匯舫私房菜 (已結業)

前幾天的星期日晚上和十多位家族親人在匯舫私房菜光顧了二席的鮑魚宴作為團年聚會，這個套餐真的帶給我們一個驚喜：價錢相宜 (可說超值)，加上親切的服務，使大家感到好像在家吃飯一樣；酒樓規模雖然不大 (只有地面一層) 但地方整潔，舒適度有如處身於私人會所；菜式方面，除了最後出場的農家雞有改良空間之外，其餘的七個菜我可以全部給滿分 (以這個價錢來算)。最的包括：冰鎮八頭南非鮮鮑魚、廣東燒鵝皇、松露蝦腰炒珊瑚和竹笙生翅。

今晚同家人去左朋友介紹在元朗溱柏的一間中式餐館食晚飯 其實真係唔差！ 環境都光鮮，可以話好正！ 最鍾意食佢個冰凍鮑魚 好味 而且做緊特價！ 好抵食！ 服務員質素唔錯！ 龍蝦質素勁正！ 同出面的唔同！ 青口整得好食過西餐！ 個汁好香滑！ 而且好似是進口品質！ 食落覺得唔同平時食到既！ 招牌咕嚕肉 食完直頭想encore! 個個爭住食 配菜都食晒！羊腩粒都係好好味 糖水至開心佢個杏仁茶！ 又香又滑！ 唔會好甜！ 必推

下午茶時間，同大家姐Tea 一 Tea.見到下午茶乳鴿$40，即試！可以話味道絕對可以，而且鮮炸又香又夠味！所以掛住食而冇影到相。但應該叫BB鴿或王子鴿會較為合適。$40 改凍飲連加一，就是$50 一個下午茶。因為這個味道超好，貴但冇投訴。乾炒豉椒排骨河：搵唔到一粒椒！事實上係乾炒排骨河加幾粒豆豉。$58 改凍飲再加一即係$68 貴唔貴不在考慮，如果加多小小味和豉椒嘅椒會好啲。最失敗係香茅雞中翼拼薯條，薯條係淋淋的，至少要多炸3分鐘。雞翼夠脆可惜冇香茅味，差不多冇味。唯獨配個中式例湯夠火喉，可惜唔熱。希望佢用得私房菜呢個名要做到水準

琴晚約埋幾個中學同學一齊去另一個中學同學屋企敘舊一齊打下牌，打到咁上下有啲肚餓，我問我同學今晚食咩，佢話喺佢樓下最近開咗一間食私房菜口碑唔錯架，叫我地一齊去試吓，因為佢都懶得煮飯去到門口見佢裝修啊都幾光猛新淨，我同學同我講，之前呢度兩間嘅中菜館都唔做掂，但呢間呢啱啱開幾日已經有好多住客話好好食啦因為佢哋有個住客嘅Facebook好多人擺咗啲相上去都話好正燒鵝水準真係拍得住出邊嘅大品牌，皮脆肉多汁問佢哋嘅鐘師傅原來係自已燒冰鎮五頭南非鮑魚大大隻軟韌剛剛好用刀叉逐少逐少咁切開佢黎食，感覺好酒糟鴨舌送啤酒都好食口水雞我就覺得唔係太麻辣但係雞肉係鮮嫩嘅同埋惹味拔絲咕嚕黑豚肉外皮一層糖漿包住炸過黑豚肉，食起上嚟酸酸甜甜咬落脆卜卜，保留到豚肉嘅肉汁，呢個真係好好食仲有一個石窩海鮮炒飯，因為我哋一路傾一路食，搞到我都唔記得影相炒飯炒到金黃色一粒一粒配石鍋保持佢嘅熱度，海鮮都好足料我同我中學同學講，你就好啦以後日日可以來開餐

屋宛入伙了3年，你係等3間嘅中菜館。英文招牌上衹見Cuisine, 我懷疑你係想叫 C-Cuisine, 咁先對應翻私房菜嘅中文。點咗2個午餐，包例湯或熱飲。海南雞飯見到個胸就驚-！乾炒牛河有心機炒下次試睌餐