匯舫私房菜 (已結業)

今次帶家人嚟試呢度嘅招牌菜，家人無論大人小朋友都讚不絕口👍👍👍尤其是招牌脆皮豆腐，紅酒燴牛肋條，私房拔絲黑豚肉，瑤柱蛋白脆米炒飯係必食😋從未試過如此脆口嘅豆腐，拔絲黑豚肉皮脆肉嫩，完全冇肥肉，食過返尋味!

食過幾次晚飯，每次水準都一樣好！次次都食得好滿足～今次係4大1小嘅晚餐～脆皮豆腐滑嘟嘟，外脆內軟！拔絲黑豚肉（大大件咕嚕肉）葱油雞上湯浸菜苗～份量好大鮑茹炆伊麵～ （唔記得影相）唔會油冧冧，好味！小菜價錢約$100至$150，但每碟份量都好足，夠曬三至四人份有多。美X集團嘅酒樓都要呢個價錢，但份量得呢度嘅一半，而且呢間酒樓嘅菜色暫時從未試過有覺得唔好食。每次都會有驚喜，菜色每次都有唔同。一定會再去～ 唯獨係如果唔係主客就有啲遠⋯⋯。

中午飲茶一般，但晚餐有驚喜：冰鎮鮑魚配不知明汁，幾特別；拔絲黑豚肉，正到痺；炒蟹：薑蔥就食得多，加埋腐乳你食過未？出奇地夾；仲有個足料燉湯，好清，唔鍾意飲湯都必叫！聽講個炸鷄都好食，下次試酒樓待應有禮，有間房，唔知要唔要min. charge但間酒樓唔夠冷氣，如夏天同多人去我諗會偏熱，要改善! 同埋無泊車優惠，地方又偏左少少，咁叫人地點會有意欲千里迢迢入黎為左試下你d野食wor，只做街坊生意點頂得住呢？

一翻風，就想食煲，什麼煲都想食，今晚叫了個羊腩煲，麻辣雞煲，暖暖身，食後根本熱到飛起。一上枱， 香噴噴， 有好多件羊肉，正式皮香肉嫩，配角的支竹馬蹄大蔥，如果可以多啲就更好， 可惜略嫌少咗啲囉， 食極都是羊， 但要讚吓個煲汁， 好夠味， 淥埋生菜簡直正到不得了， 想留起個汁返屋企煮排骨😅，點羊的那碟腐乳醬也不錯，好滿足！今次用埋張優惠券食冰鎮鮑魚， 勝價比高，可以encore!掛住食羊腩煲，麻辣雞煲被人食哂都唔知🤨，友人話麻味比辣味重，份量足，雞肉嫩，好夠味。

羊肉炆煮得剛好，軟淋得黎又有D咬口，羊腩件件有皮，肥瘦剛好，味道又好，嗰汁用黎撈飯一絕，唔似外邊咁重味精，如果支竹分量多番D更好。份量2-4人最好。👍👍👍😋

唔想煮飯， 又想食家常小菜， 就會諗起匯舫。 價錢抵，坐得舒服，又有電視睇，最緊要餸炒得好味，今日去到， 見到每週優品， 冰鎮大連鮑，都只是$28隻， 抵啦， 叫了一人一隻當前菜，好鍾意食這間煮的雞，夠滑，有雞味， 蔥油雞正， 今次試了泰式脆皮小排骨， 外皮夠脆口， 比出面吃的好味得多，不會淋吱吱，如果加些香茅片之類，更有泰式風味。 現在出街食飯，真的很少遇到煮得好，又合理碟頭的食店，見過有些集團經營的食店，碟大大餸少少，真激氣，所以有時行多幾步，都嚟番這裡幫襯。

探訪朋友,聽聞這間的餸菜唔錯,就試吓。閒日夜晚，不太多人，店員服務招呼十有禮貌，最緊要是餐廳光猛，坐得舒服。店員推介三寶晚餐， 有魚有湯有菜， 但本人不喜歡中式湯， 所以只揀沙巴仔和菜，孖寶 都唔駛兩舊水，真的扺食，條魚還是新鮮游水·，碟菜比外面茶樓大碟，健康D食多D菜， 我們另外加碟薑葱大蝦，味道好、夠熱、有獲氣。 有水準，服務好，值得再來。

今日落雨廢事行出去食，同屋企人試下去呢到飲茶我地叫左個$108午市孖寶套餐，有一大碗蕃茄肉碎泡飯同一碟雞，另外叫左個XO醬炒腸粉（$48）呢個炒得幾好，好香，好好味！腸粉質地啱啱好！個泡飯味道都唔錯，唔會好似出面果d咁個湯底好假，不過個飯嘅份量就少左d...我地要另外叫多個飯加落去先夠食⋯果碟雞都ok!幾多肉同肉質滑嘅!最好味係個XO醬炒腸粉！不過價錢就貴D囉到最後我地仲差d先夠飽，叫左個小點馬拉糕，都蒸得幾好嘅。食埋就飽曬！總括黎講係唔錯

