沙嗲城 (已結業)

Basically, the white curry can satisfy someone who has a white curry craving with no Satay King nearby, however it tastes more coconutty and creamier.As for the utensils, they were moldy.

lunch時間,平時返學刀無系d邊食過,今次同老公路過就試下d間na見到個menu寫住白咖喱稱皇‧香茅豬扖稱霸!好搞笑!!!order了2個白咖喱香茅豬扖飯($35),加隻蛋要$3,無加到....自己好中2食有汁既飯,所以d個實岩我又吾系好辣,有哂香茅and白咖喱刀有哂椰汁味,good!不錯的一個lunch!!!

上星期和朋友去吃晚餐, 可能尚早, 客人不多, 我們點了一個餐, 包括波羅炒飯, 兩串雞串燒, 一杯飲品, 另加了一碟生菜 ($12), 一雞扒凍檬, 當食物來時, 只見烏蠅飛來 飛去, 令人覺得不舒服那碗飯像沒有炒過一般, 甚難吃, 我們也吃不完便走了, 其他菜式沒有什麼特別, 希望快D改善衛生

以呢個價來講唔錯...昨晚同friend食左個兩set...希白咖哩魚同菠蘿抄飯...因為係白咖哩所以有咖哩味得黎又唔會辣..個飯就淡左d..如果加多少少辣就 perfect...仲有小食..我地叫左個必食既香茅豬排月同雞串小食...正...之後仲有野飲...不錯

2008年3月5日，沙爹城雞絲河粉。應該說是雞絲粒會比較貼切點。有些我不喜歡的雞腥味，但還可以接受。反而，明明已經漲價為29元，門外的價錢牌還是寫著27元，還沒有更新令我難接受。

2008年1月11日，沙爹城今日午飯白咖喱豬扒飯（$32）香茅豬扒和白咖喱是“店自慢”，豬扒味道和賣相都不錯，份量看上去很大，其實也不算，因為薄和多骨頭，不過都夠食喇。白咖喱的味道也一般，奶的味道比咖喱味道重，但是最出色的是白飯，白米飯又熱又鬆軟，本來看到那一大碗飯我以為一定吃不完，但最後是一顆不留，因為浪費了那麼好吃的飯真是很可惜，所以全部吃光。昨天仙萊茶坊的飯真是不能與它相比。很滿足。我旁邊座位的天花漏水，快點修理好吧！

下午茶:$22越式金邊粉加$2白咖哩汁加$6冰飲，外賣加$1。湯底幾鹹，可能有味精。白咖哩汁好好味，有少少辣。札肉和雞肉就一般，份量倒不少。龍鳳果冰其實係椰汁紅毛丹冰。

幾鐘意和男友黎食下午茶餐，因為他喜歡呢度的沙嗲汁。我地點了北京水餃米線，雞絲湯河，另加$2可以加沙嗲汁或咖哩汁，另上。茶餐包括飲品。只係$21.米線或湯河都好大碗，不會因茶餐而減細。配料其實就一般的，但係米線就幾特別，係通心米線，比普通米線粗。沙嗲汁好香花生味，唔辣的，稍甜，不過好開胃。呢度有野要改善，就係侍應的態度，太趕緊收碗，我仲未食完，已收了沙嗲汁，真奇怪!今時今日咁態度，唔okay喇。同埋呢度無分吸煙區，吸煙者坐在店的中間，成間店的客人都要吸二手煙。

國慶日打從凌晨到煙花散後整天不情不願的獨個兒呆在會展附近團團轉最終還是想不開做了點小傻事數十萬人潮擠滿灣仔加上心情問題想搵食還是找最簡單的好了來一碗雞絲紮肉金邊粉加一杯華田(+$5)高速地有得食配料切得碎碎的容易入口最喜歡本地越南河粉的湯底總加入了無數的味精與胡椒粉對淡而無味的生活反加入了輕輕的刺激就像那一齣看過三次還是讓人有新體驗有感動的片子其實也不知道是給它牽動了還是借它來發洩不明白為何洗完碗總是不弄乾碗碟全都是濕濕的碗內還留有一灘水不過橫掂一個人食咩都ok咁啦

其實一開始已經對這間連鎖店沒有好感，皆因其名堂予人抄襲的感覺。連食物也不遑多讓，又有白咖喱......星期日的晚上八時多也沒有滿座，全店只得一個侍應，兼做收銀，又做幫廚，真係「犀利」。點了兩個粉、兩個小食：1)炸蝦餅不彈牙，蝦味欠奉，但都叫似樣，尚可。2)香葉包雞好多油、非常油膩，而且沒有香葉味，雞也只是一般，做不到香葉雞的神髓。3)七色沙嗲烏冬賣相很差，見到都唔開謂，所以沒有影相。七色就是蛋絲、蘿蔔絲之類的、烏冬加沙嗲並沒有想像中的差。4)春卷檬剪開咗三大條春卷變了九件，非常之多！檬粉叫做中規中距，但也算不上好吃。但那三開九的春卷就好濟。那惟一的侍應服務不太好，而且檯處於廚房門口，大開中門，加上又有蒼蠅數隻亂舞，始窺見其衛生情況何等惡劣。環境也只是一般，茶記裝潢，茶記價錢，無話可說！

都食過幾次, 每次都係lucnh, 每次一到一點就有好多人, 所以要行快幾步~!通常都係食檬粉, 我覺得幾好味, 今日就食左雜錦檬, 材料有扎肉絲, 蛋絲, 雞絲, 火腿絲, 加上一些芝麻同甜酸醬, 別有一番風味~!!朋友就唔鐘意食凍既, 所以要左湯檬.呢度都有好多人食咖哩, 好似有三種咖哩選擇. 有d人食庶蝦, 一碌蔗蝦好大, $17, 好似好好味咁~!有一位好似老闆既男人好好招呼, 好落力, 由帶位, 點菜, 上菜, 執野都差不多係佢做曬, 而且都好有禮貌. 由於佢既落力, 所以好快就可以埋單走人~!

睇完話劇十點半，找晚飯吃。其實一向也不喜歡光顧大街的食店，覺得味道多數不好。路過此店，只有三檯客，反正隨處找也是求求其，不如試下吧。- 香茅豬排湯河- 白咖哩菜肉餃子撈烏冬- 串燒雞（有兩條）豬排野味，餃子足料。白咖哩少少辣，幾夠味。最怕食店接近收舖時會煮些半熱不冷的食物，幸好並無發生在這兒。食物全部熱辣送上。

幾個月前同同事食過lunch,而家先記得.叫左白咖哩豬扒飯,味道ok啦.整體環境同味道都同一般茶餐廳差不多.

食物品質跟其它同類餐館差不多..口味,品種相似..可能因為曾跟satay king的老細係partner.它晚市的套餐幾好...$38...有一飯,小食及飲品,當然有佢地白咖香茅豬扒啦...味道ok...但品質每次有出入...時好時不好....但這價錢及配搭...ok啦

黎過幾次，都係下午茶時間，每次都好靜，得一兩檯人。最鍾意香茅豬扒，乾身有香茅味。另外咖哩同沙爹汁都唔錯。其他越式食品則一般。如牛油雞翼並無牛油和蒜香。anyway,因為價錢合理而且能保持水準，所以都幾食得過。: )