永年士多 (寶城洋樓)

营业中

休息中

元朗非常多美食今次去了平民店首選 永年士多元朗居民 幾乎無人不曉過往車仔麵我偏愛湯麵今次見推出蝦籽撈麵 決定一試​店舖環境乾淨企理坐位舒適 燈光充足​牛筋腩撈麵 $62隨麵送上一碗上湯粗麵質爽滑 拌以大澳益昌手炒蝦籽蝦籽鹹香味濃牛筋口感煙韌牛腩腍嫰 牛味濃郁​南乳豬手撈麵 $62隨麵送上一碗上湯粗麵質爽滑 拌以濃郁的南乳汁豬手入口即溶 十分嫩滑​蠔油生菜 $16(跟餐)簡單生菜配蠔油​滷水雞翼 $28滑滑雞翼配上香甜滷水汁一碟有5隻 抵食！​港式紅豆冰 $15(跟餐)兒時味道 杯中粒粒紅豆奶+紅豆味甜度合適​凍柚子檸水 $15(跟餐)冰凍的柚子飲配上新鮮檸檬推介！​除了湯麵及撈麵外新推出火鍋套餐非常吸引有時間會再去試下​永年士多 (寶城洋樓)📍元朗教育路88號寶城洋樓地舖2-4號​

未成為元朗人之前，已經聽過身邊朋友同事專程入元朗食「永年」家陣咁近我，緊係要去潮聖一下啦！3號風球下午來食，唔洗排隊，任我揀位😜除咗經典車仔麵，原來仲有好多新選擇🤩我哋就試吓「大澳特產蝦籽撈麵」🍝🧡牛筋腩撈麵- 筋夠爽，腩夠腍😋😋超多蝦籽鋪面，撈埋食非常惹味！辣度可選，少辣對我剛剛好🌶，唔會辣到食唔到！🧡炸醬撈麵- 肉絲夠大條，炸醬混合蝦籽麵好香口，配上隨餐的葱花上湯🫕食過返尋味🧡蝦醬通菜🥬-經常食腐乳通菜，轉下新口味，試吓蝦醬，一樣咁香咁入味，通菜新鮮爽口！🧡藍柑菠蘿乳酸特飲 & 檸檬香桃烏龍茶🍹🍹 食辣嘢一定要飲涷飲，解渴一流！🧊裝修後的餐廳，不是我心目中的舊式車仔麵檔，但更整潔，更光鮮，座位坐得更舒適，亦在店內一角保留舊士多的陳設，食完打個卡也不錯！📸😍🥳

這間元朗永年士多係一間車仔麵店舖，店家係元朗開咗好多年，由舊舖大翻身轉為新景象🤔，店面環境保存舊風貌好有過去年代嘅影子，同時由食物到飲品都有新創意!.牛筋腩撈麵 $62呢一碗牛筋腩撈麵賣相望著都覺得幾好🤔，撈麵係用咗大澳益昌手抄蝦籽，令到撈麵帶點蝦籽香濃味😙，同時佢嘅牛筋口感煙韌帶點濃濃腩汁味道😋，腩肉肉質腍嫰味道十足，整碗撈麵口感軟硬恰恰好，配埋牛筋腩食好正👍!.炸醬撈麵 $62呢碗炸醬撈麵賣相色香味都唔錯🤔，都有蝦籽用嚟撈麵，同時用咗香辣炸醬用嚟撈麵，味道濃郁帶點辣口😝味道十足，而炸醬又有口感肉質腍嫩口感都唔錯😋，一碗撈麵食到雙從口味用嚟撈麵都幾好!.蝦醬通菜 $28呢一碟蝦醬通菜係用咗熟蝦醬嚟調味🤔，通菜色澤脆綠口感爽口，配咗D熟蝦醬一齊食味道帶蝦香口而美味😋!.韮菜豬紅 $16呢款韮菜豬紅係一款小食，望著都覺得唔錯好想食🤔，韮菜香而爽口，豬紅味道濃厚配埋自家製辣醬汁😝，味道惹味之餘帶點剌激感!.樽仔奶茶 $17呢一款樽仔奶茶細細樽，賣相色澤都唔錯🤔，飲到入口味道濃郁😋好香茶味😙口感帶點滑口!.紅豆冰 $15呢一杯紅豆冰好有過去年代的味道🤔，紅豆粒粒腍甜又有咬口，味道帶點奶香又有

