江北四川麻辣米線

我地一行五人原本嚟九龍城想食泰國野嘅，想食嗰間咁啱冇位，諗住去九龍城廣場睇下有咩好食，咁啱嚟到呢間麻辣米線專門店，因為本人唔算係米線同烤魚既愛好者，其實都冇咩特別期望。入到店內，店員都十分有禮貌安排座位，之後仲驚我地唔夠位放食物，仲安排再大d既座位俾我地。但到食物黎到既時候，真係十分之失望。雞係霉嘅...魚係腥嘅...米線冇味...麻辣唔麻...係淡嘅...雲耳上面嘅蒜容係唔錯，但係都冇撈埋一齊，最值得欣賞嘅係佢淋上面嘅口水雞醬料，幾好味，但材料就全部都非常唔新鮮，真係唔會再嚟。…查看更多

聽朋友講九龍城廣場開間「江北四川米線餐廳」話啱晒我呢個辣妹喎, 緊係拿拿聲去試啦江北環境唔錯, 好乾凈, 食物方面有重慶椒香麻辣雞煲, 有川味烤魚, 有串燒, 有米線等等……….. 因為今日得我同男朋友兩個, 就試啲簡單嘢先, 先嚟一個涼拌薯粉, 有好麻辣香味, 而且材料十足, 份量都不能睇少, 男朋友點左個中辣既麻辣湯米線, 因為一上枱就香噴噴, 同樣係材料十足……… 呢樹既米線類唔錯, 辣味夠濃, 麻味夠香, 但完全唔會覺得油膩~ 再叫左幾款串燒嘢試, 有尖椒、雞翼、茄子，全部都好香, 好夠味, 成餐飯都好滿足, 埋單都係二百左右, 平時係出面食呢啲濃味既麻辣嘢之後要勁飲水, 今次完全唔會有口渴既現象, 我諗應該冇乜味精吧下次我一定要試吓雞煲同烤魚。呢樹啲服務員都好細心，我一開始選大麻辣，為怕我哋接受唔到，佢哋提意我先試中麻辣，佢哋又好細心咁自動自覺為週圍既客人斟水，經理又會走嚟問吓我哋對食物既意見…查看更多