池記 (已結業)

今日無咩胃口～想食下粉面類Ｏ既野～久聞池記ｏ既大名～所以決定同朋友一試～雲吞粥～見到個ｍｅｎｕ有呢個粥～覺得好得意～好奇一試～又唔錯～～ｄ粥好夠味～雲吞有成５粒～入面ｄ蝦好爽～而且好大碗～好滿足～～菜肉雲吞面～同樣有５粒雲吞～友人說不錯～～～池記出名確實有其道理～～不過係貴左少少囉～我散叫一個粥要成３０蚊～哈～不過食得滿足豪ｄ都唔緊要啦～～～～～～

已經成十世都無幫襯過，以為開到咁多分店有改善架啦！但點知....唉！第一次係n年前幫襯銅鑼灣分店，啲雲吞又奀麵又少，我唔大食都覺得唔夠，一個正常人唔食兩碗邊得飽。況且啲雲吞又唔係大件夾抵食又唔係餡料特別鮮美，講又講到咁出名，我個陣時話過唔幫襯佢架喇！點知今次係德福，同個friend想tea下，見佢門口話下午茶雲吞麵加茶$24，見到佢杯奶茶相，就吸咗入去啦！杯奶茶ok啦，但啲麵成陣鹼水味，同我係灣仔食$10一碗啲雲吞麵一樣味架，好嘔心呀！話晒雲吞麵係香港美食，好心做好啲啦！德福最衰無乜呢類嘢食，搞到啲客無得揀。重有啲阿姐好串，黑口黑面有枱都叫人搭枱，唉！

第一次食lee間野, 點知就出事喇....... 今日, lunch time 去左池記食個lunch, 查實lunch hour, 德福既outlet乜都full晒. 本應想搵間好少少既, 有人serve下, enjoy下啦..... 點知就出事喇 ......... 一入到去, 好似去左十蚊碗, 大大碗果d甘. d牙姐粗粗魯魯甘,(唔通因 為無加一 .. ) 唉...... 算啦, 可能炒埸..太過busy啦..~~~~ 佢arrange左個位比我..坐. .. 我坐左成5mins先有人聽到我要order, 因為我好好好好好大聲甘大叫.:[ 牙姐.. 唔該..!!] 我今次叫左個... 鮑絲蝦球湯飯+ 豆漿 = $44 -------------------------好喇, 一黎到杯豆漿, 我已然feel到有d問題, 點知一擺落口~ 又出事喇 .... (一陣草腥味+x水味..好好好難飲--- 我同戈位--- 姓張既應該係部長/經理 換~~ 佢拎走左之後.... 就無左影... 失蹤左.. .. 甘我杯野呢.?

點左 水餃麵..配炸零魚球..湯算中上..相比街邊檔..水餃皮算中上..馅料可再好d 既然做得30$價..有6粒好似..麵就麻麻..硬左d..個球就 彈口度幾好..但咸左d..有得點d 蜆肉腐乳醬..點左雖然可能好d..但更加咸..= =有5粒..配小食係變43$ 連個麵既話..

第一次嚟呢間，好耐之前食過銅鑼灣嗰間，最鍾意佢哋啲，所以經過呢間嚟試吓。去到發現原來無食！點咗兩個四十九蚊位既晚餐，一個粥餐同一個麵餐。叫咗艇仔粥配炸鯪魚球，牛腩河配蕃薯糖水，但又想試吓佢哋啲雲吞麵（因為講到好似好正咁），所以散叫咗一碗（廿三蚊）。牛腩河：啲河粉好腍，浸耐咗會索晒水發大雲吞麵：雲吞好細粒，無味同硬！麵係啲好普通既貨色，無麵味，唔好食。同一個價錢，麥奀記好食好多炸鯪魚球：啲魚肉都有味，亦夠彈牙，面頭啲炸粉粉定粉絲碎黏埋上去都好夠脆，但好咸，仲有碟類似硯芥鯪魚球既嘢俾你點，但超級無敵咸，本身舊鯪魚球已經好咸，真係點唔落！艇仔粥：算好食，料都算足，係其中一樣可接受既食物蕃薯糖水：係最後一樣有水準既食物（都算意外！）夠薑味，蕃薯夠腍同粉。仲有啲伙計喺你點咗菜之後就唔會再幫你加茶。埋單應該係１２１，但俾咗個九折，所以只係１０９。不過如果無九折都幾貴；最重要係唔好食，無下次！

