影片
喺九龙湾站行过淘大嘅马路 一定会见到呢间茶餐厅 今次喺下午茶嘅时间就决定入去食个tea😺 下午茶时间嚟 餐厅都坐得几满 大家都坐得几逼吓😵💫 不过茶记系咁㗎啦 都系坐几个字就走啦椒盐猪扒饭下午茶嘅饭餐都有平 所以叫个饭试吓 睇个外貌就唔算好差嘅🐷 入口味道都唔差 有少少香蒜味 不过食到后面啲猪扒有阵奇怪嘅苦味😿 所以都系用甜豉油捞埋个饭食 剩低晒啲猪扒柱侯牛根腩面呢个面系正常茶记发挥 牛腩份量都多 面食落冇碱水味 面质都弹牙嘅🐮 西多士见到面头𠮶片厚牛油就知冇伏🧈 西多士仲有花生酱馅 西多炸得啱啱好 唔会油淋淋😻𠮶个椒盐猪扒嘅苦味真系好令人却步 可能系我唔好彩啦😫
继续阅读
中秋夜见佢收得夜入去试下，叫左个常餐同咖哩牛腩饭。常餐炒蛋炒到干争争…. 啲通粉系发涨又淋。个汤底啲味好怪…一个茶记连常餐都可以难食都feel 到伏伏地😅😅个咖喱仲衰，首先卖相好似💩咁….食落去有阵好怪既gas味，啲牛腩好似牛肉干咁….个饭就算啦…. 想要2杯水，顶…. 水面系有一层油…. 餐厅又劲污糟… 最后惊喜的发现最好的竟然系杯冻柠茶…希望大家唔好中伏😢**唔明点解咁多人食… 究竟啲人系食开乜野？
继续阅读
以前宵夜系有炒鲜炒乌冬但系转咗餐单之后就冇喇以前都系几抵食㗎包红豆冰宜家送个例汤碗例汤超级有阵香水味越饮越想。。。。味精味都ok呀。但佢有啲香水味海鲜炒乌冬正常发挥希望宵夜餐单以后会再加佢落去啦
继续阅读
喺仲系堂食晚市可以去到10点嘅一个晚上，小编同朋友行街行到有啲肚饿，所以就入咗依间仲系营业紧嘅餐厅🤩虽然系9点几但系入面都仲系有好多人，可能都多街坊趁餐厅未闩门就过嚟提早食宵夜啦🤣牛杂河粉 $48依碗劲足料！有弹牙嘅牛筋丸、软熟嘅牛腩、份量算多嘅牛筋、大大块嘅牛肺、入味嘅牛肚😍所以牛魔王嘅小编表示食得好过瘾！配料方面除咗汤碗有嘅芽菜、干葱同白萝卜之外，仲有附送嘅一碟有潮州酸菜，入面仲腌咗啲芽菜同白芝麻，够哂开胃~野菌干烧伊面 $48一上菜嘅感觉就系：哗个「碟」好靓🤣然后一除口罩就闻到好香嘅菇味！伊面就煮得啱啱好所以食落都几烟韧~加上调味料落得足所以都够惹味。另外，个「碟」嘅设计都可以令到食到最后嘅伊面都仲热嘅，所以都唔使惊食得慢会冻哂，可以慢慢叹。用一句总结就系香味够味道足🤣儿童鸳鸯冰 $13原价$26不过跟餐特饮半价~平时好少喺其他餐厅见到依款儿童鸳鸯冰，本身都唔知系咩嚟嘅🤣饮落就知道系阿华田同好立克，两样都系小编钟意嘅嘢饮嚟，所以好满足😍两者之间比较阿华田味出啲！冻柠檬可乐 $3跟餐送例汤/咖啡/茶，冻饮就加$3。其他餐厅通常当柠乐系特饮，但依间就当佢系普通饮品，所以加$3就饮到喇👍味道就同普通柠乐差唔多🤣
继续阅读
又一间街坊茶记。永发厨房嘅下午茶系几抵食，当中我几钟意豉油王炒面配香辣鸡槌，炒面炒得几香口，味道亦够，面头仲有我最钟意嘅芝麻，唔错；鸡槌本身系原味，上枱时附上甜辣酱，所以就变成香辣鸡槌😆，虽然有啲取巧，但系鸡槌热辣辣脆卜卜，酱汁甜甜辣辣，加埋一齐，确实几滋味😋。
继续阅读