池記 (已結業)

一枝公没地方去就去咗池記食個雲吞面，雖然只係碗普普通通雲吞面，但池記雲吞面出咗名大大粒，鮮蝦飽滿爽口彈牙，而面條軟硬適中，加上清湯和葱花，總有我最鍾意的红醋，簡值美味之極。

九龍灣係我最鐘意去嘅地方，以前中學會成日去機舖打機，大左就買護膚品，shopping下食下嘢，又有戲院，所以拍拖都會去下晚餐都係係度食，叫左瑤柱鮑絲蝦球湯飯，小食吉列豬排，餐飲要薏米水男友食肉肉飯，即係蘿蔔牛筋腩菜飯，炸雞翼，飲豆漿埋單都179蚊架當然又小食又main仲有drinks，差唔多啦講番個湯飯，蝦子香味隨住熱湯嘅煙飄逸，令人垂涎欲滴，但鮑魚絲就係彷鮑魚，當然冇鮑魚味啦，不過爽爽都好食，蝦球大大粒，但爽得好奇怪，蝦味亦不出眾，湯頭伴均左蝦子更可口炸豬排，脆漿剛剛好，唔厚又唔油，味道剛好又唔喊雞翼仲入味呀，炸得脆脆，肉嫩多汁，高水準呀男友嘅牛腩我試左一件，炆得好淋呀薏米水好好飲，直頭可以話係糖水，唔係佢甜，而係好足料，甜度係剛好，仲有薑味，食左炸嘢再飲感覺好清熱呀

Lunch time想吃得簡單一點，便找來池記，吃下潮式粉麵。首次試池記當然選雲吞麵，我亦點了蘿蔔，價錢算貴。不稍5分鐘菜就到了。柱侯蘿蔔炆得入味，亦十分軟身。麵略嫌有點不夠正宗，雲吞很細粒，有點失望。

在九展完 show, 今晚在池記難得坐下食晚餐星期日不用怎麼等位 薏米水最喜歡這個薏米水了, 冬天飲這個自我感覺很驅寒! 因為裡面有辣薑一大片, 同埋半杯的薏米, 很足料牛筋麵牛筋麵的湯底是很濃郁的腩汁, 而且牛筋份量多, 亦很入味 牛筋的口感都幾彈牙而麵亦不會 over-cooked , 但覺得永遠都好難夾起..因為麵沒有剪開太長了鯪魚球麵鯪魚球應該都幾真材實料, 因為食落有魚香同很彈牙, 是打到起膠的而麵底的簡水味都不重 紅油三寶: 雲吞, 水餃, 鯪魚球雲吞皮很薄, 蝦不太覺有鮮蝦味, 但有口感水餃都幾足料, 而且幾欣賞他們的 size, 一口可以食完 

一朝早同老婆仔黎到九龍灣好肚餓 親搵左間池記入去食返個早餐啦我簡左菜乾豬骨粥 豬腸粉 同埋 熱豆漿 咁樣都係36蚊炸菜乾豬骨粥睇得出好足料 唔怕會好水汪汪 每一啖都會有菜乾係度 豬肉都煲到好淋身 係果種白裡透紅既新鮮排骨 完全唔似人地煲湯既湯楂咁 豬腸粉可以自己配醬汁 我記當然咩醬都要仲要多麻醬啦最愛食麻醬 依度既豬腸粉好滑亦好爽 唔怕會痴住痴住既感覺 粒粒分明 而且皮很薄熱豆漿其實就好香黃豆味 但就略為甜左少少 但勝在夠熱出哂煙！係依啲天氣飲係一流。

特意請假陪爸爸，很久沒有在上班日逛街。在九龍灣適合老人家吃的真不多幸好他選到傳統麵食服務方面: 呀姨們都很有禮貌，更會介紹食物及招牌食物方面: 雲吞麵(沒有加底) - 是很少很少的，只有幾口就完食但，麵質超彈牙，感覺良好。4隻小雲吞內，每粒竟然有2隻鮮蝦。就算份量少都覺得值。跟餐要甜品 - 桑杞生紅棗蛋茶很清甜，絕對不會下糖太多。而且有整顆雞蛋在內，燉得入味。此糖水真是回味無窮!!

