永豐餐廳小廚 (已結業)

好耐之前已經想試下這小吃，但因常常只得兩口子吃晚飯，不能試多樣菜式，所以都冇試過！今晚老朋友同我慶生，我選擇了這裡！炸桶蠔- 大大件的蠔炸得香脆，蠔也飽滿！薑蔥蚊桶蠔-這個比炸蠔更惹味，很多蔥，好味炸鮑魚及蚊鮑魚各一碟- 這與桶蠔相反，炸的鮑魚比炆的更好味，很軟身同鮮味比炆的更重！風沙雞-同其他食評一樣，很好吃，脆的外皮包住滑的雞肉，有雞的鮮味！蝦乾通菜煲-很多蝦乾，不是下價貨，很有蝦的味道，一向喜歡蝦乾的我吃了很多！大蝦芝士伊面- 蝦的味道一般，但很多香草的芝士汁加伊面很美味，面的份量不多，同老闆娘反映了，她立即叫廚子煮了另一碟double份量的芝士面請我們，非常有人情味啊！兩個孩吃得非常高興！另外還有炒白菜仔，冰鮮鱔煲同黃金骨，味道也是不錯！有人情味的家常小炒，令這生日飯增添溫暖，下次一定會再來！

一間食店，可以令我在兩個月內，再次光顧的話，除了樓下的茶餐廳之外，另外一個原因，就是好吃得來夠經濟。也不知說了多久的大角咀飯局了，一拖再拖，由五月到六月，終於付諸實行，人少少三男兩女局，又再來到大角咀的永豐餐廳小廚。當初也有點擔心，飯店的市井環境，會令到女生們卻步，誰不知，她們比我更熟，W小姐更是常客。晚飯時段的永豐，的確一位難求，預先訂位，是必須做的動作，否則，不如到茶餐廳吃碟頭飯罷。五人世界活在兩張大檯的狹縫之中，難免有點逼狹，幸好，兩位女生的身形夠窈窕，在狹窄的環境也能揮洒自如。看見飯店的水吧，掛著酒杯，友人即刻到附近的便利店買酒，原來，飯店還是給你一個水杯，那些酒杯，可能是熟客留在飯店備用。沒有所謂，反正我們喝的是平價白酒，吃小炒才不會那麼認真，又要刻意去配酒。首先上的是風沙雞，五個人要半隻是恰到好處的份量，風沙雞做得皮脆肉嫩，肉味還是不算太過突出，也不要期望過高了，須知道今時今日香港地，新鮮雞再不是必然。蒸扇貝有分蒜蓉粉絲蒸，與XO醬蒸，保守起見，最後都是選擇蒜蓉粉絲，四隻扇貝價錢為＄108，肉質肥美，味道鮮甜，當然，香口惹味的蒜蓉粉絲，最後成為大家的囊中物。有女生的地方就有

前一陣子常在臉書看到有食友貼椒鹽鮑魚的照片，知道這個很好吃，可是一直都沒吃過。以前有朋友去西貢某家有星的中菜館吃，我又剛巧吃不到。是晚我們一班食食食小隊的隊員一起跟鬆弛和另一個食友吃生日飯，因為大部分人都沒有來過，一致贊成來這裡吃小炒。這裡的人氣非常強勁，幸好我們預先訂了位，到埗便有位坐。除了必點的椒鹽飽魚外，我們還點了好幾款小菜。沙薑雞腳。雞腳肉厚又大隻，但煮得非常之腍，炆得很入味，就算不點沙薑醬也很夠味。啫啫通菜煲。以前都吃過不少啫啫蔬菜煲，但這個啫啫通菜煲真的煮得很好，香氣四溢，裡面加入了大量大隻的蝦乾，醬汁味道濃郁，通菜也夠新鮮無渣，真的好好吃，那些醬汁絕對可以用來撈飯。椒鹽鮮魷。聽說這裡的椒鹽菜式做得不錯，所以除了椒鹽鮑魚之外，我們還點了椒鹽鮮魷。魷魚很彈牙，是新鮮的魷魚，炸漿很薄，炸得十分香口，椒鹽味道很重，但不會過鹹。椒鹽飽魚。這個是今晚的亮點，我們來這裡吃晚飯也是為了這個鮑魚，鮑魚一隻$28，應該是大連飽魚。鮑魚肉質彈牙，煮得剛剛好，而且鮑魚肉不會淡而無味，另外那大量的炸蒜蓉，帶點微辣，十分香口，吃一隻真的不夠喉，我覺得起碼要每人兩隻才行。半隻風沙雞。雞皮很薄，炸得很脆

