沐白小農 (已結業)

認識小編的都知個人很喜欺飲沐白的大甲芋頭鮮奶！見沐白新推出了新系列—小芋圓和小地瓜圓，當然要馬上買來飲啦！夏日炎炎，買杯凍飲就最好啦～和朋友點了大甲芋頭鮮奶配芋圓地瓜圓、莓莓果茶和鮮檸檬青茶～大甲芋頭鮮奶配芋圓地瓜圓的鮮奶配上用料十足的芋泥，喝時更能嚐到當中的芋頭顆粒；這次更配上小小的芋圓地瓜圓系列，丸子挺煙韌的，使整杯飲料的口感十分豐富而且十分搭配，芋頭味很出！喝完整杯飲料很飽很滿足呢！莓莓果茶（少甜）這杯粉粉紅紅的顏色好吸引，味道酸酸甜甜，十分refreshing，而且喝的時候能嚐到草莓果肉的小顆粒，在這麼悶熱的天氣喝這杯茶飲真的很爽！奶茶或黑糖珍珠鮮奶多喝會膩，這杯就正好解膩～鮮檸檬青茶（微甜）友人怕甜，於是點了微糖，店員有溫馨提示由於是鮮榨檸檬的緣故，味道會更酸，可調整一下甜度。果然，這杯真的酸味偏重的，由於是用青茶較淡的茶混合的，所以嚐到檸檬味較重，茶味則較淡，整體也很不錯的！

早起的鳥兒不用排隊🤓❤️難得星期日都早起天氣真係好熱😫唔飲返杯嘢真係周身唔自在。聽咗好耐嘅元朗沐白，都未好好試過。聽聞喺台灣過江龍，欣賞佢用優質鮮奶唔用人工奶精！左: 莓莓果茶 右:大甲芋頭小芋圓鮮奶🍓莓莓果茶🍓推薦俾想解暑又唔飲得奶嘅朋友仔！莓莓超新鮮！一啲都唔甜，淡淡茶香，面頭有新鮮士多啤梨肉。🐄大甲芋頭小芋圓鮮奶🐄呢個係店鋪皇牌，鐘意食芋圓嘅朋友必飲！用鮮奶整味道同質感都同坊間不同。熱到唔想落街，可以whatsapp 叫外送

我同朋友分別買咗鮮奶系列嘅飲品，就係想飲鮮奶先會叫鮮奶系列。然而佢嘅鮮奶同其他手搖飲品店講嘅鮮奶係唔同。佢地用嘅奶係無奶味，只係加咗好多糖令杯嘢飲甜啲。一杯要成30幾都唔平。唯一好嘅係佢嘅草莓鮮奶係有好多打碎咗嗰士多啤梨果肉，份量夠多。不過就一定唔會再有下一次因為性價比唔高。環境係幾好有個舒服嘅位畀你坐喺到同朋友傾下計同埋碌下電話。不過不了。其他飲品唔知味道如何 總之鮮奶系列最好就唔好叫啦，因為一啲奶味都無

元朗既沐白夏天真係溶解左我啦！所以凍野飲出動🤪同兩個fd 子行過，其中一個fd 子比佢既莓莓果茶引左入鋪好啦🤪入黎一人買一杯解暑先😳☝🏻🎈莓莓果茶朋友既lee 一杯係新產品，佢既形容好貼題「茶餐廳檸檬茶口味加草莓酸酸地」 夏天真心透心涼呀🥰！而家士多啤梨既微微酸味！撞埋檸檬，真係刺激到舌頭👌🏻👌🏻🎈大甲芋頭小芋圓鮮奶沐白一直都出左名芋頭黎自台灣☝🏻今次重要有岩小芋圓同地瓜圓！雙重口感！芋泥撞鮮奶，每啖都滿滿既芋頭香，小芋圓size 岩岩好，一口幾粒，有咬口，有彈性，而家唔會食落好似一粒膠咁係真係有蕃薯同芋頭味💕💕💕🎈鮮檸檬青茶 綠茶底既檸檬茶，可以自選冰度甜度🥰綠茶既香，撞埋檸檬酸酸地，清新更上一層樓☝🏻夏天精選😍

元朗有林林種種的台底飲品小店，想吸引客人，唔花多點心思應該是不可以的。元朗的沐白絕不會Hea賣，而且仲花好多心思推出不同款式的飲品呢。第1杯顏色鮮艷的是莓莓果果，炎熱的天氣下飲啖果茶，的確是透心涼又解口渴。莓類的酸甜好清香，加上紅茶配搭，仲令我感受到帶點薄荷的涼快，確實係夏天的消暑之選。第2杯是濃醇可可鮮奶，朱古力味道香濃而不會太甜，加上煙Um的珍珠，呢個配搭永遠無得輸。第3杯是店鋪的主打，大甲芋泥鮮奶。將芋泥打成泥再加入鮮奶，每層的顏色都十分漂亮同埋飲落每啖都充滿天然的芋頭香味，再加上細粒的芋圓，口感更加豐富，飲完絕對會非常飽肚的。仲有好多款飲品未試，我一定會繼續幫襯，下次試埋黑糖珍珠鮮奶先!

