池記 (已結業)

未有耐夠鐘食晚餐, 行商場又行到好攰, 想搵地方坐低休息下…見池記爆多人, 走入去試下先… 要搭枱是常識吧... 下午茶餐$31有 12款湯麵選擇…牛筋麵 $31-- 牛筋玩匿埋, 只見2大舊白蘿蔔… 麵條的份量一啖食晒, 食完好似無食過咁…雲吞河 $31--雲吞是鎮店名物, 的確是皮薄餡靚, 唯餡料份量太細小, 食完又係好似無食過, 豪無滿足感…薏米水/ 豆漿 (餐飲)--薏米水反而有驚喜, 膠質重, 不太甜… 豆漿反而太甜…整體味道唔差, 但有點名過其實, 由於份量太少, 好像一陣風吹過就食完, 店員立即已趕人走, 我都未坐暖張櫈, 下次想慢慢嘆休息下都係去過第2間喇…