沁心甜 (衍慶街) (已結業)

我不嬲唔比評論，呢間咁既垃圾真係忍唔住真係開post講…一個西瓜涼粉西米露，竟然無花奶都算，連椰汁都無。係真係糖水浸。。你洗唔洗慳皮成咁我買左外賣西瓜涼粉西米露+芒果西米露都$79諗住開心食個甜品…見到都唔開胃！！大家睇清楚張相真係水溝糖再求其加啲配料當交功課諗住幫襯下你平民小店，但你哋間嘢真係好似呃街坊，真係唔會再有第2次！非常不滿意，估唔到好似慈雲山都仲有一間疑似分店，但新蒲崗呢間真係搞不掂！！

話說今晚去左新蒲崗食雞煲之後見到有間糖水舖，就入咗去買外賣，順手買埋比屋企人，買咗綠豆糖水咋喳同紅豆沙一共三碗，一番到黎屋企人食紅豆沙一試第一啖就大叫好甜😌，開頭重串距話糖水緊係甜，點知到自己食綠豆沙，一食第一啖，好似食緊糖漿😨😨甜到完全食吾到，跟住三碗都食左2啖就掉左😰😰😰

星期日晚繁忙時間都有好多位，兩個人叫兩個甜品，地方痴笠笠，燈光不足地方又殘舊，以為老舖係咁，店員唔主動招呼，叫兩個糖水，芒果小丸子，d小丸子硬過我條命，湯丸咁簡單，可以煮到半熟就上枱，永冇下次直升機级數，伏伏伏

入到舖頭比完錢，鞋底已經黐立立，枱都無抹乾淨，已經無胃口，叫咗外賣就行出門口等。味道好甜，似溝勁多糖咁，完全無甜品原本嘅水果味，好難食，一次性買賣。以後唔會再光顧嘅甜品

天氣轉涼，突然間好想食甜野，屋企附近都冇糖水舖，見到外賣平台有呢間可以order, 諗住試吓冇壞，叫咗個紫米露溝芝麻糊加湯圓，一個芒果涼粉，冇諗過咁普通嘅甜品糖水可以難食到咁，冇下次。