江戶居 (已結業)

早係新年12月31日已經試過呢間野, 係香港仔唯一一間既放題。上次既經驗係--野食講真就麻麻, 但服務態度就好好, 有禮貌, 上野食時間都好快, 價錢又唔算貴, $170埋單, 都OK啦, 久唔久食次都OK既。係上個星期再同男朋友黎食多次, 但今次真係有D"呆"。之前我地兩個人都叫左40片三文魚, 每片薄薄細細塊, 完全食得晒無問題。但今次"保守" D先叫30片, 叫之前有個STAFF埋黎問我係唔係CONFIRM, 我當然答OK, 點知黎到先嚇人, 三文魚比上次大塊左好多, 但咁唔代表好, 因為食落無魚味, 感覺唔算新鮮...食幾塊已經擔心食唔晒, 之後望見隔黎枱, 又係食淨三文魚 就算唔好食, 我地都好盡力咁食, 因為STAFF話食唔晒一件收10蚊喎。係我地好辛苦咁啃D無味既三文魚之際, 好彩附近有兩位朋友黎左JOIN我地食飯, 有佢地幫手D啃得完。當然仲有叫其他野食, 好似中華沙律--好大陣雪藏青草味, 肥牛卷就可以, 算係較好果樣, 最激氣係芝士波!! 上次12月31日食過, 好味先再叫, 點知今次叫已經唔係果樣野, 大粒左好多, 但成半粒都係麵粉, 結果又係要硬食左佢...食

唔記得左出~~搵返d相...即刻show俾大家睇下之前d人講到好差...但食落又唔覺~~~先黎一d 前菜先~~一般啦...唔難食...賣相麻麻食落都ok既~~再叫d刺身壽司呢樣ok wor~~真係喜出望外~~~10分都有7~8分~~以咁平既價錢食到真ok!!!ok新鮮, 壽司飯又唔錯...手卷又唔怕淋~~~炸物麻麻地....多油, 又唔係太好食...串燒都ok~~~唔錯...如果唔係飽得濟實叫多幾串~~~

以前嚟過香港仔食過—間叫(熊本)既日本料理餐廳，個set lunch都幾好食，過左幾個月依家唔知好唔好食?同同事一行6個再黎呢間餐廳食午飯，原來經巳改左名叫(江戶居日本料理)。我哋見到午市張宣傳單張都幾吸引，啲食材都好豐富，同以前個午市定食menu都唔同，似乎改變左。我叫左個(江戶居御膳)k1套餐，裡面有味噌湯，前菜，沙律，主菜(網燒牛扒，御飯)和甜品，成個餐都好豐富同美味。我啲同事叫了個午市推介(9寸虎蝦天婦羅配冷讚岐烏冬L1)套餐，隻天婦羅蝦夠特大，烏冬都夠凍，同事都讚好食，我哋原本叫了啲飲品，但個女經理話做緊promotion話今期free俾我哋飲，不用加錢，實在太好。個女經理親切可人，她殷勤親切服務態度都惹來不少熟客離臨光顧。我個同事話以前個午市有自助沙律吧任食，啲甜品同什果沙律都係個女經理一手一腳整出黎，自家製都幾好食。我哋今次食飯都幾滿意，下次會再來光臨。

之前見到的食評講到好差, 開頭都好擔心, 但買左團購卷, 又唔可以唔去。只得2個時段選擇: 6:00pm 或 8:30pm。可能沒有期望, 食落又不是想像中的差。刺身, 金菇牛肉卷, 牛柳粒, 清酒煮蜆, 枝豆, 串燒, 燒三文魚都不錯, 天婦羅就麻麻。團購卷上寫明汽水啤酒任飲, 但女經理堅持是團購公司攪錯, 都算。之後每人送一杯飲品給我們, 是菜蜜, 很難飲, 重點是那位女經理一轉身就"妙咀", 咁都得。當天都不算多人, 沒有太多漏單, 其他侍應服務不錯, 算幾好禮貌。女經理請好好檢討一下自己的態度。一路食一路看電視, 都幾好。

