永華日常 (利東街)

营业中

休息中

疫情稍為好返少少，就完全唔聽電話，今朝10:45開始打電話諗住外賣自取早餐，一路打到11:00都冇人聽，總共打咗70次，生意有冇好到咁誇張？可以15分鐘完全唔接外賣電話？這是敘福樓集團做生意的方式嗎？還是員工同老細鬥氣呢？呢間永華日常開業初期都唔錯，覺得乾乾淨淨，係間好舒服嘅高級茶餐廳，後來生意多了，員工就好像越嚟越不願做。

等了二個月，終於來到這間昔日的舊記憶，無論環境座位都是比從前更舒適，更乾淨這是毋庸置疑的，但是食物的水準真的差很遠，失望😞電子落單基本上大部份食物都出錯，不出色，水準可以說比普通還普通

灣仔永華麵家華麗變身成永華日常後坐落於利東街內，食友告知轉型後多了不少新奇的菜式而且質素仍然相當不俗，但其實我最掛念是舊店的足料糖水，這天趁在灣仔吃完午餐便跟車爸爸去重溫一番。剛剛在利東街開業的永華日常樓高兩層，內裡舒適卡座為主裝修時尚感十足。車爸爸睡魔急Call吃糖水的同時忍不住點多一杯熱奶茶＄20來提神，奶茶口感順滑之餘茶味亦香濃質素非常不錯。而我就最掛念店家的桑寄生茶＄30，可以自行另加蓮子和雞蛋各＄5，熟雞蛋我沒興趣所以只加了蓮子，先品嚐一口桑寄生茶超級濃郁味道很甘甜，跟以往一樣的足料煲製好好味。蓮子口感鬆化但我覺得可以再粉淋多些會更合我口味。車爸爸偏愛吃生磨合桃露＄35，一看見餐牌有便不假思索地選上了它。合桃露質感濃稠看到面頭那果仁的油光，吃下去口感順滑之餘味道更超級香濃，吃罷滿嘴合桃香氣非常叫人回味。好開心糖水跟以往同樣出色迷人，下趟真的要來試試特別的腐乳意粉了。

好耐冇打過openrice食評，呢間茶餐廳可以迫到我打，可想言之有幾咁差！見到多comments都話好食，就諗住外賣試下幾款signature item, 點知所有野食都鹹到食唔到，我男朋友算食得重口味，都覺得鹹到頂唔順！咖哩牛腩飯完全唔香冇咖哩味，d牛腩又乾又硬，係鹹到苦！香煎肉餅飯係極度鹹，食1啖已經擺低，完全食唔到，肥豬肉多到一個點！d廚師係咪冇哂味覺？？？沙嗲牛米係正常，但都唔香，完全唔值！凍奶茶檸茶完全冇茶味，極度質疑之前d食評！carbonara同個菜芯算係最入得口，陰公！俾3百幾蚊食茶餐廳食到咁。。。真係第一次！

-聽聞呢間冰室專食啲創意料理，其中一樣非常出名就係佢嘅腐乳卡邦尼，聽個名好似好伏，但係好似個個食完都話好食，於是我就決定嚟一探究竟😂-😋 廖孖記腐乳芝士卡邦尼意粉 ($88)👉🏻 中西合璧嘅腐乳卡邦尼，出到嚟意外嘅大驚喜😍😍👉🏻 除咗配料上用左中式嘅腐乳、臘腸，呢個意粉都冇平時嘅卡邦尼意粉咁多汁，相對地乾爽少少，仲好有鑊氣😂 我係早午餐時段嚟食，基本上成碟都可以清晒🙈👉🏻 呢個配搭真係超級新鮮，衝擊得來又可以做得咁好味真係值得一讚，食完返到屋企都仲有一種念念不忘嘅感覺💓🥰-😋 厚切午餐肉湯配炒滑蛋厚多士 ($58)👉🏻 呢個相對就係正常嘅冰室選擇😛 不過值得一提嘅係佢個麵底除咗一般米粉、通粉，仲可以揀韓式公仔麵，韓式公仔麵食落去口感比較煙韌，冇平時啲公仔麵咁淋，個人比較鍾意呢種口感😂👉🏻 另外午餐肉其實未到話好厚切，係比平時厚少少😜 不過整體成個餐食落嚟都好夠飽👏🏻-🙋🏻‍♀️ 其他說說👉🏻 我去嗰日係平日11:30am左右，以平日來講佢都算幾full，但係唔洗等位