之前在尖沙嘴逛街經過沐白小農，被店名和其藍白爲主調的小清新裝潢吸引，一早已經蠢蠢欲動想試一試。最近發覺它在元朗也開了分店，便點了幾杯嚐嚐！我的首選依然是芋頭鮮奶，特別是那種把芋頭打爛變成芋蓉，口感非常綿滑的。沐白這一杯沒有讓我失望，芋頭綿綿而且有芋香，鮮奶奶味重，但建議大家可以點微冰，因為太多冰會減少奶香，影響口味。黑糖鮮奶遍街都是，我也著實嘗試了很多，所以有點麻木啦。但朋友大愛黑糖珍珠鮮奶，我也破例嚐一口。嚐一口，驚訝這杯居然如此好喝！黑糖香甜非常突出，鮮奶奶香後勁趕上，最後融為一體！我也幫朋友點了杯桔梗檸檬，夏天喝這個特別爽，酸酸甜甜的，非常解喝！

早2日又同屋企人去元朗搵食啦經過呢間沐白 同屋企人講起之前去台灣飲過好好飲佢地即刻又話想試下好啦 一於一人一杯飲下有無同台灣唔同先～.我就揀左3杯 黑糖珍珠鮮奶 大甲芋頭鮮奶加芋圓 同埋莓莓果茶莓莓果茶屋企人大讚好fresh 而且唔甜無假味 有士多啤梨粒粒茶底唔錯.黑糖珍珠夠煙韌 黑糖味重 無另加糖架珍珠都富有黑糖味 鮮奶亦夠香.我果杯大甲芋頭鮮奶先係戲肉啊加左芋圓感覺唔同曬之前係台灣飲係無加到芋圓既依家食到芋頭粒不特止 仲有芋圓煙煙韌韌而且佢唔會大粒 飲管吸到既size 感覺得意又唔會太膩！.去開元朗既值得一試

我手上揸住呢杯「大甲芋頭小芋圓鮮奶」真係好好飲啊！😍裏面一粒粒嘅小芋圓好有口感、每一粒都煙煙銀銀、再加上啲芋頭粒粒、鍾意芋頭嘅你真係要試吓！飲完之後個底仲有好多粒粒，都比我全部食晒☺️另外仲有款「莓莓果茶」都要介紹下！士多啤梨味好重！而且有好多粒籽，好有夏天的色彩，飲落去感覺係勁鮮甜。👍🏻第三杯係鐵觀音烏龍拿鐵、好似飲緊茶咁！完全唔覺得甜！啱晒好茶嘅人！👍🏻題外話，佢個包裝設計得好好！好窩心，特登用膠封住咗個口先、再用透明杯蓋蓋着、等我哋飲嘅時候冇咁容易整污糟雙手，而且放上車幾chock都唔驚倒瀉。#沐白 #沐白小農#台灣美食 #milky #台灣美食 #台北美食 #台式飲品 #大甲芋頭鮮奶 #芋頭鮮奶 #明治牛奶 #芋頭控 #珍珠控 #黑糖波霸鮮奶 #黑糖珍珠鮮奶 #黑糖鮮奶 #台灣 #手搖杯 #taiwan #bobatea #milktea #milkteatime #foodphotography #bubbletea #taro #foodie #taiwantea #taiwanfood

呢排天氣炎熱，最好有一杯清涼嘅飲品，我老婆又注重健康，經過這間店舖，它標明健康食材，奶源優質，經過唔好錯過飲料當然飲他們主打的，其實他們其他款式都很吸引，都好想試間中都有你三杯就係今日同朋友一齊去買揀咗嘅飲品❤️草莓鮮奶加珍珠依杯簡直係出色之作我之前飲過好多草莓嘅飲料都係溝出嚟飲落好大浸藥水味勁難接受但呢杯草莓鮮奶就不同超級香甜好足料，好新鮮，非常滿意大甲芋頭鮮奶這杯飲料非常飽肚而且仲有好香嘅芋頭味飲落每一啖都充滿着芋頭如果喜歡食芋頭嘅朋友必定是首選嘅飲料最緊要芋頭是非常新鮮飲品內嘅甜味是由芋頭散發出來芋頭配合埋奶味非常香濃黑糖波霸奶茶,珍珠非常彈牙😁食到好香濃嘅黑糖味道👍🏻配埋鮮奶簡直係絕配，記得飲前先要瑤瑤將黑糖珍珠混入鮮奶之中賣相不錯飲落鮮奶都好滑