有朋友生日, 難得一大班人, 約佢地黎呢度開飯, 志在多d人可以試多幾樣~第一樣係:炸粉唔厚, 脆脆地口, 佢仲有醋俾你點, 酸酸地容易入口, 食多幾舊~第二樣:高脂高膽固醇之選, 以前已經食過一次, 今次老咗少少, 但都可以接受, 香口得黎又咸咸地野, 送飯ok~第三樣:見到d豆苗好靚, 一定要用佢. 煮得剛剛好, 冇過熟~第四樣:朋友生日, 叫條魚試下啦~問老闆娘, 佢話想200樓上定樓下, 要樓下佢就介紹咗呢條斑, 蒸得剛剛好, 個汁又唔會死咸, good呀, 全晚最好味, 好快搶晒, 個個都讚~第五樣:呢個個皮就比鮮魷厚d, 不過都夠脆, ok合格啦

呢間餐廳由奧海城行過去, 都要15-20分鐘, 一d都唔就腳但係都晚市爆場一定會佢嘅道理 我地叫咗三樣野:支竹班腩正常味道, 肉質實淨, 唔會一咬散晒, 3/5, 合格金銀蛋小白菜份量夠兩個人食, 唔會太咸, 4/5, gd黃金肉排 必叫, 超熱氣, 超香口, 肉排係炸嘅, 但係唔會老, 咬唔開咁, 推介之選, 5/5, 滿分!!

係偶然既機會下行左入呢度食飯，自此，呢度就成為左我奄尖男友既飯堂，老遠都要走返去大角咀永豐食飯，次次都要蒸條靚魚！小菜出色、價廉物美。蒸魚海鮮新鮮之餘亦價錢相宜。星期六日都幾多人，唔想等位就早啲喇！老闆娘既推介樣樣都好好味！下次有咩喜慶決定來試埋個雞燉翅，見到人地食好似好正，仲幾抵$500樓下六位用！

已經嚟過食幾次，小菜鑊氣夠，蒸炒煮炸樣樣都得今日出開旺角而老婆想食海鮮，於是乎帶佢嚟呢度，但行街行夜咗，嚟到都已經十點，好多嘢都賣哂最後點咗四個餸就咁炒都夠鑊氣，但個人鍾意啲菜係成棵上；唔鍾意切段，但仍好味蝦新鮮且有膏添，蒜茸落得啱啱好，唔會蓋過蝦鮮味出便食嘅只有咸味，而呢度就食到麵士醬味，好耐無食過呢個味道。魷魚新鮮彈牙又厚身，一定唔係出便一般用嘅雪藏貨；好風沙雞賣哂，老闆娘介紹，每件雞都包住醬汁，夠味，但覺得咸咗啲；送酒一流每次嚟呢度食飯都唔會失望，最後四隻碟都清哂，飽飽

小妹十分榮幸能結識一班識飲識食的羽毛球高手。球技切蹉後，我們十七人一同出發到大角咀吃翅。到達大角咀已晚上十時，每條街的私家車要雙斤泊車，冒著抄牌都要到此覓食，勇氣可嘉。泊車後進入永豐小廚，侍應示意我們再走進裏面，我們經過廚房，後巷，再入另一飯廳，終於見到高手們坐著。我們人多，食量更多。 聖子不大但很甜，爽口 雞湯很濃，味精不多，翅是一排排幼身翅，很好吃 熟蠔大隻，肥美香甜，好吃 青斑是最好吃！青斑約有兩斤多重量。青斑魚肉很滑，火喉恰當，沒有太熟，一點腥味都沒有。真想不到這條大青斑能在大角嘴街坊小廚吃到，我們真有口福 南瓜沾上咸蛋黃和麵粉然後放入滾油炸，好好吃 海蝦很多肉，鮮甜，用蒜蓉蒸更惹味 豉汁浸入熟蠔內，好吃！ 魷魚淋身，用椒鹽炸後很香口，不乾身，好吃。 雖然不是走地雞，亦有雞味，豉油不太鹹 香芋比臘味好吃 高手們大讚好吃。 生炒糯米飯很難炒得好吃，這店的生炒糯米飯不硬，很好吃，味道不鹹 我們全都滿意所有菜色，有鑊氣，新鮮，好吃，讚不絕口。合共$2990。多謝其中一位高手請客。