喺朋友介紹之下...嚟到元朗溱柏試下一間私房菜....一試果然有驚喜又好味....樣樣菜式都係用心做，唔係馬馬虎虎嘅餐廳....份量又大食到第五味菜已經有D飽😅！真心推薦大家去一試😊

又試新菜式， 星級一人前海鮮餐， 早幾天前預訂，仲有折扣😁 ，所以話早鳥優惠是留給有預備的人。整個餐有八道餸及甜品， 食到捧住個肚， 最讃是個翠塘珊瑚伴松葉蟹， 光速😋哂；冰鎮南非鮑魚， 八頭㗎，好爽、彈牙、鮮味；終於試到個濃湯魚·翅，平時在餐牌上要六位用， 今次可以食到啦， 湯底濃厚， 一箸箸夾起D翅食，又有海斑件， 好滿足。 到場見到很多客人都叫這個餐， 講真呢個餐確實抵食， 期待再有這類特色菜式。

昨晚二人晚餐，我們預先向飯店點菜，老闆挑選了一隻三斤重大肉蟹做避風塘炒蟹，蟹肉鮮甜實正，夠鑊氣，還試了冰鎮八頭南非鮑魚，鮑魚新鮮及非常入味，不需要任何醬汁，亦試了黑松露醬開邊龍蝦，醬汁不會搶了龍蝦的鮮味，反而令鮮味大大提升，另外亦點了其中一招牌菜⋯⋯拔絲黑豚肉，皮薄且脆，就算放涼了依然皮脆，真是超級出色，有機會一定會再來試更多的菜式。服務一流，無論老闆或伙記，超級貼身。地點尚可，元朗市中心步行十分鐘便到，亦有小巴直達。

一家人喺匯舫食飯晚，叫左個双寶，有半隻雞、酥炸桶蠔，算幾抵食。白切雞處理得唔錯，唔會過老或過生，桶蠔就真係全晚最好既一味。除左依一個双寶，再叫左個黑醋骨、付足浸菜。整體可以接受，只是個價錢拍得住鴻星，當然鴻星會好味好多。而個黑醋骨都算幾甜，如果唔鍾意食太甜要唸唸，如果你叫左依個咁可以唔駛叫扙絲黑豚肉，因為二者都好似。如果間餐廳做多點半席既晚餐就最好啦，可以試多d唔同野，眼見都算多人食佢既冰鎮鮑魚，推廣價都係48一隻，可以一試最

預祝爸爸生日。元朗食過好多中菜，想搵d特色d，見到網上食評唔錯，就試下呢間。可能因為weekday, 加上地段確實偏避，去到只有我地加一台夫婦。心諗小人到咁會唔會好伏🤔因為我去到已經點曬餸，所以唔知叫乜名同價錢。第一個上嘅係？生炒骨拔絲？賣相好靚！因為要做到拔絲效果，難免會好甜，但味道不錯！d肉仲鮮嫩有肉汁架！連下面墊底嘅炸麵條都幾好食。燒煵仔皮是香脆的，但有d太咸。食左兩個餸對夫婦已走，我地正式包左個場🤣重頭戲兩食龍躉！一般會分開兩碟野，好驚喜係佢用好拿大隻碟放埋一齊！賣相好吸引！黑松露炒魚片，雖然無黑松露味😅但夠鑊氣同好好味！我最愛避風塘😋 佢小小香辣，老人家都食到！將d骨位邊位炸左配埋d炸蒜☺️ 👍🏻👍🏻👍🏻👍🏻👍🏻其他菜丫伊麵丫唔係好特別但好食嘅。同埋佢地服務好細心好周到（🤣可能因為得我地一台）佢地好親切咁同我地傾計，又介紹d餸菜點整點整。仲介紹黎緊會出嘅新菜式！包個場🤣食咁多野埋單千零真係好抵！唯一唔好真係交通，我地5個人分開來回搭左5架的士。最慘係走嗰陣等左好耐先有車😭

聽過朋友講，這間店的餸菜煮得幾好，一於來試吓。在元朗搭39號小巴來到溱柏大門口的「匯舫」，店內光猛整齊，環境舒適，叫了個卡邦尼焗龍蝦 ，好味， 不像一般的芝士焗之類咁‘漏’，另外那個棗皇木盤糯米蒸雞， 雞件十分滑，有些紅棗片和雲耳餸糯米飯，唔錯， 下次要多D人來，試吓這裡的拔絲咕嚕肉和燉湯✌🏻

周末常常與家人聚在一起， 入開元朗就試試附近的匯舫私房菜。店舖清潔寬敞 用料新鮮 值錢公道 連平日咀叼的老爺都稱讚好味！ 我們點了羊腩煲 非常足料 冬天氣味濃郁招牌拔絲咕嚕肉 一下子被清碟了 原來用了黑豚肉 淡淡滋味 小朋友好喜歡剛巧原隻冰鎮南非鮑魚做特價 我們又點了一人一隻 又軟又大隻 用刀叉來吃 很豪華 廚師秘醬汁更是重點我們還點了白肺湯很足料 湯渣點豉油已很甜 白肺很新鮮！👍🏻還有明燒鵝 皮脆算是唔錯 松露炒蛋有水準 蜜汁叉燒很霖 好回味 價錢唔算貴 有機會會再來！