小弟係團購買呢個COUPON寫明係汽水啤酒任飲, 去到竟然話"無"真係火都黎埋!!! 仲話張飛冇寫，佢話飛冇寫就咩都冇，佢地有最終決定權D SUSHI 好似PAT PAT咁, 好明顯係亂咁黎, D 燒物好明顯係燒過一次, 再燒多次先比你吃服務態度... 唉.... "食就好, 唔食就倒"... 你地自己可以想像唔知點解有人可以POST D 咁靚既照片出黎, 係咪POST 錯第二間D相呢???你地唔信自己去試下啦! 講多無謂!!仲話"嘆壽司降溫"<----- 越食越加溫!!!! "$82 於江戶居任食 2 小時自助日本放題，過百款新鮮美食任選，另送 $50 現金券 (總值 $218)！"$50 現金卷, 比都唔要! 江戶居!!! 一舊水我豪比你! 一定無下次!!!

是咁的, 我之前在某團購網購了兩張江戶居的放題coupon佢d介紹講到好好, d相影到鬼死咁靚, 價錢都好平,$8x左右我諗住咁大間團購網實冇死, 咁就出事了我山長水遠由元朗出黎香港仔, 搭左成個幾鐘頭車諗住好開心食下sushi, 點知惡夢來了嘩.... d剌身好似冇味, 唔知食左d咩落肚壽司就像明x 任食壽司個level.....諗住食拉面冇事啦.... 點知拉面都唔得.... 湯底同滾水冇分別 食多一兩串串燒, 把鬼火就走了, 相都費事影以後佢貼錢我都唔會再黎幫襯, 真係搵老襯了去明x任食sushi 食冇咁火滾

真係好難食！團購災難！加埋一 $97打電話BOOK位個呀叔已經冇禮貌仲CUT線...成日話冇位...去到個場空嫁！去到D野食...哇...真係難食到不得了！刺身：唔得，得4-5樣，切好晒一大盤放O係個一雪櫃到仲慘去旅行食團餐！天婦羅：粉到！炸蝦...D蝦好似假蝦咁...咩味都冇！仲要滴晒油！其他一樣！係炸粉！唔係天婦羅粉！牛柳：拿到梅晒肉...唔得！拉麵：D湯清過水！只係清水拉麵！唔放得入口嫁！其他都唔知喇....食到冇晒心機....諗住成家人食下日本野....老老嫩嫩都食唔飽！搞錯！成晚只係食枝豆，牛肉金菇比較好！叫多幾次仲冇晒LU.......呢2樣野食夠 $97先回到本！仲剩番3張團購卷...真係想撕爛佢！

有7張點菜紙，食左大部分汽水/凍飲十蚊杯刺身：冇味，唔算非常差，可以多食串燒、燒物：部分要自己拎絕對唔建議食免治雞串燒，冇口感，五個差鹽燒雞翼得個咸字雞軟骨比較好壽司：鰻魚壽司完全冇鰻魚汁，好乾蟹子軍艦紫菜受潮，食落口咬唔開....幸好仲係用珍珠米+唔係大舊飯，好過明將一品料理：粒粒牛肉好鞋金菇肥牛卷比較好手卷冇食過炸物：佢竟然用街邊煎饟三寶既粉漿炸...炸蝦還可以炸蕃薯絕對唔可以叫，又硬又「神」，十個差，絕對食唔到，我一向唔浪費食物，但都可以掉左唔食...炸帶子炸蟹鉗比較好，凍肉公司產品，唔會差得去邊....章魚燒又係一定唔可以叫，冇醬都唔緊要，佢好明顯係用八爪魚刺身做，仲要未解凍，應該冇人可以容忍到一粒八爪魚出面熱入面凍掛?小食/麵：螺肉/八爪魚十分普通，唔難食叉燒拉面只有一片叉燒，味道可以接受店員態度ok，服務ok，有定時加水冇乜漏單，呢方面反而唔錯環境唔迫夠乾淨，碟底起碼冇飯總結：基本上只好過明將一些，唔係團購都係算啦我食8:30果場，成場都係團購既人，如果唔係團購應該冇生意...俾正價仲要入到香港仔咁遠，一來一回車費可以去食好好多