元朗人由細食到大🤭🍜近年開左D分店 仲唔止賣車仔麵 仲出埋盤菜 一人火鍋我都好多年冇食啦 港島朋友老遠入黎造要食老店 就陪陪佢食🍜不過我地今次唔食車仔麵 見佢有新野 ❇️大澳特產 蝦籽撈麵系列.🔸南乳豬手撈 $62 (配以青菜+蔥花上湯)仲可以+車仔餸🤤豬腸&蘿蔔好多蝦籽係麵上 南乳豬手炆得好夠味 但唔會過咸 軟燸程度係D骨都好易脫出而且份量好多 有4-5粒豬手 豬腸 蘿蔔係車仔麵一定要叫 爽哂d汁蔥花上湯好清甜 .🔸炸醬撈 $62 (配以青菜+蔥花上湯)炸醬有明顯見到既肉絲 唔會淨係得pat醬味道適中 撈埋蝦籽食 好夾蔥花上湯好清甜 一啖湯 一啖麵 完全可以清清味蕾呀~.🔸腐乳通菜 $25🔸菠蘿特飲 $15🔸香桃特飲 $15夏日特飲都夠哂大杯 好清爽~.📍永年士多📌元朗教育路88號寶城洋樓地舖2-4號

同個朋友去永年冰室食野，路過見到裝修得幾簡約。叫左個車仔麵，三杯特飲，埋單198，車仔麵當中有佢價錢啱心意。食左個豬脹，牛根，好少可我地去個時係晚上6點，食到6：30pm左右，鋪面都無咩人，唔駛要預約訂定，又唔怕嘈。真心想你地去試下。appreciate

永年係大家中學時期經常食嘅車仔麵👍🏻黎到元朗，決定去懷舊一下我晏晝黎到冇乜人唔洗排隊👏🏻✔️魚蛋✔️雞翼✔️豬紅 幼麵因為我好鐘意食辣所以叫左中辣，個咖哩汁都幾辣下😂食到出曬汗🫣🫣魚蛋非常彈牙，我好鐘意呢種煙煙韌韌嘅魚蛋，食到有小小陳皮嘅味道👍🏻👍🏻雞翼比較普通，個汁唔入味豬紅味道甜甜地都幾入味，我覺得值得試試👍🏻👍🏻

永年由中學時期既常客，到依家一個月2/3次。成日聽到人講以前好食d,但我就覺得依家衛生左，食物水準平均d。以前係鋪頭即煮有時d送會未夠入味，就比客。依家應該係中央處理，去到鋪頭就已經夠味，水準每次食大至上一樣。三豬加油麵$42三豬好夠味，豬皮偏甜，個人就鍾意，但食到有幾塊太薄無咬口。佢個辣汁一向出名，但我就麻麻，覺得佢隻辣會辣到食唔到d餸既味， 同埋其實就咁湯底加汁，已經好好味。滷水雞翼$28 5隻但今次雞翼好硬實，中間無乜味野飲要加12蚊仲有一碗叫左d無咩特別既魚皮餃，腸仔，魚旦$39，正常水準喇。 湯底飲到有d藥材同胡椒味，傳聞好多味精，要飲好多水，就咁飲唔覺有味精。味精應該係d重味餸同汁到，有時都要接受，車仔麵嘛^_^

三餸車仔面 豬皮，魷魚，牛筋粗面（少辣）咖哩豬皮對我黎講有d辣，不過好過癮，豬皮好入味，唔係得外面辣，所以好正！魷魚爽口彈牙，牛筋亦好霖！而粗面就硬左少少。今日早放lunch，見少人先去排隊，之後就好多人，建議時間比較寬裕既人先好光顧

🔹️永年士多 (元朗寶城洋樓)🔹️永年士多扎根元朗賣車仔麵已經有三十四年，由以前既小食檔到經營車仔麵檔，到以家有規模既店舖，永年士多結合創新元素與懷舊美食。食左幾間，都係覺得元朗總店整既食物係最好味1️⃣雞翼尖 豬紅 魚蛋 幼麵餐雞翼尖豬紅魚蛋呢三樣每一次去都係必點既食物，豬紅真係烹煮得好入味，雞翼尖及魚蛋就正常水準2️⃣魚蛋 芝士丸 魷魚 時菜餐 (中辣)有時菜餐其實都幾好呀，比啲只係想食配菜既人，配菜既選擇都有好多，有傳統既豬紅、豬皮、魚蛋、紅腸、蘿蔔... 亦有特式款式，枝竹球、手工餃、流心蛋都幾吸引架🍹飲品🔹️凍檸檬茶 🔹️紅豆奶茶冰