大約七點幾八點嘅星期五，大部份食肆門外都有一堆人等位，若無預先訂檯，想找家非快餐食店好好慰勞自己絕非易事… 至少要等半個鐘或以上。想快最後都係去食粥粉麵，在德福唯一選擇就係池記。 次次嚟都係叫蝦球湯飯配烚菜心加薏米水鍾意食依樹嘅鮑絲蝦球湯飯，好大碗，唔油膩配料唔少，今晚嘅蝦又夠大隻，若唔算肚餓多數食半碗其餘打包拎走加5蚊嘅薏米水好足料，好鍾意飲，內裡有很多煲得好夠林嘅薏米，還加了不少薑，還有蜜棗北菇雞菜飯 ， 鍾意食依樹d冬菇，夠厚身好香菇味，整體不錯炸鯪魚球粒粒熱辣辣雖然每位每次消費都要七八十蚊，其實都幾貴，但質素一直都保持到

今日同朋友係德福廣場行街，行完有D肚餓，經過池記見到有下午茶餐只$35，便選擇咗呢間，即時有位，但都大部份枱坐滿，知客姐姐帶位話要搭枱，我地話冇所謂啦，好快立即有侍應姐姐幫我地落單，我選了豬手麵配薏米水，朋友點了雲呑河粉和豆漿，食品好快就到，朋友的雲吞河粉超大碗，有4粒雲吞、河粉超多，我的豬手麵就細碗D，但份量都唔小豬手有3件，麵底份量剛好，朋友話雲吞蝦肉爽口彈牙，河粉夠滑，豆漿味道夠濃唔太甜好味，我既豬手南乳味香濃淋度適中，麵夠爽口彈牙，薏米水有蜜棗和薑一齊煲，味道特別好味，$35真超值，有意外驚喜，下次會再嚟。順帶一提此店服務唔錯快靚正。

未有耐夠鐘食晚餐, 行商場又行到好攰, 想搵地方坐低休息下…見池記爆多人, 走入去試下先… 要搭枱是常識吧... 下午茶餐$31有 12款湯麵選擇…牛筋麵 $31-- 牛筋玩匿埋, 只見2大舊白蘿蔔… 麵條的份量一啖食晒, 食完好似無食過咁…雲吞河 $31--雲吞是鎮店名物, 的確是皮薄餡靚, 唯餡料份量太細小, 食完又係好似無食過, 豪無滿足感…薏米水/ 豆漿 (餐飲)--薏米水反而有驚喜, 膠質重, 不太甜… 豆漿反而太甜…整體味道唔差, 但有點名過其實, 由於份量太少, 好像一陣風吹過就食完, 店員立即已趕人走, 我都未坐暖張櫈, 下次想慢慢嘆休息下都係去過第2間喇…

餐腸麵餐肉厚度適中、不會太薄、麵爽、但腸略鹹；多士奶油花生醬極充足，花生醬有花生粒，另有奶油朱選擇；奶茶茶味濃、香滑、略甜，但凍奶茶近來已取消冰座，改走冰雪凍上；

最近常常吃快餐，整個人都感到很熱氣……很想吃健康一點的lunch，就想到池記。池記，是我過往常常吃tea的地方，放工後，上學前，來這裡吃，又平又抵食。現在不會再在這裡吃tea了，轉吃lunch也好。雖然價錢貴很多，但相比起其他餐廳，也不算太貴，在德福吃東西本來就不便宜啦~ 而且，這裡有茶喝，無限供應先看一看lunch的組合，我吃了無數那麼多次池記，起初吃的組合是$55 - 麵加糖水，接著吃的是麵加小食，再吃的是麵加糖水加薏米水，看自己當天要吃多少囉~我要整體的介紹這裡的食物：麵質：幼麵底，爽口彈牙湯底：濃度適中，鮮甜，配幼麵一流麵底份量：很小碗，大約是一個拳頭那麼多(食量大的要注意考慮加底)糖水：甜度適中﹐在中午吃也很配襯薏米水：沒有糖，有薏米及薑，很健康如果較為肚餓，我都會叫豬軟骨湯麵，因為豬軟骨粉量相對大﹐有一種吃了很多的感覺。這是我最愛吃的﹗這糖水是我第一最愛~這是第一最愛小食~ 有四隻，吃得很滿足~ 就是有點小熱氣在這裡lunch的感覺，就是我真是在吃食物，既健康又好味，每次都令人感動﹗

