永興冰室

营业中

休息中

好食嘅茶餐廳推介俾大家啦焗鮮茄豬扒飯多士盒 多士盒是這裡另一招牌之作，必點。普通焗豬就食得多，配埋個多士黎食就真係第一次。 賣相一流，將港式焗豬飯同台式多士盒crossover，多士烤得鬆脆可口，毫不乾身。豬扒很軟腍，肉質鮮嫩，焗飯底選用蛋炒飯，然後放在多士盒焗煮，增添鮮茄焗豬扒飯的風味，炒飯軟硬適中，配上鮮茄汁，口感不錯。果然是招牌。整個多士盒非常飽肚。 抹茶雪山梳乎厘 最令人期待既巨型梳乎厘！剛出爐的梳乎厘賣相非常正, 一上枱真係好巨型呀 ， 吸引了不少人注目。 烘到個邊燶燶地好香脆，加上內裏鬆軟幼滑的蛋白，梳乎厘在上枱後仍能保持堅挺。食落蛋白味香濃而不會過甜 ，口感綿密鬆軟。😋下層係蛋糕同抹茶，灑上薄薄一層抹茶粉，食到抹茶粉個味又唔會無哂蛋香味💓。 淡淡既抹茶香，味道不錯，份量非常大，足以三至四人分享。 

見到好多人試梳乎里，所以黎試下。一去到侍應就即刻落order問係味食梳乎里，因為要等大約15分鐘。我地就睇一睇餐牌先叫野食，叫左原味梳乎里($88)，豬扒飯多士盒(包餐湯，飲品)($68)，紅豆冰。多士盒望落好大個，切落去有少少失望，因為挖得唔深，裝得好少飯，食得飽既，不過係食包食飽，但係係蛋炒飯底，豬扒原件鋪係面，自己切，俾埋個碗你裝住食，ok。梳乎里有驚喜好大好蓬鬆，可能我食唔怪，食食下好多空氣，所以壓平整走空氣先食，就易入口同埋冇咁濟。不過一次過食尼兩樣野好濟，食唔哂，但係又唔想分2次試，所以一次過試哂。餐廳入面有其他餸菜，dinner set，好似仲好味d。

話說天氣開始有小小凍而今年終於有秋天啦所以我地特別想食澱粉質,見到同事講呢間野今日就去試一試. 真係果然冇錯好多人排隊呀!!! 等左15分鐘我地先有位.餐廳格局同一般茶餐廳冇咩分別, 特別在有一Ｄ而家潮流興食既野, 例如綠茶蛋撻啦...我地坐底叫左２個都係會等得耐既野, 呢個咖哩雞包同出面既有Ｄ唔同. 佢唔係用一個圓圓既農夫包反而係用棺材板既多士,中間佢有放小許既飯我就反而覺得俾番D麵包我地更好,飯在麵包之中好似有點怪怪咁. 咖哩唔係好辣好有椰香, 有薯仔青椒紅椒做配料, 用料都非常充足. 我地食左飯同個咖哩包其實都已經好飽不過一早落左ORDER同埋我地一心係想黎食個梳乎厘冇理由唔完成任務.前前後後等左半粒鐘個勁大既梳乎厘終於出爐啦...超Fluffy. 我地叫左個原味係非常重雞蛋同云呢拿味, 大大啖放入口好似食左好多野不過又其實食左陣風咁, 呢個感覺真係好複雜呀!!!

冰室裝潢沒甚特別，其他食物無論價位、味道都叫正常，所以呢篇食評只講雪山梳乎厘話說打左去話想食，老細叫我地12點左右先好到，因為師傅未返，12點準時去到，點知個師傅未返到，照食左正常野食博等到，食到成點都未返只好離開留左電話，之後2點幾話師傅返左，可以整到，即刻飛返黎當下午茶，點知，我錯了。88蚊本來就覺得貴貴地，但之後來到見到，有差不多1/3張臺大，高起碼有兩部電話高，4個人食以食左少少野先來，都有點吃力。呢個雪山疏乎厘唔係日式空氣劉海類，非食空氣系列，而係用上蛋白焗出軟淋口感，老細話呢度有十幾隻蛋，記得3-4個人去食，高脂高熱量（別以為只得蛋白，仲有大量糖同牛油同cream等)食落口都幾鬆，個人最鐘意食面帶焦燶部份，中間的蛋白好有咬口，底部的更精彩，更燶，要用匙更挖大大話話都食左半個鐘呢個雪山疏乎厘頭，抵食的，但叫多幾個fd子來吧