餐廳環境（評分4.5/5）餐廳環境基本上可以拎到滿分咁滯，因為長期會有1-2個人去負責收拾乾淨，每次有人食完走後都會立即清潔，燈光光亮，所以環境方面真係冇咩嘢負評，乾淨整潔。四寶車仔麵（4/5）首先由碗湯去品嚐，車仔麵某種程度黎講，叫既湯底都算係重點之一，麻辣湯底小辣，個人算係比較食得辣黎講都頗為辣，食唔到辣可以叫BB辣試試口癮，味道濃郁。豬皮非常爽口，蘿蔔入口即溶，豬大腸係咁多道菜頭號好味，至於豬紅就比較遜色，當日仲要好似食到少少鹼味。總括而言都算唔錯，每道配搭都係車仔麵既精華之一。奶油多士（5/5）雖然話多士真係冇咩嘢技術而言，但都相比其他鋪足料同埋用咗厚多士都係加分味。

堂食較辣外賣自取服務及食物質素較好相比堂食出錯率低菜份量也較充足溫度剛好價錢比較更加經濟基本上自助式 堂食沒有什麼服務.To compare with dining in the restaurant take away food quality much better and less spicy . Also , less mistake. The side dish vegetables also sufficient better quality than dining in .

難得去元朗，問吓地膽有啲咩好食，於是佢就推介永年士多，呢度主打馳名車仔麵咁我就梗係要試吓啦！由於第一次食朋友推薦我食大碗餸（ $86 ）佢哋可以嗌唔同嘅粉面或者係米線，咁我就叫咗米線底我朋友就叫咗粗面底，由於我鍾意食辣所以我就要咗中辣，呢碗麵都真係幾大碗有好多唔同嘅餸包括左蘿蔔、豬腸、紅腸、魚蛋、豬皮、雞翼、雞翼尖、豬紅等等…..另外飲品嗌咗支裝奶茶同埋一杯士多啤梨乳酸梳打，杯梳打唔係好甜清清地配埋辣麵都好好味，果然冇介紹錯！

叫咗兩碗車仔麵…點知其中一碗裏面有不明膠粒(Size如一粒必理痛)，再加牛皮紙碎一張衛生存疑😓成碗冇食上咗佢哋社交平台跟進，因為電話長期冇人聽。一開始客服都熱心跟進，話可安排退款，點知過咗兩日一啲聲氣都冇，不了了之。其實如果沒有能力退款或做過一換新的，道個歉也好，只係已讀不回，真係貼錢買難受。以前每星期也會幫襯，今次以後，不了。奉勸各位以後食佢啲嘢小心睇清楚。。。

一個人唔知食乜好，喺元朗廣場嗰邊就忽然想起，食吓永年嘅車仔麵都唔錯！大概2:30左右冇乜人唔使排隊！叫咗個豬紅魚蛋雞翼幼麵微辣，個麵整好嘅時候隔離仲有一碟盆菜嘅腩肉，初頭仲以為係比錯咗我原來係試食🤣🤣🤣個腩肉都幾出色，醃得好入味，入口即化。微辣基本上係完全唔辣，感覺上好似以前辣啲好味啲，個湯底有少少偏甜。幼麵份量唔算多一個人食啱啱好，都幾爽口，好味😋魚蛋有六粒，陳皮味都幾重好食😋😋😋雞翼有兩隻，唔算太入味但都幾大隻啖啖肉，但其中一隻覺得有少少冰鮮嘅味道。豬紅都有六粒，夠入味但係都算係偏甜，推薦👍🏻👍🏻👍🏻

以前食車仔麵係貪佢又平又好食又多選擇而又夠飽，而家車仔麵已成為左一種特色食物，分分鐘貴過食正正常常一餐飯，話說中午放飯同朋友行下睇下有咩食，經過永年見仲有3分鐘就開門而門口暫時得2個人排隊就話試下啦，排左1分鐘左右已經有5，6組人係我地後面排緊，好旺場。呢度係門口落完單之後就係出餐處等食物，有d似連鎖快餐店既模式，由於一行埋去就要講食乜所以都無好好認真諗要d咩餸，隻眼望到乜就過話乜，餐牌都唔記得影。我揀左個3餸麵，油麵豬腸豬皮牛肚，湯底要咖哩汁少辣，先講講個少辣既咖哩汁都已經好辣下，唔食得辣既朋友要留意，油麵煮得都ok唔會好腍，但麵底份量不多，豬腸無異味正常，腍腍地幾好咬，豬皮同牛肚都腍得黎唔會好散，麵同配料都做得唔錯，另外跟飲品普通奶茶咖啡都要12蚊，店員有推介呢個藍柑菠蘿乳酸特飲就15蚊，咁差3蚊就當然試下啦，味道飲乳酸汽水加幾粒菠蘿。場內環境都幾大幾多位，坐得都算舒服，坐左半個鐘都係咁播blackpink d歌，懷疑老闆係backpink d fans。總括黎講麵同配料都幾好既，配料份量算正常但麵底份量少同價錢都唔算平，60蚊食完個麵都只有5成飽，食完要係格黎麵包鋪買多個包食先夠