一人80幾蚊不計加一。坐低左第一時間梗係叫刺身，但原來刺身係無味既。之後已經無曬心機...當然唔駛兩個鐘已經走人....果D食材絕對唔值收一人80幾蚊。牛柳粒<---無味....玉子<---雪味....難食...燒物同炸物尚可入口仲有佢地唔係用日本米.....點食呀大佬....

山長水遠因為團訂既關係黎香港仔食放提。去之前都知道依間野唔出名，所以冇咩咁大期望。訂左6點 去到冇乜人，環境唔差，有電視睇。一去到就點刺身，都係果幾類，但冇甘蝦，北寄貝，鮑片果D，有D失望。大致上都算新鮮，不錯。熱食方面，有牛柳粒，金姑肥牛卷，清酒煮蜆,拉面,餃子等。牛柳粒冇乜味,清酒煮蜆似用清水煮，完全冇味，拉面太飽冇食，但男友話冇味好難食唯一好食既係金姑肥牛卷,味道唔錯。炸物有炸天婦羅果D，冇乜特別，最鍾意食炸蕃薯。炸小丸子陣味好怪，食左一啖就吐左出黎。一口炸豆腐完全冇味，用一小舊豆腐+炸粉,難食。芝麻紅豆球好味，夠甜，可以試試。串燒方面，牛舌，雞腎好咸。雞腎落得太多7味粉。燒雞翼，雞軟骨幾好食唔會太咸／冇味。燒八爪魚冇味＋勁硬，好難先咬得開。其中有個唔知咩八爪魚棒，一見到個樣綠綠地色好怪，食左一啖就吐就出黎，唔知咩味壽司同手卷就冇咩特別，食左炸蝦卷同蟹子壽司，蟹子壽司幾好食，唔會有腥味。小食有螺肉，中華沙律，芝麻八爪魚等。螺肉同中華沙律冇味飲品要買杯加１０蚊，我地冇叫到。服務態度唔錯，會定時幫我地倒茶整體黎講，以團訂咁既價錢，試下無妨。

早前於團購以$82位買咗放題，以為係抵買之選，點知…… 星期四晚同男朋友終於都抽到時間去。本來係寫明要１日前BOOK位，但我哋即日訂佢都OK，抵讚！而且，本來係6點至8點，但我哋5：50PM去到，佢都已經比坐比叫嘢食，GOOD！其實啲侍應整體嘅服務都係好好，勁有禮貌。此外，呢間餐廳開咗無耐，所以環境舒適，乾淨企理，所以本來都幾開心。 可惜，一間餐廳最重要嘅食物就真係強差人意。首先，食物款式唔算多。每類食物嘅款式都只有十多樣，唔算特別多，但都尚算OK嘅。其次，食材真係差。刺身唔新鮮，見到舊三文魚黑黑地都唔敢放入口；串燒超乾超咸，係雞軟骨同牛舌比較好味；天婦羅超硬超多粉，特別係舊薯餅，真係完全係粉，零薯味；煮物只係試咗牛柳粒同金菇肥牛卷。金菇肥牛卷係OK嘅，但牛柳粒就真係超難食，啲肉比佢＂那＂到毫無肉質可言！不過成晚最唔開心嘅係，可能因為我哋係團購，所以啲貴嘢就會漏單！叫咗兩次嘅煮蜆都係無影，但比正價嘅隔離枱就嚟足晒！ 其實我哋兩個對食都唔係挑剔之人，但呢間餐廳嘅食品質素真係好令人失望…當晚我哋只係食到7點3左右就不歡而去，而且係決定以後都唔會再去。雖然最後埋單只係每人$15，即係總數都只