每次都是匆匆忙忙，早出晚歸，早餐午餐下午茶都在茶餐廳解決，食到怕怕。今天臨上回程車時又在這裏吃了個沙爹牛肉公仔麵套餐 , 結果熱檸茶飲了半杯，公仔麵吃了半碗 , 多士吃了一口 , 炒旦吃了些少。早知買個面包和一支水便可以了。明天要去食番餐好

今日出完街shopping係太子搵地方食個便飯咁路過呢間叫永興既冰室就入黎食啦呢間冰室望落都幾闊落啲位又唔泊張張枱都卡位咁坐得都舒服座位闊落唔會好似有啲茶餐廳咁好迫既感覺我地叫咗湯粉既個湯底好味啲湯好好飲下碗粉幾好食 見到有啲迷你鍋好吸引下咁咁我就叫咗個冰室奇味雞食個湯底好吸味撈飯一流好好食但係雞既份量好少 少得好緊要又細隻 又得幾舊 唔會夠餸食個飯跟個迷你鍋既餐我地點咗杯熱檸茶飲都OK既有啲茶味唔太澀有烏繩周圍飛嚴重影響食慾

今早去永興食早餐, 之前去食過都不錯, 起碼D嘢食都熱, 但今次真差, D蛋有炒得老有不熱, 一看已知不是即炒, 有實有老, 杯熱奶茶有不熱, 碗米線看到湯多過粉, 多士只是輕微暖, 唉隻fried chicken wing有是不是即炸, 同個亞姐說可否換隻煎蛋, 她竟說沒得換. 我都費時理, 即找數34元走人, 以後請都不去食. 不知所謂, 之前同亞媽食過lunch, 個蒸雞有是梅, 不過算啦沒同D亞姐說, 估唔到越來越差.  還有那些亞姐態度十分差.  我情願去大X樂,起碼投訴後都會換給你同說聲不好意思.  貴都覺得抵啦, 所謂那些小店, 什麼人情味, 都是傳媒渲染, 根本垃圾.

多數去親冰室我都例牌要飲番杯熱奶茶先得咁啱之前有朋友介紹過我黎呢間冰室喎，咁就去會一會佢啦見唔係好肚餓咁就叫個下午茶啦叫左菠蘿油加熱奶茶，一定係絕配啦點知黎到個菠蘿油唔係好夠熱，如果可以熱一點就好，下午茶餐價都要$27。但反而杯熱奶茶幾好，好滑，仲有茶味

友人在飲食網站中得悉有美食推介，所以決定一試。星期六下午2時店內仍然人頭湧湧，但為嚐美食要等位也無妨。我們示意店員二人用餐，並在店內等候。過了約15分鐘，有一對父子進來，店員「阿姐」揚道"請入黎，係咪兩位？呢度有位坐。"我心想：搞咩!我地兩個黎先喎!我再向店員「阿姐」示意我們仍在等位，店員「阿姐」卻當我們透明似的。這到底是什麼服務態度啊？難度茶餐廳不招待女生嗎？自問本身態度良好，卻受到如此對待，就算餐廳食物如何有水準，我也不會再次光臨!

近排有日午餐去太子永興冰室試下, 雖然見到他們有好吸引嘅梳乎厘, 但一行二人實在冇信心吃得晒, 於是我還是叫了客當日嘅午餐鮮茄焗吉列豬扒飯, $50包熱飲, 以茶餐廳嚟講價錢都唔算便宜的. 等咗約十五分鐘, 它出現了~個飯果然是即焗熱辣辣, 一大兜飯上面有兩大塊吉列豬扒, 份量比想像中多, 自問食量有返咁上下嘅我...最後都要食剩少少飯!吉列豬扒夠厚夠鬆脆, 淨係食塊吉豬就令我覺得50蚊一啲都唔貴~ 因為睇得出是誠意之作~ 但如果加多啲青豆點綴下, 相信會令個飯冇咁"寡"! 個茄汁味道亦都幾好食, 調味唔會過酸過鹹. 唯獨個炒飯底就認真比較遜色, 飯質OK但望落似白飯多啲, 唔似炒飯底, 而且啲蛋好唔均勻, 食食下白飯突然有一大舊蛋咁!不過以茶餐廳嚟講, 平心而論, 呢間食物水準算相當唔錯, 服務亦都OK.