Breakfast is getting worse, noodle-unacceptable, the soup / noodle taste too bad. the congee base is good, but the rest stuff is bad, the waiter so slow, the kitchen can't serve the breakfast on time, u really need to rush to have the hot congee and back to work There is no great place to have congee at Kowloon Bay!!!!

呢倒個蟹王粥比我想像中好味喎, 50蚊一桶, 都幾抵食, 入面仲有成隻蟹添, 有羔架, 不過隻蟹就唔算太新鮮, 但係啲粥係黃金色架, 一啖食落去, 就知點解了, 原來咁香就係因為加咗咸旦黃囉, 呢個真係唔錯. 大家不防試試吖.但係就唔好試嗰個蛇羹喇, 唔好食架, 好似豆粉水咁. > ~~ <

經常幫趁池記食早餐，但由於前一排..每每要等20分鐘才有食物送上，所以暫停去了一陣子，那時候，看見全店所有客人不斷催促，不斷鬧。最近再去幫趁，上餐速度改善了，但那不斷的「歡迎光臨」之聲音仍在，吃一餐早餐，一定要接受這嘈音。今天，很想吃出前一丁，但一吃，就知道是福麵了，不是出前一丁，加上出前一丁的麵條沒有這麼的「攣」的。跟那黑衫的部長說，她說，這是出前一丁，我說，你不要騙我，這是福麵，她再說，是出前一丁的湯，我心想，不是，因為沒有麻油味。算了，既然她堅持，我不再跟她爭論，福麵我也喜歡吃的，不過，要加 $2，而吃不到出前一丁，心中有點不忿 回到公司跟同事說起這件事，同事說也曾看見有客人因同一樣理由而跟服務員爭論。希望池記提高一點服務水準，不要再欺騙顧客。

見到唔洗等位同ｔｅａ＄２３蚊左右一試，雲吞麵等左４個字都未黎，但佢又真係冇漏單～～４－５粒雲吞，口感ｏｋ，但料、湯、麵都全部冇味～～可能黎ｄ叫清淡我唔識食掛，如果唔太鐘意食咁啖既朋友最好試其他了，唔記得講ｓｉｚｅ，好少，果然係２３蚊＝＝”食完好似同未入黎個陣一樣，最可惜係餐飲唔係叫薏米水，應該幾出名同唔錯既飲品黎，因為都見好多人飲黎杯野～～唔知仲會唔會有機會黎再食呢．．．應該都難了．．．

路經德福廣場一期,見到池記有$23下午茶餐,order$23的麵送熱飲1杯!我要了雲吞麵--->有4粒雲吞,D蝦冇蝦味,更看不見有豬肉,麵很少,兩啖食哂,梘水味頗重及不夠彈牙;湯底更只是味精湯,不什正中,唔掂!仲要收$23一碗,搶錢!好在送的那杯薏米水OK!--->有好香薑味,杯底頗多薏米,足料!碗麵咁細碗+唔好食要$23,太"拿利"。要食雲吞麵出面大把正過佢+平過佢,我不會再幫襯!

今日中午同老公去了德福睇戲, 未夠鐘路經池記見有雲吞麵就入去order 雲吞麵,豬手麵,和意米水, 但個阿組話麵要 23 蚊, 意米水 12蚊, 不如要套餐有油菜 / 小食只加 2 蚊就有意米水, 好啦叫了2個餐, 1個要油菜, 1個要炸雲吞, 再每人1 杯意米水, 食物很快就送上, 但是份量真是少得可憐, 由其豬手只有 2 小塊, 麵質不太霖, 湯太重味精, 食完好口乾,油菜又油又淋冇厘菜味但有很甜的甜味, 杯意米水同樣有很假 的甜味. 嘩成 43 蚊個午餐都唔洗賺錢賺到咁盡, 一來地方迫, 枱又細(一張枱坐6人), 待應的聲太大又唔好聽, 又不停"歡迎降臨"真係好煩呀, 簡直係虐待. 人地 12 蚊碗的麵都和油菜都做得好過池記., 總括來講只得一個字就係個差字, 及有被搶錢的感覺,以後都唔會再去

