沙嗲王 (新都城中心二期)

营业中

休息中

朋友話呢到開咗咁耐都未食過，於是乎就襯今日冇咩人排隊，其實之前真係好多人排隊，今日唔洗等啦人多即係生意好，即係食物唔會差得去邊啦，的確，我叫既白咖哩豬排飯係好味既。豬排炸得鬆脆，。炸粉唔厚，所以食落超爽，唔油脷。只可惜我胃口大唔夠食。白咖哩唔辣，有香味。

總會吃王牌白咖哩豬扒飯，但跟無雞不歡的朋友一起吃飯，反而嚐試了意料之外的選擇，鐵板嬌嫩巨髀飯！可選配白咖哩，黃咖哩和沙嗲汁，我們這次選了黃咖哩，想着配烤餅吃的搭配會較好。等了很久才上菜（上菜的時間真的有點久，起碼半小時了，感覺店員安排有點亂，廚房更傳來兩次巨響。。）巨髀真的份量十足，外皮脆，而肉質確如其名，非常嬌嫩，即使不配咖哩吃，也是滋味十足。最後的咖哩我只拿來配飯或是烤餅吃，因咖哩反而會蓋掉肉質的鮮味。烤餅配咖哩的味道也不賴，但是烤餅太早上菜，但店員說咖哩一定要跟飯才可以同時上菜，令到咖哩來時烤餅也冷卻了很多，雖然也不錯，但浪費了烤餅的絕佳品嘗時機。這塊烤餅還要烤得外脆，內裏鬆軟，雖然等待咖哩的時間有點久，但吃下去依然脆皮。建議另叫印度烤餅配咖哩汁，千萬不要學像我這樣跟餐再加呢。

周日一家人去商場閒逛, 遠望見到有間新裝修,年青化的餐廳十分搶眼, 行近見到個招牌"沙嗲王",心諗好懷念白咖哩豬扒飯, 所以決定尋回從前的味道.等了大約十多分鐘便可入座, 坐底一看原來可以選擇的食物的種類不多, 而且飲品和小食需要另外加錢, 價錢偏貴.白咖哩香茅豬扒飯，味道一如過往的水準，而且上餐精美得多，只係豬扒較薄身,整個像縮了水.清湯海鮮粉絲，有兩隻蝦，蜆，青口，魷魚，湯味都幾濃郁，足料。可惜蜆並不新鮮，有腥味員工的水準收拾枱又慢，上餐又要等好耐，甚至要追才到齊。收拾完的餐車還會停泊食客旁邊。總之就算食物能保持水準，裝修年青化，但對於我們只想食回從前抵食夾大件的感覺，實在消失得無影無蹤

讀書時成日都食，因為有現金券派，又有辣椒油送～～早排係將軍澳開左分店，梗係要回味下啦～～午餐時間去都預左要等，但又好彩唔駛等，即有位坐～～Lucky~第一個唔駛揀，必叫白咖哩豬扒飯，另一個就點左蟹粉豆腐鍋，不過就話明要等～～轉眼間，白咖哩豬扒飯就送到黎～～賣相比之前食既精美多了～～份量依然大大份，致於味道呢。。。又唔係唔好食，只係覺得個咖哩味比之前少左，有點似葡汁咁～～另一個飯，等左25分鐘都仲未到，跟住要搵侍應再問一問先再幫手追單～～黎到熱辣辣，蟹肉都算多，豆腐滑嘟嘟～～雖然要等咁耐，反而呢個有驚喜～～

新都城二期既食肆開完一間又一間，多咗好多新選擇～沙嗲王就係其中之一，新張期間日日都大排長龍，客多侍應少，根本做都做唔切。呢幾日見佢終於唔駛點排隊，可以去尋找熟悉的味道啦！其實餐牌都唔駛睇，我同朋友一坐底打個眼色已經知要點咩，鎖定目標！黎啦黎啦賣飛佛，經典白咖喱豬扒飯$59 包飲品好耐無食啦，白咖哩水準依然，香濃又creamy，三大件豬扒好有香茅味，淋身得黎口感鬆化，大大碟飯都食到清晒碟，極邪惡5/5飯後配上提神即磨咖啡同奶茶，令呢個午餐更加完滿

同屋企人去食，有老人家同bb，攞位時已話6個大人1架bb車，結果俾左3張2人枱合併，要1位坐旁邊，但其實嗰度係出餐通道，冇可能坐，同啲員工講佢仲話唔要就再等，張枱俾其他人。當時家人已等了大半小時，因免得老人家再等，唯有要4個大人逼梳化，bb車靠外面。上餐時，大部分員工都在bb頭上上餐，又將熱辣辣嘅餐點放在bb面前，每次上餐我地都好擔心整到bb