今日又去左太子覓食入到去個店員就問我地有無興趣食多士盒見佢甘有誠意我地就試下喇期間送上左餐湯味道不過不失我就食左焗鮮茄豬扒飯多士盒豬扒唔會焗得太un蕃茄豬扒焗飯黎講都算係幾好味到食個多士盒部分其實都幾乾(因為野飲另計，所以我地無嗌野飲)而且都幾un胃😂所以食左有汁果啲部分再食左一邊多士邊就停手喇其中一個朋友就嗌左焗咖哩雞飯多士盒偷食左一舊雞咖哩少少辣不過都接受到呢如果比我揀都係覺得豬扒果個好味啲

唔知咩野事，近來好多搞茶餐廳的人士，都好喜歡把上一個世紀的冰室重現大家的眼前。在太子的彌敦道旁，有一間好新的茶記名叫《永興冰室》，細心查一下，這原來是昔日《永興茶餐廳》的復刻版。不過，店子並沒有刻意玩復古的設計，他們用的是時尚的茶餐廳設計，但保留了上世代冰室的食物出品。這一天是週末，是我加班的日子，慢慢地出城，經過太子時突然覺得想食左飯再回公司搏殺，所以停一停。貪就腳，而且不想多花錢，一落車就見到《永興冰室》，就《永興冰室》啦。 下午茶時間，我來了一碟干炒牛河。色水濃厚的出品，未食已經令人覺得期待，牛肉很香口，亦很嫩滑，而且一點也不起筋。味道濃香得黎可以媲美那些說明用瑞士汁炒的牛河一樣的香口甜美。 奶茶，保傳到老師父的水準。茶底香滑，茶味亦很濃，加上奶味濃香，入口 creamy，很有水準。 知道自己需要趕工，眼見門口設有面包部，就買兩個包，拿回公司當做是日的加班小點。其中一個是餐肉蛋包。餐肉是火腿餐肉，肉味份外的豐富，包子本身亦有點點的甜味，很傳統的好味道。 腸仔包就令人感覺新潮了點點，因為多了香草的味道。麵包配咸餡，是香港的特色，連外國遊客都讚不絕口。 新潮的茶餐廳，保留了老的味道，

平平地都鐘意去冰室，太子有間大冰室，竟然有特大梳孚里食！仲有特式小菜，甜品係綠茶超巨梳孚里是老闆們嚴選綠茶粉黎炮製，我終於試到啦！！外脆內綿，好似雪糕咁嘅口感😍😍😍仲有陣陣綠茶香！咁大個都只係$98就有得食！

現在市面大部分的茶餐廳，十居其九樓面都會配備至少一部電視機看門口。更常見的是，茶餐廳電視機播放大多都是某電視臺的二十四小時新聞台。我到現在還是不曉得，為何大部分茶餐廳，都喜歡以電視機「新聞台」看門口。從我的主觀角度來看，茶餐廳之所以喜歡安裝電視，還要是長期播放着「新聞台」，最主要是貪「新聞台」可以把食客流轉的速度加快，有利茶餐廳做更多的生意，賺更多的錢。當然我又不會刻意統計，有幾多食客會在餐廳電視機播放「新聞台」時，會刻意儘快食完飯，儘快結賬埋單離開餐廳。有幾多食客反而對「新聞台」情有獨鍾，要多看新聞台幾眼，才捨得結賬離開餐廳。另一方面，茶餐廳放置安裝電視機的位置，亦會對茶餐廳能否令更多食客，食飽飯立即結賬離開起重要作用。皆因餐廳越喜歡安裝電視機在當眼位置，遍佈樓面範圍越廣大的話，令食客生意流轉加快的機會就越高。太子的茶餐廳「永興冰室」，就屬於我上面提及到的那種茶餐廳例子。我一入到「永興冰室」裡面，就立刻發現裡面檯櫈大多是卡位，而且卡位都是位於，能接收電視機播放範圍之處。另一方面，我不清楚「永興冰室」的伙計們，會否按周邊環境，而決定電視機的聲量高低。假如「永興冰室」把電視機聲量，調校至

嗰日去中山喺太子等車，上車之前搵啲嘢食。見到間茶餐廳有抹茶蛋撻好特別，咪入去試吓。抺茶蛋撻好有抹茶味，甜到剛好。仲叫咗杯特飲，一定要加紅豆同杯特飲好夾，如果用雲呢拿雪糕仲好。