影片
以上资料只供参考，请与餐厅确认详情
食家推介
一间街坊小店，近几年开店，系茵怡花园街市开店，环境就一般般，始终唔系正常一间食店嘅舖位，只系街市改装绝大部分嘅粉面都系$36碗，份量可接受牛腩面有约7切牛腩件，佢嘅牛腩出品算稳定，多数系带少少肥，几优质👍因为唔肥嘅位置一定系偏向柴。面底碱水味偏少牛杂粗牛肚有三大片，有爽口位又有淋位牛肠三段偏肥，入口淋牛膀一片，但今次眼见佢嘅筋位好明显，唔知清洗过笼定系浸太耐牛肺两细粒，系我至爱部位，但系佢切到偏细，唔感保持微软弹汤底就建议唔好饮用，真系好咸
继续阅读
得悉茵怡市埸将于2月25日进行大翻新，所有店舖都要退埸，于是去睇下呢间牛杂粉面店仲有冇开，入到去只见得番几间还在营业，好彩呢间粉面店有开，老板娘话做到今个星期日。玻璃门有一大块餐牌好抢眼，汤粉面一律35元，见佢招牌都有牛杂两个字，应该主打都系牛杂挂！于是两个人叫咗一碗五香牛腩面同一碗秘制牛杂捞面。呢碗五香牛腩面，一上台就闻到好香嘅五香味，牛腩用嘅系切腩，带有少少肥膏同筋膜，入口甘香又够淋。呢碗秘制牛杂捞面走牛肠，草肚、金钱肚、牛膀各有两件，牛肺就有四件，面份量应系有两个，面靭度十足，好有咬口，口感非常好，全部牛杂够大件又炆得够淋够入味，一试难忘。好可惜将来唔知仲有冇几会再食！
继续阅读
河粉好滑又好薄。个牛腩汤亦好浓好够味。牛什系有两旧金钱肚两旧草肚，唔会全部草肚，抵食。牛肺够弹牙又唔会咬唔开。久不久就会嚟食，之前WFH可以个个星期week day过嚟食晏。宜家只可以放假嚟食。堂食会好过外卖，因为河粉好索汤，返到屋企发胀晒就差啲。食紧中途有个阿婆想入嚟堂食，但伙记话佢冇打针唔可以堂食，伙记劝佢买外卖返屋企食啦。佢就闹人多事跟住就走左。过左一阵，街市既顾客服务中心都有个员工过咗嚟了解，唔知系咪阿婆去投诉伙记话原来阿婆个仔吩咐唔好俾佢系度堂食😢
继续阅读
今朝去茵怡街市嘅永兴粉面食早餐，叫咗牛丸河粉，牛丸有五粒算唔错，但唔算爽滑同弹牙，有少少失望，牛味普通。而河粉就一路都唔错，口感好好。整体都值得一试，饮品大大杯，唔错。
继续阅读
呢间粉面店真系唔错 一碗牛肚河五六块牛肚 一碗食落去真系暖笠笠～ 见到伯伯真系好认真咁做每一碗面 牛腩大大快 同出边嘅唔一样 呢间足料好多！ 汤底唔系味精汤 啖汤好甜 我都忍唔住饮晒！钟意浓啲卤水味可以叫伯伯俾多啲卤水汁比你！不过清汤腩都系另一个食法 都好好味！ 30几度伯伯仲企系炉前面斩料整面 婆婆都系厨房帮伯伯手 两个老人家经营一间小店真系唔容易 希望食无惯嘅人口下留情 你食唔惯呢个味道唔代表伯伯整嘅面唔好食！ 得闲去食下 伯伯真系好认真对待每一碗面好足料好好食！ 两个老人家落手落脚经营呢间店都唔容易 大家口下留情啦好嘛！！
继续阅读