今日元朗同幾個friend行街經過呢間沐農小白，見度店內有幾位打卡位，以木質裝潢與白色磚牆為主，加上有個大電視介紹，原來沐農小白係西門町開過黎香港。於是我地就買左3杯，每人一杯。我地揀左招牌黑糖波霸鮮奶，大甲芋頭鮮奶，抺茶黑糖波霸鮮奶黑糖波霸鮮奶每粒珍珠都有淡淡的黑糖味，煙韌彈牙，好有咬口。黑糖波霸飲得出用鮮奶而非人工奶精，因為依家市面平價真係會用奶精。店主提醒搖動杯身 15 下，讓鮮奶與黑糖波霸珍珠撈埋，更好飲。店員推介時話係用台灣大甲產地的芋頭，整成芋泥，沒有加水，芋泥綿密，仲食到啖啖的芋頭粒，香芋迷絕對要試抺茶黑糖波霸鮮奶, 抺茶味好濃，真材實料，好想飲多杯

話說我和女友跟普遍香港人一樣，也很喜歡台式茶飲，也嚐過不少過江龍，比較出名的都嚐過了遍，當然質素參差，碰巧今天去元朗一日遊，路過這家名叫沐白小農的茶飲店，眼看其裝潢麾登又富特色，上網一查才知它也是一家過江龍，由台灣遠洋過來，但可能没有其他茶飲店般有名氣，所以從前也没有多留意，但現在既然經過，當然要試試。我們分別點了沐白黑糖波霸鮮奶及大甲芋頭鮮奶，没有等很久兩杯飲品便到達手上。沐白黑糖波霸鮮奶，入口濃濃的奶香，並非坊間那種只有些許奶味的飲品，配上黑糖漿及珍珠，味道剛剛好，没有太甜或太淡，如果鮮奶再濃郁厚實些就更完美。大甲芋頭鮮奶，入口先是香郁的鮮奶，再然後是粒粒的鮮芋頭蓉，口感十足，奶與芋頭的比例也恰到好處。這家店絕對讓我們感到有驚喜，所以最後我們離開元朗前也再買一杯沐白紅茶鮮豆乳，這杯有別於其他鮮奶茶飲，我會覺得豆乳味太過濃郁，稍嫌蓋過紅茶香，但倘若你喜歡豆製品，這杯絕對是你的茶。

今日揸車入元朗探個朋友，天氣熱左好多，一落車行一陣已經全身濕哂！經過沐白小農，見到門口排左好多人，我都心思思想買杯飲下！最近台式飲品店大熱，間間都有自己的噱頭。沐白小農有個打卡位，全白色牆身影相非常吸引！我叫左一杯抹茶口味黑糖波霸珍珠，暖笠笠既黑糖珍珠煙韌超有咬口，輕輕甜味甜度唔高，入口粉香濃郁，黑糖味道突出。抹茶口味甘香苦澀味唔高，賣相仲好靚呀！另一杯叫左莓莓果果，飲品用上新鮮日本士多啤梨整成，無加任何果醬，全天然味道！

天氣甘熱，無時無刻都想飲凍野！雖然午餐都未食，但忍唔住要買返杯野飲先！係街到見到唔少人拎住沐白既飲品，未試過就去買佢啦！門口banner 見到寫住飲品係用鮮奶，唔用奶精，用蔗糖唔用果糖等，睇落健康啲三杯各有特色黑糖波霸鮮奶😋yummy! 好香黑糖味，珍珠外層融融地既感覺，但內裡煙韌，有咬口！唔錯因為係鮮奶，所以飲落唔會太甜。朱古力波霸鮮奶呢個朱古力味好濃！好似飲特濃朱古力既感覺，但又有波霸咬下大甲芋頭小芋圓鮮奶呢個係我最愛，最推薦的！鮮奶同芋泥又配答得幾好，唔會太甜，又有芋頭味，絕對唔係香料制成！芋圓稔得黎煙韌，好食又好飲！午餐都未食，但飲完飽晒幾中意呢間既飲品，主要用鮮奶健康啲又岩口味！正！

多次路過沐白小濃都無試。今晚吃完飯後突然想一試！晚上不想喝茶，最後選擇黑糖波霸鮮奶。暖暖的黑糖在底。是特濃的鮮奶味！好飽！不過好喝的。波霸略嫌不夠qq，同有點細粒。這個價錢也略嫌不值。試過就好了

放工路經元朗，留意到這一間台式茶店，售賣著各款台式人氣飲品，令人欲欲想試。飲品都是即叫即做，店員都用心製作每一杯飲料。甜度，冰量及溫度更可自選，保證每一杯飲品都合乎個人要求。加多少少錢，可添加珍珠，鮮草凍，紅豆及布丁。黑糖波霸鮮奶作為鎮店之寶，這款飲品必定要試，濃濃的奶香，配上黑糖的甜味，兩者味道配合得恰到好處。珍珠煙韌得來很彈牙，很有口感。飲之前稍為搖一搖，確保黑糖能完美融合在鮮奶中。大甲芋頭鮮奶同樣是別出心裁的飲品，底部芋頭溶甜甜地有芋香，配搭鮮奶給人一種簇新的味道。翡翠檸檬檸檬的酸配上濃濃的綠茶味，帶來清新的口感。