第一次來永豐，是九月中旬慶中秋。那一天，人多的不得了，我們經由正門進入，去了後巷，再到另一大房坐下，在舊區，這種別有洞天的安排很正常。那一次經歷不算很好，明明訂了檯，但卻給了另一班人，原因，是因為有另一同姓比我們先取檯，但人家人數少於我們，最後我們迫於坐一張細一點的檯。那一次完全感受到甚麼是「隔離飯香」，每每隔離檯點了甚麼，我們都覺得很吸引，因為這個原因，所以才有第二回 - 外父欽點生日壽局再來永豐。先看看第一次吃甚麼，你就會明白為甚麼第二次更為出色，所以說，來中式菜館，點菜絕對是一門學問。時菜炒牛肉有鑊氣，牛肉少用梳打粉，算是不錯。豉椒炒聖子炒得過老，但豉椒汁味濃可以掩蓋這個缺點。現今的聖子經常令我覺得是基因改造的異變生物，怎麼每天都有這麼多巨型聖子出售？咕嚕肉比想像中好，炸粉不厚，酸甜適中，可能用的是梅頭，豬肉鬆化，很合我口味。啫啫菜煲，用上馬拉盞、大蝦米等和通菜一起煲仔上，惹味非常！份量多，但通菜桿多葉少，吃得未能盡興。豉椒炒大蜆，就是「隔離飯香」的最好例證，本沒想過叫，但看到隔檯的著實吸引，超大隻的蜆，蜆肉彈牙，豉椒汁比聖子的好，因為更濃，也更入味，印象中這種大蜆灣仔我吃得最多

首次幫襯,叫了三樣餸;蛋黃焗肉排 -- 估唔到咁好味,夠乾身,不油膩,蛋黃不膩,肉排有咬口,又夠熱.啫啫脆鱔煲 -- 上枱時炸炸聲,鱔片先炸過,皮非常脆,啖啖肉,肉質鮮味.上湯菜芯 -- 味道一般,偏多油.值得一題,呢度啲飯幾大碗.

大角咀雖然多野食, 但唔係間間好食咖, 大家小心一點選哩間野環境就真係唔好, 如果愛好乾淨既人千萬唔好去, 因為toilet較dirty野食就very good, 特別係煲類, 全部野都夠獲氣, 我帶個個朋友去個個都話唔錯, 所以一定要表揚下價錢同出面旺既地方比佢一定平dd, 正常價唔太平唔太貴, 如果未試過既真的不防一試服務態度就不過不失啦, 話晒d地方都似打冷果d, 唔會非常好, 總之人地唔會唔應啦

好味又抵食. 椒鹽瀨尿蝦 / 霸王雞 / 風沙雞 / 西蘭花班片 / 滑蛋蝦仁 / ......都好好味, 好夠鑊氣.....要訂位, 否則唔駛指意會有位.不過衛生環境就差D, 特別不要坐入面偏廳位, 走過條污污糟糟的後巷就唔係好開胃了.不過呢度冇好特別的菜式, 都係一般小炒, 好處係日日食都唔會厭.

I have been to this place a few times and the quality of food is very consistent. With 16 of us, we have a few more dishes than usual and tried a few new ones. Here are some memorable dishes... Sweet n sour pork - nice and crisp with just the right amount of fat and meat. "shui lo seng tze" - cooked in a pot of fish soup, the clams (it's actually the long ones not the manila clams) tasted very fresh and juicy. Chinese lettuce in clay pot - lettuce was nice and fresh with large and flavorful dri

第2次泥呢間野到食, 因為價錢平, 有鑊氣, 好食, 冇加一, 有氣氛, D白飯勁大碗3個人食佐4個送醬爆四季生腸$42咸佐少少, 但四季豆入哂味, 正, 生腸有少少"un"啫啫滑雞煲$48料好夠, 有埋冬gu, d雞好滑好入味, 仲有好多garlic你食, 正沙鍋魚頭煲$4X哇哇哇, 一上檯勁大個魚頭, 仲有好多燒肉, 同埋冬gu, 魚頭唔腥, 份量多, gd海味雜菜煲$45勁出色, 好多海味, 有好大粒帶子, 魚塊, 鮮尤, 份量超多, 上檯夠熱2個飯, 1枝啤酒, 汽水, 3條友$250, 抵食!

已經第四次來，次次都要等位，不過不需要等得太耐。今次食了霸王雞-my favorite! 玉米魚肚羹 - ok豆鼓炒涼瓜茄子 - 完全可以用"差"字來形容，完全食唔到豆鼓味 如要食得經濟一點的話，記得唔好take服務員建議的菜，因為那些都系貴格野而且物非所值。上次服務員提議點什麼什麼海斑，朋友和我都喜歡食魚，所以我們點了。但上台時發現那條並不是什麼斑，而系普普通通的一條魚。餐廳環境有點舊，但因為拒地鋪了膠台布，每次都掉膠台布，所以唔覺得太dirty