湯飽皇 (已結業)

呢間野雖然細細間, 又係街市入面, 但真係唔錯, 好好食, 環境又乾淨, 好抵食個日同男朋友一齊去食飯, 我遲到, 佢等我, 一去到就係咁叫野食, 叫左醉雞: 好好味, 好香, 係冷盤黎既, 仲有d藥材味雞煨麵: 好清淡, 一般, d湯無咩雞味松鼠魚: 一定要趁熱食, 好香, 好大條, 又香口, 又酸酸甜甜, 好開胃小籠包: 好好味, 皮唔會太厚, 入面既肉汁好多, 好正上海炒年糕: 比較油, 但係都好香口d度既伙計好好人, 會同你傾計, 問佢野佢都會好有禮貌咁答你, 仲會不停咁幫你加茶, 周圍環境都好光猛乾淨, 真係好抵食同好推薦大家去食=]

搏殺前到附近巡下，門面寫著手拉麵，見平平地就入內睇下是什麼料子。甫坐下，問阿姐真的是手打乎？阿姐話係呀，早些來的話，師傅在打麵可以比你入去睇架。恨自己不早點來，不然有得食又有得睇，簡直是超值，笑說，下次會夾岩時間再來！又問問阿姐，小黃瓜是切的還是拍的，阿姐大聲話梗係拍啦，拍的好食好多，「咁有幾好食呀？」偶道，你試過咪知囉，好憑妳一句話，就花多廿元來試試，出到來果然是拍的，喜歡吃拍成小塊的黃瓜，又鬆又脆。然後是羊嗆麵，雜菜肉湯，羊肉先煎過再落湯，沒有羊臊味(咁搞法想有羊味都難)，此品當普通湯拉麵值4分，但作為羊嗆麵真的有點兒那個，說回麵，粗幼不一，偏軟，是手拉的，雖然不夠煙韌，但已交足功課。後記：吃前一定會影相留念，其間阿姐話，影完相係唔係做介紹架？偶說是寫blog的（下省1000字）．．．．．．最後阿姐話撿些菜及加些肉在麵上，影出來好睇好多架，不如我比d芫茜你來上色啦？咁影出來一定靚仔晒．．．．．．快餐店文化下，呢種人情味似乎是買少見少，欣賞此店，部份是做麵的心機，而更大部分是箇中的「人情味」。

8月26日14:20在老巢逗至14:00才離開。先到柏蕙苑麥當奴，遙望忙得不可開交的大魔怪。再遊蕩到海濱街，見有新店，一試無妨。無緣享用特價下午茶餐HK$20.-- 星期一至五供應。便要了鱔糊手拉麵。湯底：淡如水，當鱔糊醬汁混入後，其味無窮。拉麵：粗幼不一，肯定非機製，可惜不彈牙。鱔糊：其貌不洋，幼幼的，當用心細嚼，鮮味湧現，非一般行貨。這小店食味不俗，價位亦成正比。