Went to Edoi the 1st time without any expectation. Ordered the typical dish including : - sashimi - ox tongue - tampura - udon - BBQ chicken I am really happy with the freshness of the sashimi. The grilled ox tongue is 1 of the most yummy dish the whole evening, with the suggestion of the sake selection by the restaurant, ended up a happy dinner gathering with my friend

因有事要入香港仔, 所以順便係到食埋晚飯先走, 費是出銅鑼灣同人迫. 一向都鍾意食日本野, 經過見都幾樣好, 就上左黎. 地方幾舒適, 見到佢地有VIP房..叫野食先蟹子沙律: 正常夠多沙律醬我鍾意三文魚:剌身夠新鮮天婦羅: 粉槳脆夠薄, 蝦新鮮, 估唔到幾好食海膽炒飯, 出奇地好味可能係無祈望之下, 所以有少少驚喜, 臨尾靚仔老闆仲好好人送雪糕比我地兩個, 超飽. 佢仲話可預訂VIP房, 唔需要minimum charge, 月底有朋友生日可以專場唔去銅鑼灣, 黎呢到, 無咁迫

朋友帶了我去一間名為江戶居的日本餐廳 傾計食飯飲下清酒, 但估唔到入到去係有驚喜~~~ 開頭我地開了一支叫味吟釀既清酒... 老闆話呢支係出面好少有得買... 但原來你當你食一味菜既時候飲呢支酒都會出現左唔同味~~~好得意呀!!跟住黎左一個魚干, 豆腐, 沙律~ 味道也很好.. 沙律酸酸地好開胃呀~再來魚生~~ 壽司... 魚生好新鮮..海膽 & 吞拿魚都好好味~~~主角上場~~~ 爐端燒~~~ 首先係A4和牛 - 佢係燒得岩岩好.. 所以有入口即溶既感覺羊架 - 朋友話好食... (但本人係唔係羊既)牛脷 - 燒牛脷當然好正啦... 我食左兩大嚿.. HAHAHA鵝肝- 未入口巳經好香~ 皇帝蟹 - 不得不推介... 比我一個人食哂咁滯~~~仲有天付羅, 鵝肝炒飯 (估唔到鵝肝炒飯又幾好食架喎) , 鍋物...最後仲要開多一支 名為"一期一會"既清酒.. 本人就好鍾意呢支酒... 入口係有一種花香既味道... 老闆仲同我地講呢支酒真係飲一支少一支架啦... 所以我都覺得好榮幸可以飲到~~~ 總結.. 呢一餐係非常滿意~~~ 食到大家都停唔到手~~~ 下次會試埋佢個放題~~~ ^^

日本海嘯之後，很久沒有食日本菜了。上星期五，Honey帶我去了香港仔一間日本餐廳 – 江戶居吃晚飯。店舖有兩層，下層食放題，上層為餐廳。我和Honey選擇上層，因大家都不喜歡放題，難得見面，大家想食得舒服一點！我當然首選蟹籽沙律，因為這是我最喜歡的開胃小食！燒物我們叫了:串燒牛舌 - 味道調得剛剛好，彈性和豐厚的口感沒令我失望冬菇 – 燒得過了火位，不過味道算不錯免治雞肉 – 主要是Honey想食，我就一般啦…牛柳粒 - 肉質都鮮嫩，咬落都易於溶在口中雞翼 – 各人兩隻，皮燒得脆脆地，鹽適中，幾好食，之後我們叫多四隻刺身就有三文魚、Toro、帶子及甜蝦 - 三文魚都幾大件和穩陣，Toro肥美，帶子是我至愛，厚切有口感，甜蝦頗鮮甜。另叫了天婦羅蝦和南瓜 - 熱騰騰上枱，雖然炸過，但感覺並不油利。沒想到這一間日本餐廳的品質算不錯，照顧我們這一張枱的侍應，他對我們的服務態度都很有禮貌，有誠意的。餸菜是慢慢一碟一碟上的，所以食得不急趕和舒服！整體算不錯！