影片
星期六六点几到, 虽然地方细细, 但时间尚早, 全店无人.叫了以下东西:蟹粉豆腐面- 蟹粉几香, 虽然豆腐不够滑; 个面系分开上的, 几爽, 但个人觉得有少少硬.小笼包- 好大个呀! 好多汁! 好食~ 好彩皮都不算厚.酸辣汤云吞- 云吞个皮几滑几薄, 唔错; 酸辣味道不俗, 个人觉得辣左d, 但d料无一般既上海铺咁多, 人地有猪红碎, 豆腐碎, 木耳之类, 佢地就用炸腐竹, 火腿之类, 仲见到d辣椒子浮喺面, 无咁丰富lor.下次会再黎, 因为味道不错, 又平. 两个人食得几饱.如果对环境, 服务有要求的人就会觉得麻麻了.
继续阅读
同事拉队到老麦，作无声抗议不果，独个到附近找吃的。最近又有新的课题，头痛了好几晚，由零开始都几有难度。听日开始连吃一星期同样的点子，好的、好好的都会试到，在此之前就由最基本开始试起，看看之间的分别。老板不在，由阿姐打理，叫了好几次「蟹粉豆腐」，她是说「虾粉豆腐」，豆腐音咬得几正，但偏偏蟹就变了虾，连厨房的阿姐都要走出来问偶吃什么。蟹粉豆腐家常菜，说是蟹粉，就连门都没有，只见糊作一团的肉碎，蟹羔几粒附送蟹壳，和豆腐混成一体，唔鲜唔香可幸亦唔腥，混在一起煮的后遗症。试两口蟹粉唔对路，吃不惯家庭菜，吃面去，面依旧对版，烟韧有口感，此品是每次来都大赞之作。喝著豆浆，见黑色物体在内，叫阿姐换过杯，似是听不懂，最后将黑物剔走原杯送回来，哭笑不得下买单去，阿姐又问豆浆唔要么？不知是好心还是笨，后者是种福气。
继续阅读
终于出粮... 去佢公司楼下食上海菜...日日带饭... 出街食一餐半餐都唔系好过份...话晒佢都恨左食上海小笼包好耐...上次我返上海... 叫我带一笼返来俾佢...坐火车... 点带啊... 妳真系好鬼可爱...入整题... 唔驶等位但系要搭台...唔紧要... 我明白商业区午餐时间系比较繁忙...但系两部冷气都好似照顾唔到坐系门口o既我地...一路食... 一路滴汗...酿面巾饭... 几好... 好似好过狮子头...小笼包... $18/5只... 好大只好多汤... 皮或者可以薄返小小... 餐饭会更完美...无锡排骨面... 无锡排骨普通... 面就真系唔错... 不过无锡排骨太浓味... 牺牲了细味江南面的机会...埋单$78 ... 价钱除开差小小升level ...学生... 其实对于40 per person 以上o既消费已觉头晕~
继续阅读
8月26日14：40在化悲愤为食量的前提下，在汤饱皇吃完鳝糊面后，仍想再食，便到这里来份下午茶：小笼饱+豆浆小笼饱：即蒸加分，百份百自家出品，因外只只有异。皮不算太厚，馅料死实，幸好只只有肉汁。豆浆：淡淡豆香，不会过甜(正好是我杯茶^m^)HK$15.-重想点？会想刚才HK$36.-鳝糊面，却感到有点不值。
继续阅读
星期六2点几，忽然又想食下小笼包，去了屋企附近的一间上海小店食午餐。其实之前lunch都去过好几次，大约每份餐$28送豆桨都几低食。今次一行2人。店面地方唔大，只有5、6张2-4人位枱。但平日人多，就会开埋店入面间房，入面环境就麻麻。今次两人叫了：1) 干切牛肉汤面送豆桨$282) 糖醋排骨汤面送豆桨$283) 蟹粉小笼包送豆桨每只$9(3只起)汤面选用江南面，真系好滑好弹牙。但糖醋汁连汤面就食唔倒原有汤底味道。都几大碗，份量足够。小笼包系即叫即蒸，所以食完面都仲要等一等先黎。新鲜蒸起，但食饱面又加埋等左一阵，几好味都食唔出了。
继续阅读