難得一日day off，有得瞓當然瞓到盡， 冇諗過一起身已經係下晝三點。 緣分到啦， 唔通連個天都想我食下午茶？！附近商場原來開咗呢間曾經一時無兩嘅餐廳 但睇番介紹 ，原來佢嘅分店， 都只剩下零星數間。久別重逢，當然要食返呢度嘅招牌菜__ 白咖哩豬扒飯。雖然呢間分店係新開張 ，但白咖哩嘅還原度十分高。 除咗顏色同質感 係冇分別之外 ，嗰種獨特嘅香茅味道仍然非常濃郁！豬扒外層炸得剛剛好， 肉質都算鮮嫩！雖然佢話係輕量下午茶， 但其實份量十足， 絕對夠頂肚。食飽飽返去再瞓覺lu。

宝林新都城分店可能比較新，食品冇問題，味道依舊，但服務比較差，也可能是新手太多或人手不足，常有漏單情況，幫襯兩次都有野要追先到。沙嗲王真心推介佢既越南春卷，咁多年都Keep住水準，白咖哩真心正，不愧為招牌菜，另外餐牌餐室轉形後少了似往好味的各種炒飯是比較可惜，我家人特別喜愛波蘿炒飯，可惜而家冇得食。

難得平日放假即刻要同朋友去食沙嗲王。點解呢？因為星期六日無論午餐定係晚餐，都要大排長龍，根本冇可能食到。今日11點半佢一開門我哋就即刻入去坐，唔使等位。唔使諗，當然係食我最愛嘅白咖喱豬扒飯，其實50幾蚊來講真係好抵食，仲可以加$15配小食添。我地仲加咗兩個小食，一個係蒸粉卷，另一個係脆脆棒。白咖喱豬扒飯依舊係非常好味，因為太耐冇食嘅關係，真係覺得回味無窮。白咖喱汁唔會好辣，其實有少少偏甜，而且加上椰香，配白飯真係一流。豬扒炸得剛剛好，肉質都幾鬆軟，但又未至於醃到霉肉果種，而且份量非常多，一定有飽，不過如果可以配啲蔬菜，咁就perfect。而小食方面，個蒸粉卷真係麻麻地，因為裏面嘅肉好少，加上都係一啲肥豬肉，食落感覺好油膩。而個脆脆蝦棒亦都係好一般，而且份量都幾少。總括而言，作為普通家常便飯或者快lunch，性價比都OK嘅。

數數手指👀 我諗自己起碼有十年無幫襯過 沙嗲王😉 仲記得以前好鍾意食佢嘅 #米線+#炸魚🐟 不過 #小秘書 有段時間再無見過 #沙嗲王 喺市面，仲以為佢執咗😅呢日再一次喺 #將軍澳 重遇，改頭換面嘅裝修，令人另眼再看👀 #沙嗲王 唔再好以前咁老土、黑蚊蚊、枱面油淋淋 今次 #小秘書 係比門口嘅人龍吸引到排埋一份，眼見附近嘅餐廳都 #拍烏蠅🕷 呢度連下午茶都咁多人排隊，應該唔差啦🥢 食物質素都係我預期嘅口味，個白咖喱汁咸咗啲，雞翼乾咗啲，不過豬扒都好鬆化，係其中一件肥咗啲囉🐽 不過最伏嘅係 #沙嗲王 用咗「白咖喱香茅豬扒飯」#正價餐 幅相擺喺 #下午茶餐廳 上，嚟到嘅時候我仲以為 #侍應 拎錯咗碟 #輕量餐 比我😅 想問吓啦... 個 #侍應 又 #黑口黑面 咁指住碟飯話「碟上面有三塊豬扒喺度，仲唔係正常份量？」拜托... 嗰度只可以話 #廚師 將一塊 #豬扒 一切三，而絕對唔係有三塊 #豬扒 囉🤨 仲有呢佢哋啲服務真係唔多得，想落order啲 #侍應 又會扮見你唔到，眼角望一望你就走咗塊... 😑 我睇怕以後唔會再幫襯喇👊🏼

