汝記牛雜魚蛋粉麵

我既生活，開始要間唔來大埔辦事了。而每一次把事情辨好時，就要去安心地品味一個午餐或下午茶。也有時是早午餐。該日，我一人在大埔政府合署行出來。再來到翠怡一帶。在早午餐的時段，我決定來《汝記牛雜魚蛋粉麵》，簡單食碗麵再回沙田上班。既然是一個潮式的粉麵店，店名又有一個 "牛" 字。所以，我一安頓好自己後，就來一碗牛腩雲吞麵。出來的麵，湯味不算濃，是清湯腩的口味。而牛腩就味道濃郁，只是肉質有少少過份結實而已。雲吞香口，麵條也是爽爽的，算是不錯。那天，我在這麵店喝到一杯好好既熱奶茶，我個人感覺是一個大大力的精神加持，香滑香濃的一杯，令我立即充滿精神同力量。麵食，有肉的濃郁感，而那湯頭又的確有清湯腩那種淡淡地而有充滿牛肉香的味覺感受。這一次小試，給我的感受，是正面的。…查看更多

早幾日去朋友屋企經過呢間粉麵店入去食咗個牛腩墨丸河！牛腩好香😍 又多蔥花好好食！除咗好香之外 肉質又夠淋 牛味好重墨魚丸都唔錯㗎 唔會話好粉加埋辣椒油仲正好想快啲再去食🤣…查看更多

返大埔同屋企人食晏～屋企人成日黎食既飯堂🤣🤣除左牛雜科都有其他茶記基本野選擇🤔牛雜好食既～好入味👍🏻👍🏻個牛肚好淋好好食👍🏻👍🏻👍🏻豬手飯都幾大份味道不錯～快食唔高要求既我覺得都算抵食～😌溫馨提示落單唔係用qrcode~Order講慢少少🤏🏻因為落單姨姨會聽唔切～一陣問黎問去仲耐大家方便🤣🤣🤣地方大唔洗坐到好迫～同唔太緊張下午茶時間坐耐少少🤏🏻🤏🏻都得～…查看更多

估唔到粉麵店都有羊腩飯食，$70一份，羊腩一份，白飯一大碟(多到我要叫佢減返半碟走)，腐乳一小碟同埋熱飲或紫菜湯一碗，我要咗紫菜湯，所以無飲品，食食吓心思思想飲罐可樂，問阿姐加幾多錢，佢話要正價，唔記得係$10定$8，所以決定食完先去隔離買，$6一罐。紫菜湯都幾大碗，唔錯。$70有咁多樣野就唔好問我D羊腩好唔好食嘞，純粹止吓渴啦，鬼叫一個人叫一個羊腩煲好似誇張得滯兼且又食唔晒而個價位又會偏高。如果碟腐乳有埋椒絲你話幾好呢。…查看更多

2023年10月8日今日8號風球，食完碗粉去俾錢先知原來8號風球要收$5附加費仲要d 價錢同平日計法唔同，入去時無講，無貼告示，完全唔知係計人頭，計每枱定續碗計，牛腩面平時連熱飲$39 ,今日打8號收銀時先知就要成$50, 完全唔知點計出嚟。做生意明買明賣，唔該公道d 入坐前同喺門口貼告示出嚟，你打8號咁多附加費就應該一開始講清楚你d 收費點計，客人可以自己揀幫唔幫襯。見其他食評都有話佢地收錯錢，各位自己睇路，佢鐘意點收就點收。…查看更多

外賣早餐，係2個啊姐隔離講要咩，已經一句一句咁講，佢又跟住寫黎落單，之後收左錢，轉頭返去拎。點知！落錯單！然後有個賴係好醒既啊姐話計錯數，要再收錢！我真係第一次聽到啲咁無稽既事。識唔識咩叫交易？比錢個刻已經係確認交易，唔識就唔好學人開舖頭做生意。呢間舖啊姐又落錯單，又計錯數，仲要惡過人！繼而，我又第一次見個奄列放埋入個麵度囉，唔係分開裝既。又想知佢堂食又係未咁樣呢？真係好奇怪，就係劣質。就係永不會再食。PS 原來呢間野啊姐係慣性計錯數，要食就睇清楚張單，真係莫名其妙。…查看更多

首先，野飲沖得好淡味，嗌左杯熱杏仁霜，因為太淡味太難飲，同佢投訴，回覆係呢個係你自己嗌唔關我事喎，我話杯嘢飲同我平時飲開嘅味道差好多啊，你轉過另一杯俾我啦，然後轉左杯好立克，侍應攞俾我嘅時候加多句，每間餐廳沖嘅方法都唔一樣㗎喇，我嘅回應係我未飲過咁淡嘅熱杏霜，佢又回應，你應該要求我哋濃啲，但呢個唔係我個人要求，而係基本味道另外，個菠蘿油，菠蘿包係淋晒，冇加熱過然後個菜譜煎蛋飯，個豉油酸咗，叫佢自己試吓又唔敢試，即刻收都收唔切，話我，你覺得唔啱味嘅話你唔好用豉油囉，我哋全日都係用呢啲㗎啦…查看更多

行行下街心血來潮想食碗麵，見佢啲麵一碗都係三四十蚊，走左入去食碗南乳豬手麵$36。伙記送餐時，離遠見佢拎住一大一細嘅碗，以為啲豬手同麵係分開。嚟到就知，原來個細碗係用嚟裝骨，咁嘅操作唔常見，好多粉麵舖都係任由你吐落張枱之後再執，非常喜歡提供碗仔裝骨呢個做法，好衛生！講返碗麵，幼麵夠爽彈，湯底唔係好鹼水嘅感覺，豬手夠鹹，但南乳味唔夠香，唔夠豐富。豬手個質地唔會炆得太腍，以致冇左彈牙感。我諗叫得豬手嘅都係鍾意食佢嗰種爽口，特別係食筋。…查看更多

叫外賣自取電話講好左幾多錢到最後又唔係下午茶會送野飲 忘記了叫重新打電話叫佢整埋野飲 佢就話野飲唔送我話餐牌寫明送既 佢就話下午茶既丸類好少 同我寫左係lunch 咁所以野飲要加我錢咁下午茶時間就係下午茶 lunch 就係lunch餐牌都寫得好清晰咩時間係幾錢但係啲阿姐就計錯哂 魚麵係轉既定係第一樣叫既佢地次次都分唔清人地叫豬肉丸魚麵 就係加10蚊啦唔係叫魚麵加丸類丫嘛 啲阿姐又傻傻分不清就算你係新開張 啲人都係新請番唻 咁就記熟餐牌先好做野丫嘛九唔搭八 冇下次…查看更多