Bookmark左呢間傳統老牌麵店好耐啦😆去咗榮華日常灣仔利東街總店，佢地仲特意乘聯三大老牌：甄沾記，廖孖記 & 公和豆品廠，合共400年歷史，創作傳統與現代結合嘅創新菜式😍🌟廖孖記腐乳芝士臘腸卡邦尼 🍝 $78 ～ 卡邦尼就食得多，腐乳卡邦尼😱都係第一次食。今次依個嘅腐乳醬最為香濃，加埋芝士，鹹香十足同幾惹味🤤可惜配料只有臘腸，食到最後會有少少膩，同朋友share會好啲。如果食得辣仲可以叫麻辣版😉🌟長歎西多士 🍞 $44～ 呢個西多士份量十足，黑色竹炭好特別😍鬆軟厚身嘅黑色竹炭西多士，包住半溶棉花糖同粒粒花生醬，上面仲放上一小塊牛油🧈真係充滿邪惡感！花生🥜醬好香滑，棉花糖又可以拉絲，啱晒打卡📸🌟非正常Pizza 🍕$44~ 俾佢個名吸引咗，一定要叫你試試😚多士烘得好香脆，面層舖滿，蕃茄🍅青椒🫑芝士🧀溫泉蛋🥚牛肉醬、茄醬。配料非常豐富，仲好重口味添😋下次要去試埋佢地馳名既，鮮蝦雲吞麵、甄沾記仙椰汁焦糖燉蛋、公和豆品廠薑汁豆腐奶凍😆📍永華日常 (灣仔)灣仔皇后大道東200號利東街地下G22-23號舖

住喺附近今日行過終於有機會試新開嘅榮華日常，由於已經接近六點所以叫外賣，非會員外賣有九折。點左兩份下午茶餐，一個係長嘆西多士，另一份係牛肉鄉村羅宋湯。長嘆西多士打卡一流，不過我因為叫外賣所以冇影，但係食落去只不過係一份好厚好厚嘅竹炭花生醬多士，中間溶咗嘅棉花糖係有帶出甜味，不過整個味道都俾花生醬蓋過，做呢個多士嘅白麵包質素係好嘅，竹炭外層亦都香脆，不過整體食落唔係太特別，屬於試過一次就算。另一個牛肉鄉村羅宋湯韓國即食麵下午茶餐，外賣有將湯同面分開，可惜羅宋湯太少，放咗個麵落去撈左一段時間啲羅宋湯會掛喺麵度，成個感覺似撈麵多個似湯麵，如果可以俾多少少湯就好啦。整體感覺一般，下次都係食返傳統食物例如雲吞麵。

I was shown a photo for the charcoal french toast marshmallow and peanut butter whilst in quarantine over a month ago. And today after a hike up to the peak we decided to come try it out. The French toast is located under the snack section, we order this and respective drinks. The drinks don’t take long to arrive but the toast as stated on the menu takes a little longer. When eventually it arrives, the stature looks impressive, it’s a mysterious cube of darkness from the charcoal. So I cut it in

垃圾, 做唔切外賣自取就唔好接單啦一早叫定都仲要企係度等你半個鐘你漏單唔識即刻做返架??態度又唔好, 做嘢又唔變通疫情下都係咁你好快唔駛再做飲食唔係咁做架下嘛??永不再食!!

咖喱牛腩飯、得果幾件牛腩😂😂果汁OK、但係牛腩和牛筋腩只係小小三件、$76包一杯熱飲、主觀感受：可能只係夠幫佢交租同出人工？究竟係租金問題定係餐廳本身的來貨貴？

之前永華執咗，我次次經過舊址見到間車仔麵霸咗佢個位就會唔開心😆 由細食到大嘅炸醬麵豬手麵酸蘿蔔同埋桑寄生蓮子蛋茶終於翻返嚟灣仔喇！YEAHHH🙌🏻今次第一次去永華日常，一個人去食返晒之前會食嘅嘢，京都炸醬麵lunch set加竹笙仲要另外加多碟酸蘿蔔😙係回憶嘅味道啊🤍🤍🤍一定一定要食秘製上湯蝦子野生竹笙！竹笙全部都好肥美好爽口，吸收晒d上湯，加埋蔥同埋火腿一啖咬落去必晒所有汁出嚟，好好好好好味🥰

廖孖記腐乳臘腸卡邦尼腐乳卡邦尼，聽就聽過好多次，食就真係第一次食成件事係好夾嘅，廖孖記係無得輸，同其他喺超市買嘅腐乳真係無得比美中不足嘅係個腐乳比例真係太太太太太少，成碟得一小磚完全唔夠喉臘腸都好夾，口感仲好過西式pepperoni / salami意粉質地不過不失，講真好難expect 茶餐廳意粉會係Al dente? 椰香咖哩牛腩魔方賣相非常吸睛，份量都十足味道就如其名，椰香味重，偏甜唔辣，好食就算揀左多汁都唔夠喉但個人喜好咖哩都係鍾意配白飯多啲，個多士對我黎講真係用黎打咭Overall 我覺得永華係一間又有傳統美食又有新派創意料理嘅餐廳，選擇都幾多另外值得一提係落單app有好多customization 可以揀，例如奶茶多奶少奶，咖哩多汁少汁等等有得揀先至係老闆😎翻兜指數:3/5📍 永華日常 (灣仔)灣仔皇后大道東200號利東街地下G22-23號舖