這間商場內新開的沙嗲王, 裝修漂亮光猛, 走年青路線, 極度吸引人潮。不過, 晚餐時段明顯唔夠人手, 原來不能按機取票的, 要在店外排隊, 麻煩又混亂!好在我地都好夜, 所以 2 人枱都唔使等太耐。鮮芒椰汁沙冰配西米, 好多芒果肉, 超新鮮又好飲!印度薄餅配黄咖哩汁 (兩件), 新鮮熱辣辣, 好味而不油! 讚!白咖哩香茅豬扒飯就唔得啦。明明你人氣 No. 1, 卻又比觀塘分店小器!豬扒只有 3 塊 又乾又硬的 (觀塘食開有 4 塊而且嫩滑的)!白咖哩汁只有一細碗 (觀塘食開是一大碗浸住豬扒上枱的)! 反而屋企人叫的鐵板嬌嫩巨髀配薯條是超滑超大塊超好味!果然是人氣 No. 2!而且薯條是新鮮即炸的, 夠熱又外脆內軟。而且大大條, 份量非常也多。下次不用叫白咖哩豬扒了。

下午茶時間不多人，仲有一半都未坐滿，我同老公入去就唸住行過去卡位坐低，但個職員安排我地坐二人座，而且係未執好嘅二人座，好了，坐低點餐，一個咖喱豬扒飯，一個軟殼蟹，追加一份博餅，等左十幾分鐘先嚟博餅，之後等左半個鐘都未嚟其他兩樣，速度太慢了太慢了，間其他台都係度催單，我地都催左一次，職員話幫我追追，到依然都係慢，人多嘅時候我等都無所謂，等位等一個鐘，入座之後又等半個鐘先上菜我都無野講，但係咁少人都要等足半個鐘以上，真係不敢恭維了，下次要吃沙爹王都係出返旺角尖沙咀或者觀塘了，將軍澳呢間速度實在太慢了，有待提升

呢間沙嗲王啱啱開張，日日都見佢大排長龍，今日終於忍唔住都係要去試吓。等左20分鐘到，終於入得去。可能係兩個人，所以快啲，見佢其他人數嘅飛都好似冇郁過咁滯，有成30幾個等緊。入到去叫咗個二人套餐，叫咗個出名嘅白咖喱香茅豬扒飯，同埋黃咖哩巨脾飯，二人套餐包左一個是日餐湯同埋沙律，仲有得揀一款小食，我哋芝士焗一口貝，仲配埋兩杯嘢飲，一杯係熱紫薯鮮奶，另一杯係凍青檸柑梅蜜。第一樣上嘅係芝士焗一口貝，芝士好濃，仲配埋薯蓉底，雖然帶子唔算太大隻，但係鍾意食芝士嘅人應該會好鍾意食佢呢種配搭。之後上咗白咖喱香茅豬扒飯，豬扒好林，好易咬，白咖喱好好食，唔算太辣，係有咖喱味，配埋香茅豬扒意外地味道好夾。之後上咗黃咖喱巨髀飯，雞髀大隻，切開又多汁，配埋黃咖喱好夾，黃咖喱味道好正，而且唔算辣，食到唔停口。不過兩杯嘢飲就有啲遜色，紫薯鮮奶有啲淡，凍青檸蜜有啲甜，最後個甜品都有少少失望，叫咗芒果椰汁西米露，但係西米就好少，芒果都好少，椰汁溝水就好多。不過埋單送咗好多優惠券，下次會再嚟食，質素都唔錯。

好耐無食過沙嗲王，剛好附近有新開張，所以同老公試下。白咖哩豬扒飯：豬扒好香，白咖喱也不俗芝士牛柳粒年糕：味道ok，但偏油椒鹽雞軟骨：分量比menu 的圖少了一半海鮮冬陰公，有蝦、蜆、青口、魷魚，味道不錯整體食物是ok的，可惜服務好差。話說年糕上枱時，整碟差點飛出枱外，幸好老公一手接著，但侍應完全無感覺，轉身就走臨走前聽到隔離枱的雞翼沒有熟，客人反映後，侍應還用不耐煩的態度問客人想翻炸還是轉其他食物。。。這種服務態度好趕客

總算食到今次係 第2 次到第一次時 竟然系統故障 連生意都做唔到今日放lunch可以食但排隊排左 20 mins仲要係有位 但係同無人帶到位當然食招牌菜白咖哩 豬扒飯因為呢個飯個豬扒 好香香茅而且唔太肥膩 所以平時都會食下而呢頭開左 就更加會係我心水飯堂可能比較心急便生意 但好多野都未ready咁at least包埋我 都有 好多檯要催單 我都等20mins先有我覺得有好大改進空間我見有個staff都有心去幫耐何 人真係唔足夠就算食物 幾唔錯 但無人出到俾食客同樣會浪費心思