2/10 因要趕去睇側田演唱會關系趕時間，無時間諗去食咩咁岩見到池記，就入去食小插曲：原本係安排座卡位（唔駛同人搭桌）但我部長級死都要我地座圓桌我話：「我地想座卡位！」部長級：「唔得！座尼到度啦！」咁既服務態度！差差差！叫左：我：豬軟骨菜飯 - 個菜飯好乾豬軟骨同羅白好味！爸爸：羅白牛筋腩菜飯 - 又係個菜飯好乾羅白入晒味牛筋腩好林媽咪：牛筋腩麵 - 牛筋腩好林 , 但好細碗小食：南瓜蝦卷 - 南瓜好甜好味 油菜 - 普通油菜一碟甜品：番薯糖水爸爸食的 - 佢話D番薯好鬼硬！叫左兩杯意米水 , 食完都未黎我吹左三次第一次：D阿姐話黎緊！完全無幫我睇第二次：同部長級講 , 佢話：「得啦」第三次：再同部長級講 , 個部長級立即黑面意米水 - 唔太甜,足料！D服務態度真係極差！真係一次就夠！

是次來到已經係下午茶時間﹐不過我還未時午飯。坐底後﹐點了碗豬手面﹐得兩件豬手咋﹐好小啊﹐不過豬手真係好好味﹐d面稍覺鹼水過重啦﹐食果陣好攻鼻。朋友點了雲吞面﹐四粒雲吞係底﹐係最正宗的擺法﹐陪以清湯拌食﹐清湯好味。雲吞細細粒﹐好入口﹐有肉汁﹐正。跟餐叫有菜配﹐我們點了介蘭﹐菜煮得好適中﹐剛剛好﹐點蠔油好味。最好點了杯意米水﹐好潤啊。感樣的午餐﹐只是需要70蚊有找﹐好抵食。環境算是不錯﹐不過如果人吾多的話要同其他人同臺﹐不過唔算避。服務有時上菜比較慢﹐可能客人比較多。

昨晚放工看戲後，大約7：50到了池記吃晚飯，因看了食評囗碑也不差，坐下即点了黑椒吉列豬扒菜飯套餐，加2元多杯凍豆漿，總共51元。先講主菜 - 黑椒吉列豬扒菜飯豬扒炸得很脆，有豬肉味，黑椒也非常好味菜飯也值得一讚，除了白菜外，還有金華火腿，既乾身也入味，好糖水則点了雪耳海底椰，味道0K，也不致太淡，因我比較喜歡味道濃的食物。總括來說：味道不錯，價錢合理。

今日同媽媽去咗池記食Lunch媽媽要咗菜肉雲吞麪跟黑椒吉列豬扒$43黑椒吉列豬扒比咗我食 我另外再叫多個菜飯$11如果就咁叫黑椒豬扒菜飯就要$37吉列豬扒先黎 我聽人講話吉列豬扒好好食 所以就決定食呢個但係 就有D失望 雖然係新鮮炸起 脆卜卜但係完全食唔出豬味 而且 好重手 太鹹啦不過我鍾意佢一樣野 就係冇骨 我最憎"選"骨 最鍾意啖啖肉菜飯唔只正係菜 重有少少肉 應該就係人地所講既咸肉菜飯菜飯不油不膩 清淡得黎帶點咸香 我覺得超好食媽媽評語：媽媽既菜肉雲吞麪等咗半個鍾有多先至黎　　　　　但水準都係令人失望　我見到Ｄ雲吞爆開晒　　　　　完全見到晒入便　賣相相當之．．．．．　　　　　食落去　媽媽話味道普通　睇黎佢不太滿意為咗菜飯 我比笑臉