埋邊冇人坐既靠牆位，lup 左入去之餘，隔離仲係廚房，問佢有冇卡位坐，佢話果D係6人位唔比轉，後尾我地見到有4位/3位都坐左去卡位，於是問返經理，佢就比我地轉返位。因為晏就食得太飽唔係好肚餓，所以我地決定叫個二人套餐再加散叫二人套餐揀左餐湯，薯仔湯尼小食揀左蒜香牛油雞翼，皮幾脆，肉都嫩紅酒汁牛柳粒焗飯，牛肉好夠淋，焗飯既汁好均勻當然唔少得既係白咖哩豬扒飯，呢個真係必點架香茅豬扒好食，咖哩汁撈飯真係可以食兩碗飯!散叫既避風塘豆腐，蒜粒香辣，同豆腐一齊食好夾炸蝦球粒，好味但真係幾細粒，同KFC 雞粒差唔多，份量唔多，$49 有D貴跟餐有兩杯指定飲品，另外主餐叫滿$30 可以半價加飲品青檸梅蘭香子梳打芒椰蘭香子汁抹茶拿鐵配西米可能依家飲食業請人難，員工唔夠，禁左鐘等左好耐先有人落單