點吃水餃撈麵跟海底椰雪耳糖水，好快撈麵已上枱，見到大堆醬油已給倒在麵身，擔心今次要吃鹹油麵變，如可分開另上更好。醬油是甚麼？好像是蠔油，但吃不到鮮明的蠔油味。見枱上有辣油，就加點入麵同吃吧。噢！不得了，辣油立時令整個麵變得津津有味，至少令人記得它不是一碟平凡不過的撈麵。水餃皮薄料足，食肉獸必愛，可惜早已給煮好放在一旁備用，未能做到即叫即淥，放涼了才奉客，入口感覺不爽喔。心諗着撈麵最出色的地方是辣油之時，店員將叫起的海底椰雪耳糖水放在面前。打開蓋後見到多料，味道不大甜又夠熱，食得勁開心，滿足感遠超食撈麵。後記：落單後等食時看看枱上的備用食具，卻嚇了一跳，未用的豉油碟上留有明顯污迹（應是辣油），未用的茶杯底碟上則有一灘水，公用醬油器皿外更沾有污迹。衛生情況絕對要改善。

老實講我係第一次來池記食嘢，佢最初比我感覺係好貴，唔抵食，係做遊客生意嘅雲吞麵舖。咁啱行經池記被下午茶牌有所吸引，於是我同我個朋友即望下自己隻錶將近下午6點，大家即一齊講不如食埋當晚餐橫掂都聽日要返工，食完早D閃。依我所見當時差不多坐滿人，不過好彩都比我哋搵到位。於是我哋叫咗2 sets豬手河，另一個叫咗豬手麵加杯熱豆漿同薏米水。等咗大概3分鐘首先我個碗豬手河來先，好大碗，份量都OK，大概有2至3件大大件豬手，但D豬手比較梗咗D，D肉未”林”，好難咬得開。跟住我朋友碗豬手麵都來埋，不過咁見我朋友碗豬手麵SIZE同我碗豬手河曾了成個SIZE，我朋友個碗係細好多，可能吃麵掛。。。。。最後講杯嘢先，好似看來杯熱豆漿同薏米水沒什麼特別，但老實說我杯豆漿好夠熱，好正! 飲完杯嘢成身暖晒。至於我朋友杯薏米水，我就冇試過，不過見到好多薏米同好熱，我諗唔會差。呢2 sets下午茶每人只需$34蚊，的確好抵食，坐得又舒服，D嘢食又OK，力推! 

星期六約了好朋友中午在德福看電影之前先去找地方填飽肚子在德福走了一會最後決定試試池記我叫了一個午市A餐 $53有一碗雲吞麵、油菜，如果加$5 可以配豆漿或薏米水雲吞麵 個人認爲不及格至少在賣相方面，已經不夠專業。傳統的雲吞麵，雲吞會在麵底，以免麵在長時間浸泡變軟、不爽口。但池記這次在最基本方面都做得不好，失望。唯一的是雲吞裏的大蝦爽口，味道不錯。熱的薏米水，是我i的摯愛。喝完胃會暖暖的，很舒服。我還特別要了「多薑」 其實令我最失望的是池記的辣椒醬以前的是偏向XO醬，你可以吃到裏面會有蝦米、乾瑤柱等等，非常好吃。但現在換上的是很一般的辣椒醬，和茶餐廳沒什麽分別。

成日經過朗豪坊池記都聞好香既雲吞面味,但幾十蚊食碗雲吞面好似唔係好抵wo...今次下午茶時間行過九龍灣池記,見到$3x有碗雲吞面+熱飲,都試下究竟值唔值!雲吞面:唔算大碗,可能係因為下午茶,有4粒雲吞,首先飲啖湯先,本人覺得太淡蝦子味,唔會有一飲再飲既衝動,之後試試麵條,無梘水味但唔夠爽口彈牙,最後試雲吞~終於合心意喇!用料豐富,好多蝦,皮薄爽口!like!!!熱飲叫左豆漿,有點太甜了,好似飲糖水,但有少少黃豆渣,感覺似新鮮製造~我覺得有點名過於實了,試一次就夠