永華日常前身為老字號永華麵家，以竹昇雲吞麵而馳名。永華日常用不同老字號創作出不同美食，包括有甄沾記、公和同廖孖記，中西合璧，相當有火花！廖孖記腐乳芝士臘腸卡邦尼意粉用腐乳整意粉夠曬特別，成功突出腐乳香氣又不會過濃味，真係估唔到腐乳意粉會咁好食，如果喜歡食辣的，可選擇麻辣版更惹味。椰香咖喱牛腩魔方魔方外脆內軟，咖哩味濃、微辣，有淡淡椰香，牛腩大部分係牛筋，炆得好淋，而牛腩只得兩舊，偏瘦同好乾柴，魔方點上咖喱汁，十分野味，令人會食到吾停得口。

利東街一向都係打造外國風情既小村莊咁，而近排知道香港老字號「永華日常」總店正式進駐成為一分子，的確令人充期待，而總店除左保留左最原始既招牌手工麵外，仲加入一系列創新元素，務求食客有耳目一新既感覺，加上清新x木系既裝潢，不如即刻打個靚卡先？👇📌永 華 小 食 - ▪️ 長 歎 西 多 士 -▫️ 點先夠歎，先嗌左呢個「長歎·西多士」你可能搵到答案，佢其實係個黑炭味既厚多士，切開裡面餡料係大量花生醬同埋棉花糖，你當係小食又好，甜品都好，份量都夠哂2-3人用，認真夠誠意。📌永 華 麵 食 - ▪️ 鮮 蝦 雲 吞 麵 (小) -▪️ 廖孖記腐乳芝士·臘腸卡邦尼 -▫️ 要食到最傳統手工味道就不外乎嗌返個「鮮蝦·雲吞麵」先咖啦，淨係個湯底已經夠哂睇頭，每啖湯頭入口鮮香味十足。而size有分大同細，我揀左碗細既，雲吞都有四隻，鮮蝦食落爽彈，麵條有咬口，高質之作；而「廖孖記腐乳芝士·臘腸卡邦」將中西文化發揮得淋漓盡致，食落芝士同腐乳兩者鹹香配搭得自然，而意粉夠彈性得黎又唔會太膩，呢個唔錯。📌永 華 特 色 -▪️ 非 正 常 Pizza -▪️ 甄沾記仙椰汁·焦糖燉蛋 - ▫️ 普通既pizza食得多啦，「非正常

等左大半個鐘終於試到最近大熱嘅「永華日常」🤤 一行入利東街見到最多人龍嘅就知係佢😂 裝修新派，充滿中西元素，仲有幾款同香港老字號品牌合作嘅菜式，功力十足👍🏻《 麻辣廖孖記腐乳芝士卡邦尼意粉 拼 永華淨雲吞》 $92 5 / 5 🌟🌟🌟🌟🌟令人讚口不絕嘅意粉😍 概念獨到，運用中國芝士——腐乳同中式煙肉——臘腸，形成中西合璧嘅卡邦尼！👍🏻 新配搭下嘅卡邦尼具備中菜嘅好鑊氣，意粉炒至乾身更有嚼勁😋 廖孖記嘅腐乳幼滑，鹹香有層次更勝芝士🤤 香煎臘腸逼出油份，焦香可口👍🏻 加上麻辣更刺激開胃🤤 大推！另配搭一碗著名淨雲吞，皮薄餡飽滿，係唯獨上湯唔夠熱只有室溫🤏《 椰香咖喱牛腩魔方 》$80 4.5 / 5賣相霸氣牛魔方😎 有心思地喺麵包盒內側塗上一層腩汁，食到更濃郁牛味🐂 椰香咖哩標準，除咗牛腩仲有牛筋，牛筋軟糯漿口，好滋味🤤 可惜麵包外層唔夠脆，而且大部分已被咖喱浸淋，換住多士口感更佳😋另外奶茶只屬中規中矩，飲品未有太驚喜，但走飲管有得減$2，為環保出一分力👍🏻整體超滿意老字號系列嘅𝘍𝘶𝘴𝘪𝘰𝘯菜式，其餘水準亦不錯，會再訪👍🏻